اكد اللواء منصور عيسوى وزير الداخلية انه ستكون هناك ضوابط جديدة تنظم قبول الطلاب باكاديمية الشرطة..و اكد ان نظام توزيع الحصص لطلاب اكاديمية الشرطة على المستشارين وأعضاء مجلس الشعب وضباط الشرطة والوزراء انتهى إلى الابد.. ولن يعود هذا النظام الذى كان يجبر الاكاديمية على تفضيل أهل الثقة عن أهل الكفاءة..

كما اضاف العيسوى على أنه لن يكون هناك أى تعنت او حساسية تجاه أى مواطن يحمل أفكاراً واتجاهات مختلفة من أى تيار دينى او سياسى للالتحاق بالأكاديمية مادام هو الأكفأ من غيره..وانه هذا العام قد تقدم للقبول بالاكاديمية 24 الف طالب سيتم اختيار 1000 منهم فقط على اسس تعتمد على الجدارة و الكفاءة فقط دون النظر الى اية معايير اخرى..

.و اكد ان نظام توزيع الحصص لطلاب اكاديمية الشرطة على المستشارين وأعضاء مجلس الشعب وضباط الشرطة والوزراء انتهى إلى الابد

طبعا هو المفروض يحصل كده والا ايه لازمت الثورة بقى لان ده في حد ذاته يعتبر فساد
وياريت كمان تترفع الحصانات من اعضاء مجلس الشعب علشان العضو اللي يترشح يكون صادق وعنده ضمير ودخل مجلس الشعب علشان يوصل صوت المواطن ويعبر عنه مش علشان يضحك على الشعب وياخد الحصانه ويهرب ممنوعات ويفعل اشياء غير قانونيه تحت الحصانه

بارك الله فيك أخي الكريم وشكرا

على كده ان شاء الله ممكن نشوف ظابط اخوانى او سلفى !!

التصريحات كتير ومفيش اى حاجة بتحصل دلوقتى غير فساد وسرقة وبلطجة وكل حاجة ماشية زى الاول وألعن كمان


امتة بقى نبطل كلام وتسجيد فينا ونشتغل ونشيل الوجوة الزبالة دى كلها ؟

كلام جميل بس احنا لسة زي زمان وعود واستخفاف بالناس ومفيش عمل...........المهم : أنا كنت بأحد الكافيتيريات في المحافظة عندنا جي تلاتة راكبين عربية جيب وقعدوا علي الطربيزة اللي جمبي وبيتكلموا في مشكلة .... المشكلة هي ان واحد كان عايز يدخل ابنه الشرطة وادا للناس دولة مبلغ 45 ألف من 100 ألف جنيه كانوا متفقين عليها قبل كدة لكن في النهاية الواد نزل في الاختبارات .... فأبو الواد عايز المبلغ اللي دفعه ......... فين كلام الوزير من الواقع اللي بيحصل

كلام جميل و كلام معقول مقدرش اقول حاجة عنه .. مع الاعتذار ( للبلى مراد ) .. بس ياريت الكلام ده يتنفذ ...

افلح ان صدق
بصدق نفسى اشوف ايجابيات الثورة بتتحقق يوم بعد يوم حتى يأخذ كل مواطن حقة المشروع

السلام عليكم ورحمة الله وبركاته : طبعا في البداية لن أستطيع التشكيك في كلام الوزير الفاضل المفروض أنه تم تعيينه لحكومة الانتقال أي حكومة مؤقته لحين الاستقرار وتسليم السلطة وكل ما يتم الان مجرد كلام والبلد في حالة تدهور مستمر في جيمع الوزارات حكاية عن نفسي كنت في المستشفي اليوم الواحد سابقا أم الرئيس السابق حسني مبارك كانت مستشفي جنة بمعني الكلمة ولما زرتها امس صعب عليا المبلغ الطائل الذي تم الصرف عليه من اقل من سنة لو دخلتوا المستشفي الانسان الجيد يمرض مما فيها من زبالة و الجدران تشققت وجميع الاجهزة سرقت ونهبت أما عن المركز المفروض أنه الشرطة في خدمة الشعب لا ينفع ولا يضر كل يوم مشاكل تبدأ باليد وتنتهي الا المشرحة وعند الاتصال بالشرطة تأتي بعد أنتهاء المشاجرات في النهاية مثل زمان وطبعا مغلولة الايدي أما عن باقي الوزارات اليوم أنا غيرت أنبوية المفروض أنها قبل الثورة بخمسة جنية أما بعد الثورة العربة العادية 7 أو 8 جنية ولو وصل للبيت يبقي دخلت في سكة 15 جنية وطبعا عند السؤال هو ليه بعد الثورة الحاجة أسعارها في السحاب يقولوا الاسعار بتغلي يا باشا وبعيدين فيه ورانا ناس بتاكل يعني لسه السفاد منتشر وفي جميع القطاعات ... لم أسمع من قبل رمضان أي وزير أو حتي سيادة رئيس الوزراء الذي أحترمه أين هو من الشعب ماذا فعلوا للشعب البنزين أسعار في السحاب ويباع في السوق السوداء المحسوبية مازلت قائمة في جميع القطاعات اين الوزراء من مسئولياتهم اين مرورهم علي القطاعات الخاصة بيهم ........... السؤال الذي اود طرحه علي أي مسؤل لماذا قبل حلفان اليمين يكون الاستعداد للتغيير وبعد الوصول للكرسي يكون البطئ والتماس الاعذار ؟ لماذا ؟ ..........وشكرا لكم

كلام الوزير كدب لسه الوساطه شغاله زى ماهى

ياريت نشوف فعل ان شاء الله بدلا من الكلام على الفاضى

على كده ان شاء الله ممكن نشوف ظابط اخوانى او سلفى !!

انت وانا بس نتكل على الله وكله حيمشي

مصر عزيزي كلها مسلمين ومفيش حد احسن من حد وحتى الاقباط فهم اكثر المسيحيين تمسكاً بدينهم من بين كل المسيحيين العرب وبهذا فهم الاقرب لروح الفضيلة والتي هي عمق الاسلام كما تعرف
وعندما يشعر معظم الناس ان هذه هي بلدهم وهذا هو شعبهم وان مستقبل اولاده متوقف على نجاحة هو ونجاح اختياراته فكل شيء سيسير كما نحب ونرضى ان شاء الله

كله كدب والله ابن اختى السنه دى الحمد لله نجح فى ثانوية عامة وهو بسم الله ما شاء الله طوله فوق ال 190 وجسمه حلو قلنا السنه دى مفيش واسطة ولا فلوس يروح يختبر يمكن تكون الثورة غيرت وراح الواد الاختبار الاول الطول والوزن وطبعا اتقبل بعد كده قلهم الظابط اولاد ظباط الشرطة هنا وولاد ظباط الحربية هناك وولاد المستشارين يمين والباقى شمال وراح الواد شمال ودخل اختبار اسمة اختبار السمات وطبعا سقط وتقلى مفيش كوسة حسبى الله ونعم الوكيل والله البلد دى لم ولن تتغير لولم يتغير هذا الجيل بالكامل جيل مبارك

على كده ان شاء الله ممكن نشوف ظابط اخوانى او سلفى !!

مش للدرجة دى مشرفنا العام

اكيد لن تتم الموافقة الا بعد عمل التحريات اللازمة لكل طالب مقبول بالكلية

ومهمتهم التنقيب عن كل صغيرة وقبل الكبيرة عن سير كل طالب وعائلته

اطمئن جدا

شكرا مشرفنا العام ابو حرب