قام المجلس الاعلى للقوات المسلحة اليوم بوضع الرسالة رقم ( 90 ) على الصفحة الرسمية للمجلس الاعلى للقوات المسلحة على الفيس بوك .

إيمائاً من المجلس الاعلى للقوات المسلحة بأهمية التواصل مع الشعب المصرى وشباب الثورة
أليس من حقنا الدفاع عن ممتلكات الشعب المصرى العظيم والتى أقسمنا على حمايتها .. هذه هى صورة المخطط الذى يتم تنفيذة ضد مصر وهى تسجيلات خاصة بنا , وسيتم نشر مزيد من الفيديوهات تباعاً لإيضاح الحقائق أمام الرأى العام .

وبعد هذة المقدمة قام بعرض فيديو قصير يوضح المخطط التى يتم تنفيذة على مصر - وهو ان فى بعض الاشخاص يلقون الحجارة على مبنى مجلس الشعب فعلا أكيد الناس دى حد بيوجهها عشان تخرب مصر - وبعد ذلك موجود أيضا فى الفيديو شخص يقول لو عاوزين بنادق ندب فيهم هندب فيهم ومموجودة البنادق وبعد كدة يرد علية واحد يقولوا موجودة فين لو موجودة روح هاتها متكلمش - وبعدين تخرج فتايات اشكالهم غريب ويقولون يسقط يسقط حكم العسكر وبعدين يرددون هتافات بزيئة جداً ميصحش ان بنات محترمة ترددها وهو ( الجيش والشرطة ايد وسخة ويكرروها أكثر من مرة ) وبعدين فى بنت من البنات دى تقوم برمى حجارة على المبنى وبتضحك لصحابتها بذمكم دة من الاحترام ؟ وانتم هتشوفوا بنفسكم فى الفيديو و اشياء آخرى .

وبعد انتهاء الفيديو وجة المجلس العسكرى رسالة وهى

لقد عرضنا جزء من ما يتم تدبيرة وتنفيذه ويوضح ما تتعرض له ممتلكات مصر .
ونحن نهيب بكل الشرفاء فى مصر التكاتف من أجل حماية مصر وتاريخها وتراثها والذى فقدنا منة الكثير فى احداث اليوم . والله الموفق

ودى الرسالة بالفيديو

انا مستغرب هجوم الناس على الجيش والمجلس العسكري

انتو عاوزين المجلس العسكري يعمل ايه مع المتظاهرين اللي بيخربو البلد ,, يصقفوا لهم

كل واحد جايب صورة عسكري او واحد من الجيش ماسك شومه وبيضرب بيها واحد ,, يقلك ايه الوحشيه دي
ايه المعامله القاسيه دي

ما الناس دي راحت تخرب وترمي حجارة وقلة ادب لانظير لها

عاوزين ايه

الجيش يقف


اهو المجمع العلمي اتحرق
واشهر كتاب في تاريخ العالم كله من وجهة نظري

وصف مصر

الكتاب الاثري اتحرق


مين المسؤول ابن الكلب عن حرق الكتب الاثريه دي


دول ثوار دول


الله يحرقهم كلهم اللي بيخربو في البلد

سؤالى لو كلام المجلس العسكرى صحيح طيب ايه الحل نروح نجيب جيش وشرطة من بلد تانية تقبض على المخربين قبل التخريب ولا تسيبوا الناس تموت بعض واهو نبقى ارتحنا من دول ودول وفى الاخر احنا المجلس العسكرى الى ماحدش يقدر يقرب لنا انا عايزة افهم فين المباحث والمخابرات والاجهزة الى تعبتوا دماغنا بيها شغالة ولا فى اجازة من ايام الثورة عشان بتنتقم من الشعب الى ثار وبتربية عشان عرف يقول " لألألألألألألألألألألألألألألألألألألألألألألألألأ لألألألألألألألألألأ"

بس الى قال لأ خلاص عمرة ماهيقول اه ايبدا

اتمنى من الله ان يخزي كل خائن و يحمي مصر و شعبها و ثوارها الابطال.

كلمة حق المجلس العسكري سبب الفتنة الأول والمسؤول عن كل البلاوي التي تحدث لمصر رغبة في إيجاد الذريعة للبقاء في السلطة رغماً عن إرادة الجماهير المصرية من يريد الحقيقة يراجع الفيديوهات كاملة لسحل وقتل الثوار ولتمزيق ملابس الفتيات ولإطلاق الرصاص على المتظاهرين اعتقد شخصيا انه اي المجلس العسكري لم يكن صادقاً في بياناته السابقة أنه لم ولن يطلق الرصاص على المتظاهرين ولا أعتقد أنه صادق في اي وعد مما يقول بل كلها عبارات فارغة لا تساوي ثمن الوقت الضائع لسماعها أو التعليق عليها أيها الفاسدون ارحموا من طلتكم البهية

التظاهر الموجود أمام مجلس الوزراء من أول الانتخابات كان خطأ كبير لأن ده السبب فى تتدخل فلول النظام السابق أو يد خارجية أخرى على حد قولهم , كان المفروض أن الشباب تصبر شويه حتى ولو ده كان خطأ ، اللى حصل ده يرضى والله ما يرضى أى حد إن إحنا نحرق باإيدينا كتب وخرائط تاريخية ، بدل مانتقدم إحنا بنتأخر سنين ، والله فى دول بتضحك علينا وطبعا أنتو عارفين الكلام الباقى وحتى ولو الجيش المصرى له يد فى ذلك لازم يكون فى حكمة فى ذلك وأنا لا أشك فى وطنية االشباب المصرى ، لان الانتخابات إكتملت وفى يد ظهرت وطلعت وبانت على الشباب والان فين اللى كانوا بيقولوا إحنا معاكم هما الان بيعملوا أحتفالات على الفوز والشباب بيموت وهما مابكو على الشباب الثورة وعلى فكرة أنا من الشباب وأنا معكم منذ البداية وكنت مناصرة لشباب من الاول ولكن لازم يكون فى وقفة لان والله ده حرام دى بلدى ولازم نحافظ عليها ومنخربش وما نتحرقش فيها لان دى امانة سوف نسال عليها

الثوره لم تنتهى
لا بد ان يعى المجلس ان الشعب المصرى مازال نار تحت رماد
لم تحقق اي من مطالبه و لم يشعر باى تغيير
بل الظلم استفحل اكتر و اصبح بانياب و مخالب
و لا بد ان يسلم المجلس اداره البلاد لمجلس رئاسى مدنى بسرعه و يعود الى ثكناته مشكورا
لا تحكم البلاد بالجيوش فهم لحمايه الحدود و الوطن
لا تحكم البلاد بالداخليه فهم للامن الداخلى المدنى فقط
لا تحكم البلاد بالفلول و الفاسدين و الرئيس السابق كما يحدث فى مصر
ربنا موجود و سينصر مصر و ثوره مصر و شعب مصر
و حسبى الله و نعم الوكيل فيمن اراد بمصر سوء لمصالح دنيويه زائله

الاطراف الخارجية والمندسين والجن الازرق اللى بيعمل الحاجات دى فى البلد انا مع المجلس فى كده
لكن برضوا المجلس هو المسئول قدامى عن كل الخساير دى
اولا مفيش ادارة ازمات وبيسيبوا المبانى تولع بالساعات وموجهين الخراطيم على الناس علشان يفضوا التظاهر

لما جيش قا الدنيا وموسسة زى الشرطة مش عارفين يحموا كام مبنى من المخربين امال مين اللى هيحمينا

يا ريت انا اتمتع بوسع صدر المجلس العسكرى انا لو منهم والناس بتخرب بممتلكات الشعب لكنت سحقتهم مهما كان التمن يا ريت الناس تفهم الحقيقة

ليه بتحملو ا المجلس العسكرى ككل شئ يهمى لو وقف مع المعتصمين وحماهم تقولوا ده مش بيعمل حاجه لو ضرب اللى بيخربوا مصر وتراث مصر تقلوا ضرب الشعب يعنى عايزينهم يضربو ويموتو وما يدفهوش على نفسهم ايه الجخود ده والله المجلس العسكرى بين ناريين يحمى الشعب ولا حدود الشعب ولا حدود مصر ولا منشات مصر ولا جنوده ---يا ناس ليه بنضرب بعض دول بردخ مصريين زينا دمنا واحد ليه كده عمرنا ما كنا يا مصريين كده لعن الله الفتن المجلس العسكرى منهم ابويا واخويا وجارى وابنى ودول اللى ماتو على تراب مصر من اجل شعب مصر دول بتوع حروبنا ونصرنا وحرب اكتوبر ليه بس كده ادعوا معايا يا رب اهدى شعب مصروانصرنا على القوما لفاسدين جنااااااااااات

المسالة واضحة ايها السادة واضحة وعلى فكرة التصوير كان من الخلف وهو متحرك بمعنى اصح فيه تجهيز للتصوير ده والمخربون المأجورون واقفين بكل أمان وطمأنينة فالاستنتاج القوى هو ان المجلس العسكرى هو من اراد تصوير فيديو كهذا لكى يتهم الشعب كل من يخرج مناديا بالحق فيتساوى عند الشعب البلطجى والثائر فيقف الشعب بجوار المجلس العسكرى....يااحبابى هل مارأيناه يصعب على الشرطة والجيش ان يتصدوا له ؟؟؟؟!!!!ان الامسئول الاول فى نظرى قبل هؤلاء المرتزقة المخربون هو المجلس الاعلى العسكرى

وجهة نظرى المتواضعه هى أن الذى أدى بنا إلى ذلك هو طبطبة المجلس العسكرى مما شجع الخارجين على القانون وذوى الأجندات والمخربين والبلطجية وفلول النظام السابق والراسبين فى المرحلتين الأولى والثانية فى الإنتخابات والبرادعى وحركة كدبة إبريل وكلب ذى عمر عفيفى اللى قاعد فى أمريكا وبيخطط من هناك لخراب البلد هو الذى أوصلنا إلى هذه المرحلة من التردى وسمح للأقزام بالتطاول على هيبة وعظمة مصر الغالية . أطالب المجلس العسكرى بالضرب بيد من حديد على كل من تسول له نفسه الإساءة إلى هذه البلد ولو بالللفظ فقط كما أطالب ببعض الشفافية فى عرض وتوضيح للرأى العام حتى يتسنى لنا مؤازرة قواتنا المسلحة للعبور بهذع البلد الغالية إلى قلوبنا إلى بر الأمان بفضل الله

انا مؤيده للمجلس العسكرىوكل مصرى شريف بيحب بلده لازم يؤيدهم ويسا ندهم لان الى بيحصل ده تحطيم نفسى لهم وتشكيك فى اما نتهم لبلدهم .مين بيحمى مصر بعد الله سواهم