برجاء التعليق دون ايذاء مشاعر الاخر

يبدو اننا تسرعنا كثيرا فى الحكم على مصطفى السيد محافظ اسوان و الذى قال انه لا توجد كنيسة فى الاصل فى قرية المريناب فى اسوان و كذبه كثير من النقاد و قالو عنه انه يتعامل بطريقة مبارك القديمة و لكن ثبت صحة ما قاله المحافظ و انه لا توجد كنيسة هناك و ان المكان محل النزاع هو فى الاصل مضيفة مملوكه لاحد الافراد المسحيين فى القرية و هذا ما اكده اهالى القرية من مسلمين و اقباط من خلال تقرير جريدة المصريون و الذى قالو فيه ان هذه الازمة مفتعلة لحساب جهه معينه و انه كان هناك محاولة للتلاعب باوراق رسمية لتحويل هذه المضيفة الى كنيسة وأكد الاهالي أنه توجد كنيسة بقرية "الحاج زيدان" تبعد 2 كيلو متر عن المريناب، كما تقع كنيسة إدفو على بعد حوالي 7 كيلو. وكشفوا عن امتلاكهم لـ "سي دي" يتضمن اعترافًا من الأنبا "صليب" بعدم وجود كنيسة بقرية المريناب و نفى ايضا الاقباط هناك ما يقال فى الاعلام عن اضطهاد لهم فى القرية فى اشارة الى انه هناك علاقات طبيه مع المسلمين فى القرية

شكرا للموضوع
وجزاك الله خير
؟؟؟؟؟؟؟؟؟

امال ايه الكلام اللي قالو علاء الاسواني.......؟؟؟؟؟؟؟؟؟؟؟؟؟؟؟؟؟؟؟؟؟؟؟
فعلا لو كان هذا الكلام صحيح
يجب تحويل علاء الاسواني للنيابة العامه
مما خلقه من بلبلة لدى الناس

الحمد لله
فين بقى علاء الاسواني مهاجم الاسلام وداعي الفتن
وفين الاقباط اللي بيجروا يعتصموا في ماسبيروا
علشان تعرفو ان الجيش عنده حق عندما يتعامل مع الناس بالقوة

يا جماعة انا رأى حتى لو كان الاسوانى كلامه غلط لكن ده ما يمنعش تن كلامه صح فى نقطة الخطاب الدينى الى قال فيها ان ما ينفعش اروح اقول لواحد انت مش هتدخل الجنة لان ده هيزود الكراهية

الحمد لله
فين بقى علاء الاسواني مهاجم الاسلام وداعي الفتن
وفين الاقباط اللي بيجروا يعتصموا في ماسبيروا
علشان تعرفو ان الجيش عنده حق عندما يتعامل مع الناس بالقوة

لا يا اخ عبد الرحمن انا مش متفق معاك خالص فى التعامل بالقوة المفرطة ديه لان فعلا ديه معاملة غير ادامية و كمان ممكن يكون كتير من المعتصمين دول شباب مضحوك عليهم يبقى حرام فعلا المعاملة ديه

حتى لو الكلام دا صحيح احنا مننكرش ان اساسا قية اعتصام عشان خلاف بين مسلمين ومسيحيين سواء على ارض فاضية او ورق بيتلعب فية عشان يبنوا كنيسة ومين اللى غلطان ومين اللى مش غلطان متفرقش بس الراجل اتكلم فى نقطة مهمة والمفروض تتفهم وهى ان فية ناس بيستخدموا صورة السلفيين والاسلام بفكر غلط وهم الوهابيين او اى كانت المسميات ولازم نفرق بينهم كويس

يعنى مش الاسوانى هو اللى ابتدع القصة وبعد كدا الاحداث حصلت . لا هو علق عالاحداث والاعتصام اللى حصل ووضح نقطة معينة

يا جماعة انا رأى حتى لو كان الاسوانى كلامه غلط لكن ده ما يمنعش تن كلامه صح فى نقطة الخطاب الدينى الى قال فيها ان ما ينفعش اروح اقول لواحد انت مش هتدخل الجنة لان ده هيزود الكراهية

وانا مئة بالمئة معاك بهذا اكيد
وحينما كتبت كله ما يخص بموضوع الكنيسة فقط
لاننا مش ناقصين كب الزيت على النار

لا يا اخ عبد الرحمن انا مش متفق معاك خالص فى التعامل بالقوة المفرطة ديه لان فعلا ديه معاملة غير ادامية و كمان ممكن يكون كتير من المعتصمين دول شباب مضحوك عليهم يبقى حرام فعلا المعاملة ديه

يا اخي هشام ما هو لو الجيش فضل يدلع في الناس صدقني الناس تذيد في دلعها والبلد مش متحمله
يعني تفتكر بالعقل والمنطق كده لو الجيش قال يا جماعة فكوا الاعتصام كانو المعتصمين حايقولو حاضر احنا ماشين طبعا لا ولو الجيش تركهم والله بكره كنت شوفت مخيمات وعائلات واكلات وفسيخ وسمك ووقف حال وعطلة واحنا مش ناقصين وكل ده ليه علشان عايز يحول مضيفه لكنيسه يعني مش من حقة . انت شوفت اللي حصل في الاعتصام السابق تطاولات وتعديات ووصل الامر بهم للمطالبة بحماية امريكيه وفيهم من تبجح وقال نحن نطلب حماية اسرائيليه وحتى لما البابا شنوده قال يا جماعة فكوا الاعتصام كده غلط تطاولوا على البابا وقالو البابا لم يدعي للاعتصام فليس من حقة المطالبة بفك الاعتاصم وكانوا بيتدللو ويدلعوا على الجيش براحتهم كل ده ليه لان الجيش كان بيحاول ضبط النفس ودلعهم شويه لكن المره دي الجيش عرف يتصرف معاهم صح وصح الصح كمان . والكلام مش للاقباط ولا لهذا الاعتصام فقط انما لجميع الاعتصامت الشخصية والمطالب الفئويه الا ان كانت من مطالب الثورة يعني مطلب للجميع قبطي مسلم سلفي ليبرالي مطلب قامت علشانه الثورة وماتت من اجله ارواح .
وعلى فكره احنا اصبحنا معترضين على كل حاجه ههههههههههه يعني بنعترض لمجر الاعتراض
دا حتى البلطجي بنعترض على ضربة ويا ريت نعامله بحنيه شويه ولو اتزنقنا وتورطنا نقول المجلس العسكري هو السبب

حتى لو الكلام دا صحيح احنا مننكرش ان اساسا قية اعتصام عشان خلاف بين مسلمين ومسيحيين سواء على ارض فاضية او ورق بيتلعب فية عشان يبنوا كنيسة ومين اللى غلطان ومين اللى مش غلطان متفرقش بس الراجل اتكلم فى نقطة مهمة والمفروض تتفهم وهى ان فية ناس بيستخدموا صورة السلفيين والاسلام بفكر غلط وهم الوهابيين او اى كانت المسميات ولازم نفرق بينهم كويس

يعنى مش الاسوانى هو اللى ابتدع القصة وبعد كدا الاحداث حصلت . لا هو علق عالاحداث والاعتصام اللى حصل ووضح نقطة معينة

ازيك يا روبيل اخبارك ايه
طب انت مش شوفت الاسواني كان بيتريق ازاي وبيقول المحافظ قال ما فيش كنيسه واللي عنده كنيسة يقول لي وكلام سخريه ولا ما شوفتوش
طب اهو المحافظ طلع على حق والاسواني كان المفروض قبل السخريه وقلة الادب يتاكد بقى مش كده ولا ايه على رايي زيزو باشا
وبعدين ما فيش خلاف ان السلفي او الاسلام بصفة عامه لا بد ان يوجد بينهم من يسئ لهم وكذلك المسيحي اكيد هناك مسيحي يسئ للمسيحية بافعالة لكن هل صادفت يوما الاسواني او اي من دعاة العلمانية يتطرق الي هذه النقطه ويقول فصيلة كذا من المسيحيه او كذا من اليهود .
يا عم الحج الناس دي بتهاجم الاسلام ولكن على استحياء

علي ما يبدو (بعض)أن الاخوة المسيحين يحاولون ان يستغلوا الاوضاع الحالية في البلاد لتحقيق بعض المكاسب الواهية التي ليست في مصلحة احد

كنت متوقع ده.......لما الوفد عرضة تراخيص البناء الى مفروض بيقول انها كنيسه....
كان واضح ان الورق صور متعدلة بالكمبيوتر......والى بينه اوى.....
ورقة الهدم للمكان.....ورقة قديمة وممسوحة....والمفروض يبقه العكس ....
الترخيص اقدم من قرار الهدم.....بس قرار الهدم ...هو الحقيقى هدم لبيت او استراحه....
المهم..
فيه لعب جامد......والكل مستفيد.....سلفي مسيحى الاسوانى .....
وديه مش غلطتهم .....احنا الى بنمشى وراهم.....
الى يروح يعتصم عشان سمع ان فيه....كنيسه عمره ماشفها ولا سمع عنها اتهدة ولا اتبنة.....
او الى يمشى وراء واحد بيقوله انهم خطفين واحده وحبسنها.....وهو لا يعرفها ولا يعرف اى حاجة عن الموضوع....
او الى يطلع يفتى على التلفزيون....ويتهم ده ....ويرفض كلام ده ولا ده...واحنا نصدقه....
وفى الاخر يطلع الموضع ....خيال .....
الخلاصه.....
الموضيع دى مش هاتخلص....طلما فيه اكتر من طرف مستفيد......
لكن احنا لازم نحكم عقلنا.....ونفكر قبل ما نمشى وراهم.....
ولو فيه حتمال 1% ان الكلام ده كدب....متصدقهومش ومتنفذ خططهم...
لان فى موضيع الدين ...صعب تصلح الى بينكسر........

يارب احفظ مصر واهلها ....

شكراااااا للسيد هشام....

لو فيه فعلا تسامح بين عنصري الامه وليس تسامح ظاهري والى فى القلب في القلب وهذا بين الطرفين مش كل ماتحصل مشكله تقوم الدنيا وماتقعدش وهذا محتاج علاج منذ الصغر فى البيت والمدرسه وتتربي الاجيال القادمه علي الحب والتسامح اما الان فانا شايفه انه كلها علاجات سطحيه وشعارات فارغه وكأننا بنمثل بس فيلم هابط

ازيك يا عبدة

بخلاف المشكلة من الاساس ومين اللى غلطان ومين على حق ودا قال ان الكنيسة مش موجودة ودا بيتريق وقل ادبة وقلان زعل من فلان دا كلة ميهمنيش عشان مفيش صراحة فى الموضوع ومفيش اى حد مسئول مكلف خاطرة يطلع ويقول المشكلة اية والحلاف عليها من مين بالظبط سواء محافظ او مدير الامن او اى حد فالموضوع من الاساس غلط من ناحية المحافظ او اى حد طالع يتكلم دلوقتى بعد الهنا بسنة وكلنا سمعنا عن المشكلة دى بقالها مدة داخلة فى اسبوع

فين المسئولين طول الاسبوع وكل اللى يوصلك اجتهادات شخصية من صحفى او اى حد وتلاقى اللى طلع مكدبة تانى يوم وبالتالى انت مش عارف فين الحقيقة

انا معاك ان زى ما فية مسلمين بيسيئوا للاسلام فية مسيحيين بيسيئوا للمسيحية بس انت مسألتش نفسك الخلاف بيبتدى من ناحية مين ؟

مشكلة تطبيق الحدود جاية من طرف المسلمين

حادثة قطع الاذن جاية من طرف مسلم

مشكلة الاعتراض على الكنايس جاية من طرف مسلمين

مشكلة التصريحات الغريبة والفتاوى بشأن العلاقة بين مسلم ومسيحى جاية من طرف مسلمين

هل سمعت عن تصريح لمسيحى زى التصريحات الغريبة اللى عندنا ؟ طبعا لا ولو بيقولوا مبيقولوش علنى وبيقولوا بينهم وبردة من اللى بيشوفوة واللى احنا بنبتدى الاول ونقولة وبالتالى مفيش حاجة بتتنشر وبالتالى مفيش مشكلة

عارف لية ؟ عشان البلد بطبيعتها عدد المسلمين اكتر من المسيحين فبالتالى محدش يقدر يقول او يفتعل مشكلة ممكن تنقلب علية وبالتالى هم الطرف الاضعف وانا بتكلم من ناحية التصريحات الغريبة لو هم عايزين مشاكل فبالتالى لازم كل اللى تسمعة تسمعة من طرفنا احنا وكلهم بيسيئوا لصورة الاسلام فبالتالى لازم نركز عندنا احنا مش عليهم هم خصوصا واحنا عندنا الناس بتتكلم كتير بأسم الدين وتلاقى الناس مش عارفة حاجة وبيممشوا وراهم وخلاص من غير ما يعرفوا غير انة بدقن يبقى شيخ ودا واقع عندنا مننكروش ابدا

انا مسلم وانت مسلم والاسوانى مسلم ومفيش حاجة اسمها بيهاجم الدين على استحياء ومفيش حاجة اسمها واحد يهاجم دينة والا يكون على ملة تانية ولكن هو بيهاجم فئة بتستخدم شعار الدين فى كل حاجة بيعملوها ولازم نفرق هنا والمشكلة فى الفهم للمشاكل اللى ادامنا واية سببها دا حتى ربنا قال ( ومن شاء فليؤمن ومن شاء فليكفر ) مفيش حد مجبر على حاجة علشان تقول يهاجم الاسلام على استحياء

ههههههههههههههههههه الناس اللى قالت الله عليك يا علاء يا اسواني

الكذاب المنافق عدو الاسلام والاسلاميين وفرحو اوى بنقده وكرهه للسلفيين المسلمين

انا قريت من كام يوم فعلا عن موضوع الكنيسة دي

وعلى فكرة المنطقة دي معرفش فيها كام الف كدة مسلم و 30 مسيحي فقط يعني معرفش 100 ولا 200 و 300 الف مسلم كدة

وفي كنيسة هناك اعتقد انها كافية لل 30 مسيحي

لا هما عاوزين المضيفة يقلبوها كنيسة وهى اساسا مش مترخصة انها تكون كنيسة من الاساس


شكرا على الخبر والتوضيح مستر هشام
لكن اتمنى عدم وضع اخبار تسئ للسلفيين لانى شفت كذا منتدي حذر من الموضوع ده انه لو الخبر خاطئ بيكون في ميزان صاحب وناشر الخبر لان بيكون في اتهامات والفاظ مش كويسة على شيوخنا الكرام من قبل الاعضاء والزوار اللى بيردو

ازيك يا عبدة

بخلاف المشكلة من الاساس ومين اللى غلطان ومين على حق ودا قال ان الكنيسة مش موجودة ودا بيتريق وقل ادبة وقلان زعل من فلان دا كلة ميهمنيش عشان مفيش صراحة فى الموضوع ومفيش اى حد مسئول مكلف خاطرة يطلع ويقول المشكلة اية والحلاف عليها من مين بالظبط سواء محافظ او مدير الامن او اى حد فالموضوع من الاساس غلط من ناحية المحافظ او اى حد طالع يتكلم دلوقتى بعد الهنا بسنة وكلنا سمعنا عن المشكلة دى بقالها مدة داخلة فى اسبوع

فين المسئولين طول الاسبوع وكل اللى يوصلك اجتهادات شخصية من صحفى او اى حد وتلاقى اللى طلع مكدبة تانى يوم وبالتالى انت مش عارف فين الحقيقة

انا معاك ان زى ما فية مسلمين بيسيئوا للاسلام فية مسيحيين بيسيئوا للمسيحية بس انت مسألتش نفسك الخلاف بيبتدى من ناحية مين ؟

مشكلة تطبيق الحدود جاية من طرف المسلمين

حادثة قطع الاذن جاية من طرف مسلم

مشكلة الاعتراض على الكنايس جاية من طرف مسلمين

مشكلة التصريحات الغريبة والفتاوى بشأن العلاقة بين مسلم ومسيحى جاية من طرف مسلمين

هل سمعت عن تصريح لمسيحى زى التصريحات الغريبة اللى عندنا ؟ طبعا لا ولو بيقولوا مبيقولوش علنى وبيقولوا بينهم وبردة من اللى بيشوفوة واللى احنا بنبتدى الاول ونقولة وبالتالى مفيش حاجة بتتنشر وبالتالى مفيش مشكلة

عارف لية ؟ عشان البلد بطبيعتها عدد المسلمين اكتر من المسيحين فبالتالى محدش يقدر يقول او يفتعل مشكلة ممكن تنقلب علية وبالتالى هم الطرف الاضعف وانا بتكلم من ناحية التصريحات الغريبة لو هم عايزين مشاكل فبالتالى لازم كل اللى تسمعة تسمعة من طرفنا احنا وكلهم بيسيئوا لصورة الاسلام فبالتالى لازم نركز عندنا احنا مش عليهم هم خصوصا واحنا عندنا الناس بتتكلم كتير بأسم الدين وتلاقى الناس مش عارفة حاجة وبيممشوا وراهم وخلاص من غير ما يعرفوا غير انة بدقن يبقى شيخ ودا واقع عندنا مننكروش ابدا

انا مسلم وانت مسلم والاسوانى مسلم ومفيش حاجة اسمها بيهاجم الدين على استحياء ومفيش حاجة اسمها واحد يهاجم دينة والا يكون على ملة تانية ولكن هو بيهاجم فئة بتستخدم شعار الدين فى كل حاجة بيعملوها ولازم نفرق هنا والمشكلة فى الفهم للمشاكل اللى ادامنا واية سببها دا حتى ربنا قال ( ومن شاء فليؤمن ومن شاء فليكفر ) مفيش حد مجبر على حاجة علشان تقول يهاجم الاسلام على استحياء

يا ربل المشاركة الطويله انا بتوه معاها ومش بعرف اركز حتى بديعة كانت كاتبة مشاركة طويله لكن للاسف لم استطيع الرد عليها لانها تحتاج الي وقت وبمجرد ما تخلص قراءة المشاركة بنسى المقدمه هههههههههههههههه والواحد بيني وبينك مش مركز اصلا
المهم يا ربيل : النقد لعلاء الاسواني لانه كان من المفروض انه يتاكد من ابعاد الموقف بالكامل حتى لا يضع نفسه في هذا الموقف يعني تهجم على المحافظ وسخر منه وقال ده بيقول ما فيش كنيسة واتضح اخيرا انه فعلا لا توجد كنيسه طب ايه موقفك الان يا علاء باشا تطاول على الشرطه العسكرية وانها حاولت فض الموقف بمجلس عرفي ولم تحاول انقاذ المسيحيين من ايدي المسلمين الارهابيين طب بزمتك دي مش فتنه واضحه جدا على المسلمين من جهه وعلى الشرطه العسكريه من جهه اخرى . ما علينا .
طب نيجي بئ لحكاية اني ما سالتش نفسي الخلاف بيبتدي من فين .
اول حاجه مش لازم نلصق اي تصرف شخصي للاسلام يعني مثلا مين اللي قال ان حادثة قنا كانت تطبيق حدود طب هو فيه حد في الاسلام اسمه قطع الاذن هههههههههه نزلت في اي ايه قطع الاذن دي ؟؟؟؟؟؟؟؟ الكل عارف انها مشكلة شخصية ولا علاقة لها بالحدود .
هل سمعت عن تصريح لمسيحى زى التصريحات الغريبة اللى عندنا
اه طبعا سمعت وكتير اوي كمان بس في بلادهم لانهم كثر ونحن قلة منتهى الاهانة والتعدي على المقدسات وقنوات وفتاوى كل هدفها النيل من الاسلام واهانة الاسلام ومقاطعة المسلم ووووو انما في مصر زي ما انت قولت هم قلة ولذلك هجومهم على استحياء .
لكن السؤال بئ هل صادفت او سمعت او شوفت في بلادهم واقصد امريكا واروبا والدوله التي تكثر فيها المسيحية هل شوفت واحد مسيحي زي علاء الاسواني او عمرو اديب او اي من الابواق الموتوره بيطلع يقول كده غلط وكده عيب ويهاجم المسيحيه وتصرفات المسيحيه كما نفعل نحن هنا لا طبعا بل منتهى التشجيع وخد عندك بقى حرية التعبير عن الرائ .
اذهب الي المنتديات المسيحية وشوف الهجوم وما يقال عن المسلمين ولن تجد من بينهم روبيل يدافع او يحاول حتى التهدائة او توضيح الامور
طبعا مش معنى كده ان كل المسيحيين سيئين ابدا ابدا لكن لا تجد من بينهم من يهاجم المسيحي حتى وان اخطاء كما نفعل نحن .
طب قولي كام واحد مسيحي هاجم الزفت بيشوي يوم قال مصر للاقباط والمسلمين ضيوف عندنا ؟؟؟؟؟؟
واين كان علاء الاسواني ومن هم علاء شاكلته ؟؟؟؟؟؟؟؟؟؟؟
معلش انا كمان طولت في المشاركة ومشاركة ملخبطه وبدون تركيز الله يعينك

الحمد لله على اظهار الحق

يعنى بالعقل هنكذب محافظ البلد اللى ماسكها وعارف كل شبر فيها وهنصدق اى كلام وفى الاخر طلع كدب

وليه الفتنه والبلبله اللى حصلت دى وفيه فرق بين حصول نزاع واحراق كنيسه شتان بين الاثنين

لازم يتكم التحقيق عشان نعرف مين السبب فى اللى حصل ده

طيب واخواننا المسيحيين اعتصموا ليه بقى مادام مفيش حاجة اتحرقت

احنا بقينا نجرى ورا اى اشاعه من غير ما نعرف الحقيقه وبكده البلد هتخرب

ربنا يحمى مصر من الفتن وينتقم من مصثيرى هذه الفتن

شكرا ع الموضوع

يا ربل المشاركة الطويله انا بتوه معاها ومش بعرف اركز حتى بديعة كانت كاتبة مشاركة طويله لكن للاسف لم استطيع الرد عليها لانها تحتاج الي وقت وبمجرد ما تخلص قراءة المشاركة بنسى المقدمه هههههههههههههههه والواحد بيني وبينك مش مركز اصلا

عبد الرحمن يابنى العزيز
و الله انا مش قصدى اطول فى المشاركه و باحاول اختصر لكنك بتفتح نقاط كتير و باحاول انى ارد على كل نفطه علشان ما تفتكرش انى غير مهتمه بل و الله مهتمه بكل كلمه بتقولها

و بعدين مداخلتك دى طويله فعلا و انا تهت ههههههههه (باهزر مش قصدى)
بارك الله فيك يا اخى العزيز
و تحيا مصر

طيب ما دمنا نطالب بدولة القانون يبقى من تسبب في الفتنة يعدم في ميدان عام ويطبق القانون على الكل

ان حجم الفتن فى مصر تعدى الخط الاحمر و ان لم نقف يدا واحده (مسلمين و اقباط) بكل قوانا لدرء هذه الفتن فسنعيش فى جهنم الدنيا و الاخره

فتنه بين المسلمين و الاقباط
فتنه بين الاقباط بعضهم بعضا و طوائفهم
فتنه بين المسلمين بعضهم بعضا و طوائفهم
فتنه بين الرجال و النسا
فتنه بين الشباب (مسلميهم و اقباطهم) بنشر المخدرات و الفساد الاخلاقى
فتنه بين الشباب و الشيب
فتنه بين الطوائف الاجتماعيه فقير و مسير و غنى
فتنه بين الجيش و الشرطه
فتنه بين الجيش و الشعب
قتنه بين الشرطه و الشعب
قتنه بين المرء و زوجه
هذا ما وعد به الشيطان فمن يريد ازهاق الحق فلينصر شيطانه سواء كان مسيحى او مسلم
﴿ لَأَقْعُدَنَّ لَهُمْ صِرَاطَكَ الْمُسْتَقِيمَ (16) ثُمَّ لَآَتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ وَلَا تَجِدُ أَكْثَرَهُمْ شَاكِرِينَ (17) ﴾

و بالمقابل مصر في جهاد مستمر فى حروب عده
حرب الثوار ضد الفساد بانواعه فقدموا الشهداء و ما يزالوا يقدمون
حرب من يحاول ان يدرء الفتن بانواعها و من يصر عليها و ينميها
حرب بين العلم و الجهل

و لك الخيار اما ان تكون ضلعا من ضلوع الفتن او ان تكون مجاهدا فى سبيل الله و الوطن و تنضم الى من يجاهد لدء الفتن و اصلاح البلاد والعباد فمنكم من يجد نفسه ضلعا فى الفتنه بجهل قال تعالى(وإذا قيل لهم لا تفسدوا فى الأرض قالوا إنما نحن مصلحون*ألا إنهم هم المفسدون ولكن لايشعرون*) سورة البقرة 11 -12
صدق الله العظيم
و تحيا مصر