الجنزوري يعترف بسبب اقالتة من رئاسة الوزراء بعد 13 عاما من اقالتة في عام 1999 هكذا كان في خطابة امام مجلس الشعب واشارة دار اخبار اليوم لهذا الامر




حيث اقر الدكتور كمال الجنزوري رئيس الوزراء الحالي والمكلف بادارة شئون الحكومة خلال تلك الفترة الانتقالية اليوم في بيانة وخطابة الاول امام البرلمان اليوم بسبب اقالتة من حكومة الجنزوري في عام 1999 وهو مالم يتم الاعلان عنه من قبل حيث وجه الجنزوري خطابة للمتواجدين فرحا لانه يرى وجوها غير الوجوه التي كان يراها خلال 20 عاما ماضية مؤكدا انهم ظلموا كما تعرض هو الاخر للظلم حيث انه حين رفض ان يذهب مع رئيس الوزراء الاسرائيلي من قصر رأس التين الى المطار كان هذا اخر شئ يربطة برئاسة الوزراء وتم اقالتة فورها ليكون قرار اقالتة بسبب رئيس الوزراء الاسرائيلي

وبعدين بقى الله ماطولك ياروح مجلس من الابطال وحكومه كمان ابطال لأ لأ احنا مش حنقدر نستحمل النضالات دى والله الشعب مش عارف يشيل الاعمال الجليله دى فين عاوزين قرارات وتنفيذ احنا حنقعد نغنى على بعض

المفروض ان مجلس الشعب يستدعى رئيس الوزراء لمحاسبته و محاكمته باسم الشعب على التراخى فى تحقيق متطلبات الشعب مش علشان يقعد ساعه يمدح فى نفسه و الناس اللى المفروض بتتكلم باسم الشعب تصقف له

بطلوا نفاق و تصقيف عمال على بطال كم صقفتم لمبارك و فلوله المفروض يتمنع التصقيف فى المجلس خاصه للحكومه
هو انتو مجلس شعب والا لسه مجلس حكومه؟
حسبى الله و نعم الوكيل
و تحيا مصر و ثوره مصر و شعبها العظيم

ماهذه التعليقات الجائرةالرجل يتحدث عن العدالةوالانتاج وعدم قطع الطرق والقصاص من الظالمين ليه نتسرع في الحكم هوانتوايه اتقواالله شويةسيبوالناس تشوف شغلهاوبطلواحباط مش هوده المجلس المنتخب ولاانتواشكال ثورجيةللابدافهمو

مجلس شعب فى بلد فيها ثوره و الشعب والع بره شباب مش لاقيه شغل و لا عارفه تتجوز و لا تسكن و لا تعيش و منهم اللى مقلوعه عينه و اللى شابل صوره شيهده
و المجلس بيتكلم عن انجازات رئيس الوزرا اللى خصخص مصر و باعها فى المزاد العلنى و بيصفقوله
من باب اولى يطلعوا بره يقفوا مع الشعب اللى انتخبهم
من باب اولى يروحوا للشباب و الشعب فى التحرير يحاوروهم مش يطيروا بلونات فى التحرير و يحتفلوا بالكراسى
من باب اولى يتكلموا فى حقوق الشعب المنهوبه
من باب اولى يشرعوا محاكمات ثوريه (مجلس الشعب الوحيد اللى يقدر يصدر قرار و تشريع بمحاكمات ثوريه للمخلوع و فلوله)
و آآآآآآآآآآآآآآآ دى دقنى لو شرعوا حاجه من دى طول ما الاغلبيه خلصلت على كل اللى هى عايزاه من ثمانين سنه
من باب اولى يصدروا قرار بتحويل مبارك لسجن طره
قدامهم ليسته طويله عريضه يتكلموا فيها و البلد مش فى ظرف عادى
لا ازاى ... انجازات الجنزورى اهم
لكن نطلب الصبر ممن نفذ صبرهم و ممن قتلهم الظلم و ممن يطالبون مجلسهم بحقوقهم فيجدوه يصفق لرئيس الحكومه
برضه تحيا مصر و ثوره مصر و شعبها العظيم

وكله بسب المخلوع واولاده علشان خايفين من اسرائيل يهين شعبه ويخون وطنه ربنا يحرقه مطرح ماهو موجود