رشة ملح على الدقيق
بيضتان
نصف كيلو زبدة
كيسين لبن بودرة حوالى 5 معالق كبيرة
كيس خميرة بيرة (معلقة كبيرة)+ربع كوبايه سكر
ماء دافى للعجن التحضير:بحط الخميرة على السكر على مع حبة ميه دافيين على 3 معالق دقيق وأقلب كويس
وأحطها فى مكان دافى تخمر حوالى نصف ساعة بتعمل فقاقيع دليل إن الخميرة شغاله
وباحط بقيه المكونات ماعدا الزبدة باحط حوالى 100 جرام منها فى مكونات العجينة(وممكن عدم وضع زبدة فى العجينة خالص وإستبدالها بنصف كوبايه زيت واحتفظ بكميه الزبدة كلها خارج
مكونات العجينة) وباعجن كويس
واسيبها تخمر حوالى ساعتين فى مكان دافى وأغطيها
فكرة الكرواسون تعتمد على عمل طبقات من العجين والزبدة بحيث إن الزبدة تخلى العجينة مورقة ودة بيتحقق عن طريق الفرد والتنى للعجينه على الزبدة
(الزبدة يستحسن بنفردها على شكل بلوك رفيع( إزاى باحطها فى كيس بلاستيك واسيبها تسيح شويه وأفردها تاخد شكل الكيس وادخلها تبرد فى الفريزر)
بافرد العجينة وباحط بلوك الزبدة (ممنوع الزبدة تكون سايحة خالص بس فى نفس الوقت مش مجمدة يعنى باطلعها من الفريزر وباسيبها فى التلاجة شويه)وعلى فكرة يا بنات مش هو دة البلوك اللى إستخدمته فى الموضوع لكن الأولانى هو الأسهل أما البلوك دة فأنا كنت متحمسة جدا حبتين فحطيته زى ما هو كدة
باقفل العجينة على الزبدة
وبارش دقيق تحت العجينة وفوق العجينة و رشة الدقيق دى مهمة جدا ولا يمكن تجاهلها بأى حال من الأحوال
وبالراحة خالص وبالنشابة بافرد العجينة على شكل مستطيل طوله تلات أمثال عرضه (ب بالنشابة وازق خفيف جدا واشيل النشابة من مكانها واطلعها سنة صغيرة قدام و تانى وازق كمان وهكذا ) حتى آثار باين فى
وطبعا ممنوع إن الزبدة تخرج برة العجينة لا وهى سايحة ولا وهى مجمدة عشان كدة باكون حريصة جدا وأنا باستعمل النشابه
واطوى المستطيل 3 طيات بالشكل دة وب من فوق ومن تحت
بس اشيل آثار الدقيق الزيادة وأنا باطوى
وأدخلها التلاجة متغطيه حوالى ساعة
وبعدين أطلعها تانى طبعا بتكون متيبسه شويه
أرش تانى دقيق من فوق ومن تحت وبعدين أخبط عليها بالنشابة وازق على أبعاد متساوية عشان العجينة تستجيب وتفرد معاياوأكرر موضوع المستطيل دة مرة تانيه
وأطوى المستطيل مرة تانيه بنفس طريقة الطى الأولانيه وأررجعه التلاجة ساعة كمان وهكذا
وهكذا زى ما إنتى عايزة وكل ما زاد عدد المرات كل ما كانت النتيجة أحسن
(ممكن قوى نعمل الحكاية دى فى يوم ونخبز تانى يوم مش حيجرى حاجة ودة عن تجربة بس تانى يوم باكرر موضوع الفرد والتنى دة مرة أو مرتين عشان أكون بس مطمنة)
(ولو حسيت إن الزبدة ساحت باوقف كل حاجة وبارجعها التلاجة تجمد)
خلاص خلصت عمليه الفرد والتنى نخش بقى على التقطيع والخبيز
طبعا العجينة بتكون على شكل مستطيل وخارجةمن التلاجة
باقطع المستطيل بالعرض يبقى عندى نصفين حادق وحلو
بافرد النصف الأولانى بالشكل دة وباساويه من أطرافه وأقطعه مثلثات
وبالف الكرواسون بالشكل المعتاد
وباحط الحشوة اللى أنا عايزاها اللى فى شكولاتة بيضا على سودا
وبادهن صينية سمن خفيف وبارص الكرواسون واسيبه يخمر فى مكان دافى حوالى ساعة قبل
الفرن برضه الخطوة دى مهمة جدا
فى الوقت دة بتكون الفرن والعة من قبلها بفترة كافيه وعلى درجة حرارة 200
وقبل الخبيز مباشرة بادهن الكرواسون بصفار البيض على شويه لبن وكيس فانيليا