بسم الله الرحمن الرحيم


هل تمنيتى ان تقومى بنفسك برسم الحناء بنقوشها المميزة
اليكى طريقة سهلة وبسيطة وغير مكلفة لكى ترسمى أفضل نقوش الحناء
خطوات لتعليم رسم الحناء على اليد و الأرجل لنفسك

-هتجيبى حنه عاديه من عند العطارهتقوليله بجنيه حنا
هتجيبى بجنيه كمان حجر اسود مطحون من عند نفس العطار

-من الصيدليه هتجيبى ازازة ماء اكسجين بحوالى اتنين جنيه

-من المكتبه هتجيبى استكار بلاستيك لزقه قوى او تكت بتاع الكراريس

طريقه العمل:-

-هتجيبى طبق غويط شويه وصغير

- وهتجيبى فرشه روج قديمه ومش لازماكى

-هتحطى معلقه صغيرة من الحنا

- وهتضيفى ليها شويه كمان من الحجر الاسود المطحون

-وهتعملى الخليط دا بماء الاكسجين لحد مايبقى شبه متماسك يعنى يبقى زى طلاء الاظافر كده

- بعد كده بفرشه الروج القديمه هتبدى تحطى على ظوافرك الحنا

- وهتسبيها لحد ماتنشف وهتلاقيها بتتشقق - الموضوع مش اكتر من ربع ساعه

-فى حاله ان الحنا ساحت من ظافرك على الجلد .. بعد ماتغسليها بمنديل عليه ماء اكسجين بتمرريه على الاجزاء الزيادة .. وبتمرير سلك الالمونيه على المكان دا هتلاقيها طلعت كانها لم تكن ...

طريقه الرسم:-

هنجيب الاستيكار .. او التكت هترسمى عليه رسمه زخرفيه حلوة ...وهتبدئى تفرغيها ... وبعد كده هتفكيها وتلزقيها على ايدك ... هتبدئى تحطى الحنه فوق التكت .. او الاستيكار ..وهتستنيها لما تنشف وبعد كده هتشليها وتغسلى ايدك بالمايه عادى ... وبس..

ملحوظه :-

اوعى تحطى فى خلطه الحنا اى مايه عاديه ... لان ايدك هتولع

هل انت مجربتيها ولا لا

عفوا بس استخدام الصبغة "الحجر الأسود" والاكسجين خطر جدا حتي لو استخدمته خبيرة لانه قد يؤثر علي من تستخدمه والله حتي انه كاد يودي بحياة احدي قريباتي.... نحن في السودان مهتمين بالحناء جدا جدا لكن طريقة استخدام الصبغة كادت تنعدم عندنا لخطورتها ..... اتمني من الجميع ينتبهوا قبل لا يستخدموا اي وصفة