فى البدايه أنا نفسى قبل ماموت أشوف عربيه مصريه حتى لو كانت 80% مصنعه فى مصر لكن أقل من كدة بصراحه أنا عمرى ماهفرح و هموت و أنا مقهوره على بلدى , ساعات بتقهمر أكتر عشان بسمع أن فيه دول كتيرة بيكون فيها سوق للسيارات المستعمله بمعنى أننا عايزة أبيع السيارة دى بروح السوق دة و أحط السيارة هناك و أروح بيتنا و بعد فتره لو أنت عجبك السيارة دى بتتفق مع أشخاص متواجدين فى السوق و بيتم الأتصال بيا و بيقولولى على سعر البيع و أنا بوافق ولا لأ , على فكرة هناك ممكن تشترى عربيه نضيفة جدا مفيهاش أى حاجة بألفين دولار و طبعا أنتوا عارفين التقفيل الأجنبى و الكلام دة عامل أزاى كويس
البدايه فى مصر كانت نصر
البدايه كانت فى مصنع النصر لتجميع السيارات أيام جمال عبد الناصر فى عام 1960 لما كان نفسه مصر تكتفى ذاتيا من كل السلع و من كل الأحتياجات والأستهلاكات و تم فتح مصنع نصر عشان يجمع السيارات الفيات و فى المستقبل كانوا ناويين ينتجوا سيارات مصريه فى المصنع دة , المصنع فضل شغال فتره طويله جدا و بيجمع فى سيارات الفيات و بالأخص فيات 128 و كانت أياميها تطور غير طبيعيه فى عالم تجميع السيارات ومصر أنتجت فى الفتره دى نسبه 40% من السيارات الملاكى و 75% من اللورى و الأتوبيسات , التجارب فى شركة و مصنع نصر كانت كتيرة جدا و وصلت إلى فكرة سيارة بالطاقة الشمسيه و سميت فى وقتها بأسم شمسون ثم وصلت مصر لأنها تنتج سيارة أسمها رمسيس مصر أنتجت نسبه بسيطة فيها و أستوردت الباقى و كانت بصراحه فى وقتها كويسة جدا و لو كانت مصر أستمرت فى الأنتاج كان زمانها عملت سيارة بالكامل مصريه و بأمكانيات متطورة زى الموجودين حاليا , و طبعا شركة سيات كانت برضة بتجمع فيات و لكنها تطورت و أنتجت و شوفوا دلوقتى سيات فين و نصر فين ! طبعا الفرق شاسع , شركة نصر دلوقتى مقفولة و شركة سيات دلوقتى بتنتج من أقوى السيارات فى العالم !
سقوط نصر
راح الزمن و دارت الأيام زى مابيقولوا و روح يا زمن تعالى يا زمن شركة نصر أتخصخصت و أتقفلت يا رجاله بعد تسريح العماله و نجح المخطط الأجنبى فى أسقاط أى شئ فى طريقة للنجاح و كالعادة حكومة مبارك السابقة كانت بتخصص أى شئ بأى سعر حسب مزاج المشترى و كأنها تريد خسف أى شئ له ثمن
النصب فى 2009 علنى بالنانو أيجيبت
فى مرحله جديده من النصب و بعد ظهور السيارات الصينى و أنتشارها مثل BYD و أشياء أخرى منهم الناجح و منهم الذى لم يسمع عنه أحد أى خبر حتى الأن , قرر شخص حب ينصب على الناس أسمه رضا غازى بعد نزول أرخص سيارة فى العالم التاتا نانو الهنديه , الشخص دة جه قال بس أنا عملت أرخص سيارة فى العالم و فى مصر كمان , قولنا يا سلام دى حاجة حلوة أوى و أنا أول شخص كنت متابعة جدا فى مايحدث و مش عارفة ليه حبيت أدور ورا الشخص دة و أتصدمت صدمه غير طبيعيه , السيارة أولا 600 سى سى و عند تجربتها من صحفيين تابعين لمجله السيارة مكانش فيها مارشدير و مكانتش بترجع لورا ! و دا طبعا بسبب ضعف الماتور , و دا غير صوت الماتور و كأنه صوت ماتور فزبه أو موتوسيكل , بعد السؤال عن النانو إيجيبت الخاصه بالشخص الذى يدعى رضا غازى عرفنا انها سيارة صينى مجمعة فى الصين بالكامل و من أسوء الخامات و سعرها لا يتعدى فى الصين 9 ألاف جنيه مصرى , و تنزل فى مصر بسعر أبتدءا من 25 ألف جنيه إلى 45 ألف جنيه على ماأظن دا غير طبعا أن فيه أنواع و بيقولك أل أية فيه منها 1100 سى سى و فيها تكييف , طيب ماهو عادى بس ياترى سعرها بالكامل فى الصين و بعد شحنها بيعمل كام مصرى ؟ فحسيت أنها صفقة بتتعمل على الشعب الغلبان دة و بيتسرق عينى عينك و الحكومة ساعتها كانت واقفة بتتفرج و مفيش أى كشف عن أى شئ حتى على الأقل وسائل الأمان و عرفت ساعتها أن الحكومة عمرها ماهتعمل حاجة ترضى بيها الشعب ولا عمرها هتحاول تحافظ على أرواح الشعب و الأجمل و إلى بجد تعبت منه نفسيا أن فى قناة المحور جابوا تقرير عن السرقة العينى عينك دى و فرحانين أوى بيها ولا حياة لمن تنادى و صوتى كان أتنبح والله رغم أننا تعبانه فى البحث دة و أتصدم فى الحقيقة !
الأمل يعود بسبب فنون جميله
بصراحه شوفت حلقة بعد كدة و أنا بدعبس فى اليوتيوب لقيت حاجة مكتوب عليها أول سيارة مصريه و كلية فنون جميله و مهرجان معمول فى اليوتيوب أنا عن نفسى مصدقتش نفسى و قولت يا بت أدخلى برجلك اليمين و أتفرجى يمكن ربنا يكرم و نطلع بكلمتين مفيدين , دخلت لقيت أن كليه فنون جميله عملت 5 تصاميم لسيارات مختلفة أى نعم الميكانيكا بالكامل مأخوذه من سيارات أخرى و لكن التصميم بالكامل بأفكار و أيادى مصريه 100% و لكن برضة معجبنيش الكلام عن السعر لأنهم أخدوا الموضوع بصورة تجاريه أكتر ماهى بصورة مصنع كبير مستقبلا و أنتاج قومى يعنى الفكرة فى دماغهم بالنسبه لو دى أتسوقت فهما عايزين يكسبوا أكبر مبلغ ممكن فى أقل وقت و دا فكر المستثمر عمتا و للأسف دى كانت فكرتهم و بالرغم من الفكرة الخاطئة دى بس أنا بجد الأمل زاد فيا جدا و حسيت أن دلوقتى سهل نعمل تصميم و يتطبق على أرض الواقع و يبقى عندنا صاج بالكامل مصرى و الشكل مصرى 100%
سيارة التحرير 2011 بعد الثورة
طبعا الثورة مكاسبها إن شاء الله تظهر فى الأيام القادمه و إن شاء الله تكون فتحة خير على جميع المصريين وخير الدولة دى يكون لشعبها و مش للأجانب أو المستثمرين الأجانب و الخصخصه و الكلام دة كله , و لقينا شباب كويس جدا بيحاول يعمل حاجة للبلد و طلع بفكره جميله و هى سيارة مصريه و لكن المره دى بيحلموا إنها تكون 100% من أول التصميم و الشكل و الصاج لحد الماتور و أرقام الشاسية , طبعا المشكلة فى مصانع التغذيه يعنى من النهايه عشان تعمل سيارة بالكامل لازم مصانع تغذيه زى الكاوتش و زى الجنوط و زى مسامير حديد و مواتير و علب جاكمانات و الردياتير و الحاجات دى كلها لازم مصانع تنتجها و فى الأخر تتجمع فى مصنع بيتم أنتاج السيارة فيه , و للأسف دا مش متوافر بالكامل فى مصر و لكن نتمنى أنه يتوافر فى أقرب فرصة لعمل هذا المشروع قريبا و إن شاء الله نشوف حاجة مصريه 100% و دا إلى بتمناه
أنت شايف أية ؟
بس يا ترى بعد كلامى دة كله أنت عن نفسك شايف أية !
أنا شايفة أنه 50% هنصنع إن شاء الله سيارة كاملة
و شايفة أن 50% مش هنقدر لأنى بجد متحيره جدا
فمنتظرة طبعا أشوف أرائكم عشان أقدر أفهم أحنا رايحين على فين
البدايه فى مصر كانت نصر
البدايه كانت فى مصنع النصر لتجميع السيارات أيام جمال عبد الناصر فى عام 1960 لما كان نفسه مصر تكتفى ذاتيا من كل السلع و من كل الأحتياجات والأستهلاكات و تم فتح مصنع نصر عشان يجمع السيارات الفيات و فى المستقبل كانوا ناويين ينتجوا سيارات مصريه فى المصنع دة , المصنع فضل شغال فتره طويله جدا و بيجمع فى سيارات الفيات و بالأخص فيات 128 و كانت أياميها تطور غير طبيعيه فى عالم تجميع السيارات ومصر أنتجت فى الفتره دى نسبه 40% من السيارات الملاكى و 75% من اللورى و الأتوبيسات , التجارب فى شركة و مصنع نصر كانت كتيرة جدا و وصلت إلى فكرة سيارة بالطاقة الشمسيه و سميت فى وقتها بأسم شمسون ثم وصلت مصر لأنها تنتج سيارة أسمها رمسيس مصر أنتجت نسبه بسيطة فيها و أستوردت الباقى و كانت بصراحه فى وقتها كويسة جدا و لو كانت مصر أستمرت فى الأنتاج كان زمانها عملت سيارة بالكامل مصريه و بأمكانيات متطورة زى الموجودين حاليا , و طبعا شركة سيات كانت برضة بتجمع فيات و لكنها تطورت و أنتجت و شوفوا دلوقتى سيات فين و نصر فين ! طبعا الفرق شاسع , شركة نصر دلوقتى مقفولة و شركة سيات دلوقتى بتنتج من أقوى السيارات فى العالم !
سقوط نصر
راح الزمن و دارت الأيام زى مابيقولوا و روح يا زمن تعالى يا زمن شركة نصر أتخصخصت و أتقفلت يا رجاله بعد تسريح العماله و نجح المخطط الأجنبى فى أسقاط أى شئ فى طريقة للنجاح و كالعادة حكومة مبارك السابقة كانت بتخصص أى شئ بأى سعر حسب مزاج المشترى و كأنها تريد خسف أى شئ له ثمن
النصب فى 2009 علنى بالنانو أيجيبت
فى مرحله جديده من النصب و بعد ظهور السيارات الصينى و أنتشارها مثل BYD و أشياء أخرى منهم الناجح و منهم الذى لم يسمع عنه أحد أى خبر حتى الأن , قرر شخص حب ينصب على الناس أسمه رضا غازى بعد نزول أرخص سيارة فى العالم التاتا نانو الهنديه , الشخص دة جه قال بس أنا عملت أرخص سيارة فى العالم و فى مصر كمان , قولنا يا سلام دى حاجة حلوة أوى و أنا أول شخص كنت متابعة جدا فى مايحدث و مش عارفة ليه حبيت أدور ورا الشخص دة و أتصدمت صدمه غير طبيعيه , السيارة أولا 600 سى سى و عند تجربتها من صحفيين تابعين لمجله السيارة مكانش فيها مارشدير و مكانتش بترجع لورا ! و دا طبعا بسبب ضعف الماتور , و دا غير صوت الماتور و كأنه صوت ماتور فزبه أو موتوسيكل , بعد السؤال عن النانو إيجيبت الخاصه بالشخص الذى يدعى رضا غازى عرفنا انها سيارة صينى مجمعة فى الصين بالكامل و من أسوء الخامات و سعرها لا يتعدى فى الصين 9 ألاف جنيه مصرى , و تنزل فى مصر بسعر أبتدءا من 25 ألف جنيه إلى 45 ألف جنيه على ماأظن دا غير طبعا أن فيه أنواع و بيقولك أل أية فيه منها 1100 سى سى و فيها تكييف , طيب ماهو عادى بس ياترى سعرها بالكامل فى الصين و بعد شحنها بيعمل كام مصرى ؟ فحسيت أنها صفقة بتتعمل على الشعب الغلبان دة و بيتسرق عينى عينك و الحكومة ساعتها كانت واقفة بتتفرج و مفيش أى كشف عن أى شئ حتى على الأقل وسائل الأمان و عرفت ساعتها أن الحكومة عمرها ماهتعمل حاجة ترضى بيها الشعب ولا عمرها هتحاول تحافظ على أرواح الشعب و الأجمل و إلى بجد تعبت منه نفسيا أن فى قناة المحور جابوا تقرير عن السرقة العينى عينك دى و فرحانين أوى بيها ولا حياة لمن تنادى و صوتى كان أتنبح والله رغم أننا تعبانه فى البحث دة و أتصدم فى الحقيقة !
الأمل يعود بسبب فنون جميله
بصراحه شوفت حلقة بعد كدة و أنا بدعبس فى اليوتيوب لقيت حاجة مكتوب عليها أول سيارة مصريه و كلية فنون جميله و مهرجان معمول فى اليوتيوب أنا عن نفسى مصدقتش نفسى و قولت يا بت أدخلى برجلك اليمين و أتفرجى يمكن ربنا يكرم و نطلع بكلمتين مفيدين , دخلت لقيت أن كليه فنون جميله عملت 5 تصاميم لسيارات مختلفة أى نعم الميكانيكا بالكامل مأخوذه من سيارات أخرى و لكن التصميم بالكامل بأفكار و أيادى مصريه 100% و لكن برضة معجبنيش الكلام عن السعر لأنهم أخدوا الموضوع بصورة تجاريه أكتر ماهى بصورة مصنع كبير مستقبلا و أنتاج قومى يعنى الفكرة فى دماغهم بالنسبه لو دى أتسوقت فهما عايزين يكسبوا أكبر مبلغ ممكن فى أقل وقت و دا فكر المستثمر عمتا و للأسف دى كانت فكرتهم و بالرغم من الفكرة الخاطئة دى بس أنا بجد الأمل زاد فيا جدا و حسيت أن دلوقتى سهل نعمل تصميم و يتطبق على أرض الواقع و يبقى عندنا صاج بالكامل مصرى و الشكل مصرى 100%
سيارة التحرير 2011 بعد الثورة
طبعا الثورة مكاسبها إن شاء الله تظهر فى الأيام القادمه و إن شاء الله تكون فتحة خير على جميع المصريين وخير الدولة دى يكون لشعبها و مش للأجانب أو المستثمرين الأجانب و الخصخصه و الكلام دة كله , و لقينا شباب كويس جدا بيحاول يعمل حاجة للبلد و طلع بفكره جميله و هى سيارة مصريه و لكن المره دى بيحلموا إنها تكون 100% من أول التصميم و الشكل و الصاج لحد الماتور و أرقام الشاسية , طبعا المشكلة فى مصانع التغذيه يعنى من النهايه عشان تعمل سيارة بالكامل لازم مصانع تغذيه زى الكاوتش و زى الجنوط و زى مسامير حديد و مواتير و علب جاكمانات و الردياتير و الحاجات دى كلها لازم مصانع تنتجها و فى الأخر تتجمع فى مصنع بيتم أنتاج السيارة فيه , و للأسف دا مش متوافر بالكامل فى مصر و لكن نتمنى أنه يتوافر فى أقرب فرصة لعمل هذا المشروع قريبا و إن شاء الله نشوف حاجة مصريه 100% و دا إلى بتمناه
أنت شايف أية ؟
بس يا ترى بعد كلامى دة كله أنت عن نفسك شايف أية !
أنا شايفة أنه 50% هنصنع إن شاء الله سيارة كاملة
و شايفة أن 50% مش هنقدر لأنى بجد متحيره جدا
فمنتظرة طبعا أشوف أرائكم عشان أقدر أفهم أحنا رايحين على فين