" اتحاد شباب الثورة " "اتحاد شباب الثورة" و"تحالف القوى الثورية" و"ائتلاف شباب الثورة" هؤلاء الاحزاب من ضمن 33 حركة وحزب سياسين دعوا الي المشاركة في مليونية اطلقوا عليها اسم " جمعة انقاذ الثورة" وحددوا موعدها يوم الجمعة 30 سبتمبر الحالي
اما بالنسبة عن المطالب فهم يدعوا الي
إلغاء المحاكمات العسكرية للمدنيين وتفعيل قانون الغدر وإلغاء قانون الطوارئ ووضع جدول زمني لتسليم السلطة وتطهير النيابة العامة وعزل النائب العام وتطهير القضاء واستقلاليته وإلغاء وزارة الإعلام وعزل أسامة هيكل وإبراهيم الصياد وكذلك تعديل حركة المحافظين وعزل العسكريين منهم والتأكيد على مدنية الدولة

واكد عمرو حامد عضو المكتب التنفيذي لاتحاد شباب الثورة أنهم ينوون الدخول في اعتصام مفتوح في ميدان التحرير حال استمرار المجلس العسكري في تجاهل مطالب الثورة
ولكن السؤال هنا هل تتفق معهم عزيزي القارئ في النزل الي التحرير لاستكمال مسيرة المليونيات واقاذ الثورة ام ترفض ؟؟؟؟

ياعم ارحمونا بقى حرام عليكم والله

ارحمونا بقي عطلتوا حال البلد كل اللي عاوزينه هايحصل بس خلوا الناس تشوف مصلحتها

بلا مليونيات بلا زفت كفايه حرام البلد بتضيع

اوافق ومستعد للمشاركة بدلا من استمرار ترقيع نظام مبارك الفاسد

حتى الان لم تم شئ من مطالب الثوره ولم نرى سوى البطئ لذلك اوافق على جمعة انقاذ الثوره واعتصام مفتوح حتى تنفذ المطالب المشروعه نحن لم نطلب شئ خارج عن الفانون

ولكن السؤال هنا هل تتفق معهم عزيزي القارئ في النزل الي التحرير لاستكمال مسيرة المليونيات واقاذ الثورة ام ترفض ؟؟؟؟

عن نفسى عاوزة شوية هدوء وتريث وصبر

شكرا مشرفنا العام سمارت ماااااااااااااااااان

شكرا مشرفنا الكريم" ومن تقدم لتقدم ان شاء الله.

ارجو المهل فالتظاهر الان لايعطى لى ثمار فيجب الوثوق بحكمة الجيش الذى ليس لة اى مصالح سوى الوطن واذا كان الله سبحانة وتعالى قد خلق الدنيا فى ستة ايام فيجب ان ننتظر ونعطى الفرصة لللانتخابات مجلس الشعب والرئاسة حتى تستقر اوضاع البلد فبرغم البطء الشديد يوجد هناك امل

يا جماعة اصحاب المشاريع الصغيرة بتنهار وهذه الحكومة حكومة تسيير اعمال لحين انتخاب مجلس شعب وحكومة ورئيس جمهورية فماهو المطلوب منها هل تقترض لارضاء الشعب وزيادة المرتبات بالديون كما فعلت الحكومات السابقة اتقوا الله في شعب مصر - ثم كيف نطالب بالغاء المحاكم العسكرية لمحاكمة البلطجة احنا كان الحزب الوطني واعضائة يدوسون علينا بالجزمة الان البلطجية هم الذين يدوسون علينا بالجزمة ولكن جزمة قذرة وفي الحالتين الطبقة المتوسطة هي التي تعاني هل رايت هؤلاء الرعاع الذين يعتدون علي وزارة الداخلية ومديرية الامن الا يطبق عليهم قانون الطواريء فمن لاينادي بذلك يعتبر مدافع عن البلطجة ويعد منهم اتقوا الله في مصر

واللهى العظيم مش هيتنيلو ويسكتوه الا لم يخلو الشعب هو الى يخرجهم من الميدان بجد...
وساعتها لا تقول جمل ولا حصان هيبا موقعة الخنقه والطقاقان .....

انا مش موافقه على اي شىء انقاذ ثورة ايه هما اللى بيهدوها بايديهم

عارفين لو عملنا استفتاء احنا مع مظاهرة تانية ولا لا لكل الشعب هيقولوا لا لا لا لا

اللى بيحب مصر مش هينزل فى مظاهرة تانى لازم ندى فرصة للمجلس العسكرى وللناس عشان تشتغل ونشوف مصلحة مصر

واكيد بلطجية هيندسوا عشان يخربوا اكتر واكتر واحنا بديهم فرصة لكده

اتهدوا ولنبى البلد مش ناقصاكم

الحقيقة أن المجلس العسكرينو أسلوبه غامض وغير مفهوم ويوجد حالة من انعدام الثقة بين الثوار وبينه

أولاّ بعد إحترامى لكل التعليقات والاّراء الموجوده ( أقسم بالله العلى العظيم كل ما أتحدث عنه حقيقى ) أنا إسمى محمد من الغردقه أعمل بالجهاز المركزى للتعبئه العامه والإحصاء فرع البحر الأحمر وتم فصلى من العمل تعسفياّ بسبب إرسال فاكس للجهاز ( أسفين لعمل إضراب لمستحقات لنا منذ 5/2010 ولم تصرف لنا حتى تاريخه ) وبالفعل أضربنا لمدة لا تتجاوز 7 أيام ومنعونا من التوقيع فى الدفاتر ( أى قانون الذى يمنع الموظفين من التوقيع بدون تحقيق ) وهذا الجهاز خاضع لمجلس الوزراء والقاده الموجوده حاليا أغلبهم من العسكريه ولن أقتضى راتبى منذ شهر 6 وعندما ذهبت إليهم قالوا لى بسخريه (إنسى مالناش دعوه بيك ) ولما طلبت مقابلة رئيس الجهاز رفضوا بإختراعات الحجج وكانت المعامله قبل ذلك كانت تقريباّ أحسن من الاّن ومن المفروض العكس بعد الثوره العظيمه وهددت بأن سألقى بنفسى من الدور 12 إستفزونى وقالوا إعملها وضحكوا بالرغم إنى كنت بحب الجيش أما الاّن !!!!!!!!!! (والله على ما أقول شهيد )

التورة الحقيقية هي تورة ليبيا.............

هذا هم الثوار احرار مادامت سلميه ولاتاخر المسيره ولماذ نقول لا وهم الثوار على حق * وانا معهم *الذى يقول لا *لايعرف الشباب الحلو الموجود كل جمعه فى الشمس ومن قبل تحت المطر والبرد فى الليل على الاسفلت وعلى الرصيف *لكم الشكر يثوار مصر انا اليوم احسن من امس وانتم فى النار وانا فى الظل **وانا موافق على المطالب وادفها وباذن الله ثوف اشارك
**الله يرعاكم يثوار مصر****سمير الجحش******

اتفق معاكو يا جماعة في ارائكم وكم انا سعيد بهذة الاراء التي تنم عن الخوف علي مصر والحرص عليها

نعم اوافق علي الاعتصام ده وبشده ويا جماعه دول ما احنا حنفضل كده مختلفين في الرئي كده مش حنوصل لاي حل في البلد دي فلازم يا شعب مصر ارجوكوم نوحد ارئنا ومطالبنا جميعا علشان نوصل لحل مناسب للبلد دي ولمستقبل اولادنا ان شاء الله انا عن نفسي اوافق علي المطالب والتغيير وارجو من الجميع المشاركه في الجمعه دي ونكون كلنا ايد واحده من الثوره علشان تكمل الثوره العظيمه وحفظا الله مصر وشعبها العظيم

حتة الان ماشوقتش حاجة ولا استفد من الثورة لا انا ولا معظم الشعب الفقير اولا الغلابه بالعكس انا خاسس ان الثورة بقت فوضي وكل اللى خنفيته بتنقط عايز يعمل مليونبة ويعرض مطالب ارحمونا بقىتورة 23 بانة نتيجتها بعد 3 او 4 سنين والبلد والله على وشك تفليس لازم نشتغل وننتج اولا وبعدها نطالب بالحقوق

لا اوافق نهائيا على المساخر دى بقى كفايانا قرف .. بكرة الجامعة تفتح و الكل يتلم مش كده و الا ايه ... و الشكر الموصول لرجل الاصول باراااااااااااااااااديس ماااااااااااان .......
و خير الختام ذكر النبى عليه الصلاة و السلام ******

ياعم مليونيات ايه ..
موعد الإنتخابات اتحدد !
أما الطالب ليست كلها صحيحة ،ولا أقبلها جميعاً

شعار الشعب الان

لو محستش بتغيير متنزلش ميدان التحرير

والله من حقهم المفروض الحكومة تتحرك وتعمل حاجة

لا اوفق على التظاهرات بالمره
يجب على الشباب العمل العمل
واللى بحب مصر فعلا يجب ان يكد ويتعب لاجل مصرنا الجبيبه

ما فيش حاجه فى متطلباتهم غلط و عندهم حق فى كل كلمه
الناس دى عايزه الخير للبلد
ليه التراخى ده فى تلبيه نداء الوطن يا جماعه
مصر لازم تطهر من كل الفساد اللى لسه معشش فيها
مصر محتاجه لكل مصرى شريف يقول كلمه حق لله
الناس دى بتطالب بحقكم و حق ولادكم و مستقبل مصر
لازم نساندهم و لازم نقف معاهم و وراهم لغايه ما تشفى مصر من امراضها
و اسالوا نفسكم هم نازلين بيطالبوا بايه؟ و هل هى متطلبات مشروعه؟ فى حاجه غلط؟ كل اللى بيقولوه صح
ربنا ينصرهم و ينصر مصر و ينصر ثورتنا المجيده
و تحيا مصر

حرام عليكم كفاية كده البلد بتضيع وكل المليونيات دي علشان يطلعوا في الميديا ويتشهروا وبعدين الخطوة اللي بعديها عضوية مجلس الشعب فهمنا اللعبة جاتكم القرف الثوار اللي مش ظاهرين دلوقت هم اللي تعبوا ومش عايزين حاجة غير ان احوال البلد تبقي كويسة ربنا مع اصحاب المحلات في التحرير والمتحف المصري اللي مبقاش بيدخله حد جاتكم القرف زهقتونا في يوم الجمعة واحنا مش عارفين البلد رايحة فين بعد ما كنا عايزين ننتخب ناس محترمة بقينا مش عارفين ننتخب مين يمثلنا في مجلس الشعب لا فلول ولا اخوان ولاثوار للاسف جتكم القرف

اتقوا الله في مصر الخوف علي مصر والحرص عليها يلزمكم بالعودة للعمل والانتاج وليس المظاهرات التى يعقبها دائما تخريب وحرق المنشات ولا انتم صم وبكم وعمى.

مازال هناك فساد فى بعض المؤسسات وخاصه فى الداخليه
ومازلنا نشعر بان الثوره قامت للترقيع وليس الاصلاح الجذرى كما كنا نريد
ولذلك فلابد لنا بالحفاظ على ثورتنا

للاخوه اللى موافقين على جمعة انقاذ الثورة كتر بيولد الانفجار

احنا طلبنا كتير واتنفذ بعض الطلبات وعايزين طلبات اكتر ومن ضمنها اقاله حكومة شرف طيب ما احنا اللى اخترناها من الاول غير كده مش كل الطلبات هتنفع تتنفذ فى الايام دى باى حق نطالب باقاله النائب العام والغاء وزارة الاعلام اومال هنراقب المواد الاعلامية ازاى هو احنا بنخترع طلبات ولا ايه كل وزارة وليها دورها مينفعش نلغى وزارة ، وليه نقيل المحافظين من العسكريين ما اكيد فيهم ناس كويسه ولا خلاص بقينا نكره اى عسكرى معاكم فى تطهير القضاء ومش معاكم فى قانون الطوارىء لاننا بحاجة اليه والمحاكمات العسكرية للمدنيين يعنى هما هيقبضوا عليهم ويحاكموهم ظلم على فكرة ووالله كلمة حق تقال ان اكتر الناس التزام واحترام العسكريين

بجد حرام اللى بيحصل ده فيه ضغط كبير على المجلس العسكرى وهو اكيد هيطق من جنابه مسئوليات داخلية وخارجية وبلطجة وهجوم على وزارة الداخلية واقسام الشرطة واحنا مش بنحس انانيين عايزين اللى عايزينة والباقى يولع مش بيفكروا بالخساير اللى بتحصل فى كل مظاهرة

يا جماعة ربنا يهديكم خلونا نشوف حال مصر بقى مصر بتضيع ومفيش تغيير وكان المفروض نعلى بمصر بعد الثورة انما احتجاجات ومظاهرات واعتصامات كل يوم حاجة تزهق وتقرف لغاية ما الناس كرهت الثورة

وكلمة للاخ الزائر محمد اللى بالغردقة يا اخى حاول تتصل باى وسيلة اعلامية الاعلام سلاح كبير لتوصيل الشكوى اتصل ببرنامج مصطفى بكرى على الحياة او باى برنامج حوارى وباذن الله حقك هيرجع

شكرا ع الموضوع باراديس

هنفضل ورا الثورة إلى أن تكتمل بعون الله وبإخراج اﻷفكار التافه التي تريد تثبيطنا عن ما بدأناه