|
10 ساعات كاملة هي المدة التي قضتها النيابة تقوم بالتحقيق مع الملازم اول محمد الشناوي في الاتهامات الموجهة الية من قتل المتظاهرين في شارع محمد محمود وفي التحرير وقنص اعينهم حيث جائت اقوال الشناوي انة تلقي تعليمات من الداخلية بتدرج المعاملة مع المتظاهرين في استخدام وسائل المواجهة والتي تبدا بالمياة ثم الدرع والعصا ثم قنابل الغاز المسلية للدموع واكد انة استسخدم جميع قنابل الغاز التي بحوزتة حتي نفذت ضد المتظاهرين فما كان امامة غير استخدام العصا وساتخدام بندقية الفيدرال حتي يتم تموينهم بالقنابل واكد الشناوي علي انة واجة بلطجية بمنطقة عابدين حاملين لبنادق وطبنجات 9 مللي والدليل علي ذلك اصابة 29 عسكري بطلقات خرطوش في انحاء جسدهم واكد ان البلاغات المقدمة ضدة غير صحيحة حيث لم يكن متواجدا في محمد محمود في الفترة ما بين 21 و 22 و 23 نوفمبر واكد انة لم يقم بقتل اي متظاهر وانكر التهم الموجهة الية واكد دفاع المتهم ان كل ما فعلة هو حماية مبني وزارة الداخلية
|
|
كلامه بنسبه كبير صح ومنطقى فهو كان يدافع عن مبنى الوزارة التى يعمل بها ولم يكن فى حالة هجوم على الثوار
|
|
طب واخبار الفيديو ايييييييييييييييه..؟ مفبرك طبعا وكدب الظابط مظلوم واخرتها حياخد براءة
وهى دى وزارة الداخلية وهو دا اسلوب المجلس العسكرى ولكم الله يا شبابنااااااااااا |
|
ما هو الوزاره لو عايزه تساعدك وتثبت انك كنت في اسوان اكيد مش هتغلب يعني . وربنا موجود ومطلع ما علينا برضو ما فهمناش حاجه فيه حد اعطى لك اوامر باستخدام بندقية الفيدرال ولا استخدمتها من تلقاء نفسك . وباقي الفرقة اللي حوليك كانو بيضربو بالفيدرال برضو ولا بضربو بايه بالظبط اخيرا انا عايز افهم ايه هي البندقية الفيدرال دي وايه نوع الرصاص اللي بيخرج منها عشان نفهم بس لو حد يعرف يفهمنا . |
|
طب يا عم البرىء
كنت نشن على ايديهم أو أرجلهم مش عيونهم الصراحة حاجة مستفزة جدا |
|
ينشن على ايديهم ولا ارجلهم ازاي بس يا اسلام الراجل لم يكن متواجد اساسا هههههههههههههههههه مين اللي في الفيديو دا اسماعيل يس . انا بقول ان بوئه واسع اكيد اسماعيل ياسين انت تعرف يا اسلام ايه هي البندقيه الفيدرال دي لو تعرف قولي . الله يجيبك يا زيزو تفهمنا ايه الفيدرال دا [/color][/size] |
|
ما يحدث من التستر على قاتلى الثوار وعدم محاكمتهم بالعدل سيؤدى الى نتيجه كارثيه لا يتحملها الوضع الحالى حيث سيأخذ الاهالى حقهم بأيديهم أو تشكل تنظيمات سريه لأغتيال رجال الشرطه بالشوارع وتكريس روح الكراهيه بين الشعب والشرطه فهل سيكون ذلك فى صالح الوطن ام يعاقب المخطئ لتواصل العلاقه على اساس من القانون وأحترام كل طرف للأخر من أجل مصر متحضره ..
|
|
وبعد اعادة التحقيق اتضح ان الشاب الفاجر الذي ادعي بان الظابط البرئ بورق عبدالتواب الجن الذي اصابه برئ وهو من اطلق عينه علي بندقية الظابط المسالم مما ادي الي اصابة عينه ....... وده العادي من بنك مصر
قصدي وزارة البلطجة المعروفة بالداخلية وعلي رأي الحاج منصور العيسوي قناصة انهييييييين  :confused :ليزر انهوووووون  الداخلية مفيش فيهاقناص  هيصرح بكرة ان الداخلية مفيش فيها ظباط اصلا  |
|
كذب وخداع ونفهق والبقية تاتى هناخد من وزارة البلطجة وشوية ضباط منحرفين عن كل المبادىء التى يتعامل بها الادميين
|
|
الهى ربنا يطفى نور عينك ياجبان زى ماضيعت مستقبل الشباب وعملت لهم عاهة مستديمة وشوهتهم وحرقت قلب اهلهم يارب ينتقم منك ياظالم
|
|
العيسوي : داخليه؟
انا سمعت الكلمه دي فين احنا معندناش حاجه اسمها داخليه في وزارة الداخليه؟ |
|
مستنين عمرو مصطفى يقولنا الفديو بتاعه حقيقى ولا فوتوشوب !
|
|
يا جماعه تقرير الطب الشرعى لسه مش طلع وفى اكثر من 100 واحد مصاب فى عينه بسبب رمى الطوب والحجاره وهناك فيديو مفربك ظهر بكلمه جدع ياباشا الفيديو ده مفبرك اما الفيديو الاول وهو المصور يقول ديه جت فى عينه الموضوع كله ملفق للضابط لان وجه الضابط كان ظاهر بالفيديو وصاحب الفيديو المصور استغل هذه الفرصه ل الايقاع بالضابط بتهمه هو برئ منها والفيصل فى هذه القضيه تقرير الطب الشرعى وفحص السلاح المستخدم فى الجريمه وتنتهى القضية على ذلك وما نشر على الانترنت من صور مصابين بالعين ديه صور سابقه ايام الثورة ونتذكر قضية خالد سعيد لما نشرت بعد التشريح الناس تداولت على ان الشرطة قامو بضرب خالد سعيد وتكسير الجمجمه وكسر فك الوجه و كانت بعد التشريح والراجل مات بالاختناق وجسمه ما كنش فيه ضربه او كدمه واحده و التقطت بعد التشريح والجسم مشوه من التشريح
|
|
الثوار هم اللى ضربوا الرصاص على عينه لكن علشان هو محروس و عينه محصنه رجعت الرصاصه على عينهم هم
و غازات الاعصاب اللى استخدم كل ما عنده من مخزون فيها (دى لوحدها جريمه اباده جماعيه) و حيتحاكم عليها المشير و اللى طلعت فى الفيديو صوره القرين بتاعه مش صورته و كله ملفق و مبارك برىء و العادلى ملاك الرحمه و العيسوى مضطهد من الشعب و الشعب هو اللى بيتسلبط و عامل ميت و الشهداء دول بلطجيه و الثوره مستمره و الشعب صاحى و النصر لمصر و الثوره و الثوار |
|
ينشن على ايديهم ولا ارجلهم ازاي بس يا اسلام الراجل لم يكن متواجد اساسا هههههههههههههههههه مين اللي في الفيديو دا اسماعيل يس . انا بقول ان بوئه واسع اكيد اسماعيل ياسين انت تعرف يا اسلام ايه هي البندقيه الفيدرال دي لو تعرف قولي . الله يجيبك يا زيزو تفهمنا ايه الفيدرال دا [/color][/size] و خير الختام ذكر النبى عليه الصلاة و السلام ***** |
|
المهم ان البندقية ( الفيدرال الروسية الصنع ) عباره عن بندقية تطلق الطلقات الدافعة .. يعنى لازم تتحط فيها اولا قنبلة غاز و اسفلها طلقة دافعة ( عبارة عن كبسولة يتراوح طولها بين عشرة الى12 سنتيمتر تقريبا داخلها هواء مضغوط ) تدفع قنبلة الغاز للامام .. ( يعنى ما فيهاش اى بلى اللى داخل الخرطوش نهائيا .. يبقى فقعت عين البهوات ازاى
استاذ زيزو . الخبر بيقول ان الظابط المتهم قال في التحقيقات ان قنابل الغاز انتهت ولذلك اضطر الي استخدام البندقية الفيدرال الي ان يتم تموينهم بالغاز . يبقى ازاي البندقية الفيدرال مهمتها فقط اطلاق قنابل الغاز والظابط بيقول ان القنابل خلصت ومنتظر التموين . |
|
جاء ببيان وزعته الحركة قبيل المؤتمر الذي تم إلغاؤه، أن نتيجة الفحوص و التحاليل و التى قام بها المركز المصرى للدواء و المركز القومى للبحوث و مركز فحص الحرب الكيمائية فى المانيا و مصر تم التوصل إلى وجود عبوات للغاز الأعصاب و نسبة تركيزه فى العلاف الجوى حوالى 17,2 % و هو من غازات الأعصاب التى تسبب السعال و صعوبة التنفس و الشلل فى بعض الحالات و هذه العبوات هى من نوع CR Gaz و تحتوى على مادة ( البنزو-كسازيين ) ، و هى مادة شديدة السمومة و مسيلة للدموع و تسبب شلل مؤقت و تتسرب ببطء شديد ، ثم تتحول إلى مادة صلبة .
كذلك تم إطلاق قذائف ال CS مكونة من مادة ( الكلورينز)- و هناك -كذلك - مادة (المالونونيتريل) و هى مادة شديدة الخطورة تستخدم على الحيوانات ،من انتاج مصانع (حيفا) بإسرائيل و تاريخ إنتاجها 2009و تستخدمها وزارة الدفاع الإسرائيلية و كذلك غاز (V X) و هو شديد الخطورة يمتصها الجلد و يستمر تأثيرها لمدة 60 يوم و نسبة تركيزها 17%، و العبوة إنتاج أمريكى من أهم و أخطر الغازات فى العالم و تم أستخدامها فى ميدان التحرير و ضد المتظاهيريين فى شارع محمد محمود و تسبب الشلل المؤقت و سعال نصحوب بنزول دماء أحيانا و دموع و صعوبة فى التنفس و رعشة و من الممكن أن تؤدى إلى الوفاة . وقالت الحركة أنها بصدد التقدم بشكة دولية ضد حكومة الولايات المتحدة الأمريكية و الحكومة الإسرائلية لقيامهما بتصدير هذه الأسلحة التى لا تصدر إلا بشروط من أهمهما عدم إستخدامها إلا فى الحروب بين الجيوش المسلحة خاصة مادتى الV(X) , BX ، كما تدين الحكومة الأمريكية والمجلس العسكري بتهمة الضلوع في جرائم حرب . ولـ"محيط" تحدث الدكتور أحمد معتز، أستاذ الجراحة فى قصر العينى ، وأحد الأطباء الموقعين على البيان الطبي وقال أن هذا الغازات خطيرة على الأعصاب ويتم قذفها عبر منصات مدرعات عسكرية تم إهدائها لمصر ، وقال أن غاز cs لا يتم إطلاقه إلا على حيوانات وليس في مساحات محدودة وبنسب مخففة، وكافة الأحراز موجودة لدى الجهة مقدمة البلاغ من قنابل مسيلة وصناديق مكتوب عليها اسم الشركات المنتجة . وقد شاهد الطبيب بنفسه شاب جثته زرقاء ومتفحمة لأن الغاز أطلق عليه من مسافة قريبة ، ومن الغازات ما يصيب بالشلل المؤقت وانفلات الأعصاب ويتحول لمادة سامة بالجسم وبعضها يؤدي لسرطان القولون والإلتهاب الحاد بالرئة . وأكد د. معتز أنه تم إخفاء بعض الأدلة و تهديد لأطباء الطب الشرعى بمشرحة زينهم و القيام بتفريغ تقرير الصفة التشريحية لبعض الشهداء من مضمونة . وتضم لجنة العلماء المصريين الذين قاموا بفحص العبوات التى أطلقت على المتظاهريين السلميين حتى الآن من : د. أحمد معتز - أستاذ الجراحة لطب قصر العينى د. خالد مأمون - أستاذ تحاليل الأدوية و المواد الكيمائية و الغازات الكيمائية د. حسن توفيق - أستاذ الحرب الكيمائية د. خالد حسن إبراهيم السباعى - أستاذ تحاليل الغازات السامة و المنبعثة د.طارق جلال سعود - أستاذ تحاليل الغازات السامة و غازات الأعصاب د. أميمية إسماعيل صبرى - أستاذ الغازات السامة بجامعة كاليفورنيا يذكر أن انتقادات عديدة وجهت خلال المؤتمر من قبل المشاركين لتقرير وزارة الصحة والسكان والمركز القومي للبحوث اللذين أعلنا خلو القنابل المسيلة للدموع فى أحداث ميدان التحرير وشارع محمد محمود من الغازات السامة.. المصدر و لقراءه المزيد |
|
استاذ زيزو . الخبر بيقول ان الظابط المتهم قال في التحقيقات ان قنابل الغاز انتهت ولذلك اضطر الي استخدام البندقية الفيدرال الي ان يتم تموينهم بالغاز . يبقى ازاي البندقية الفيدرال مهمتها فقط اطلاق قنابل الغاز والظابط بيقول ان القنابل خلصت ومنتظر التموين . و خير الختام ذكر النبى عليه الصلاة و السلام ***** |
|
ما هو حتى لو الخبر و الاقوال صحيحة .. و ده مشكوك فيه بنسبة 100% لان الضابط عمره ما حايقول كده نهائيا لانه اكيد حاصل على فرقة فض شغب و اعتصام ( من فرق تدريب الامن المركزى ) يبقى لو ضرب الطلقة الدافعة فقط فى الفيدرال تعمل صوت شديد مرعب ممكن يجرى قدامه شارع بحاله .. لكنه مجرد فرقعة و خلاص .. و اعتقد ان ده غير وارد نهائيا بالموقف الحادث يومها .. و اخيرا اللى يقول انه حاصل على صورة من التحقيقات كاذب تماما 100% لان قضايا القتل او حتى الشروع فيها لا يسمح قانونا بنسخ او تصوير اى من اوراقها الا بعد التحويل للقضية كاملة للدائرة المختصة للفحص .. يبقى كل اللى اتقال ( فشنك ) صدقوا بقى ان الولعة و التشكيك و اثارة الفتن عمرها ما حاتخلص مننا خالص .. ربنا يهدى يارب .. مش كده و الا ايه ؟؟؟؟؟؟
و خير الختام ذكر النبى عليه الصلاة و السلام ***** شكرا زيزو باشا على التوضيح الرائع فعلا (فسئلوا أهل الذكر ان كنتم لا تعلمون) |
