|
يبدو أن البلطجة لا تزال موجوده بل و يتم تطويرها كل فتره و زيادة التسليح مع البلطجيه من خلال الصواعق الكهربائيه و غيرها , مش عارفين نهاية البلطجة دى أية و أزاى أماكن فيها حركة سير و متكونش متأمنه كويس , و فين سيارات الدوريات تعمل تمشيط للأماكن الحيوية و أماكن سير السيارات و السفر ! أنا أعرف أن أى دولة فى العالم فيها سيارات دوريات لتأمين كل شبر على أرضها و بما أن مصر فى الحاله دى المفروض يكون فيه سيارات مزوده بكاميرات و ميكروفونات عشان برضه مفيش ظابط أو أمين شرطة يقوم بدور البلطجيه بنفسه و فى نفس الوقت للأشخاص المحترمة من الظباط و أمناء الشرطة عشان مفيش متهم يشكك فى القضية لأنه كدة كدة هيكون متصور , و لكن لما يكون معروف أن الكل متراقب أكيد هيكون غصب عن الجميع أنهم يشتغلوا صح , مكان الحادث فى هايبر وان فى منطقة السادس من أكتوبر و مجموعة من البلطجية قاموا بالسطو المسلح على حمزاوي وبسمة أثناء استقلالهما سيارة الأخيرة؛ وتوجههما للسحور بمنطقة الشيخ زايد، ومعهما أفراد من أعضاء حزب مصر الحرية، حيث فوجئوا بمهاجمتهم بأسلحة آلية وصواعق كهرباء، وسرقة جميع متعلقاتهم , من الغريب فى الأمر أنه تم أختطاف بسمة لمده ساعة ثم تركوها فى طريق الشيخ زايد دون أصابتها بأى مكروه , و أكد عمرو حمزاوى بعدم أصابتة بأى أضرار كما أنه قام بتقديم بلاغ للجهات المختصة و قالت المباحث أنها تكثف جهودها للبحث عن الجناه و معرفه هويتهم وأمر أحمد ابو المجد وكيل نيابة أكتوبر باستدعاء بسمة وعمرو حمزاوي للاستماع لأقوالهما , و أكيد مستمرين معاكم فى أى تطورات و أخبار جديدة لننقلهم لكم
|
|
هما كانوا رايحين يتسحروا في الحزب ( آل يعني مفيش سحور إلا في الحزب ) وكانوا ماشيين على الطريق الصحراوي حوالي الساعة 2 صباحاً تقريبا السحور من 3 صباحاً الشباب شافهم اعترضهم وقالوا صيدة بس دي الحكاية أنا مش عارف حزب اية اللي هيتسحروا فيه دة حزب وداد
|
|
اللى ناقل الخبر المفروض يعنى يتميز بالحياد فين الحياد دة
|
|
هما كانوا رايحين يتسحروا في الحزب ( آل يعني مفيش سحور إلا في الحزب ) وكانوا ماشيين على الطريق الصحراوي حوالي الساعة 2 صباحاً تقريبا السحور من 3 صباحاً الشباب شافهم اعترضهم وقالوا صيدة بس دي الحكاية أنا مش عارف حزب اية اللي هيتسحروا فيه دة حزب وداد
دا حتى فيه مثل بيقولك أدى غداك لحبيبك و أدى عشاك لعدوك لكن لو فيه ناس بتتعزم على شحور ية المشكلة مش أحسن مايتحسروا فى حفلة ولا فى كباريه ! و كأنها عزومه يعنى أنت فى رمضان مش بتتعزم يعنى ؟ و ربنا يستر و ميكونش حصلت حاجات أكتر من كدة معاهم او مع غيرهم |
|
انا مش بحب عمرو حمزاوى ولا تهمنى اخباره اساسا
|
|
انا مش بحب عمرو حمزاوى ولا تهمنى اخباره اساسا
بالنسبه لأن محدش بيهمك عشان أنت متتعبش بس ممكن متدخلش الموضوع من أصلة و متقراش الموضوع إلا بقى لو كانت شماته |
|
ربنا يه ديك يا حمزاوي وتبطل حرب في الشريعه
وباذن الله مصر اسلاميه |
|
ربنا يه ديك يا حمزاوي وتبطل حرب في الشريعه
وباذن الله مصر اسلاميه يا ريت تكون الردود فى مضمون الموضوع نفسه |
|
اسلاميه غصب عنك يا حمزاوى انت والرعاع اللى معاك
|
|
اسلاميه غصب عنك يا حمزاوى انت والرعاع اللى معاك
و هل كلمة الرعاع و التهجم على أى شخص دة بيعطى صورة كويسة للإسلام و الأحكام الإسلامية ؟ عايزة أقولك حاجة فى صميم التهجم على الأشخاص لأن فيه ناس كتيرة وصلت للإلحاد بسبب التعصب بص كدة على اليوتيوب و الفيس بوك فى الردود و شوف فيه كام واحد بقى ملحد بسبب التهجم و الترهيب من الإسلام و أنت ممكن تغير طريقتك فى الحوار , و لو مغيرتش طريقتك فى الحوار أتحمل ذنبهم , و لو أستمريت و مغيرتش طريقتك فى الحوار يبقى أنت متعمد لإلحاد هؤلاء الأشخاص |
