أكدت بوابة الوفد اليوم أن أمريكا بدأت تتدخل فى الإنتخابات المصرية وذلك عن طريق بعض المنظمات الحقوقية فى مصر والتى تقوم أمريكا بتمويلها بأموال كثيرة حيث تقوم أمريكا بتدريب كثير من الشباب من خلال هذه المنظمات على كيفية مراقبة الإنتخابات والإشراف عليها وكيفية كتابة التقارير اليومية وإرسالها لأمريكا من خلال هذه المنظمات كما قامت هذه المنظمات بتجنيد العديد من المراسلين والشباب فى مختلف المحافظات وذلك لنقل أحداث الإنتخابات على أرض الواقع وكتابة تقارير فورية وإرسالها فى نفس الوقت لغرفة العمليات فى إحدى هذه المنظمات ومنها للولايات المتحدة الأمريكية

هو التدخل من دلوقتي
ما هي بتدخل من زمان

بعد كل الحرب اللى شنوها على الاسلاميين
دلوقتى امريكا بتقول ما عندناش مانع نتعامل مع الاخوان و الاسلامين
طبعا كلموهم و شافوا انهم مصلحتهم و احده
ابقاء هذا الشعب و الشعوب العربيه فى غياهب الجب و الجهل و العتمه و التخلف
و لن يتسنى لها هذا الا لو سبنا العلم و العلماء و التقدم و التكنولوجيا
و لفينا فى دوائر اللبس و الشنب و الدقن و القفا و السيف و الدم و الارهاب

شدى حيلك يا بلد و زى ما فاجئتم امريكا و العالم كله بثوره بيضاء ما كانش حد عامل حسابها و لا متوقعها
فاجئوا العالم كله و اظهروا له انكم شعب حضاره و علم و فعلا تستاهلوا ام الدنيا

امريكا تريد اعادة النظام القديم فهو الانسب لهم ولن تغامر بدعم نظام قد يعاديها او يكون عنده دعم شعبي فهم يحاولون مع من بيده الامر من السيطره على الثوره وتفريغ محتواها وان ييأس الشعب من الثوره تحت ضغط غياب الامن والفقر والحاله الاقتصاديه المترديه وحبس الناشطين وتخوين القوي الثوريه وبذلك يكون لها ماارادت فهي لاترغب ان تكون مصر ديمقراطيه حرة الاراده لديها دستور ورئيس ومجلس شعب منتخبين انتخاب حر ونزيه فذلك كفيل بقلب المنطقه رأسا على عقب وسيهز ذلك عروش والتاريخ شاهد على ذلك فإن لم نتحد ونؤمن بقدراتنا على تحقيق الحلم ونستعيد روح الثوره ولانسلم مقادير امورنا ونتكل على المسؤولين الحاليين فى ادارة الامور ولانخاف من الفوضي وانهيار الدوله وتوقف عجلة الانتاج وندرك انه لكل شئ فى الحياه ثمن وبقدر التضحيات سنستعيد كرامتنا وحريتنا

امريكا لما قالت مفيش مانع نتعامل مع الاسلاميين مش علشان مصالحهم واحده زى مابتقولى لكن علشان رأت مدى قوتهم وشعبيتهم ودايما امريكا مع الاقوى....ولا تختذلى فكر المسلمين فى اللحيه والشنب واللبس والكلام الفاضى دا الاسلام شريعه ومنهج وفيه كل شئ يخص الحياه والناس والاسلاميين هيعملوا بشرع الله اللى فيه كل مايخص البشريه الا اذا كنتى لاتحبى ولاتريدى وتخافى من تطبيق شرع الله

تدريب و تمويل , وتجنيد وارسال تقرير ؟؟؟؟

ايه ؟؟؟؟وفرقة ايه عن منظمات التجسس والتخابر , ويترا للانتخابات وبس , ولا ليهم استخدامات تانيه ؟؟؟

فى اى دوله فى العالم , بتحترم نفسها وشعبها , تقبل وضع ذى ده ؟؟؟

.

عندك حق يا ديرا
لازم نكون واعيين
و ما ننتخبش فلول و نعيد اللى كان
يا رب نجى مصر و المصريين
ورد كيدهم على نحورهم

دة اسلوب قديم تتبعة امريكا ودة نوع من انواع التجسس
وكانت بتستخدمة من خلال الجامعة الامريكية
بعمل تقارير عن احوال المصريين داخل مصر
على هيئة ابحاث للطلبة
المفروض المخابرات لمصرية تتدخل وتعمل اعلانات وتفهم الشباب

الله يخرب بيوتهم مايسبونا فى حالنا باق

برافو عليهم يعلمو الناس ازي يكتشفو الغش بالانتخابات
ياريت التدخل بالموضوع ده وبس
مش دفع اموال لمرشحين من طرفهم

امريكا تريد اعادة النظام القديم فهو الانسب لهم ولن تغامر بدعم نظام قد يعاديها او يكون عنده دعم شعبي فهم يحاولون مع من بيده الامر من السيطره على الثوره وتفريغ محتواها وان ييأس الشعب من الثوره تحت ضغط غياب الامن والفقر والحاله الاقتصاديه المترديه وحبس الناشطين وتخوين القوي الثوريه وبذلك يكون لها ماارادت فهي لاترغب ان تكون مصر ديمقراطيه حرة الاراده لديها دستور ورئيس ومجلس شعب منتخبين انتخاب حر ونزيه فذلك كفيل بقلب المنطقه رأسا على عقب وسيهز ذلك عروش والتاريخ شاهد على ذلك فإن لم نتحد ونؤمن بقدراتنا على تحقيق الحلم ونستعيد روح الثوره ولانسلم مقادير امورنا ونتكل على المسؤولين الحاليين فى ادارة الامور ولانخاف من الفوضي وانهيار الدوله وتوقف عجلة الانتاج وندرك انه لكل شئ فى الحياه ثمن وبقدر التضحيات سنستعيد كرامتنا وحريتنا

لالالالالالالالا رد بعد ردك ديرا

مش حقول اكتر من اللى قولته بصراحة

ردك عين العقل والصواب

شكرا استاذ

على رأيك يا زهير دا احنا حتى رفضنا الرقابة الدولية على الانتخابات الجاية عشان ناخد راحتنا فى الغش بحجة عدم تدخل واهى بقت شماعة يعلقوا ليها اى حاجة

نفسى نكون وافعيين ولو لمرة واحدة فى حياتنا

الرقابه الدوليه يا جماعه غير الرقابه الامريكيه
و اظن ثبت اكتر من مره ان العالم الدولى كله بيبقى له رأى بالاجماع و امريكا تطلع كرت الفيتو علشان تبطله
لو على الرقابه الدوليه احنا موافقين و يا ريت تدخل رقابه دوليه فى الانتخابات لانها حتكون محايده و العالم كله بيراقبنا
لكن امريكا لو راقبت لوحدها مش حتفكر لا فى مصلحه عالم و لا مصر و لا اى حد غير نفسها
و ممكن تكتشف تزوير و بلاوى و تبتز بيها اللى الحزب اللى بيزور و طبعا اللى يزور مستعد يحط ايده فى ايد الشيطان مش امريكا و ساعتها البلد حتروح مننا و حترجع لوصايه امريكيه مقنعه
لازم احنا نراقب انتخاباتنا بقوه اكتر من امريكا لو مش عارفين ندخل رقابه دوليه يكون كل مصرى رقابه مصريه و نثبت لهم اننا مش سهل الضحك علينا