ليه بس كل التعليقات البايخه دى المفروض ال عايز يعترض من حقه ان يعترض بس يالادب مش بالطريقه الوقحه دى وعلى فكره انا معرفش الدكتور الجنزورى بس ال سمعته عنه انه رجل نزيه نظيف محترم ولو انا حضرت الوقت ال كان يمتلك فيه منصب فى الدوله كرئيس وزراء او كاى منصب غيره كنت اشكر فيه او اقول الحق لكن انا الان اتحدث من منطلق ان هذا رجل كبير وعيب اوى ان اى واحد محترم يتريق عليه بس للاسف ال بيعمل كده دى لا محترم ولا يعرف حاجه عن الاحترام دى نقول عليه انسان تافه مش بيعمل غير انه يقعد يكتب تريئه ونكت وخلاص عايزه اعرف الانسان ال بيترئ ان الدين الاسلامى علمنا ان نحترم الكبير مش نوبخه

انا قلت الله لا يسامح المخلوع دنيا ولا اخره لانة الشعب فى حلة برستوا "حله ضغط " ولما فتح الغطاء احدث انفجار يارب يهدىء الانفجار

اعتقد ان كل اللى بيتقريقوا مش لاقين حاجه حقيقية للاعتراض على د/ الجنزورى الراجل معروف انه انسان محترم و عنده خبره و انسان وطنى والا مكانش النظام السابق اقصاه لأنه انسان شريف و بيحب البلد بجد ، انا سعيده بالاختيار ده و ان شاء الله ربنا يوفقه في المهمه الصعبه اللى هوه اتحملها بالاضافه انه اوضح انه على استعداد للاستماع للاقتراحات من طرف ائتلافات الثورة بالنسبة لاعضاء الحكومه و انه بيشجع ان يكون فيها اعضاء من الشباب ، يعنى هوه مجرد اعتراض و خلاص انتوا اديتو الراجل فرصه علشان نشوف هيكون اد المسئوليه او لا ، و ايه الميزه في د/ البرادعى اللى انتوا موافقين عليه مهو في نفس العمر تقريباً و لكن بتدور حواليه كتير من الشبهات و انا لا اثق فيه و اعتقد ان كثير من المصريين لا يثقوا فيه و الاسباب معروفه ! يا ريت نتقى الله في بلدنا علشان ربنا ينصرنا ، و اعتقد ان الوقت مش محتمل خفه دم و سخرية من انسان ممكن يكون احسن و اجدر من تصورتكم ، و ياريت يكون فيه قدر من الاحترام ، التعبير عن الرأى و الحرية و الحاله الثورية اللى انتوا متقمسينها مش معناها قلة الاحترام و الخروج عن الادب و التقدير مش قادره افهم ليه المفاهيم اتقلبت على قد ما بحترم الشباب اللى قاموا بالثورة على قد ما بحزن لما بسمع منهم نبرة الكبر و العنجيهيه و عدم الاحترام لكل شئ يعارض فكرهم " مع الأسف"

ياجماعة واللة لو جابو لكم عمربن الخطاب لاترضون بة لكن لاينفع فيكم الا.............
.

انا مع كا ميد للدكتور كمال الجنزورى يا جماعة لازم نفهم ان فى يد خافية وراء ما يحدث فى مصر لازم الكل يفهم كدة انا فى ناس من مصلحتها ان مصر تظل فى رجوع للخلف وربنا يستر ويعدى بينا لبر الامان

حسبى اللة و نعم الوكيل فى كل من يحكم على الناس بدون علم واللة انتم عوزين تخربوها وتقعودو على تلها

والله حرام اللي بيحصل ده .. الناس المخلصين بتقع من طولها من اللي بيجرى في البلد من مؤامرات ومكايد ..والناس التانية ولا في دماغهم اي حاجة و قاعدين ينكتو ويقولوا كلام فارغ ولا اساس له من الصحة وكل حجتهم على الجنزورى انه راجل قديم من ايام الملك منتهي اللا مبالاة والانانية وعدم الانتماء .. يارب ارحمنا برحمتك

بلاش سفاله وقلة أدب
ارحموا مص إن كنتم مصريين

والله اللي في التحرير لو جابولهم عمر بن الخطاب ما هيعجبهم

يكفى انه من اقر قانون الايجارات الجديد محدود المدة دون ان يضع له لوائح تحكمه مما جعل الملاك ينهبون الشعب كما لو كان انتفام لملاك القانون القديم وهو احد الاسباب الرئيسية فى تاخر سن الزواج وتدهور حال الكثير من الذين خاطروا بانفسهم مع تجربة الزواج مما اسفر عنه ارتفاع نسبة الطلاق الى اعلى معدلاتها ومن ثم ما يترتن على الانقسام الاسرى من فساد اسرى سواء غى الابناء وسوء حالتهم النفسية وفتح ابواب للشيطان المستفيد الاول من الانشقاق الاسرى اى انه يكاد ان يكون مدخل لفساد جيل باكمله من مجرد جرق قلم لتسن قانون ليعيق حياة اجيال كل ما تطمح فية من ابسط حقوقها هو مسكن بسيط بايجار يتناسب مع الدخل ويضمن استقراره وحفظ كرامته التى اشترى وباع فيها كل من اقتدر ان يبنى عمارة لا لان يربح منها ما يكفيه وانما ليغتنى منها الغنى السريع حتى اصبحت اللى مماعهوش مايلزموش ! فهل جاء الجنزورى الان ليكمل الجزء الثانى من الفساد الاجتماعى ليخرج لنا قانون يلغى قانون الايجارات القدبم لصالح احفاد احفاد كل من امتلك عمارة تم بناؤها منذ 200 عام !!! روح يا شيخ ربنا ينتقم منك

رسالتى الى الرجل الذى خدم مصر لا تحزن من المكتوب من هؤلاء السفهاء الانك اكبر من هذا وليوفك الله فيما هو صالح الى هذة البلد التى عندما سقط النظام ظهرو على شاشات t v ويقولون اننا نحن الذين قمنا بالثورة وليس ال (80) مليون نسو يوم الانفلات الامنى من الذى كان يحمى مصر أليس هم حزب الكنبة الذى يستهزء بهم على الشاشات نسو عند الاتصال عليهم عن طريق الفيس بك والوسائل الاخر (tv_التليفون ) قالو المصريين يحموننا والان يقولون الكنبة او الصامتا اذكر سيدتكم بهذا حتى لا يعرقل السفاها مسيرتك الى العبور من هذة الازمه (اوئيد المجلس للعبور -د الجنزوى للتخطيط )

الدكتور كمال الجنزورى رجل نزية
يكفية انة اكتسب محبة المصريين واسالو الفلاحين
انة الرجل الوحيد فى نظام مبارك الذى اراد وسعى لاكتفاء مصر من اللحوم
ومن القمح

الشعبف الطيب فاكر ان الدكتور كمال الجنزورى جاى ومعاة عصايا سحرية وهيصلح البلد بيها الكلام دة كلام ناس مجانين لازم نعقل شوية ونساعد الراجل دة اى ان كان مين هوة لازم نساعدة ونقف بجوارة ونعمل معة على ايقاف البلد على رجليها ياناس ياعقلين مصر بتقع واتو مش حاسين بحاجة ولاولا القوات المسلحة وسعة صدرها لكل اللى بيحصل كان زمانا زى باقى الدول اللى بتحاول تاخد حريتها وش عارفة كلمة اخيرة على بركة اللة يادكتور جنزورى وربنا معاك ويوفقك

اولا احب اقول حاجه بسيطة جدا لشباب الثورة اللي بينادوا بنقل السلطة الي المدنيين ومش عاوزين حكم العسكر وبحكم دراستي لتاريخ مصر ياجماعة مصر طول عمرها حتي من ايام الفراعنة كانت تحكم حكما عسكريا وده راجع لطبيعة مصر وكثرة الحروب والاستعمار واحب افكركم ان اخر حرب دخلت فيها مصر كانت حرب اكتوبر هل مصر الا ن في مامن تماما عن الحروب وهل انتم متصورين ان مصر لن تمر بعدوان بعد حرب اكتوبر اكيد طبعا لا لان اسرائيل وامريكا ينتظروا الفرصة المناسبة لشن الحرب علي مصر ويجب الان وفي التوقيت ده مش تشكيل حكومة انقاد وطني لا لازم الان يتم تشكيل حكومة ائتلاف وطني تضم العسكر والمدنيين جنبا الي جنب وانا من وجهة نظري المتواضعة افضل ان يكون رئيس مصر له خبرة عسكرية وان يكون احد الرجال الشرفاء اللي خدموا في القوات المسلحة وده من مصلحة مصر الان لان القوات المسلحه هم الدرع الواقي لمصر من الاعداء ولازم يرجعوا لاماكنهم ويفوقوا للتفرغ التام لحماية مصر لان مكانهم مش الشارع تخيلوا الان ان اسرائيل هجمت علي مصر والجيش مشتت في الشوارع هيبقي يعمل ايه يفض اشتباكات المتظاهرين ولا هيدافع عن البلد ارجوكم ياجماعة سيبوا الجيش يشوف شغلوا وروحوا بيوتكم بقي حرام كفاية كده البلد بتتخرب ولا انتم مش حاسين يعني

كمال الجنزوري مواليد 12 يناير 1934 (العمر 77 سنة)، رئيس وزراء مصر الأسبق (4 يناير 1996 - 5 أكتوبر 1999) ، صاحب فكرة الخطة العشرينية التي بدأت في 1983 وانتهت عام 2003 ، تجاوزت مصر خلال ثلاث خطط خمسية مرحلة الانهيار ودخلت في منتصف الثالثة مرحلة الانطلاق . لُقب بوزير الفقراء و الوزير المعارض لما ظهر منه في وقت رئاسته الوزراء و عمله الذي اختص برعاية محدودي الدخل.
ولد الدكتور كمال الجنزوري في قرية جروان - مركز الباجور - محافظة المنوفية في 12 يناير 1933، متزوج وله ثلاثة من البنات، بنتان خريجتا كلية الهندسة، والأخيرة خريجة كلية التجارة الخارجية قسم "إنجليزي"، وكان لاعبا لكرة القدم منذ كان طالبا في المرحلة الثانوية ، ثم الجامعة ، ومن هواياته الكرة الطائرة وتنس الطاولة.
حاصل على دكتوراه في الاقتصاد من جامعة ميتشجان الأمريكية
شغل منصب عضو مجلس إدارة أكاديمية السادات للعلوم الأدارية
شغل منصب عضو مجلس إدارة أكاديمية البحث العلمي والتكنلوجيا
شغل منصب مستشار اقتصادي بالبنك العربي للتنمية الاقتصادية في أفريقيا
شغل منصب عضو هيئة مستشاري رئيس الجمهورية
شغل منصب عضو المجالس القومية المتخصصة للإنتاج والتعليم والخدمات.
قام بالتدريس في الجامعات المصرية ومعاهد التدريب.
أستاذ بمعهد التخطيط القومي 1973
وكيل وزارة التخطيط 1974-1975
محافظ الوادي الجديد 1976
محافظ بني سويف 1977
مدير معهد التخطيط 1977
وزير التخطيط 1982
وزير التخطيط والتعاون الدولي يونيو 1984
نائب رئيس مجلس الوزراء ووزير التخطيط والتعاون الدولي أغسطس 1986
نائب رئيس مجلس الوزراء ووزير التخطيط نوفمبر 1987
رئيس مجلس الوزراء يناير 1996 - أكتوبر 1999
بدأ في عهده عدة مشاريع ضخمه بهدف تسيير عجلة الإنتاج والزراعه معتمدا علي تربة مصر الخصبه ولكي يتم التوسع بعيدا عن منطقة الدلتا المزدحمه بالكثافه السكانيه، من ضمنها مشروع مفيض توشكى الذي يقع في أقصي جنوب مصر، وشرق العوينات وتعمير سيناء بالإضافة إلي الخط الثاني لمترو الأنفاق الذي يربط بين منطقتي شبرا الخيمه في محافظة القليوبيه والمنيب في محافظة الجيزه مرورا بمحافظة القاهرة عند محطتي أنور السادات وحسني مبارك بالخط الأول وقد كان الهدف من هذا المشروع الحد من الازدحام المروري بمحافظات القاهرة الكبري.
كما أقر مجموعة من القوانين والخطوات الجريئة من بينها قانون الاستئجار الجديد محدود المدة، كما ساهم في تحسين علاقة مصر بصندوق النقد الدولي وكذلك بالبنك الدولي . كما شهد في عصرة تعثر بنك الاعتماد والتجارة، وتدخلت الحكومة لحل الأزمة وضم البنك إلى بنك مصر.

قرأت كل التعليقات كلها الا واحد تؤيد الجنزورى وانا معهم
ان شاء الله ربنا هيرفع عنا الغمة والبلاء خصوصا بلاء بعض من هم بميدان التحرير

الشعبف الطيب فاكر ان الدكتور كمال الجنزورى جاى ومعاة عصايا سحرية وهيصلح البلد بيها الكلام دة كلام ناس مجانين لازم نعقل شوية ونساعد الراجل دة اى ان كان مين هوة لازم نساعدة ونقف بجوارة ونعمل معة على ايقاف البلد على رجليها ياناس ياعقلين مصر بتقع واتو مش حاسين بحاجة ولاولا القوات المسلحة وسعة صدرها لكل اللى بيحصل كان زمانا زى باقى الدول اللى بتحاول تاخد حريتها وش عارفة كلمة اخيرة على بركة اللة يادكتور جنزورى وربنا معاك ويوفقك

أحسن مشاركة فى هذا الموضوع
د/الجنزورى ليس معه عصا سحرية
د/الجنزورى محتاج كل (مصرى) معاه فى مهمته الصعبة
عايزين كل واحد (يثور) زى ما هو عايز بس (على نفسه) حتى يغير (نظامه الفاسد) القائم على السلبية و الكسل و الاعتراض على الفاضية والمليانة

الجنزوري رجل محترم
ويستحق كل التحية والتقدير
وبانتظاره

لما الدكتور شرف من التحرير ومعملش حاجة جايين تقولو تانى من التحرير يااما فلا ده صلح مصر ايام ماكان عليه ضغوط كتير ايام مبارك سيبوه يشتغل دلوقتى من غير ضغوط ولا توجيهات من اى سلطة هو اللى هيعدل المايلة تعقلو يااهل مصر الشرفاء وليس ال.....................................

والله فعلا إحنا شعب فرعون ومابينفعش معانا غير فرعون متجبر يحكمنا بالعصا . يا جماعة حرام عليكم إصحوا شوية إنتوا فاكرين إن إللي في التحرير دول ملايكة وهما إللي عندهم مصلحة البلد . يا جماعة إصحوا دول كلهم أجندات خارجية عاوزه تخرب البلد وما يغركش الشخصيات اللي نازله تساندهم . دول نزلوا علشان مش عاوزين يفقدوا شعبيتهم وعلشان كده تلاحظ إنهم مش عاريفين يتكلموا عموما حسبي الله ونعم الوكيل في كل اللي عايز يخرب البلد .ولكي الله يا مصر

تعلقات سخيفة ودمها تقيل
الراجل محترم وذو خبرة
اللى فى ميدان التحرير والمعتصمين امام مجلس الوزراء شوية بلطجية وخونة وعاوزين حال البلد تستمر فى فوضى
برادعى ايه وهباب ايه - حطوا عليه بردعة واركبوه فى ميدان الوساخة والقاذورات والتحرش الجنسى والبلطجة
ميدان العباسية والوقفة فيه اثبتت ان الشرفاء والمخلصين للبلد لكم بالمرصاد ايها الخونة بالتحرير لانكم تعملون على هدم البلد لحساب الاعداء ياشوية خونة

هو فى ايه ما تدوا الراجل فرصه ده 6 شهور بس يا عالم

كان لازم المشير يجيب الجنزورى
أمال يعني كان ح يجيب عيل عنده 60 سنة

الصعيد لم يقل كلمته بعد ,,,,, لان اللى فيه رجالة ومستنيين لعب العيال نهايته ايه ,,,, ولما حيتكلم كلامه حينهى كل شىء ..,, الصعيد يتفاهم الان بالعقل اولاً وان لم يجدى فلن يستخدم الا القوة .. الصعيد يؤيد الدكتور كمال باسره ..

بعض الشباب المصرى بعد الثورة لا يحترم كبيرا او صغيرا
بل انة اصبح لا يحترم من يخالفة الرأى
ترى هل الشباب المصرى اصبح كذالك فعلا ؟
وان حريتة التى اكتسبها بدماء الشهداء هى السبب فى عدم احترام الغير؟
هل لو جاء الجنزورى فى عهد الرئيس السابق كان سيلاقى هذة الاهانات ؟
هل وصل بنا الامر الى هذا الحد ؟

الناس اللي عاشت وقت ماكان الجنزوري رئيس الوزراء يعرفوا قيمة هذا الرجل وعقليته في التفكير وقدرته علي اتخاذ القرار اما السادة المعتصمين المتظاهرين اللي جابوا لنا الرجل الطيب عصام شرف محمولا علي الاعناق من التحرير وجاب لنا وزير مالية اسمه سمير رضوان ضحك علينا وقال ابعتوا مؤهلاتكم للوزارة علشان التعيين ووصل للوزارة 20 مليون خطاب ب25 مليون جنيه مكسب للبريد وفي الاخير اعطانا بمبه ولم يقدم اي شيئ للبلد وفشل مع رئيس وزراءه ولم يقدم لنا سوي الكلام
اصبروا علي الجنزوري 3 شهور زي ما صبرتم علي شرف 9 شهور وعسي ان تكرهوا شيئا وهو خير لكم و شوفوا وزير المالية سمير رضوان

السلام عليكم ورحمة الله وبركاته

بصراحة مصر محتاجة عمل وعايزين ناسس تبنى مش تهد هما
'الثائر الآفة هو من يظل ثائرا، وأن الثائر الحق هو الذي يثور ليهدم الفساد ثم يهدأ ليبني الأمجاد''.
لدعاة الشيخ محمد متولي الشعراوي
هل سنبنى ام سنهد

الدكتور الجنزورى وزير الفقراء
ربى يوفقه ويصلح ما بين ايديه

بسم الله والصلاة والسلام علىنبيه الهادى ومن سار على هدية ليوم الدين وبعدانا ربة منزل لااعرف الكثير عن السياسة لكنى فى كل ليله كنت انام وانابابى مفتوح واشعر بلامان رغم ضيق الحال وسوء المعيشة لكن دائما ماكنت احلم لاولادى بحياه افضل وعيشه كريمة وجاءت الثورة فايقظتنا من ثبات مر علية سنين وخرج المارد من بوتقتةليحطم جدار الظلم وينجلى الليل......ولكن باتت الامور يوما بعد يوم مخيفه صرت اغلق على بمائة ترباس ..وصارت الامور مليئه بالضباب ولا نعلم لصالح من ..وكثرت الفتن .حفظكم يا اولادى منها.اما بانسبه للسيد كمال الجنزورى فانا لااعرف عنة اكثر مما قراته فانا لم احضر بناء الاهرامات ولم يكن لى شرف حضور ثورة 19 لكنى شرفت بحضور ثورة 25 يناير وكل ما ارجوة حبا فى مصر ان نعطى لة الفرصه لتهدا الامور ونخمد الفتن ولبس الرفض الاعمى حبا فى الله خافوا ان نصبح عراق جديده..ولانملك الاان ندعوا الله ليعينهم لما فيه خير البلاد وان تشرق شمس مصرنا الحبيبه دون ان تحذف بالحجارة او تختنق بدخان القنابل المسيله للدموع استودعكم الله

الدكتور الجنزورى لا شائبه عليه بالمره وربنا يوفقه الى قيادتنا الى بر الأمان فى هذه المحنه الخطيره وكبر سنه وحنكته تجعلنا نطمئن الى قيادته الحكيمه وتاريخه مشرف وصفحته نظيفه بيضاء والله يعينه وهو ليس بطامع الى منصبه الذى سيتولاه حيث ان المخلوع أقاله حين كان يشغل منصب رئيس وزراء