جاى على صفحة الفيس بوك لحركة شباب 6 ابرايل بالمنصورة بانهم سوف يبدأون فى انتفاضة فى الجامعة للخلاص من تانظام السابق والتابع لحسنى مبارك فى الحرم الجامعى

وجاء البيان كالتالى

الكلام ده موجه لكل طالب في جامعة المنصورة :
لازم نحط النقط فوق الحروف وعلشان تكونوا في هنعرفكم اللي بيحصل في الجامعة بالترتيب الزمني :
------
1- بداية العام الدراسي وهناك 21 عميد كلية عينهم أمن الدولة في اماكنهم .
2- الـ21 عميد لأمن الدولة اجتمعوا سرا ليختاروا واحد منهم ليكون رئيس الجامعة .
3- طلبة الجامعة قرروا منع ال21 عميد من المشاركة في انتخابات رئيس الجامعة .
4- العمداء المعينين ينجحوا في اختيار أحدهم (د.السيد عبد الخالق )ليكون رئيس للجامعة .
5- عميد كلية آداب وعميد كلية طب بيطري يدهسوا 15 طالب جامعي بسيارتهم .
6- الجامعة تنتفض بأكملها استنكارا ورفضا لرئيس الجامعة والعمداء المعينين .
7- بعد الانتفاضة الهائلة .. رئيس الجامعة يقيل 4 عمداء ويعطي أجازة بدون مرتب لواحد .
8- واحد من الأربعة المقالين (عميد كلية طب )يتم تعيينه نائب لرئيس الجامعة .
9- مظاهرات في كلية الآداب ضد عميد الكلية ,, وتوقعات بوصول مظاهرات طلبة الجامعة لها

((رغم انها كلية خارج الحرم الجامعي))
10 - بالفعل المظاهرات تصل لكلية الآداب و عميد كلية آداب يستأجر بلطجية يعتدون على الطلبة بمختلف انواع الاسلحة والصواعق الكهربائية

يا خى جاتكم الف خيبة و خيبة .. روح يا شاطر انت و هوه ذاكر دروسك علشان تتنيل و تتخرج و تشوف حياتك بلا انتفاضات بلا قرف ؟؟؟ و الله كان حلال فيكم حرس الجامعة ياجبناء ؟؟؟؟
و خير الختام ذكر النبى عليه الصلاة و السلام *****