اولاً : انا مصرى وبحب مصر
ثانياً : الرجا قراءة كتاب ( الفراعنة لصوص حضارة ) للاستاذ الباحث المصرى / محمد سمير عطا
وهو موجود عالنت ---- بعد القراءة شوف هل مقنع ام لأ ولك ان تتفق او تختلف
وانا كمان مصرى وبحب مصر واكتر منك كمان
انا هرد عليك لانى قريت الكتاب التافه دة لان صاحبة جاهل اصلا لانة لم يستند لاى ادلة تاريخية ملموسة او نصوص ولكنة استند الى اية قوم عاد فى القران
االلى فيما معناها انهم قامو ببناء لم يخلق مثلة فى البلاد
ودة دليل ضعيف بل يدل على جهل الكاتب وهقولك لية
الكتب ذكر ان الاهرام اللى بناها قوم عاد ومش بس كدة دة قال كمان
ان الاهرام دى كانت مساكن ليهم
طب بالعقل كدة
مش لما جائت الرياح العاتية وقدت على قوم عاد جميعا مش كانو هيموتو فى بيتهم وجمب بيوتهم اللى هى المفروض الاهرام
دة لما تم مسح محافظة الجيزة كلها بكاميرة ليزر تقوم بتصوير بعمق 6000 كيلو تحت الارض لم يجدو هيكل عظمى واحد لقوم عاد ولم يجدو فى مصر كلها اى اثر لهم ولم يجدو اى هيكل عظمى يدل على وجودهم فى مصر
ولكن اللى الهياكل التى تم العثور عليها كانت فى شبة الجزيرة العربية وبالظبط فى اليمن وفى جنوب السعودية
وكمان فى حاجة هناك من يدعى ان قوم عاد كانو موجودين فى مصر والجزيرة العربية
طب طلاما هما كانو بالعبقارية دى كلها لية ما شوفناش اى اهرام مثل الموجودة فى مصر فى شبة الجزيرة العربية
وكمان فى حاجة هتهدم كل الافكار الموجودة فى الكتاب الكاذب دة
هذا الكاتب الجاهل ذكر
ان الاهرام كانت مساكن لقوم عاد
لكن الحمد لله الذى كشف جهل هذا الكاتب الجاهل
وقبل ان اثبت لك الدليل الذى سيهدم كل الافكار الموجودة بالكتاب هو هل تعرف ما هو طول قوم عاد
انا هقولك قوم عاد كان يبلغ طولهم يكاد يصل الى 40 متر كانو ضخام جدااااااااااااااااااااااااااااااا
ولكن من جهل الكاتب بالحضارة والتاريخ المصرى هو ان ازاى يكون طول قوم عاد 40 متر ويعمل باب بيتة من متر ونص وهو الفتحة الموجودة بالهرم
ففتحة الهرم الموجودة بالمنتصف التى من المفترض ان قوم عاد يسكونها نحن الذى طولنا يتراوح من بين 170سم الى 200 سم عندما ندخل فى هذة الفتحة لازم توطى لاسفل لازم تنحنى بضهرك علشان تقدر تدخل الهرم يبقى ازاى قوم عاد اللى طولهم 40 متر كانو بيدخلوها
والممر الذى بداخل الهرم قطرة اقل من متر ونص ولا يوجد مكان ليعيش بة قوم عاد
يبقى ازاى كانو بيسكونوها
ودة اثبات يهدم الفكرة الكاذبة للكاتب الجاهل
اما بالنسبة لبعض الحاقدين على تاريخ مصر ويدعون بان قوم عاد جاءو الى مصر وبنو الاهرام ثم تركو مصر وعادو الى اليمن مباشرة
والرد على هوؤلا الجهلاء رد بسيط وهو
ازاى يعنى مثلا الفرعنة جابوهم بعقد عمل لمدة سنة يعنى يبنو الاهرام ويرجعو وازاى ناس فى احجام الفراعنة واحجامهم الصغيرة يسطيعون ان يستعبدو اقوام مثل قوم عاد الضخام
وطلاما هما بارعين لماذا لم يوجد اى اهرام فى شبة الجزيرة العربية مثل التى توجد فى مصر
وهناك اثبات اخر يهدم فكرة هذا الكتاب الضال وهو
لو كان قوم عاد بهذة البراعة لماذا لم يوجد ما يدل على وجودهم اصلا لماذا لم يوجد لهم نقوش بداخل الهرم
ولكن النقوش الموجودة بداخل الهرم كلها نقوش فرعونية باللغة الهيروغليفية
وكل المقابر التى بجانب الاهرام جميعها فرعونية
ولو هترد عليا وتقول لى امل ازاى الفراعنة بالاحجاز الصغيرة دى بنو اكبر هرم فى العالم وصامد الى الان
هقولك قبل ما تتكلم عن الحجم والقوة شوف الاثار اليونانية والصينية والبابلية
والرومانية ازاى الناس دى باحجامهم الصغيرة بنت كل هذة الحضارة العملاقة التى صدمت الى وقتنا هذا
وهيكون الرد باسبط من البساطة وهو ان الانسان زمان تعلب على الطبيعة بالعلم والفكر
فالمصريين هم من ابدعو علم الهندسة والكيمياء والطب واستخدمها فى حياتهم
المصرين هم من اول من بنى الدولة اول دولة فى التاريخ يصبح لها نظام سياسى وحكم هى مصر ثم تلتها اليونان
ثم بقية العالم
الكاتب استخدم اية فى القران لقوم عاد ارم ذات العماد * التي لم يخلق مثلها في البلاد
وبنى عليها افكارة الكاذبة الضالة
وكل ذلك انا اعتقد بهدف الشهرة وليس اكثر
انة اراد تشوية تاريخ هذا البلد العظيم ولكن الله فضح امرة
وبين جهلة امام الناس
شوف انت الكتاب بتاعة وهتلاقى رد لكل نقطة قالها فى ردى دة
لانة فعلا انسان زى دة لا يصح ان نقول انة كاتب
بل نقول له انك جاهل كتاب الجاهل محمد سمير عطا
لانة خلط الاوراق بين الدين والتاريخ
واحب ازود لحضرتك معلومة ان مذكور فى اية من القران انا مش متذكرها
ان قوم عاد كانو يسكنون فى احقاف
اتعلم ما هى الاحقاف الاحقاف دى عبارة عن شقوق فى الجبال
شقوق ضخمة هى ما كانو يسكنوها وهذا ما تم اكتشافة فى شبة الجزيرة العربية
ارجو انك تقرا كلامى كويس
وتقارن بين كلامى وكلام الجاهل محمد سمير عطا
وتشوف انهى المنطقى واللى العقل يقبلة
وشكرا لمرورك الكريم يا اخى
