واصل عمال النقل العام اعتصاماتهم واحتجاجاتهم ضد البرعى وزير القوى العاملة وضد حكومة شرف ومحافظة القاهرة ولكن اليو الاول من اكتوبر شهد تصعيدا من جانب السائقين والموظفين حيث قاموا بوضع الاتوبيسات بعرض شارعى القصر العينى ومجلس الشعب وقطعوا الطريق وجلس البعض منهم على الارض والاخر فوق سقف الاتوبيسات ورفعوا اللافتات التى تتضمن المطالب ورددوا الهتافات

ومن اهم مطالبهم عودتهم الى وزارة النقل ورفع حافز الاثابة الخاص بهم
تاتى هذة الاحتجاجات فى ظل موجة شديدة فى كافة المجالات بعد ان عانوا فى ظل حكم سيىء لمدة 30 عاما

البلد خربت يارجاله
......................

ما تنفذولهم طلباتهم هم مش بنى ادمين؟
حد سأل نفسه السواق ده عايش ازاى؟
ما تشوفوا فيلم سواق الاوتوبيس لنور الشريف هههههههه
اللى مش عايز البلد تهدى هو اللى مش عايز يلبى متطلبات الناس
مفهوم انك مش بين يوم و ليه حتعمل كل حاجه
لكن الناس دى كل اللى هى طالباه وعود و كلمه رجاله و جدول زمنى و ناس تحسسها انها شايفاها و سامعاها و حاسه بمشاكلها و ستعمل على تلبيتها و تديهم الضمانات و الجدول الزمنى (سهله)
و ربنا يهدى
و تحيا مصر

ماهو للاسفه يااختى بديعه
كل حاجه فى البلد دلوقت عشان تتنفذ لازم نحتج ونعتصم
مفيش حد بيدينا وعد او كلمه حتى تصبرنا
ده احنا المدرسين لسه مااخدناش حقنا بعدكل اللى عملناه

فاضل الحيوانات تطلع تعمل اضراب من الغلب اللى احنا شايفينة عشان المجلس يفهم ويحس انة مش مقبول وسياستة مرفوضة

ماهو للاسفه يااختى بديعه
كل حاجه فى البلد دلوقت عشان تتنفذ لازم نحتج ونعتصم
مفيش حد بيدينا وعد او كلمه حتى تصبرنا
ده احنا المدرسين لسه مااخدناش حقنا بعدكل اللى عملناه

ارجو ان الناس كلها تفهم ان دى خطه مقصوده علشان عمر البلد ما تهدى و الناس البسطاء و اللى مش فاهمين ايه اللعبه يقولوا نعم لقانون الطوارء و يقولوا و لا يوم من ايامك يا مبارك و يقولوا يمسكنا المجلس العسكرى و نرجع لحكم العسكر و ترجع ريما لعادتها القديمه و نعيش فى ظلم و قهر و تعذيب و تعتيم تانى
الواعى يفهم اللعبه و مين اللى بيعملها و ليه
و لا تتهموا الثوار باللى بيحصل فى البلد من عدم الاستقرار
السبب هو اللى مش عايز البلد تهدى و لا عايز يلبى متطلبات الناس البيسطه قوى و المشروعه قوى
و تحيا مصر

ايه الحلاوة دى .. ياسلام .. الواحد فى غاية الانبساط بنتائج الثورة ( الباهرة ) .. البهوات بيجهزوا الشعار الجديد للمطالب الفئوية ؟؟؟؟؟؟
دوس يا مجلــــــــــــــــــــــس على الفانـــــــــــــوس .......... و ادينــــــــــــــــــــــا كلنــــــا فلــــــــــــــــوس
و الا نوقــــــــــــــــــــــــــف حال بلــــــــــــــــــــــــدنا ........... و طظ فينــــــــــــــــا و فــــــــــــى ولادنـــــــا
بصراحة جمال ما بعده جمال ؟؟ الى الامام بمزيد من الاضرابات ووقف الحال و الاعتصامات ربنا يقويكم على خرابها ؟؟؟؟؟؟
و خير الختام ذكر النبى عليه الصلاة و السلام ******

أرجو من الحكومه التركيه تعطينا رئاسها اردوغانا يظبط المسأله في أقل من سبع سنين وأنشاء الله هنكون فى احسن حال

يلا بينا تعلو.......................نسدالشارع بحاله
وكل واحد فينا...................يركب اتوبيس خياله

كل واحد ليه اى حاجة.....عاوز اى شياء يحلم بيه.....ينزل على اى شارع يجى على مزاجه ....
والى يعدى منه يقطعه ....واهى ....ثورة....
الله يخرب بيوتكم .....كل واحد يعمله مصيبه او كارثه ...ويقول اعتصام او اضراب.....؟؟؟؟؟
فى بلد فى العالم ...من امريكا ...لجزر الاقمر ....حد يقدر يمنع الناس من المشى فى الشارع ...او يقطع الطريق بالشكل ده...
ده اسمه بلطجة مش اضراب او اعتصام....
وبعدين ...خلاص ...دقة الدنيا دلوتى على كل الناس ...كله يعمل الى عوزه فى ا ى حته ...عشان مرتب يزيد ولا علوة ...
مصر فيها ملاين مش عرفين يشتغلو .....فى كل المجالات ....ودول بيوقفو الدنيا .....
خلاص مصر مفهاش دكترا ولا معلمين ولا سوقين ولا عمال ولا ..غير المعتصمين ...
دحنا بقينا زى النمل فى كل حاجة ...ولو اتسبنا هناكل الاخضر واليابس......
بطلو نمرضه لتغور من وش الكل......