ابو تريكة يرفض ان يجلس مع المشير طنطاوي في جلسة عقدت للاطمئنان على اللاعبين وكانت فور عودة اللاعبين من بورسعيد في مطار الماظة حيث يحمل اللاعب الدولي محمد ابو تريكة المجلس العسكري المسئولية الكاملة لما تمر به البلاد في هذه الايام يذكر ان ابو تريكة كان من ضمن لاعبي الاهلي الذين رأوا الموت باعينهم في استاد بورسعيد واقر بانه قام بتلقين احد المشجعين الشهادة ومات على يده واعلن هو وبركات ومتعب اعتزالهم الكرة اعتراضا على ماحدث بالامس ,

كما خرج محمد ابو تريكة في مظاهرة اليوم ضد المجلس العسكري قائدا الهتافات قائلا " يسقط يسقط حكم العسكر "

اذا كان المجلس العسكري حافظ علي ارواحنا في اول الثوره فلابد ان يحافظ علي حياة الشعب حتي النهايه مش ممكن سقوط مصر يبقي علي يدك يا سيادة المشير لو مش قادر تحافظ عليها اعطيها للي يستحقها وربنا معنا بامره حتي النهايه وان شاء الله مصر ستظل آمنه بفضل الله وحده

نحن نحب الجيش ونحترم المجلس العسكري ولكن اذا كان تدمير البلد هيكون علي يده يبقي مش عايزينه الله الغني عنه . ان شاء الله آمنه يا بلدي بعون الله وفضله آمين يا رب العالمين

ارجو من المجلس العسكري ان يري ما تراه الناس ولا يري ما تراه عينه فعين واحده لا تري كل الاشياء .. اذا كان وجود المجلس استمراريه لدمار البلد فنرجوا ان يرفع يده ويعطيها للامين عليها في هذا البلد

هل يا تري حقا سيادة المشير خائف علي البلد اتمني ان يسمع آراء الاخرين

أمال مين اللى رجعه من بورسعيد للقاهرة؟؟؟؟؟؟؟
و مين اللى أمن رجوع الجماهير من بورسعيد للقاهرة؟؟؟؟؟؟
و مين أول من استنجد بيه حسن حمدى لاعادة الفريق و الجمهور من بورسعيد للقاهرة؟؟؟؟؟؟؟؟؟؟

طب لو مفيش مجلس عسكرى و رجع الجيش لثكناته (حسب طلب شوية العيال اللى فى الشوارع) كان الوضع هيبقى أيه؟؟؟؟؟؟؟!!!!!!!!!!

أمال مين اللى رجعه من بورسعيد للقاهرة؟؟؟؟؟؟؟
و مين اللى أمن رجوع الجماهير من بورسعيد للقاهرة؟؟؟؟؟؟
و مين أول من استنجد بيه حسن حمدى لاعادة الفريق و الجمهور من بورسعيد للقاهرة؟؟؟؟؟؟؟؟؟؟

طب لو مفيش مجلس عسكرى و رجع الجيش لثكناته (حسب طلب شوية العيال اللى فى الشوارع) كان الوضع هيبقى أيه؟؟؟؟؟؟؟!!!!!!!!!!

مش طنطاوى

مش طنطاوى

مش طنطاوى

الوضع هيبقى احسن من اللى احنا فية

انت لية واخد مصر هى المجلس والمجلس هو مصر؟؟؟؟؟؟؟

ماحدش يقول ان المجلس حمي البلد لأ لانه المشير شهد ان مبارك كان حمل وديع ولم يطلب من الجيش التدخل يعني بمعني اخر للعقول الضيقة ان الجيش لم يقف بجانب الثور في الاول لما يقوف بجوارها في الاخر

المفروض أن يكون أكبر من ذلك خاصة أنه نجم ولا ينساق كما ينساق أصحاب النفوس الرديئة التى لاتريد خيرا لهذا البلد وأحب أن أنبه النجم الكبير أننى أفقر مما تتخيل ولكنى أحب هذا البلد ولا يمكن أن أفرط فى أمانه وأمنه ولو بكنوز الدنيا كلها وليعلم أن المجلس العسكرى وقواتنا المسلحة هى أمان هذا البلد فلنبتعد كل البعد عن الفكر الردئ الذى يشعل نار الفتنة ولننتبه أفضل إلى إتقان العمل وزيادة الإنتاج

بالضبط يا ريبيل معاك
لو ما فيش المجلس و لا طنطاوى ما كانش حصل اللى حصل
بس اللى يفكر كويس
ابو تريكه راجل ابن راجل
و تحيا مصر و ثوره مصر و شعبها العظيم

الوضع هيبقى احسن من اللى احنا فية

انت لية واخد مصر هى المجلس والمجلس هو مصر؟؟؟؟؟؟؟

يا ريبيل
مش فاهم الوضع هيبقى أحسن من اللى احنا فيه ازاى؟؟؟؟؟؟؟
و مصر مش هى المجلس, ولكن المجلس هو (ورقة التوت) لمصر حاليا

الاجابة تتلخص فى اية اللى عملة المجلس فى الفترة اللى ماسكها ؟؟

انتخابات مجلس شعب وشورى وتأمينها وادارة مرحلة انتقالية ومجازر بتحصل من اول ما مسك

المشكلة عندك وعند غيرك انك رابط المجلس وقياداتة بالعساكر اللى بيأمنوا وبينزلوا

انا بتكلم فى ادارة

ادارة

الاجابة تتلخص فى اية اللى عملة المجلس فى الفترة اللى ماسكها ؟؟

انتخابات مجلس شعب وشورى وتأمينها وادارة مرحلة انتقالية ومجازر بتحصل من اول ما مسك

المشكلة عندك وعند غيرك انك رابط المجلس وقياداتة بالعساكر اللى بيأمنوا وبينزلوا

انا بتكلم فى ادارة

ادارة

الادارة

كما قلت ريبيل فهى مربط الفرس

الادارة فى جميع المجالات اذا لم تدار بوعى حكيم وفهم ثاقب

ضاعت جميع المجالات

لا نهين المجلس والف شكر له وعلى راسنا هو والجيش

ولكنه متفوق فى ادارة تخصصه وبتفوق

عموما ربنا يصلح الآحوال ويجب توجيه الشكر للمجلس ولا ننسى انه ارسل طائرتين حربيتين

لانقاذ فريق النادى الأهلى والمصابين من الجماهير

وحقول تعليق ربما لن يعجب البعض

ان ابو تريكة غلطان وكان يجب ان يشكر المشير وبعد ذلك يعترض كما يحب

الاجابة تتلخص فى اية اللى عملة المجلس فى الفترة اللى ماسكها ؟؟

انتخابات مجلس شعب وشورى وتأمينها وادارة مرحلة انتقالية ومجازر بتحصل من اول ما مسك

المشكلة عندك وعند غيرك انك رابط المجلس وقياداتة بالعساكر اللى بيأمنوا وبينزلوا

انا بتكلم فى ادارة

ادارة

تحياتى لك يا ريبيل و لصاحب أى رأى مخالف
ولكن المجلس من أول ما مسك البلد وهو يواجه أزمات متتالية بصورة غير طبيعية و هو مالا يساعد على أى انجاز (ليس فى الامكان أحسن مما كان) و كفاية انه كل رموز الفساد ملمومين فى السجون دلوقتى و أصبح عندنا مجلس شعب شرعى لأول مرة فى تاريخ مصر
و مع ذلك المجلس (ماشى بالسلامة) بعد أقل من 5 شهور يتخللها دستور وانتخابات رئاسة
فهل أنت مقتنع بأن كل الولعة اللى شغالة دى علشان (أيام معدودة باقية) فى حكم المجلس العسكرى؟؟؟؟؟؟؟؟؟؟؟

الادارة

كما قلت ريبيل فهى مربط الفرس

الادارة فى جميع المجالات اذا لم تدار بوعى حكيم وفهم ثاقب

ضاعت جميع المجالات

لا نهين المجلس والف شكر له وعلى راسنا هو والجيش

ولكنه متفوق فى ادارة تخصصه وبتفوق

عموما ربنا يصلح الآحوال ويجب توجيه الشكر للمجلس ولا ننسى انه ارسل طائرتين حربيتين

لانقاذ فريق النادى الأهلى والمصابين من الجماهير

وحقول تعليق ربما لن يعجب البعض

ان ابو تريكة غلطان وكان يجب ان يشكر المشير وبعد ذلك يعترض كما يحب

شكر للمجلس على اية يا جدة

انا مش عارف اشكرة على اية ولا اية الصراحة

تحياتى لك يا ريبيل و لصاحب أى رأى مخالف
ولكن المجلس من أول ما مسك البلد وهو يواجه أزمات متتالية بصورة غير طبيعية و هو مالا يساعد على أى انجاز (ليس فى الامكان أحسن مما كان) و كفاية انه كل رموز الفساد ملمومين فى السجون دلوقتى و أصبح عندنا مجلس شعب شرعى لأول مرة فى تاريخ مصر
و مع ذلك المجلس (ماشى بالسلامة) بعد أقل من 5 شهور يتخللها دستور وانتخابات رئاسة
فهل أنت مقتنع بأن كل الولعة اللى شغالة دى علشان (أيام معدودة باقية) فى حكم المجلس العسكرى؟؟؟؟؟؟؟؟؟؟؟

وهو واجة الازمات دى ازاى ؟

كفاية فعلا انة لم رموز الفساد فى السجون ونصبر كمان سنة مش خمس شهور مفيهاش مشاكل

انا مش مقتنع ان الولعة دى عشان ايام معدودة لكن عشان يحتفلوا بالثورة ومرور عام عليها بس مش اكتر ومفيش حاجة حصلت تستاهل كل دا

انا بقولك سوء ادارة وانت تقوللى نستنى خمس شهور فى بلاوى كمان

انت محسسنى ان مصر دى بتاعة المجلس واحنا كشعب قاعدين ضيوف عندهم وميصحش اللى احنا بنعملة او نعترض على اى حاجة عشان دا بيتة ومطرحة والتكية اللى وارثها من حسنى

انا مش عارف انتو مستنيين اية تانى يحصل عشان تقتنعوا ان دا كلة من المجلس وبيحصل رغم وجود رموز الفساد فى السجون يبقى اكيد العيب مننا احنا مش كدا بردو؟؟؟؟؟؟؟؟؟؟؟؟؟

انا معاك يا ريبل و يا رب الناس تفهم
الازمات اللى احنا فيها كلها اساسها المجلس

يا جماعه دى كانت مصر مبارك بقت مصر طنطاوى (وجهان لعمله واحده)
بكره التاريخ و الايام تثبت لكم اللى بيحصل

فى ظرف يومين تحصل مدابح يموت فيها اكتر و يصاب اكتر من الف و خمستيت مصرى (بعدد ضحايا الثوره) مين المسؤول؟
كل حواث السطو المسلح و الانسياب و الانفلات الامنى مين السبب فيه؟

ماحنا بنحاسب مبارك على العباره و قطر الصعيد و كل البلاوى اللى حصلت فى عهده ليه؟ هو نزل و قتلهم؟ لا بس هو المسؤول مش بس لانه المسؤول عن البلد لكن كمان بسكوته عن احقاق الحق و محاسبه المسؤولين و ده نفسه اللى بيعمله المشير دلوقتى

انا قلت لكم لما حصلت احداث ماسبيرو كان الجيش هو البطل فيها و بعدها محمد محمود الشرطه و بعدها مجلس الوزرا الجيش قلت لكم بيتناوبوا على دبح الشعب و المدبحه الجايه حيكون البطل فيها الشرطه و ده اللى حصل دلوقتى و المدبحه الجايه ان شاء الله الجيش حيقوم بيها لو ما كناش نصحى بقى و ما نرجعش الا لما كل متطلبات الثوره تتحقق و المجلس يرجع الجيش ثكناته و يترك الحكم لمدنى بسرعه

و لو لم تكسر الثوره ( و لن تكسر بأذن الله تعالى) حيطلبوا ست شهور فى ست شهور علشان يحاولوا تانى انهم يكسروا ثوره الشعب و يظلوا فى الحكم او يتركوه بضمانات عدم محاكمتهم على المدابح و حمامات الدم اللى حصلت فى عهد المشير و هذا ايضا لن يحصل (المشير حيتحاكم هو و مبارك و كل من لوثت يداه بدم الشعب المصرى )

و طول ما الفتره الانتقاليه ممدوده لا تتوقعوا سياحه و لا اقتصاد و لا امان و لا عداله و لا نهوض بالبلد و لا اى حاجه من متطلبات الثوره تتحقق و لا حتى محاكمات عادله للمخلوع و فلوله و لا حتى الشهداء و المصابين ياخدوا حقهم

لازم المجلس يمشى و يتحاكم كل من قتل و لازم مجلس الشعب اللى بينعم باجازه نهايه الاسبوع وقت المذبحه انه يشكل محكمه ثوره بشرعيته التى اكتسبها من الشعب و يحاكم كل المتورطين فى المدابح ما فيش حاجه اسمه ايد خفيه
و ربنا يحمى مصر و ثوره مصر و شعبها العظيم

فعلا معاكى حق يا أخت بديعة و معاك كل الحق يا ريبيل

المجلس العسكرى مسئول مسئولية كاملة عن كل اللى بيحصل, بتهاونه مع كل الحثالة اللى عاملين كل القلق ده, و مسئول عن عدم استخدامه العنف و العنف المفرط كمان مع كل مجرم و بلطجى فى أى مكان فى مصر, مسئول عن75 ضحية فى بورسعيد لأنه لم يطلق الرصاص الحى على كل مجرم جبان فكر مجرد تفكير انه ينزل الملعب و لو أصيب واحد منهم بس لخاف باقى الفئران و لزموا جحورهم, و مسئول عن احراق المجمع العلمى و الضرائب العقارية لأنه لو (قرص ودن السفلة اللى عملوا كده) لما حدث ما حدث و ما سوف يحدث

لذلك أتوسل الى قادة القوات المسلحة والشرطة (الله يخليكم كفاية حنية و طبطبة ودلع, اضربوا فى المليان وبكل قوة مصر خلاص وصلت لمرحلة الاحتضار) ولو خايفيين من حكاية الشهداء (اللى هما فى الحقيقة بلطجية و مجرمين و زفت و قطران) أشركوا معاكم مجلس الشعب و شرعوا قوانين تحميكم و تثبت أقدامكم عندما تعيدوا لمصر دولتها الميتة و هيبتها الضائعة

أرجوكم و أتوسل أليكم مرة أخرى (مصر لا تستحق أن تداس بالأقدام من شوية عيال أكثر من ذلك)

مش غير حسبى الله ونعم الوكيل
كنا بنشتكى من قمع لمده 30 سنه
دلوقتى رجعنا للجاهلية \

انا مش ضد المجلس العسكرى والمجلس على عينى وراسى لكن الل مجننى فين موقف المجلس العسكرى من كل اللى بيحصل ده مش المفروض ان هو المسؤول الاول بما ان البلاد امانه فى يده لماذا لايحافظ على هذه الامانه وهو يمتلك جميع الصلاحيات طيب كتر خيره على تامين عودة اللاعبين والجمهور بعد الاحداث لكن فين موقفه قبل الاحداث وهويعلم ان البلاد ليست فى ظروف عاديه فين موقفه من اللى بيحصل فى وسط البلد وجميع المحافظات وقبلها حوادث السطو على المصارف وخطف المصريين والاجانب والغريب ان الحوادث دى برضه بتتحل وبسهوله غريبة بعد ان تقع بساعات وكانها مفبركه فيه شىء غلط ومش مفهوم وربنا يكشف الغمه قادر ياكريم

المجلس العسكرى ان لم يكن المتسبب فهو المسؤؤل

فعلا معاكى حق يا أخت بديعة و معاك كل الحق يا ريبيل

المجلس العسكرى مسئول مسئولية كاملة عن كل اللى بيحصل, بتهاونه مع كل الحثالة اللى عاملين كل القلق ده, و مسئول عن عدم استخدامه العنف و العنف المفرط كمان مع كل مجرم و بلطجى فى أى مكان فى مصر, مسئول عن75 ضحية فى بورسعيد لأنه لم يطلق الرصاص الحى على كل مجرم جبان فكر مجرد تفكير انه ينزل الملعب و لو أصيب واحد منهم بس لخاف باقى الفئران و لزموا جحورهم, و مسئول عن احراق المجمع العلمى و الضرائب العقارية لأنه لو (قرص ودن السفلة اللى عملوا كده) لما حدث ما حدث و ما سوف يحدث

لذلك أتوسل الى قادة القوات المسلحة والشرطة (الله يخليكم كفاية حنية و طبطبة ودلع, اضربوا فى المليان وبكل قوة مصر خلاص وصلت لمرحلة الاحتضار) ولو خايفيين من حكاية الشهداء (اللى هما فى الحقيقة بلطجية و مجرمين و زفت و قطران) أشركوا معاكم مجلس الشعب و شرعوا قوانين تحميكم و تثبت أقدامكم عندما تعيدوا لمصر دولتها الميتة و هيبتها الضائعة

أرجوكم و أتوسل أليكم مرة أخرى (مصر لا تستحق أن تداس بالأقدام من شوية عيال أكثر من ذلك)

بجد يا اسلاملاز و النبى تقول للمجلس العسكرى كفايه دلع و طبطبه على الشعب لان الطبطبه ادت الى ليسته معترف بيها الجنزورى ب 775 شهيد و 4325 مصاب (ثوره على محمد محمود على ماسبيرو على احداث مجلس وزرا على غيره) و اكتر من 20 جثه مجهوله غير اللى مش لاقينهم
كل ده كوم و طبطبه بورسعيد كوم اكتر من الفين شهيد على مصاب كتر الف خيرهم على الطبطبه
و على رأى عبد السلام النابلسى (كفايه ما تبسطهاش اكتر من كده)

و قول لهم كفايه قسوه على مبارك و فلوله مش معقول القسوه دى يتعالج فى المركز الطبى العالمى و ملايين علاجه و نقله كل يوم فى حراسه فرق خاصه و مدرعات و كانهم بينقلوا سبايك دهب مش مجرمين (مصاريف بتندفع من دم الشعب اللى مش لاقى انبوبه بوتغاز و لا رغيف عيش نضيف و لا ميه نضيفه يشربها) لان الغاز و الميه و حتى التراب بيروح لاسرائيل و خساره فينا

قول لهم يقسوا علينا شويه من نوعيه القسوه على اللى خرب البلد و نهبها و سرقها و جرفها و باعها .. يعنى مش يحاكموه مدنى و فى 1200 مدنى و ناشط سياسى معتقل عسكرى و مش يعالجوه فى المركز الطبى العالمى رغم انه زى القرد ما فيهوش حاجه و فى عندنا 1800 واحد فقد عينه مش لاقى علاج و لا عارف ياخد حقه من اللى عماه .. و المصابين الاربع الاف مش لاقين حد يعالجهم و لما بيتقبض عليهم بيتكلبشوا فى سرير المستشفى و لما يتفرموا بالمدرعات و يتدبحوا بالسونكى يبقى معلش العسكرى كانت اعصابه تعبانه و لازم الشئون المعنويه تاخد بالها من الحاله النفسيه لخير جند الارض اللى بياكلوا الزلط و فى داهيه الحاله المعنويه لامهات الشهداء و المصابين و ايه يعنى؟؟؟

يا اسلاماز يابنى احنا جيل (اقصد انا و جيلى) اتربينا على غنوه مانقولش ايه ادتنا مصر و نقول حندى ايه لمصر و فضلنا كده لغايه ما جابتنا مصر على الحديده و بعنا الحديده .. ماشى راضين و بنحمد ربنا و شاكرين فضله ... لكن ولادنا ما بياكلوش من الكلام ده .. الشاب اللى مش عارف يشتغل و لا يتجوز و لا يعيش و اللى بيضطر يهرب من بلده و يموت فى مراكب هجره غير شرعيه قرر اخيرا بدل ما يموت بره بلده و يتهان انه يموت فيها يا يعيش بكرامته فيها و قرارهم صح و احنا كنا غلط .. من ابسط حقوقهم يعيشوا فى بلدهم بكرامتهم و من واجب المجلس العسكرى و الشرطه حمايتهم و حمايه كرامتهم و ثورتهم و من واجب اى واحد يحكمنا انه يحقق مطالب الشعب المشروعه فى الحريه و الكرامه و العداله الاجتماعيه .. و على رأيهم (اللى ساكت ساكت ليه؟ خدت حقك و الا ايه؟) واضح انك واخد حقك فى البلد ثالث و مثلث و مش محروم من حاجه ربنا يزيدك و يباركلك بس ارحم المحرومين

و خلى بالك من موجه القبض على اى حد علشان يمضى انه الايد الخفيه دى لانه ممكن قوى انت او اخوك او ابنك او اختك يكون الدور عليه و عملنا ثوره علشان خالد سعيد واحد .... شوف كام خالد سعيد طلع فى السنه اللى فاتت (كله بفضل حنيه المجلس) كان يوم ... يوم ما حكمنا بحنيه و خفه و دلع

و لو ما عملوش كده عمر التاريخ ما حيغفر (الحنيه و الطبطبه دى كلها)
و تحيا مصر و ثوره مصر و شعبها العظيم

ماحنا بنحاسب مبارك على العباره و قطر الصعيد و كل البلاوى اللى حصلت فى عهده ليه؟ هو نزل و قتلهم؟ لا بس هو المسؤول مش بس لانه المسؤول عن البلد لكن كمان بسكوته عن احقاق الحق و محاسبه المسؤولين و ده نفسه اللى بيعمله المشير دلوقتى

يا اختي بديعة مش بنحاسب مبارك علشان العباره غرقت او علشان القطار ولع لا طبعا مبارك ولا غير مبارك ولا اي جهاز امن في العالم من الصعب عليه اجهاض الجريمة قبل وقوعها بنسبة 100%
انما بنحاسب مبارك علشان بعد الحادث مش بيتخذ اي خطوه ايجابية مرضيه ترضي الله ثم ترضي الشعب مع الفاسدين والمسؤلين عن الحادث يعني كما تفضلتي ساكت عن الحق ومشجع للفساد .
انما عايزين نحاسب المجلس العسكري اوكي نحاسب المجلس العسكري ونعدم طنطاوي بس لو صبرنا يومين والمجلس تواطئ انما احنا بعد الحادث بساعتين رايحين نكسر وزارة الداخليه !!!!!!!!!!
هو ايه المطلوب في مظاهرات ماسبيرو ( مظاهرات الاسلميه حملة السيوف ) ايه المطلوب في مظاهرات شارع محمد محمود والهجوم على وزارة الداخليه ايه المطلوب في اقتحام مجلس الوزراء ؟؟؟؟؟؟؟؟؟
هل المطلوب افساح الطريق للثورا والهجوم على كل منشئات الدوله !!!!!!!!!!
فهمونا بس ايه المطلوب
لو حصل هجوم على وزارة الداخليه في اي دوله ايه هو رد الفعل يا جماعة ؟؟؟؟؟؟؟؟ اكيد رصاص حي
وبعدين انت عندك معلومات بان الفتره الانتقاليه ممدوده ؟؟؟؟؟ الفترة الانتقاليه تم تحديدها وانتهى
انا معاكم فقط في محاسبة المجلس العسكري على التواطئ اللي حاصل منه في محاكمة المخلوع والدلع اللي بيحصل في سجن طرة . لان بجد اللي بيحصل مع مساجين النظام في طره يعتبر تواطئ وخيانه كمان .
وننتظر شويه لو لم يتم الكشف عن كل حقائق احداث بور سعيد ومحاسبة المتسببين يبقى نطالب باعدام المجلس العسكري وليس الرحيل

يا اختي بديعة مش بنحاسب مبارك علشان العباره غرقت او علشان القطار ولع لا طبعا مبارك ولا غير مبارك ولا اي جهاز امن في العالم من الصعب عليه اجهاض الجريمة قبل وقوعها بنسبة 100%
انما بنحاسب مبارك علشان بعد الحادث مش بيتخذ اي خطوه ايجابية مرضيه ترضي الله ثم ترضي الشعب مع الفاسدين والمسؤلين عن الحادث يعني كما تفضلتي ساكت عن الحق ومشجع للفساد .
انما عايزين نحاسب المجلس العسكري اوكي نحاسب المجلس العسكري ونعدم طنطاوي بس لو صبرنا يومين والمجلس تواطئ انما احنا بعد الحادث بساعتين رايحين نكسر وزارة الداخليه !!!!!!!!!!
هو ايه المطلوب في مظاهرات ماسبيرو ( مظاهرات الاسلميه حملة السيوف ) ايه المطلوب في مظاهرات شارع محمد محمود والهجوم على وزارة الداخليه ايه المطلوب في اقتحام مجلس الوزراء ؟؟؟؟؟؟؟؟؟
هل المطلوب افساح الطريق للثورا والهجوم على كل منشئات الدوله !!!!!!!!!!
فهمونا بس ايه المطلوب
لو حصل هجوم على وزارة الداخليه في اي دوله ايه هو رد الفعل يا جماعة ؟؟؟؟؟؟؟؟ اكيد رصاص حي
وبعدين انت عندك معلومات بان الفتره الانتقاليه ممدوده ؟؟؟؟؟ الفترة الانتقاليه تم تحديدها وانتهى
انا معاكم فقط في محاسبة المجلس العسكري على التواطئ اللي حاصل منه في محاكمة المخلوع والدلع اللي بيحصل في سجن طرة . لان بجد اللي بيحصل مع مساجين النظام في طره يعتبر تواطئ وخيانه كمان .
وننتظر شويه لو لم يتم الكشف عن كل حقائق احداث بور سعيد ومحاسبة المتسببين يبقى نطالب باعدام المجلس العسكري وليس الرحيل

عبد الرحمن يابنى
انت شفت قناه 25 امبارح؟ قناه الثوره؟ طبعا عارف فيه رائد معاهم بيشتغل مذيع و هو الوحيد اللى مصرح له يصور جنب وزاره الداخليه و الصور واضحه طبعا هو غرضه ينقل وجهه النظر التانيه (وجهه نظر الداخليه) و اللى شفناه كالتالى:

محيط وزاره الداخليه بعيد جدا عن المتظاهرين و بينهم اسلاك و بلاوى
الثوار بيهتفوا و مش بيضربوا بحاجه لكن بينضربوا بقنابل و مطاطى و القتلى منهم
كام واحد اتخنق من الداخليه من القنابل اللى هم بيرموها على الناس و بترجع لهم
فيه مدرعات و دبابات جيش على باب الداخليه
بيقبضوا على شباب باين زى الورد و الشاب اللى اتقبض عليه صرخ فى المصور و قاله ماتصورش ما تصورش لتتكهرب (يعنى المقبوض عليه خايف من اللى شايل الكاميرا ليتكهرب علشان بيصوره و هو مقبوض عليه و طبعا شكله ابن ناس)
طبعا كتير شخطوا فى الرائد و قالوله بتصور ايه ما تصورش (لكن قال لهم انا مكلف من الوزير انا الرائد فلان) فسابوه

فى ناس حاولوا يدخلوا يهدوا النفوس زى الشيخ مظهر شاهين و ناس تانيه بارك الله فيهم لكن بالمقابل انضرب عليهم غاز و مطاطى و لما وصلوا لواحد قال لهم ابن عمى مات قولولى اخد حقه ازاى و انا اخده؟

الناس دى مات لهم قايب و كان واحد (بعد الشهر) قتل اخوك و لما غضبت و رحت تعبر عن غضبك ضربك بمطاطى و بغاز و قال معلش احنا من حقنا ندافع عن نفسنا بس مش حنموتكم كفايه عليكم الغاز القاتل و المطاطى اللى قتل كتير منكم (ضربنى و بكا و سبقنى و اشتكى)

ما تغالطش نفسك يا عبد الرحمن ما حدش عايز يحرق اى حاجه بالعكس الثوار هم اللى دخلوا المطافى علشان تطقى الحريق بالرغم من المحاولات لمنع المطافى علشان تتحرق مبنى الضرايب

لما الثوار راحوا يقدموا طلباتهم لمجلس الشعب اللى المفروض يسمع لهم طلعوا عليهم شباب الاخوان و السلفين يتصدوا لهم و فجأه اختفوا لما عرفوا انهم جايين بسلميه يقدموا طلبات مش يهجمو على البرلمان زى ما اتقال لهم من اسايدهم بتوع السمع و الطاعه

المستشفى الميدانى جوا ميدان التحرير انضرب عليه قنابل غاز مسيل للدموع مين اللى ضربها؟ الثوار؟؟؟؟ و لو ما حموش الميدان و وقفوا حائط سد بين الميدان و محمد محمود (بعيد جدا عن الداخليه) يبقى الثوار كلهم حيبادوا و طبعا على يد اللهو الخفى و الايادى الخفيه او فجأه يندس بين الثوار شويه بلطجيه و محششين علشان يتقال على الثوار بلطجيه و فجأه و الالتراس مشغولين باللى ماتوا و بالعزا يطلع شويه فى كل حته لابسين لبس التراس و بيقولوا احنا التراس و يضربوا فى محمد محمود .. كل ده ما يخلكش تسأل نفسك هو ايه اللى بيحصل و امتى حينتهى مسلسل تشويه الثوره و محاولات عزل الشعب عنها

انزل يا عبد الرحمن الميدان و كلم الثوار علشان تعرف الحقايق يابنى او بلاش تتفرج على الفناه الاولى و الثانيه و بطل الفراعين و اتفرج على اون تى فى و التحرير و النهار و كله بالصور و الشهود و البراهين

و تحيا مصر و ثوره مصر و شعبها العظيم

عبد الرحمن يابنى
انت شفت قناه 25 امبارح؟ قناه الثوره؟ طبعا عارف فيه رائد معاهم بيشتغل مذيع و هو الوحيد اللى مصرح له يصور جنب وزاره الداخليه و الصور واضحه طبعا هو غرضه ينقل وجهه النظر التانيه (وجهه نظر الداخليه) و اللى شفناه كالتالى:

محيط وزاره الداخليه بعيد جدا عن المتظاهرين و بينهم اسلاك و بلاوى
الثوار بيهتفوا و مش بيضربوا بحاجه لكن بينضربوا بقنابل و مطاطى و القتلى منهم
كام واحد اتخنق من الداخليه من القنابل اللى هم بيرموها على الناس و بترجع لهم
فيه مدرعات و دبابات جيش على باب الداخليه
بيقبضوا على شباب باين زى الورد و الشاب اللى اتقبض عليه صرخ فى المصور و قاله ماتصورش ما تصورش لتتكهرب (يعنى المقبوض عليه خايف من اللى شايل الكاميرا ليتكهرب علشان بيصوره و هو مقبوض عليه و طبعا شكله ابن ناس)
طبعا كتير شخطوا فى الرائد و قالوله بتصور ايه ما تصورش (لكن قال لهم انا مكلف من الوزير انا الرائد فلان) فسابوه

فى ناس حاولوا يدخلوا يهدوا النفوس زى الشيخ مظهر شاهين و ناس تانيه بارك الله فيهم لكن بالمقابل انضرب عليهم غاز و مطاطى و لما وصلوا لواحد قال لهم ابن عمى مات قولولى اخد حقه ازاى و انا اخده؟

الناس دى مات لهم قايب و كان واحد (بعد الشهر) قتل اخوك و لما غضبت و رحت تعبر عن غضبك ضربك بمطاطى و بغاز و قال معلش احنا من حقنا ندافع عن نفسنا بس مش حنموتكم كفايه عليكم الغاز القاتل و المطاطى اللى قتل كتير منكم (ضربنى و بكا و سبقنى و اشتكى)

ما تغالطش نفسك يا عبد الرحمن ما حدش عايز يحرق اى حاجه بالعكس الثوار هم اللى دخلوا المطافى علشان تطقى الحريق بالرغم من المحاولات لمنع المطافى علشان تتحرق مبنى الضرايب

لما الثوار راحوا يقدموا طلباتهم لمجلس الشعب اللى المفروض يسمع لهم طلعوا عليهم شباب الاخوان و السلفين يتصدوا لهم و فجأه اختفوا لما عرفوا انهم جايين بسلميه يقدموا طلبات مش يهجمو على البرلمان زى ما اتقال لهم من اسايدهم بتوع السمع و الطاعه

المستشفى الميدانى جوا ميدان التحرير انضرب عليه قنابل غاز مسيل للدموع مين اللى ضربها؟ الثوار؟؟؟؟ و لو ما حموش الميدان و وقفوا حائط سد بين الميدان و محمد محمود (بعيد جدا عن الداخليه) يبقى الثوار كلهم حيبادوا و طبعا على يد اللهو الخفى و الايادى الخفيه او فجأه يندس بين الثوار شويه بلطجيه و محششين علشان يتقال على الثوار بلطجيه و فجأه و الالتراس مشغولين باللى ماتوا و بالعزا يطلع شويه فى كل حته لابسين لبس التراس و بيقولوا احنا التراس و يضربوا فى محمد محمود .. كل ده ما يخلكش تسأل نفسك هو ايه اللى بيحصل و امتى حينتهى مسلسل تشويه الثوره و محاولات عزل الشعب عنها

انزل يا عبد الرحمن الميدان و كلم الثوار علشان تعرف الحقايق يابنى او بلاش تتفرج على الفناه الاولى و الثانيه و بطل الفراعين و اتفرج على اون تى فى و التحرير و النهار و كله بالصور و الشهود و البراهين

و تحيا مصر و ثوره مصر و شعبها العظيم

يا ست بديعة انا والله العظيم مش بغالط نفسي ولا حاجه ولا لي ادنى مصلحه حتى اغالط
انا كل الحكاية بسالك بس و برد على الاحداث القديمه اللي حضرتك ذكرتيها واللي انا زيك بالظبط بلوم المجلس واجهزة الامن اللي مش قادرة تكشف عن الزفت الخفي اللي بيقولو عليه وكذلك بايد المجلس في التصدي لاي هجوم على منشأت الدوله
انما احداث بور سعيد انا والله ليس لدي اي فكره عن اللي حصل لاني لم اكن متفرغ الكام يوم اللي فاتو ولا شوفت قناة اولى ولا قناة رابعه الا اني دخلت المنتدى مرتين على عجالة وشوفت بعض المواضيع اللي بتقول الداخليه سمحت للبلطجيه باقتحام الملعب وبعدها تم الهجوم على وزارة الداخليه وتم الهجوم على مدريات الامن والجيش ترك الميدان وكلام من دا

يا عم اسلام انت لسة بتخلط بردو والواخد يكلمك تقول اضرب فى المليان ومتخافش من اللى هيقول عليهم شهداء

مش دى القضية

هم البلطجية دول ينضربوا بالنار بس وميتقبضش عليهم ولا اية ؟

مش بعد دا كلة تيجى تقول المجلس مبيضربش عشان كذا ولازم يضرب عشان كذا وانة اصلا ملوش دخل ومحتار بين دا ودا

انت حاصر القضية كلها فى النقطة دى لية وكأن دى مش مسئولية دولة وعايزة حزم اكتر من كدا وهى اكبر من كدا ؟

انا اؤكدلك ان العسكرى هو اللى مدبر كل حاجة ومتجيش دلوقتى تقول هو غلط ولازم ياخد اجراءات تانية واشد

دى مسئولية بلد وفشل فى ادارتها لسبب انة متواطىء مع اللى قبلة وواضحة وضح الشمس فبلاش تقاوح فى الغلط

عبد الرحمن

انت لية بتتكلم من جانب واحد وتقول اللى رايحين عند الداخلية رايحين يعملوا اية ومبتقولش اللى ماتوا دول ماتوا لية وبسبب اية ؟

لية الناس اللى ماتت دى كلها من اول ما الثورة قامت فمبتقولش حقهم فين لحد دلوقتى وغيرة وغيرة ؟

فهمنى انت لية ؟؟؟؟؟؟؟؟؟؟؟؟؟؟

خلليك على موقف وبلاش التشتيت اللى انت فية دا وموقف الواحد اللى عايز كل حاجة فى ساة واحدة

عبد الرحمن

انت لية بتتكلم من جانب واحد وتقول اللى رايحين عند الداخلية رايحين يعملوا اية ومبتقولش اللى ماتوا دول ماتوا لية وبسبب اية ؟

لية الناس اللى ماتت دى كلها من اول ما الثورة قامت فمبتقولش حقهم فين لحد دلوقتى وغيرة وغيرة ؟

فهمنى انت لية ؟؟؟؟؟؟؟؟؟؟؟؟؟؟

خلليك على موقف وبلاش التشتيت اللى انت فية دا وموقف الواحد اللى عايز كل حاجة فى ساة واحدة

شوف يا ربيل
انا طبعا مش فاهم حضرتك تقصد ايه بخليني على موقفي تقصد موقفي من المتظاهرين ولا من المجلس العسكري
عموما انا او اي حد المفروض نتغير حسب الاحداث اذا كان الفتوه بتتغير حسب الزمان والمكان هههههه
يعني انا كنت ضد المجلس العسكري في بداية الثورة والتواطئ مع رموز النظام القديم وعدم محاسبتهم وان كل حاجه ماشيه بالضغط وكل حاجه تتم بمليونيه لكن بعد ما تم حبس المخلوع ورموز النظام وتقديمهم للمحاكمه رغم كل الضغوط الخارجيه والداخليه رجعت الثقة وتمت المصالحه بيني وبينهم هههههههه اعتقد ان انت الوحيد اللي فاكر الكلام دا . وذادت الثقة بالمجلس العسكري عندما شاهدت هجوم عليه بمبرر وبدون مبرر واصبح لدي ولدى الكثير قناعة بان هناك مخططات تحاك على البلد وعلى الجيش
بالنسبه لموقفي من المظاهرات والثوار فانا كنت مع الجميع في اي مظاهره تخرج للمطالبه باهداف الثورة انما كنت ولا زلت ضد اي تخريب او هجوم على منشأت الدوله واعتقد انا وزهير اختلفنا معاك من يوم حصل اول توجهه غير سلمي من التحرير الي وزارة الدفاع هل تذكر . هذا بالنسبه للموقف
النهارده بقى بلوم المجلس العسكري على سكان طره بعد ما شوفت فيديو المدعوكه ريهام سعيد وهي بتصور الذناذين في طره وعايزه تقنعنا بان المسجون العادي في طره يتمتع بكل وسائل الراحه والرفاهيه ودا طبعا معناه ان المعلمين متمتعين في الخمس نجوم والحاجه التانيه ان الجميع مصر على ان كل البلاوي دي من مساجين طره يبقى مش عبد الرحمن هو اللي بيفهم والكل غبي اكيد الناس دي معاها حق ان سكان طره سبب البلاوي ولازم تتم تفرقتهم ومعاملتهم معامل المسجون العادي وبلاش لاب توب وموبايل . ماشي
انت بقى معارض على طول الخط وشايف ان دا موقف خلاص انت حر ما فيش اي مشكله
نرجع للناس اللي رايحين عند الداخليه رايحين ليه وما بقولش اللي ماتو ماتو ليه
طب اللي ماتو كثير واللي راحو عند الداخليه برض كتير اقصد اكثر من موقف انت تقصد اي موقف بالظبط ان كنت تقصد الموقف الاخير بتاع المباراه فانا زي ما قولت انا والله مش متابع ولا عندي خلفيه كبيره عن الموضوع وعشان كده سالت بديعه بس الي انا بقول عليه هو الذهاب للداخليه يحل المشكله ويرجع اللي ماتو ولا يذيد عدد الضحايا ؟؟؟؟؟ طب مش ندي فرصه للتحقيقات واذا لم تتم محاسبة الفاعلين يبقى نطلع نطالب باعدام المجلس العسكري
طبعا اكيد تقول طب والاحداث الماضيه طوال السنه مين اللي حقق ومين اللي اتحاسب . بس ما هي كلها قدام المنشئات العامه يعني ممكن يطلع منها برئ ومالكش حجه انما اللي حصل في المباراه ما فيش مفر من محاسبة الفاعلين او محاسبة الحاكم
وكل واحد وعقليته يا عم ربيل

ههههههههههههههههههههههههههههههههههههه

انت لسة مقتنع ان اللى قبل كدا كانوا هم اللى غلطانين فبالتالى حلال فيهم الموت فبالتالى منحاسبش اللى ضربوا بحجة انهم بيدافعوا فبالتالى انت مبتتكلمش فى الاحداث دى على اساس انهم راحوا هناك من غير سبب ؟

هى دى بالظبط النقطة اللى بكلمك وبنتقدك فيها وكأتك مسلم بالتصريحات اللى بتطلع منهم والقوانين اللى بيضحكوا علينا بيها

نهايتة يا عبدة

حط نفسك مكان حد مات لة حد هناك وانت قدامك الوضع بقالة سنة زى ما انت شايف بيمشى ازاى وانت تعرف راحوا هناك لية

ههههههههههههههههههههههههههههههههههههه

انت لسة مقتنع ان اللى قبل كدا كانوا هم اللى غلطانين فبالتالى حلال فيهم الموت فبالتالى منحاسبش اللى ضربوا بحجة انهم بيدافعوا فبالتالى انت مبتتكلمش فى الاحداث دى على اساس انهم راحوا هناك من غير سبب ؟

هى دى بالظبط النقطة اللى بكلمك وبنتقدك فيها وكأتك مسلم بالتصريحات اللى بتطلع منهم والقوانين اللى بيضحكوا علينا بيها

نهايتة يا عبدة

حط نفسك مكان حد مات لة حد هناك وانت قدامك الوضع بقالة سنة زى ما انت شايف بيمشى ازاى وانت تعرف راحوا هناك لية

هههههههههههه الله يسامحك يا ربيل انا برضو قولت حلال فيهم الموت ؟؟؟؟؟؟
لو بيموتو البلطجيه اقول حلال فيهم لكن لما يموت عماد عفت او مينا دنيال مش ممكن اقول كده
بص يا عمي انا مش بقول راحو من غير سبب لكن التصرف هو اللي غلط
طب بلاش اقول انهم بيحتكو بالداخليه او بالجيش لكن فيه منهم او بداخلهم اللي بيفتعل المشكله .
طب بلاش من كل دا انت قولي في حالة الهجوم على الجيش او الداخليه او اي منشأه عامه ايه يكون ردك فعلك وانت مكان الامن المسؤال .
مش محتاج احط نفسي مكان اي حد والله . كل اللي بيموت من المواطنين او الجيش او الشرطه بيحرق قلوبنا والله يا سيدي .
بس مين اللي بيختار عماد عفت ويضربه ومين اللي بيختار مينا دنيال ويرضبه
طب الجيش او المجلس العكسري مثلا طب ليه ؟؟؟؟ قولي انت ليه عشان اقتنع
بس موضوع ان المجلس العكسري مش عارف مين دا موضوع اصبح بايخ لانه كداب وعارف كل حاجه