بسم الله الرحمن الرحيم



فى مفاجآة من العيار الثقيل تبين ان عبودة مفجر احداث شارع مجلس الوزراء نجل القيادي بالحزب الوطني إبراهيم العبودي
إبراهيم عبودي عضو مجلس الشعب عن دايرة الضاهر والأزبكيةسنة 2005 و 2010 عن الحزب الوطني و الذي ترشح على المقعد نفسه
في انتخابات 2011 هو والد عبودي المتسبب في إشعال الموقف في التحرير على قناة الحياة الآن: عبودي في المستشفى العسكري ولا نستطيع أن نتواصل معه ونريد أن نطمئن عليه أنا ووالدت

يذكر انه ذكر فى أول الأحداث ان عبودى من ألتراس الأهلي ولم يتم الأفصاح عن من هو والده

وايه يعني ابن ده ولا ابن ده
مش جايز هو يختلف عن والده
مش ولاد حسام البدراوي كانو مشاركين ايام 25 يناير
وفي مسؤولين من عصر مبارك اولادهم كانو مشاركين بالثورة
انا لاابرئه ولا اتهمه كونه ابن واحد من الفلول
على فكره نادر متلاقي اب مصري يقول لابنه روح المظاهرات

وأيه يعني الولد ده أنا أعرفه كويس هو مشترك في الثورة من البداية ومختلف عن أبوه تماما كفانا تهريج مصر ضاعت والسبب الفلول إل تركهم المخلوع بعده ..........ز إرحمونا حرام عليكم مصر بضيع أمام أعيننا ..... حرام ..... حرام ....... الثورة في طريقها للضياع وإل بيحكوا السبب ... ياريت يتركوا الحكم لسلطة مدنية تقدر تدير المرحلة الحالية ....... حرام عليكم والله حرام

يا جماعة كفانا تخريب فى البلد اللى يحب مصر مايخربش فيها تعالوا نبنى ونعمر مشى عايزين نهدم و نخرب انا عايزة اشوف مصر احسن بلد فى الدنياولازم نشتغل وننهض بامنا الغالية احنا فى بلدنا عقول مستنيرة عندهم افكار عظيمة ناخد الافكار دى وننفذها عمليا حنلاقى بلدنا بتتقدمويارب الخير كله لمصر مصر مصر مصر مصر مصر مصر مصر مصر

عادة ما يطلع الولد لاْبوه وطبعا اْبوه في غاية السعادة من المصيبة اللي عملها ابنه وربنا ينتقم من كل من اْراد بمصر سوءا

يعنى ده مبرر لسحله بالطريقه دى

على الرغم من حبي للنادي الاهلى إلا أنني أكره الالتراس الاهلي و بدءت أشك فى نواياهم وأنهم هناك من ورائهم وذلك بسبب أفعالهم وسلوكياتهم و سوء أفعاهم وكل ذلك واضح من الفيديوهات الخاصه بهم وسيل الشتائم التي يسبون بها ... كل ذلك يجعلني أتسائل من هؤلاء لقد عرفنا الثوار الحقيقين فى أول الثوره في حسن خلقهم ولم تصدر منهم أي فعل خادش أو تصرف يضر بالبلد أما هؤلاء فعلى النقيض تماما من ذلك ......

رد على زهير ابراهيم: هناك فرق بين ان يشترك ابناء من هم من الفلفل وبين ان يفجر ابنائهم المشكلة.

اللي يحب مصر يشارك في عملية الانتخابات لأنها خيار معظم المصريين خلاص احنا ما صدقنا مبقاش في تزوير علشان الناس تختار اللي تحبه وتشوفه الافضل لمصر والمصريين واللي بيرفض نتائج الانتخابات هو يبحث عن مصالحه الشخصية لانه عاوز يسرق وينهب زي ما كان بيحصل في عهد المخلوع .... لابد كلنا نمشي في المسار السليم الكل يساهم في عملية الانتخابات ولا داعي لوجود أي حد في الميادين ولا مجلس الشعب ولا مجلس الوزراء ولا التعدي على الشرطة والجيس في الوقت الحالي حتى لو حصل اي تجاوزات اللي يحب مصر يتحمل الكام يوم دول لحد ما ا لانتخابات تمر على خير ويجي رئيس مدني ومجلس شعب قوي لحماية ممتلكات البلد من النهب اللي مستمر حتى الآن أرجوكم بأه ارجوكم ملوش لزوم اي قلق حتى نستقر ونشتغل شوية وتستقر البلد يارب يارب نعمر مصر والدنيا تهدأ

ألم تعلم أن الولد سر أبيه

بكده اتحلت المشكلة حتة شاب تافه ينتقم لأب أتفه منه في ثياب التورة

ايا يكون ابن مين ينفع الطريقة الوحشية فى التعامل مع الناس كده

أنت عايز تقنعنى أن أبوة وداه عشان يحصله كدة ؟
طيب لو أبوة خلاه يروح يعتصم أدام مجلس الوزراء هل أنت لو مكانه هترضى يحصلك كل دة ؟
يا جماعة بالعقل مفيش حد بيرضى لنفسه و لأبنه البهدله

و عايزة أقول حاجة أقسم بالله العظيم حقيقة والله على ما أقول شهيد
أنا والدى فى القوات المسلحه هل أنا موافقة على إلى بيحصل ؟

المفاجأه لا تسئ اليه بالعكس هذا الكلام ينصفه علشان المجلس وانصاره كانوا بيحاولوا يوصفوه على انه احد الصيع والبلطجيه

سبحان الله مش ابن سيدنا نوح كان كافر!
سبحان الله مش بنت حسام بدراوي كانت في المظاهرات!
عادي يعني
مش هي دي القضيه .. القضيه رحيل المجلس الوسخ

يا جماعه هو ابوه وداه علشان يحصل له كده طب ما هو لو عاوز يفجر المشكله كان جاب بلطجيه وكان هيبقى بعيد عن الموضوع تماما ارجو منكم عدم التفكير بالرجعيه دى و خلونا نفكر ازاى نتقدم مش كل لما نقول البلد هتستقر ييجى المجلس العسكرى يعمل مشكله و نقول فلول . ربنا يصلح حال البلد

لكل العقلاء . اذا منعك بعض الأفراد من الدخول او الخروج من منزلك ثم اخذوا يلهون ويلعبون امامه ثم قذفوا الكرة فدخلت منزلك وطلبوا اعادتها فماذا تفعل؟؟؟؟؟؟؟؟