إلغاء المحاكمات العسكرية للمدنيين
تفعيل قانون الغدر وإلغاء قانون الطوارئ
وضع جدول زمني لتسليم السلطة
تطهير النيابة العامة
عزل النائب العام وتطهير القضاء واستقلاليته
إلغاء وزارة الإعلام وعزل أسامة هيكل وإبراهيم الصياد و
تعديل حركة المحافظين وعزل العسكريين منهم
التأكيد على مدنية الدولة
فين فى الكلام ده اى توجه عدائى ناحيه المجلس او الحكومه او مين اللى قال عزل حكومه شرف؟؟؟
المتطلبات دى كلها بديهيه جداااااااا و قامت الثوره اصلا علشانها و اساسيه لكل مصرى و من حقنا بل من ابسط حقوقنا
و بقالنا سبع شهور بنطالب و ما فيش حاجه منها حصلت بل على العكس اللى بنشوفه استفزارات مستمره
لو سكت الثوار يبقى حنرجع تانى للى كنا فيه و اكتر من قمع و ظلم و تعتيم و تعذيب و فساد
ناس عايزه الشعب يعيش بأدميه و فى ناس ضدهم و عايزين الفساد يستمر
مين اللى بيعطل و مين اللى بيخرب و مين اللى عايز مصلحه الشعب و مين اللى مش عايزها؟
ما تصحوا شويه و شوفوا اللى عايز مصلحتكم من اللى عايز الفساد يرجع تانى
مش الثوار هم السبب فى اى حاجه غلط فى البلد ولا فى الفساد و لا فى عدم الامن و لا حاجه من دى
السبب هم اعداء الثوره اللى بيعملوا عكس متطلبات الثوره و مستمرين فى استفزاز الشعب كله
مليونيه 9/9 انتهت باحداث السفاره و الداخليه علشان يشوهوا صوره الثوره و يعلوا صوتهم فوق صوت متطلباتها و هى تصحيح المسار الناس نسيت اللى حصل الصبح علشان البلاوى اللى حصلت بالليل بفعل فاعل
و باقولكم من دلوقتى استنوا فيلم هندى تانى بعد المليونيه دى برضه علشان اصوات نشاز تعلى على صوت متطلبات الثوره و الشعب
سؤال حنفضل كده لامتى يتسئل لاعداء الثوره مش للثوره لان الثوره ثابته على مبادئها و متطلباتها للشعب بعيشه كريمه و حريه و عداله من اول يوم لغايه ما تتحقق ان شاء الله رغم انف الفلول و الفاسدين و اللى عايز يرجع البلد تانى للفساد
ربنا ينصر الثوره و الثوار و يا رب الشعب يكون واعى وفاهم مصلحته فين
و تحيا مصر