بسم الله الرحمن الرحيم


اليكم طرق رائعة لعمل اللانشون او المرتديلا في البيت ويمكن عمله من اللحم او الدجاج او الرومي او البلوبيف

المقادير

- حوالي 400 جرام صدور فرخه مخليه من العضم والجلد
- بيضة كاملة مع بياض بيضة تانيه
- شريحة بصل كبيرة
- ربع فص توم من الكبير او فصين تلاته متوسطين
- معلقتين ونص كبار بقسماط مطحون
- معلقة كبيرة دقيق
- معلقة صغيرة مستردة
- معلقة صغيرة زيت زتون او اي نوع
- شريحة طماطم صغيرة
- روز ماري 4 اعواد صغيرين

- شعره من كل نوع ( جنزبيل - بهارات لحمة - فلفل اسمر - كبابة صيني )




مقادير الماء المغلي ( اللي هانسوي فيها اللانشون)

باقي البصلة اللى خدنا منها الشريحه قطعيها شرايح وشوية حبهان وورق لورا وروز ماري وبهارات

الطريقة


اولا هنحط كل مقادير اللانشون في الكبة او الكيتشين او الفود بروسيسور او المفرمه اي حاجة عندك تكون بتنعم اوي
ونفرمهم كويس جدا جدا كل ما تنعم الخلطه كل ما تكون احسن



هنجيب ورقة فويل او الامونيا ونفردها على الرخامة ونفرد فوقيها بلاستيك بتاع الاكل زي مافي كده



وبعدين نفرد عليهم الخلطة وممكن نضيف عليها في الخطوة دي حبوب فلفل اسمر او زيتون مخلي ومتقطع



وبعدين نلف العجينة في البلاستيك الاول كويس على شكل اسطوانة وحاولي تطلعي منها الهوا


وبعدين نلفها بورق الفويل



حضري حلة واسعة واملي ثلثينها مياه وحطي فيها مقادير مياه الغلي زي ماكتبت فوق



بعد ماتغلي المياه لمده 5 دقايق حطي بقى لفة اللانشون وغطي عليها وسيبيها على النار لمدة نص ساعة تغلي

بعد كده طلعيها وفكيها من الورق وسيبيها تبرد خالص وبعدين قطعيها زي ماانتي عايزة وقدميها وده الشكل النهائي

المقادير



نص كيلو صدور دجاج مخليه
كوب بقسماط ناعم
4 فصوص ثوم
بيضتان
ملعقه كسبرة و بقدونس مفروم ناعم
ملح
بهارات




الطريقة


نقطع صدور الدجاج قطع صغيرة ثم نقوم بفرمها مع فصوص الثوم


ثم نفرمها مرة اخرى مع البهارات و الخضرة حتى نحصل على عجينة ناعمه جدا و ده بيكون شكلها



ثم نضع البيض فى طبق و نضرب كويس بالشوكة و يضاف الى الخليك السابق حتى يندمج تماما مع العجينه




ثم نضع كوب البقسماط نلاحظ تكون عجينة متماسكة جدا



نلف العجينه اما فى ورق قصدير مدهون بالزيت او انا كان عندى الاكياس الخاصة بدخول الفرن حطيتها فيه و بعدين لفيت فوقها ورق قصديرو تحاول تشكلى العجينة على شكل اسطوانى على قد ما تقدرى و ما تخافيش اذا ما اعطتيكيش الشكل المطلوب لانه بعد ما بتدخل الفرن طلعت معايا اسطوانه مظبوطة جدا





ندخل الاسطوانه فى صينية بالفرن و نضع قليل من الماء فى الصينية حتى لا تحترق و تكون حرارة الفرن متوسطة
و تقريبا بتقعد ساعه فى الفرن
مع العلم تقلبى الاسطوانه بعد نص الوقت على الجهة الاخرى حتى نتاكد من استوائها بالكامل


نترك اللانشون بعد خروجه من الفرن لمده حوالى ساعه حتى يبرد
وده شكله بعد ما برد



و بعدين نقطعه على قد استخدام يومين او ثلاثه و الباقى وضعته فى لفريزر مقطع جاهز بحيث اخرجه قبل الاكل بشويه

يسلم الايادى راااااااااااااااااااااااااااااااااائع

جميله جدااريد طريقة الانشون الساده