المتظاهرين امام مبنى الاذاعة والتليفزيون والذين اعلنوا اعتصامهم امام مبنى ماسبيرو داعين لتحقيق اهداف الثورة كاملة وتطهير الاعلام وسرعة تسليم السلطة الى مدنيين برئيس مدني وحكومة مدنية و وسط اعتصامهم فوجئوا بوجود فتاة في العشرين من عمرها تردد هتافات مؤيدة للمجلس العسكري ولاستمرارة لحين تنفيذ خارطة الطريق فما كان من المتظاهرين الى ان قاموا بالاعتداء عليها بالضرب معترضين على تاييدها للمجلس العسكري , فقام بعض المتواجدون امام ماسبيرو بمحاولات عديدة ومتعددة لانقاذها واخذوها لاحد الشوارع الجانبية قبل ان يرددوا هتافات ضد المجلس العسكري والاعلام واصفين اياهم بالكذب

بصراحه ده غلط جدا



كل واحد من حقه ينزل و يهتف باللى هو عايزه

حتى لو هيهتف لمبارك نفسه

هى دى الديموقراطية

انا مش شايف انى البنت غلطانه

هى شايفه انى المجلس العسكرى صح و دى وجهة نظرها مع انى معترض معاها بس .. فى اسلوب للاعتراض

مش تضربو بنت .. يا نهار ابيض

هى البت غلطانه عشان لازم تراعى مشاعر الناس وأهالى الشهداء , بس برده اللى ضربوها دول أوساخ زى ما عملوا مع الأستاذ محمد البلتاجى فى التحرير.

بصراحه ده غلط جدا



كل واحد من حقه ينزل و يهتف باللى هو عايزه

حتى لو هيهتف لمبارك نفسه

هى دى الديموقراطية

انا مش شايف انى البنت غلطانه

هى شايفه انى المجلس العسكرى صح و دى وجهة نظرها مع انى معترض معاها بس .. فى اسلوب للاعتراض

مش تضربو بنت .. يا نهار ابيض

فعلا عندك حق ميزوليكس
حرام عليهم يضربوها وكانوا يتركوها فى حالها
مع ان انا مؤيدة بقاء حكم العسكر مؤقتا والى ان تستتب الامور وننتخب رئيس لمصر

اذا حكم العسكر انتهى حاليا من غير وجود رئيس
فكيف ستكون احوال مصر ؟؟؟؟؟؟؟؟؟؟؟؟

تحياتى

لو هي ديه الحريه بناعه الثوره يبقي يسقط يسقط شباب الثوره

يضربوها لية ؟؟

حرام بجد

سانكث

الديموقراطية انك تقول رائيك وتحترم مشاعر الناس التانية وارائها دي نازل تستفزهم

نراعي مشاعر الناس الاول وبعد كدا نحاسبهم ع افعالهم

ازيك يا جدتي مش عارفة اكلمك خالص وحشتيني جدا

ثانكس

طبعا الى حصل مش مقبول بس هى اه الى نزلها وياتري كانت لبسه عبايه ولا لأ عايزه اسمع اصوات من يدافع عن المجلس العسكرى ولاده حلال على المؤيدين وحرام على الثوار وتبدأ الفتاوى تتفصل على المقاس

الديموقراطية انك تقول رائيك وتحترم مشاعر الناس التانية وارائها دي نازل تستفزهم

نراعي مشاعر الناس الاول وبعد كدا نحاسبهم ع افعالهم

ازيك يا جدتي مش عارفة اكلمك خالص وحشتيني جدا

ثانكس

يا آيتن يا حبيبتى وانتى كمان وحشانى خالص خالص
ومبروك الترقية
انا نسيت خالص خطوات فتح الملف الشخصى
ومش عارفة ارجع فيه وشكرا حبيبتى

ما انت ما ينفعش تكون اهلاوى و تدخل وسط جمهور الزمالك و تقول يعيش الاهلى هههههههههههههههه

و ما ينفعش تكونى مؤيده للمجلس و تطلعى فى وسط مظاهره بتقول يسقط المشير و بالذات فى ماسبيرو اللى حصل فيها مدابح و كل واحد من دول مات له عزيز على يد الجيش و سحل و ذبح بالسونكى و هرس تحت مدرعات الجيش على حسب تقارير تقصى الحقائق

و لو كنتى فى ليبيا ما ينفعش تقولى يعيش القذافى فى وسط ثوار كل واحد فيهم فقد عزيز عليه و هتك عرض له على يد القذافى و فلوله

عندك العباسيه او لمى اللى زيك و اطلعو فى حته بعيد عن جماهير الثوره و اللى عايزين يحرروا مصر من حكم العسكر و دورى على مظاهره بتطالب باحتلال العسكر و الاصرار على العبوديه و بيقولوا المجلس هايل ما حدش مات ايام حكمه و الامن مستتب و الظلم انتهى و ما فيش اعتقالات و لا عاهات (يمكن تلاقى حد بيقول كده زيك انضمى له و ربنا كفيل بيكم)

و مع ذلك انا كنت افضل انهم يوعوها و يفهموها الحقيقه ان كل واحد فينا مات له عزيز و المفروض انها تراعى مشاعرهم و لا الومهم على رد فعلهم و يمكن تكون مدسوسه علشان (كرسى فى الكلوب زى كل مره) لكن ربنا يعديها على خير و ا يحصلش عنف و تظل سلميه سلميه

و تحيا مصر و ثوره مصر و شعبها العظيم

اخر الزمن الراجل المصري يضرب بنت هي دي الرجوله

ماشاء الله علي الديموقراطية اللي بينادي بها الثوار اصبح رايهم هو الاهم وغيرهم هم الخونه ادا عبروا عن رايهم بما يخالف الثوار ونعم انا عاشقه للجيش المصري وبهذا اهتف وقادته هم قادة الافرع اي هم عماد الجيش واحترم جدولهم لنقل السلطه وتحملهم لكل نقد

تطلبون من الغير مالاتستطيعون عملهتطلبون حريه للراي وانتم تمارسون المصادره علي الراي اليس غريبا بعد الثوره الا استطيع التعبير عن رايي حتى ولو كنت اقلية وسظ اللغلبية عجبي

ضرب البنات مرفوض مرفوض مرفوض
مهما كان السبب

سبحان الله ولا حول ولا قوة الا بالله اي حرية هذه التي نسعي اليها حريه التعبير عن الرأي الواحد ومصادرة اراء الاخرين بل تصل الي الضرب والتعدي علي الراي المخالف وايضا فتاة اين الشهامة والمرؤة حتي ولو مخالفة في الراي !!

وللسيدة بديعة احب اققولها هذا ليس ماطش كورة ومشجعيين بل المفروض ثوار مثقفين وواعيين والمفروض محبين لوطنهم يستمعون لبعضهم البعض وما معني لمي اللي زيك او روحي العباسية او احتلال العسكر؟؟؟
وتحرير مصر ممن ؟؟هو العسكر ده جيش اسرائيل واحنا مش فاهمين ؟؟ ولا جيش بلدك الباسل
وسبحان الله علي الثوار اللي بيثورا لمقتل عددمن الجنود علي الحدود ويخرجون لقتلهم في الميادين ووسط البلد!!

مهي دي اخلاق شوية الصيع هم دول اهالي شهداء قلوا دول تجار عوزين فلوس الشهيد لو كان شهيد له الجنة اما البلطجيه لهم جهنم بأذن الله

يا ثوار مصر مش البنات والسيدات حرائر مصر لا يجوز ضربهن والتعدي عليهن وهن خط احمر ولا هن خط احمر للجيش فقط اما الثوار فلهم الحق في فعل كل شئ !!!!!!!!!!!!!!!!

عيب عليكوا كده ديه زى اختكم ولا مش قادرين على الجيش وبتتشتروا على البنات

هواصلاالناس اللى عندالتحريرواللى عندالاذاعة دول همج لاهماثواروديمقراطيين
ومين اللى اداهم الحق يتكلموابلسان الشعب اويحجرواعلى رأى اى حدمن الشعب؟
الشعب كلة يريدالمجلس العسكرى ولوهمامش عاجبهم يشربوامن البحر
ولومش مصدقين يعملوااستفتاء شعبى وهم يعرفوا:
بس ياريت بعدالاستفتاء يطلعواديمقراطيين ويحترموارأى الشعب ويحترموانفسهم.

أنا الصراحة مش عارف إزززاااااي إحنا في الثورة بنطلب الديمقراطية
وفي نفس الوقت :
إحنا مش عارفين معناها ؟

اين حرائر مصر يامن تدعون انكم ثوار والثوره بريئة منكم ياماجورين

انا زهقت من الاخبار جدااااااااااااااااااااااااااااااااااااااااااا

يا ست بديعه اتقي ربنا انتي متعريفش عتملو فيها ايه هي دي الثوره والحريه للراي لو يعرفو معني للحريه يعرفوا ان الراي يتقال في اي حته يا مدام بطلي تريقه

ما حدش جاب سيره البلطجيه (قصدى اهالى بولاق ابو العلا الشرفاء) اللى هاجموا المتظاهرين فى ماسبيرو و لما الخبر اتذاع فى القناه الرسميه (طبعا على ان اهالى بولاق ابو العلا الشرفاء) زعلانين من متظاهرى ماسبيروا و خايفين يقف حالهم فطلعوا يفضوا الاعتصام

اللى لم يكن متوقع ان اهالى بولاق ابو العلا الحقيقين طلعوا على ماسبيروا و قالوا احنا مش بلطجيه و احنا مع الثوره و الثوار و اتخلصوا من البلطجيه (اللى اتزقوا تحت اسم اهالى ابو العلا الشرفاء) و هى دى مصر و شعب مصر حاجه تشرف

و كمان ما حدش جاب سيره حزب (العباسيه مشتكيه) اللى بيحرروا فيها اهل العباسيه الشرفاء بجد من تهمه البلطجه اللى نسبت اليهم و هم مع الثوره و الثوار و مع حقوق الشعب كله و لو كره الكارهون

و نفس الشىء عن اهالى عابدين الشرفاء اللى طلعوا و حرقوا المتحف (طلعوا مش اهالى عابدين و مزقوقين طبعا) لانه مش اى حد يطلع فوق المتحف و يصرح له انه يحرقه براحته

هى دى مصر و هى دى مواقف الشعب الحق اللى مصر على حقوقه لاخر نفس
و تحيا مصر و ثوره مصر و شعبها العظيم

أهي بنت أنضربت من الجيش من الثوار أهي أنضربت ولا هي حلوة من البلطجية اللي عند ماسبيرو ووحشة من الجيش ؟

أعوذ بالله منك شيطانة

امال فين حريه الرأى والديمقراطية اللى الثوره قامه عليهم :-s للأسف الناس لسه متغيروش

أهي بنت أنضربت من الجيش من الثوار أهي أنضربت ولا هي حلوة من البلطجية اللي عند ماسبيرو ووحشة من الجيش ؟

أعوذ بالله منك شيطانة

أولا كويس انك اعترفت انهم بلطجيه عند ماسبيرو و مش المتظاهرين اللى ضربوها و ده اللى حصل
ثانيا ما اعتقدش انه حتى البلطجيه دول عروها و ضربوها بالبياده (يعنى الجزمه) فى صدرها زى ما عمل الجندى الشهم اللى بيضرب الحريم
ثالثا الشيطان هو اللى يروح فى مكان فيه عزا و حزن و امهات فقدوا ولادهم و ما حدش فيهم خد حقه من القاتل و يهتف بحياه القاتل و عظمته (ده اسمه شيطان و ما عندوش نقطه دم و اللى بيفهم فى الادب و الذوق يعرف ان ده مالوش دعوه بالحريه و الديمقراطيه) لان الحريه محدوده بحريه الاخرين و الديمقراطيه مرهونه باحترامك لرأى الاخرين و الاسلام بيقول نحترم مشاعر بعض ما ينفعش جارك عنده عزا و تعمل فرح فى الدين مكروه و فى الاعراف كلها و فى كل التقاليد و الاخلاق فى كل الاديان عيب

و جرب يتقتل لك حد او يندبح بدم بارد بس يكون حد عزيز عليك قوى زى ابنك اخوك ابوك مثلا و فى العزا تلاقى اللى بيعزيك بيقولك فى داهيه اللى مات و يعيش اللى قتله (اكيد حتديله بوسه و تاخده بالحضن)
و يا ريت بلاش قله ادب علشان بتتهموا الثوار بقله الادب و انا ما بشفتش قله ادب الا من زوار فى المنتدى
و تحيا مصر و ثوره مصر و شعبها العظيم