بعد ان اعلنت وزاره الداحليه بأنه تم التحفظ فى مكان امين على الضابط محمود صبحى الشناوى وهو الضابط الذى ظهرت له فيديو فى الفتره السابقه بأنه مسئول عن ضرب المتظاهرين فى اعينهم وبعد ان قام الرأى العام كله ضده بسبب حصد عيون شباب امتنا فى التحرير بشارع محمد محمود الذى اسماه الثوار عيون الحريه رمزا لكل العيون التى فقدت لاصحابها بسبب تعمد القناصه على العيون وكذلك اعلن النائب العام بعرض الششتاوى على النيابه للتحقيق بل ان بعض المصادر ان التحقيق تم بالفعل مع الششتاوى ولكن سرا الا ان الفرحه لم تكتمل وكعادى وطبيعى لوزاره الداخليه التى فقد الشعب ثقته فيها منذ فتره اعلن اليوم منصور العيسوى فى مداخله تليفونيه لبرنامج القاهره اليوم بأن الششتاوى هرب اثناء ذهابه للنيابه وكأن الداخليه تخرج لنا لسانها وهى تقول هو انتم فاكرين انى اقدم المتهم وادين القيادات ده عشم ابليس فى الجنه وهكذا لازالت الداخليه تتلاعب بنا ولا يستطيع عليها احد

اكيد ياعيسوي بتهزر
اما دمك شربات لو كان كلامك صح

قبل ما يمشى من الوزاره يهرب المجرم طبعا
حسبى الله و نعم الوكيل

السلام عليكم ورحمة الله وبركاته
والحمد لله رب العالمين حمدا طيبا كثيرا مباركا فيه كما ينبغى لجلال وجهه وعظيم سلطانه والصلاة والسلام على رسول الله صلى الله عليه وسلم
لا اكيد الموضوع فيه ان

انا مش مصدقه ان البلد دي حتتعدل ولايوجد لدي اي قناعه بان الي بيحصل ده في صالح الثوره اذا كان فاضل حاجه منها يعني

ربنا موجود وسينتقم منه ان عاجلا أو آجلا

شكرا انج

بجد الوزير مسكين في موقف لا يحسد عليه
مرتبك ومفيش على لسانه غير كلمه واحده هنجيبه هنجيبه .

حيجيب مين ولامين هى جت على هذا الضابط ولا لازم كل القناصه يكون لهم فيديو والله مهزله بس احنا نستاهل كل الى بيجري ده

هروب مين يا داخليه اذا مكنش يتحاسب كل واحد في الداخليه هتبقي في مسائله دوليه

لا والله
اعتبر العيسوي بيقول نكت والا بيقدم مسلسل الهروب الكبير اللي كانت دي اول حلقه منه وعلى ما ينتهي المسلسل يكون طرة نضيف
والله الناس دي بتستعبط ولسه عاسشة في الغيبوبة ومش عايزة تآمن ان الشعب فعلا فاق وعهد جديد بدا لا تصلح فيه مصطلحات العهد الساقط وعموما لو حتى هرب مش هٌرٍب المفروض يتقبض على كل الطقم اللي كان حراسه عليه وعلى امه وابوه واللي خلفوه ومعرفوش يربوه لحد مايظهر ويتحاكم رسمي في الميدان ويتقلعله عين واحده بس بلاش الاتنين علشان يشوف بواحده عينه التانيه اللي راحت ويفضل يتحسر عليها ولو هرب في الدنيا مش هيهرب في الاخرة وياريت كلنا نحسبن عليه ونقول حسبنا الله ونعم الوكيل فيك يا شناوي وربنا يورينا فيك عدله

الشعب والشرطه ايييييييييييييد واحده

النيابة العامة امرت اليوم بوضع ماسمى بقناص العيون على
قائمة الممنوعين من السفر
ولاكن هناك امر اخر
عندما كنا فى الجيش كان اذا حدث امر ما اول من يتم التحقيق معة قائد الكتيبة
ثم باقى القادة دون استثناء ولا تمر مشكلة الا ويعقبها عقوبة دامغة
ولاكن فى الشرطة ماشية بنظام العزبة
اللى معاة سلطة يعمل ما بدالة
والوزير اخر من يعلم
واللة لو فى دولة ثانية كان يقدم استقالتة اول ماعرف ان فية اطلاق نار من اول يوم
حسبى اللة ونعم الوكيل

ما فيش فاايدالبلد مش تاقصةظلم يا شناوى لرجع و حياة (عيونك)

بسم الله الرحمن الرحيم
"ان ربك لبلمرصاد" ورسولنا يقول في حديث فيما معناه "ان الله يأخذ حق الشاة التي كسر قرنها من الأخرى التي قامت بالكسر" فما بالكم ببني أدم .......غدا باذن الله سينتقم الله منه وممن امره بذلك فلنقول جميعا نفوض الامر الى اللهز

عاجل
نقلا عن المصرى اليوم
الظابط المتهم فى قنص اعين المتظاهرين سلم نفسة اليوم 30-11-2011
للنيابة العامة وسيتم معة التحقيق مساء اليوم

كمان شوية يقولك أن مبارك رجع الحكم تاني , ومسك رئيس الجمهورية

الى وزير الداخلية
ياما دافعت عنكم على هذا المنتدى و لازلت أدافع باستماتة عن الشرفاء منكم
ولكن لو صحت تلك التصريحات و هرب هذا المجرم و أمثاله من العقاب فأنت لا تصلح حتى وزير (لمراجيح المولد)

ذكر مسؤول في وزارة الداخلية المصرية الأربعاء، أن ضابط الشرطة المتهم بإطلاق النار على أعين المعتصمين في ميدان التحرير، والمعروف بـ"قناص العيون"، بعد انتشار مشاهد فيديو له على المواقع الإلكترونية، قام بتسليم نفسه إلى الأجهزة الأمنية، بعد تقارير سابقة أفادت بهروبه.

النائب العام يأمر بحبس ضابط الشرطة الملازم (محمود صبحي الشناوي) المعروف بـ (قناص عيون الثوار) 4 أيام على ذمة التحقيق

الى وزير الداخلية
ياما دافعت عنكم على هذا المنتدى و لازلت أدافع باستماتة عن الشرفاء منكم
ولكن لو صحت تلك التصريحات و هرب هذا المجرم و أمثاله من العقاب فأنت لا تصلح حتى وزير (لمراجيح المولد)

والله يا اخي اسلام معاك حق . حسبي الله ونعم الوكيل في هذا المجرم الله ينتقم منه هو وكل الفاسدين في الوزاره اللي مش عايزه تنظف دي . شباب زي الورد حسبي الله ونعم الوكيل
لكن لا يجب ان يقتصر الامر عند ذلك الظابط السادي لان السؤال هل كان يملك رصاص حي بمفرده وكل من حوله من الظباط يضربون بالنبله ؟؟؟؟؟؟؟ اكيد طبعا جميعهم يملك اسلحه حيه
والوزير والمشير يقسم بانه ليس هناك سلاح او رصاص حي اطلق على المتظاهرين من الجيش او الداخليه .
طيب صادقين بس مسؤليتكم تعرفو الناس دي جابت الرصاص الحي من فين ومين صاحب هذه الاوامر .
ما ينفعش وزير مش عارف ومشير مش عارف دا كلام لا يقبل بصراحه

ماهو الحل لعودة الامن الى البلد؟
هذا السؤال كرة جميع المصريين لعدم معرفة الاجابة علية
ساقول لكم شيأ قديما بعض الشيىء ولاكنة من وجة نظرى سبب كل ما يحدث فى مصر الان
عند تولى حبيب العادلى منصب وزير الداخلية قام بعمل قانون يجعل من جهاز الشرطة
سيف مسلط على رقبة كل مخالف للنظام
عمل قانون جديد خاص بالشرطة
من حق وزير الداخلية احالة كل من يصل الى رتبة عقيد فما فوقة الى المعاش
وسمى (بقانون الولاء)
يعنى الظابط اللى هيكون مع النظام يكمل
والظابط اللى هايمشى بالقانون ويطبقة على كل الناس يجلس فى بيتة ومايقدرش يتكلم
ماذا يعنى هذا الكلام؟
يعنى ان جميع القادة من جهاز الشرطة الموجودين الان هم جائو نتيجة فرز دقيق
ليس للكفائة ولاكن لانتمائة للنظام خوفا من التسريح الى المعاش
يعنى لما نقول ان حبيب العادلى بيدير الداخلية وهوة فى السجن لازم نصدق
لان جميع القادة الموجودين الان يدينون بولائهم الاول والاخير لة
اذا ما الحل ؟
انا عندى حل هاقولة
بس عايز اعرف منكم الاول

انا عندى الحل لمشكلة الشرطة
هو صعب شوية بس نتائجة مضمونة
جميع القادة ابتداء من رتبة عقيد يحال الى المعاش بلا استثناء
طبعا حد هايرد عليا ويقول الناس دى تروح فين بعد كدة وحرام ومينفعش000000000االخ
اقول بكل بساطة اى شخص من الشرطة بيطلع معاش علطول بيعمل كارنية من نقابة المحامين ويشتغل محامى وبردة بياخد مكافئتة من الشرطة ودى طبعا مش قليلة ربنا يذيدهم ويبارك لهم ويديهم على قد نيتهم
اذا نعمل اية تانى
نجيب قادة من الشرطة العسكرية ومن القوات الخاصة المصرية ومن الحرس الجمهورى
ومن قوات حرس الحدود
لية القوات دى بالتحديد
لانها الوحيدة التى يمكنها ان تتعامل مع مدنيين ولها بالطبع الصفة العسكرية الصارمة
لو جبت مدير امن ورئيس قسم ومأمور مركز من قوات الجيش
ماذا سيكون وضع جهاز الشرطة بعد هذا التغيير
واظن ان هذة هى الوحيدة التى يمكن ان يقبلها الشعب المصرى
بعد معرفة نوايا القادة

لا حول ولا قوة الا بالله ........ الله المستعان

بالذمة دا تصريح وزير داخلية فى قواة العقلية التصريح بأن المتهم هرب .