بسم الله الرحمن الرحيم


السلام عليكم ورحمه الله


دى اول مشاركه ليا ف المنتدى الجميل ده واتمنى متكونش اخر مشاركه

عشان مطولش مشكلتى بتتلخص ف انى محبتش ف حياتى قبل كده وطبعا نفسى زى بقيت الناس احب واتحب طبعا ...البنت الوحيده اللى ارتحتلها مقدرتش حتى اقولها بحبك ولا اعترفلها بحبى ليها لانى حاسس فى قرارة نفسى انها مش ممكن تقبلنى ...اصلا انا مش بشوفها ...بس معلق نفسى بيها ومش عايز اعرف غيرها..ومعرفش ده صح ولا حاجات انا بعملها ع الفاضى...انا عامل زى اللى منتظر حاجه بفارغ الصبر ومش عايزة تيجى وانا من جوايا حاسس انها مش هتيجى...ولما يصادف معايا واشوفها معرفش ليه ببص ف الارض واسيبها وامشى ..مع العلم انها مش اول مرة اكلم بنت ...بس بجد مش عايزة تخرج من تفكيرى ومش عارف اعمل ايه ف الموضوع ده ...مع العلم انى ع الحال ده بالظبط من اكتر من 4 سنين وحتى معبرتلهاش عن اى حاجه...يا ريت حد يساعدنى ويقولى اعمل ايه وكمان يقوللى هو ده اصلا حب ولا انا عشان مرتاحلها نفسى اكلمها؟ .....

هو اولا قولي انت عندك كام سنه ، و لسه بتدرس و لا بتشتغل ؟

الحب ، اجمل كلمه في الدنيا ، وكل الناس بتدور عليه
و كل واحد في الدنيا (( هيحب )) لأنه قسمه و نصيب
و كل واحد مكتوب له نصيبه
يعني متقلتش من انك محبتش لحد دلوقتي

وواحده انت بتحبها بقالك 4 سنين ومش عارف تقولها ، فده اكبر غلط
ما هو حاجه من الاثنين :
1- يا تقولها ، وسواء تقبلك او ترفضك ، هتبقي ريحت نفسك في الحالتين ، لأنك هتكون عرفت راسك من رجليك
2- يا اما تنسي الموضوع ده خالص ، و صدقني هتقدر لو انت عايز و قررت بشده انك لازم تنسي الموضوع ده

انما انك تسكت كده ، فانت بتعذب نفسك

حرام عليك وحرام على كل واحد بيعذب نفسه وبيظلمها معاه ..
إنت ليه بتعمل كده مش حرام عليك يكون فى قلبك حب زى ده وتعذبه ..
ياأخويا مهما كنت فالحب ده جميل أوى بس ناقص , بإنها هى تكون زيك ..
إنت محتاج جرأه لأربع سنين وإن شاء الله تكون حلولنا هتخليك تتجرأ ..
هقولك دلوقتى لو واحد بيحبنى ومخبى كتير وانا بحب غيره من غير ما حد يعرف
ويجى يواجهنى واقوله إنى بحب ساعتها هيتجرح بس صدقنى مش منى اللى جارحه نفسه ..
روح قولها مش يمكن تحب وتقضوا اربع سنين إنتوا الاتنين بتموتوا فى بعض ..
وبعدين إزاى متخيل إن مش ممكن يجي للى بتحبها بقالك 4 سنين نصيها قبلك وتحبه وتتجوزه ..
بالله عليك قوليلها وإرحم قلبك .. ربنا يجرأك وتقدم لها حبك
فى طبق بس متزعلش لو وقع منها الطبق وإتكسر وهى مش قاصده ولا بإرادتها ..
وعايزينك تبقى تعرفنا أخبارك .. ربنا معاك .

بجد الف شكر يا جماعه على اهتمامكم بالموضوع ... بس انا عايز اقول حاجه...هى المشكله عندى مش مشكله جرأة ف انى اكلمها بس ديما بحس انها رفضانى وساعات بتخيل انى لو كلمتها والامور مشيت تمام هرجع الاقى نفسى مليش نفس اكمل معاها وانه مكنش حب كان اعجاب والاحساس ده بيخنقنى لانه حصللى قبل كده كذا مرة مع بنات ارتبطت بيهم وف الاخر بنساهم ومش بكمل معاهم خاالص لانى بكتشف ف النهايه انه اعجاب مش حب :s:s


بالنسبه لسؤال د/سبايدر ....انا عندى 20.5 سنه وبدرس ف جامعه الازهر

بجد الف شكر يا جماعه على اهتمامكم بالموضوع ... بس انا عايز اقول حاجه...هى المشكله عندى مش مشكله جرأة ف انى اكلمها بس ديما بحس انها رفضانى وساعات بتخيل انى لو كلمتها والامور مشيت تمام هرجع الاقى نفسى مليش نفس اكمل معاها وانه مكنش حب كان اعجاب والاحساس ده بيخنقنى لانه حصللى قبل كده كذا مرة مع بنات ارتبطت بيهم وف الاخر بنساهم ومش بكمل معاهم خاالص لانى بكتشف ف النهايه انه اعجاب مش حب :s:s


بالنسبه لسؤال د/سبايدر ....انا عندى 20.5 سنه وبدرس ف جامعه الازهر

هي المرحله دي بتبقي كده
و زي ما انت قولت كل الى فات كان اعجاب بس
فممكن يكون ده كمان نفس الموضوع

كمل دراستك وخلص الاول و اشتغل و بعدين هتلاقي الحب هو الى بيجي لحد عندك