نقدم لكم اطرف التعليقات والنكت عقب تولى كمال اجلنزورى رئاسة الوزراء فى مصر بعدما كلف المشير طنطاوى رسميا كمال الجنزورى بتشكيل حكومة جديدة بصلاحيات كاملة , ومن المفترض ان يكون هناك بيان رسمي من جانب المجلس الاعلى للقوات المسلحة بتكليف طنطاوى رسميا

وكان من هذه التعليقات الساخرة أو الفكاهية عن ترشيح الدكتور الجنزوري من شباب الشبكات الاجتماعية :

عودة السجايرالبافرا في الاسواق المصرية بعد تشكيل حكومة الجنزوري

الجنزوري يرشح اثنين وزراء للصحة في التشكيل الجديد- واحد خاص بمجلس الوزراء والتاني للشعب.

المشكلة نقول ايه للشباب تحت 17 سنة الي شارك في الثورة ولم يروا الجنزوري ؟

كان فيه جدو رئيس وزراء ورجع تاني؟!

بلاش اعتراض على الجنزوري عشان علي لطفي لسه عايش.

الجنزوري هو أنسب رجل وطني، عاصر ملكين و 4 رؤساء جمهورية..وشارك في ثورة عرابي وحفر قناة السويس ، وحارب مع أحمس

مرتضى منصور ماسك على الناس كلها سي دى الا الجنزورى ماسك عليه فلوبى ديسك

الجنزوري يأمر بلجنة تقصي حقائق للوقوف علي أسباب تأخر تسليم ...

السيارات الدوجان و الشاهين و التلاجات الأيديال ال 10 قدم

الجنزوري رئيس وزراء مصر الثورة...ايوة بقة! هو الغاز المسمم فين أخذ نفسين؟

حكومة انقاذ وطني: الجنزوري رئيس وزراء، فؤاد باشا سراج للداخلية،

إسماعيل فهمي للخارجية، الخازندار للحقانية، وعبد الحكيم عامر للدفاع

أيام الجنزوري كانت ماري منيب وجه جديد

الجنزوري يعني محلك سر... المجلس بيدعم مليونية بكرة

كمال الجنزوري - الله يرحمه - هيشكل الوزارة

بيقولك اللورد كرومر هو اللي اقترح الجنزوري

نهار اسود ع ثورة 19 اللي ماسكين فيها دي !!

يا جماعة يعني ايه الجنزوري واحنا عندنا ناس وطنيين زي النحاس باشا، لحد امتى السفير الإنجليزي..

هيفضل ممشّي جلالة الملك على كيفه؟

قام المشير طنطاوي ( 78 سنة ) باستقبال كمال الجنزوري ( 78 سنة ) لعمل حكومة إنقاذ لثوره الشباب

هل تعلم : في العصر الجنزوري الاول كان المصري الاصيل يعتبر ان مجمع التحرير..

هو اهم انجاز في تاريخ البشرية

الجنزوري يستدعي صلاح الدين الايوبي لقيادة مليونية الاخوان غدا

طب كده خلاص نعمل (unfollow) لعصام شرف ونفولو الجنزوري على اذاعة صوت العرب

مشهد اختيار الجنزوري بيفكرني بحسن فايق في نهاية اسماعيل يس في مستشفي المجانين:

اعمل إيه، السلم، اهرب ما يهمكش، خلاص هاتولنا الاستاذ فريد شرقي

وزارة الجنزوري الثانية لمن فاتته الوزارة الأولى ولهواة التسجيلات

الجنزوري لو دخل على الهاشتاج ده ممكن يجيلوا ازمة قلبية

عبد الوارث عسر ي نظارة المشخصاتية

اعتقد ان نفى سعد باشا وتوليه الجنزورى ف مصلحه كبيره جدا للانجليز

بس يا ترى الملك عمل كده ليه ؟

لما جراهام بيل اخترع التليفون لقى 3 ميسد كول من الجنزوري

يتقريبا 90٪ من شباب الثورة كان ايام الجنزوري بيلعب بنك الحظ

الناس كانت بتعمل جمعيات ويستلفوا عشان يجيبوا دِش

قناة Nile TV كانت حلم حياة أي مصري إنها تجيلوه ع الأرضي

كان متر الأرض أرخص من متر اللحمة

حكومة انقاذ وطني: الجنزوري رئيس وزراء، فؤاد باشا سراج للداخلية،

الخازندار للحقانية، وعبد الحكيم عامر للدفاع

بيقولك مرة شعب ثار علي النظام القديم جابوله اللي اقدم منه

الجنزوري
راجل خلاصة
مبروك لمصر
مصر كدة هاتعدي الازمة باذن الله

الجماعة اللى بيقولوا مش عايزين الجنزورى (الرجل النظيف المحترم و أحسن رئيس وزراء مصرى منذ ثورة 1952) عشان دا كان من النظام القديم و عايزين حد من التحرير نسيوا عصام شرف و العيسوى (اللى قلبوا الدنيا عليهم) كانوا جايين منيين!!!!!!!

واللى بيقولوا دا كبير فى السن و عنده 78 سنة (كما لو كان جاى يقعد 10 سنين مش كام شهر) هما نفسهم اللى بيهتفوا للبرادعى اللى برضه فى أواخر السبعينيات وعايزين ينتخبوه رئيس جمهورية لمدة 4 سنوات على الأقل!!!!!!!!!


أعتقد أن الهتاف المناسب حاليا فى التحرير هو (الشعب يريد أن يعرف هو عايز ايه)

العالم اللى بتعارض الجنزورى لابتفهم ولابتعرف شئ 000 عايزين البلد تعيش فى هدوء شوية 000 كفاية قرف بقه 00 الراجل فعلا سوف يكون كام شهر 000 امال البرادعى 00 عمرو موسى 00 وغيره اللى عايزينهم زؤساء لمدة 4 سنوات دول اللى فالحين 000 انتم عايزين تخربوها وتقعدوا على تلها وبس 0000جاكم القرف 000

حرام عليكو الدكتور كال الجنزورى انسان محترم اة كان من النظام القديم بس مقعدش مبارك شالو عشان شريف هاتو السيرة الزاتية لية واقروا عنو انسان محترم جدا

انا متفق معاكم ان الجنزورى محترم ... بس مش عاوز استعجل ما اشوفه هيتصرف ازاى في المرجلة اللى جاية هل سيصلح ولا الشرطة هتغلبة وهيرضخ للمجلس العسكرى

كمال الجنزوري مواليد 12 يناير 1934 (العمر 77 سنة)، رئيس وزراء مصر الأسبق (4 يناير 1996 - 5 أكتوبر 1999) ، صاحب فكرة الخطة العشرينية التي بدأت في 1983 وانتهت عام 2003 ، تجاوزت مصر خلال ثلاث خطط خمسية مرحلة الانهيار ودخلت في منتصف الثالثة مرحلة الانطلاق . لُقب بوزير الفقراء و الوزير المعارض لما ظهر منه في وقت رئاسته الوزراء و عمله الذي اختص برعاية محدودي الدخل.
ولد الدكتور كمال الجنزوري في قرية جروان - مركز الباجور - محافظة المنوفية في 12 يناير 1933، متزوج وله ثلاثة من البنات، بنتان خريجتا كلية الهندسة، والأخيرة خريجة كلية التجارة الخارجية قسم "إنجليزي"، وكان لاعبا لكرة القدم منذ كان طالبا في المرحلة الثانوية ، ثم الجامعة ، ومن هواياته الكرة الطائرة وتنس الطاولة.
حاصل على دكتوراه في الاقتصاد من جامعة ميتشجان الأمريكية
شغل منصب عضو مجلس إدارة أكاديمية السادات للعلوم الأدارية
شغل منصب عضو مجلس إدارة أكاديمية البحث العلمي والتكنلوجيا
شغل منصب مستشار اقتصادي بالبنك العربي للتنمية الاقتصادية في أفريقيا
شغل منصب عضو هيئة مستشاري رئيس الجمهورية
شغل منصب عضو المجالس القومية المتخصصة للإنتاج والتعليم والخدمات.
قام بالتدريس في الجامعات المصرية ومعاهد التدريب.
أستاذ بمعهد التخطيط القومي 1973
وكيل وزارة التخطيط 1974-1975
محافظ الوادي الجديد 1976
محافظ بني سويف 1977
مدير معهد التخطيط 1977
وزير التخطيط 1982
وزير التخطيط والتعاون الدولي يونيو 1984
نائب رئيس مجلس الوزراء ووزير التخطيط والتعاون الدولي أغسطس 1986
نائب رئيس مجلس الوزراء ووزير التخطيط نوفمبر 1987
رئيس مجلس الوزراء يناير 1996 - أكتوبر 1999
بدأ في عهده عدة مشاريع ضخمه بهدف تسيير عجلة الإنتاج والزراعه معتمدا علي تربة مصر الخصبه ولكي يتم التوسع بعيدا عن منطقة الدلتا المزدحمه بالكثافه السكانيه، من ضمنها مشروع مفيض توشكى الذي يقع في أقصي جنوب مصر، وشرق العوينات وتعمير سيناء بالإضافة إلي الخط الثاني لمترو الأنفاق الذي يربط بين منطقتي شبرا الخيمه في محافظة القليوبيه والمنيب في محافظة الجيزه مرورا بمحافظة القاهرة عند محطتي أنور السادات وحسني مبارك بالخط الأول وقد كان الهدف من هذا المشروع الحد من الازدحام المروري بمحافظات القاهرة الكبري.
كما أقر مجموعة من القوانين والخطوات الجريئة من بينها قانون الاستئجار الجديد محدود المدة، كما ساهم في تحسين علاقة مصر بصندوق النقد الدولي وكذلك بالبنك الدولي . كما شهد في عصرة تعثر بنك الاعتماد والتجارة، وتدخلت الحكومة لحل الأزمة وضم البنك إلى بنك مصر.

طبعا الجنزورى معروف للجميع بنزهته وحبه للبلد دى مش زى ناس تانية ما يهمهاش غير مصلحتها الشخصية ... وكمان الجنزرى بجد شهدت ليه الايام بحب الناس ليه وثقتهم فيه وهو يستاهل كده ...وكمان الى ما يعرفوش ما يتكلمش عنه والى بيقول انه كبير والكلام الى مامنهوش فايدة ..هو الراجل حيعمر فى البلد دى هما كام شهر الحد ما ينصلح حال البلد.. وبلاش نقول فاشل او مجلش فاشل ..المجلس الى بتقول عليه فاشل هو حامى مصر بفضل الله اولا وهما خير اجناد الارض ..المجلس ادى دور انت ما كنتش موجود فيه لا انت ولا حد يقربلك جاى تتكلم دلوقتى عن المجلس هاااااى اصحوا من غير المجلس حضيع مصر وبلاش كلام انت مش قدوه .زلان بجد البلد ختخرب من ناس ماتعرفش حاجة وبتتكلم على الفاضى والمليان كانها فيلسوفة زمانها لا يعرف عن البلد حاجة لا اقتصادها ولا مشاكلها ولا حتى سياستها ويجى يتكلم عن الامن فيها والفساد وطلب الحرية واسقاط المجلس وكلام عبيط كده مالوش معنة .... لان الامن والامان ما يتمش غير فى وجود المجلس والشرطة الى تهانت ما فيه الكفاية ..الفساد الى موجود دلوقتى ...ده فساد عملوه ناس بايديهم بلطجة وان كنت تريد الحرية فانت حر طالما انت فى مصر اتطالب بالحرية لماذا وانت تتمتع بها لا قيود ولا استعباد من احد اتقوا الله فى البلد دى ..اقتصادها انهار البورصة كمان بتنهار كل يوم والتانى مليارت بتروح ,,فقر وبلطجة واعمل شغب ..عاوزين ايه بالله عليكم حررررررررررررررررام ارحموا مصر
كمان ليكم نفس تنكتوا ايه الانتماء ده البلد بتروح مننا وبنكت على رموز من حقنا ان نلقى لها التحية لما فعلوه للارض دى

التعليقات والساخرة من الدكتور كمال الجنزورى اكبر دليل على الكارثه والمصيبة الكبيرة اللى احنا فيها
راجل زى الجنزورى انطرد من حكومة المخلوع لمجرد انه بياخد القرارات اللى فى صالح الشعب ومبيرجعش لحسنى ولا اتباعه فى اى قرار لصالح الغلابة يتقال عليه انه من النظام القديم
بلاش كل الكلام ده افرض اننا منعرفش الراجل خالص كل التريقه والسخرية دى من حتى ما نشوفه هيعمل ايه ولا هيقدم ايه
الواضح فعلا ان الناس اللى بتتكلم وبتزعق ووبتعمل قلق كل شويه اما لانها عايزه تعمل قلق وفوضى وخلاص او انها مصرة على اهداف شخصية وكأن مفيش فى مصر غير الدكتور البرادعى اللى معتقدش انه لسه يعنى فى العقد الثانى من العمر ولا حاجه
هو مش كفاية عصام شرف اللى طلع من التحرير لمصالح ناس معين برضه


حرام عليكم ارحموا مصر

الجنزورى أشرف رئيس وزراء عرفته مصر وهو صاحب انجازات عظيمة لمن لايعرفه0 أقول هذا وارجعوا لتاريخ الرجل وانجازاته فى الفترة القليلة التى قضاها فى الوزارة واسألوا عن سبب اعفائه من منصبه

يا جماعة لازم نعرف كويس ان محدش هيجي بدون انتخاب الا لما يتهاجم من اي حد ..( اسلامي - او غير اسلامي او حتي شيوعي )
لازم ندي فرصة لمجلس الشعب و انا شايف ان الجنزوري هو افضل شخصية علي الساحة عندو خبرة ودي مطلوبه حاليا لينا + الصبر علي الحكومة الحالية (لله ) بدل ما نروح نخرب البلد ( وندعي حبها ) علشان ايه ؟؟ بيقولو دم الشهيد بيضحكو علينا بيه شوية خونه اتعلمو ازاي يستفزو الشعب ويولعو الدنيا بمكرهم .
واخيرا ..
لازم نشغل عقلنا وكفايا لعب بعواطفنا - علشان خااااطر بلدنا بجد ..
وبلاش نجري ورا الامريكي او المشبوهين ونعرف مين الي حافظ علي البلد في محنتها ( الجيش ) و الاكثر تنظيم و وعي سياسي ( الاسلاميون ) .
بدل ما نسلم دمغنا للاعلام الي اثبت انو خااااااااااااااائن في كثير من المواقف ( ساحر هذة البلد وخادم فرعونها )

هتقولي في ناس كتير ساكتين قاصدك التعبانين ولا انت تقصد المليانين حكايتنا اصلا علي التعبانين
اما التانين فهم تعابين بالفلوس مليانين ومنفوخين معاهم اوراقهم وطايرين وفي اي مكان معششين
خليكم معايا فاكرين في ناس منافقين ميحسنوش غير التطبيل والرقص والتذليل موجدين مع الكسبانين
مفيش غير الوطنيين من الدفا محرومين وعلي المرار صابرين وباديهم شغالين وعلي بلادهم محافظين
دلوقتي بنفكر في زعيم تفصيل بجينات معارضين ورافضين مستنسخ من المؤيدين يا تري حد فاهم من السامعين
حكاية تضحك الغفلانين في ناس كتير مبسوطين وبيقولو علينا موهومين اصل احنا مش عارفين احنا مين
هقولوكم احنا مين
احنا الطيبين للطيبين علي حلمنا محافظين بعزمنا مشهورين وكلنا للمهدي منتظرين

التعليق المحترم على هذه التفاهات .... اللى اختشوا ماتوا ... و اللى ما يعرفش يقول باذنجان ... لان العدس غالى اليومين دول بلا قرف ......
و خير الختام ذكر النبى عليه الصلاة و السلام *****

ياجماعة الواحد بيزعل والله لما يسمع التعليقات الساخرة دي على راجل محترم
الجنزوري هو اللي اختلف مع النظام السابق في وقت لم يجرؤ احد على النظر فقط في وجهه ولو كان مطيع وبينفذ اوامر النظام مكنش غضب عليه ونفاه من المشهد تماما لدرجة ان ايام ما خرج من الوزاره سمعنا انه اتحدد اقامته واحيانا نسمع انهم اغتالوه
الراجل فعلا رجل قوي وصاحب مبادئ وله نظرة وهو حقا المطلوب لهذه المرحله وشخصيا اتمناه رئيس جمهورية وليس رئيس وزراء والقياس مش بالسن لكن بالولاء والانتماء فلو جه شاب عنده 40 سنة عنده نية الاصلاح اه لكن خطواته هتكون تجريبية اكتر من واقعيه ونظرته هتكون على قد خبرته وده ينفع في حالة لو البلاد مستقره هيقدر يصلح اخطاءة لكن في الفترة دي ال لا يحتمل اي نسبة من التجريب او الخطأ البلد فعلا بتغرق ومش هينفعها دلوقت غير الانتماء والوطنية والخبرة وشخصيا لا ارى غبار على الرجل وانا متأكد ان الدكتور كمالا لم يكن لي الا اذا كان يعرف جيدا ماذا سيفعل فهو ظلم كثيرا وكسب تعاطف الكثيرين فلم يكن ليضيع هذا التعاطف بل سيسعى جاهدا ليقول للجميع هكذا كمال الجنزوري حتى ولو كان في الرمق الاخير ولمعلومات الجميع من اهم اسباب استبعاده سابقا انه لم يكن يرغب ب صفوت الشريف ، العادلي ، فاروق حسني في وزارته ولكنهم كانوا مفروضين عليه وسرعان ماتخلصوا منه الرجل حقا رجل نزيه وقوي وذو خبرة اقتصادية وان شاء الله نرى التقدم على يديه يوما بعد يوم وشخصيا لم اكن مطمئنا للمجلس العسكري منذ توليه لكن هذه الخطوة منه هي اول خطوة احسبها له وبأذن الله كل من اعترض على الدكتوزر الجنزوري قريبا يقوم بالاعتذار له بعد ان يرى الاصلاع على يديه بإذن الله وفق الله الجميع لما فيه صالح هذا الوطن

حسبي الله ونعم الوكيل وخلاص--------------------------

انا بقا لا عجوز ولا شاب انا عندى 40 سنة وبعشق حاجه اسمها كمال الجنزورى يا جماعة انا اتعينت مدرس سنة 94 ب 72 جنية والراجل ده رفع الموظفين رفعه جامدة 200%والبلد هتنور معاه صدقونى

انا متفق معاكم ان الجنزورى محترم ... بس مش عاوز استعجل ما اشوفه هيتصرف ازاى في المرجلة اللى جاية هل سيصلح ولا الشرطة هتغلبة وهيرضخ للمجلس العسكرى

طبعا د/ كمال الجنزورى لا خلاف عليه من حيث الاحترام و الكفاءة و طهارة اليد و مثله فى ذلك مثل د/عصام شرف, و لكنه ليس (ساحر) حتى ينجح بمفرده فى رفع (مصر) من المصايب اللى هى فيها لابد أن يساعده (أولادها) يعنى كل الـ85 مليون مصرى
كفايانا مطالب و تصيد للأخطاء و احنا نايمين فى الخط
كل المطلوب (اخلاص-عمل-انتاج) و ان شاءالله ربنا هيكرمنا أخر كرم

اخوانى اصحاب التعليقات لماذا التناقد فى الاراء كيف تتهكمون على الدكتور كمال الجنزورى وخاصةبالكلام على السن وتوافقون على الدكتور البردى ويرشحونه فى ميدان التحرير وهو فى نفس السن اتقوا الله يا اخوتى فى مصر ومن الذى اعطاكم الحق فى الحكم على الناس بهذا الاسلوب الا تعلموا قول الله تعالى (ياأيها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهن ولا تلمزوا أنفسكم و لا تنابزوا بالألقاب بئس اسم الفسوق بعد الايمان و من لم يتب فأولئك هم الظالمون) صدق الله العظيم) مصر فوق الجميع فتعقلوا

الجنزورى رجل محترم فعلا وانا اؤيد رئاسته لمجلس الوزراء
فعلا ونعم الاختيار

كفاية ان الجنزوري كان وزير من 82 ل96 ثم رئيس للوزراء من 96الي 99

ورغم من ذلك لما حب يجوز بنتة باع شقتة علشان يجهزها

مش عندة مليارات في البنوك زي اخونا البعدا

طظ فى التظاهرين الى عاملين نفسهم فاهمين كل حاجه وهما مش فاهمين ولا حاجه ......

لنجعل شعار هذه المرحله اليد على اليد عون والقلب على القلب رحمه والعقل على العقل نابغه ..............ارجو تطبيق هذا الشعار

هو ده اللي هما فالحين فيه الاستظراف وخلاص كل اللي جواه كلمه حزقاه جت وقتها عشان تتطلع علي اساس ان هما اللي هيجيبه الديب من ديله يعني

بصراحة كفاية كفاية لأن الناس زهقت من البلطجة والفشل دكتور كمال الجنزورى من أنسب الناس فى هذه الفتره الحرجة وربنا يوفقه للصواب ويهدى العقول المتحجرة وتستوعب حالة البلد التى فى تدهور مستمر

يعنى اللى بيترىء على الجنزورى هو اكيد انسان تافه ومتخلف
لان الجنزورى فعلا انسان غايه فى الاحترام
وارى ان منهم فى التحرير يريدون حرب اهليه وخراب للبلد ويريدون الديمقراطيه وهم لا يعملوا بها لا يريدوا سوى رايهم ولايريدون سوا من يؤمروا به ونسوا الاغلبيه الكاسه التى لم تنزل اللى الميادين ومن اعطى الشرعيه للتحرير حتى يتمسكوا بقرراتهم
وكيف يامرون بان هذا يمسك وهذا يغادر هما ليسوا الشعب بكامله
طيب ما عصام شرف كان من الميدان وهم الذين حلفوه القسم والان رلا يريدوه
ربنا يستر على مصر ويهدى شعبها ويحفظها من الفتن

لا مانع من الجنزورى ولكن لى رأى فى مرحلته القادمة اذا لحق الاستمرار :-

ممكن جدا يعين شباب معه ويتعلموا من خبرته وبحيث يكونوا جاهزين بعد رحيله للعمل بنجاح

هى وجهة نظرى ولا أعلم هل تصلح أم لالالالالالالا

شكرا مشرفنا العام حامد

ال قال التعليقات والنكت دى اناس تافه حقيره ولاد شوارع وامثالهم بأمس الحاجه الى فرعون مثل المخلوع مبارك ليحكمهم ليجعل كل كلب يعوى وينبح بداخله هم كالفئران لا يظهروا الا اذا غاب القط ...هم لا اخلاق لهم فما ذنب رجل كبير بدلا من ان يقابل بالتوقير والاحترام يقابل بحفنة كلمات من تافهين تافهين تافهين وغير مؤدبين فمن اراد ان يعترض يعترض لكن بضوابط

اتقوا الله وارحمو البلد شويه وبلاش نكسر من الروح المعنويه للناس الكويسه سواء المجلس العسكرى او الدكتور كمال الجنزورى

التحرير وشرفاء الثورة اللي بيضحو بنفسهم حاليا من اجل مصر عندما يعترضو على شخص اعتقد ان اتعراضهم ليس لمجرد السخريه.
انما هذه التعليقات الساخره من الدكتور الجنزوري تخرج من اناس ليس لهم علاقه بالثورة ولا يحملون هم مصر ولا يعنيهم خراب او عمار البلد كل همه هو الجلوس على الفيس بوك والتريقة والسخريه من الجميع .
ايه يعني 70 سنه ولا 80 سنه هو فيه حد عارفه عمره غير ربنا سبحانه وتعال وبعدين الحكايه كلها كام شهر يعني الراجل مش هيطول فيها .
الجنزوري رجل محترم وعصام شرف رجل طيب ومحترم والجميع يعلم ان عصام شرف مشكلته تكمن في الصلاحيات .
وبعدين احنا قاعدين على شاشات الكمبيوتر وفاكرين ان كل الناس وحشه وادارة البلاد سهله سبحان الله لو احنا مكان الناس دي ممكن نغير راينا . اللي ايده في الميه مش زي اللي ايده في النار

والله ما هودينا ورا واخر مصر غير العيال ال في التحرير المش هيعجبهم العجب ولا الصيام في رجب وعلي فكره عمر الامه ما هتجتمع علي حد معين ولازم هيكون اعتراض عي اي شخص من مجموعه معين وهيروحو المدان زيهم زي غيرهم يعني الموضوع دا مستمر مش هنخلص منه وكانت صناديق الاقتراع والانتخاب هتحل كل المشاكل بس نعمل ايه شوية عيال بيبيعو مصر ب100 جنيه جايين اليوم يسخرو من راجل جزمته بتفهم عنهم