صورة لمراسل قناة 25 الذي كان ينقل الاخبار من امام وزارة الداخلية مع الجيش والداخلية,

رائد شرطة يدعي احمد رجب استعانت به قناة 25 لنقل الاخبار من داخل محيط وزارة الداخلية اثناء الاشتباكات العنيفة بين المتظاهرين وقوات الامن,

وكان الرائد احمد رجب المتحدث الاعلامي لائتلاف ضباط الشرطة ولكنه تعرض للطرد من الائتلاف بعد ان قام بالتغطية الخاصة بقناة 25 نظرا للانتقادات الواسعة علي فيسبوك ضد تغطية الرائد للاحداث لحساب قناة 25

الرائد احمد رجب قام بعمل لقاءات كثيرة مع مجندي الامن المركزي والضباط والمسئولين في متابعة لاشتباكات الامن مع المتظاهرين حول وزارة الداخلية, مما اعتبره مرتادي شبكة الانترنت غير حيادية حيث انه وقف في صف الضباط والامن, كما انه قال ان المتظاهرين هم من يلقون المولتوف علي الامن

شاهد

الاعتراض ناتج من قيام ضابط بالعمل كمراسل للقناة في واقعة تعد الاولي من نوعها, لكن طريقة التغطية انقسمت مابين مؤيد او معارض لها,

فبعض المعارضين قالوا

"مذيع قناة 25 يعمل ضابط يقتل فى المتظاهرين فى الصباح ومذيع مضلل للجماهير فى الليل"

"كلنا كنا فاكرين قناة 25..المقصود منها 25 يناير قناة الثورة طلعت 25..عيد الشرطة"

"قناة 25 تنفرد بدخول العيادة الطبية لمصابي الشرطة داخل وزارة الداخلية ..القناة دى واضح قوى إنها تبع الداخلية وأمن الدولة "

"العسكري يقوله رميناه من فوق يرد الرائد قصدك رمى نفسه، كان ناقص يضربه بالقلم ويقوله ياحمار الكلام ده في الفاصل"

" ههههه مذيع قناة ٢٥ بيشكر ضبّاط الأمن المركزي اللي تعرضوا للاختناق اكثر من مرّه يعني القناة امنجية وغبية كمان"

"المجند على قناة ٢٥ اعترف رسميًا بأن اللي مسكوهم على سطح المبنى ضربوهم ضرب موت "مش نافعين تاني بيموت فوق" ده لازم يتحقق معاهم فورا !"

"الرائد أحمد رجب . خريج أكاديمية الشرطة قسم اذاعة وتليفزيون .. الصبح شغال جوة الداخلية وبليل بيلقط رزقة مذيع قدام الداخلية"

"قناة 25 تعرض بث مباشر خلف خطوط الأمن المركزى و اعترفوا إن اللى فوق المبانى أمن مركزى والأمن يقول إنهم بيموتوا اللى بيقبضوا عليه"

"يعنى إيه مراسل يبقى ضابط شرطة والمذيع فى الاستديو يقول عادى كدة معانا زميلنا الرائد أحمد من أمام وزارة الداخلية !".

اما البعض الاخر فقد رأي انه مجهود كبير من جانب ضابط الشرطة ليقوم بعرض الحقيقة كاملة وذلك حيث ان التغطية استمرت لساعات طويلة,

ارجو ترك تعليق علي الخبر, دمتم

ده ضابط محترم ولا يقول الى الحقيقه والقناة فعلا محترمه

الناس اللى اعترضت عليه بيتهيألى لو كان شتم فى الشرطه والضباط وكان فى صف البلطجيه اللى هما جزء من المدعين انهم ثوار كانوا قالوا الراجل دا محترم وبيبذل مجهود

أنا رايت المراسل وتابعت القناه قناه عميله للداخليه اطالب بقفلها صدق اللي قال ان اعلامنا اعلام فاسد
والمذيع والمذيعه لهذه القناه من فلول النظام البائد اعرفهم بالشكل ومش فاكره اساميهم لابد من نفيهم
والله لو اتباع فعلا مبني الاذاعه يبقي عملوا خير في الشعب

قناه ذي الزفت والذي يقول غير ذلك ليس بصادق وفيها اعلاميه معروفه من زمان من فلول النظام

كالعادة معارضة مصطنعة من النظام لايهام الشعب بنجاح ثورتة ويعمل كماشة عاللى موجودين هناك ويخلص عليهم واحد ورا التانى ويعمل اى عملة زى بتاعة بورسعيد فالناس تهيج شوية فالاعلام يشوف شغلة فالناس تكرة الثورة اكتر ويقضى عليهم 100 فى 100

يا جدعان الضابط دة كان عضو ائتلا ضباط الشرطة و هو من كشف الجهاز السري اللي في الداخلية و اللي قتل سعاد حسني و عشان كدة العيسوي اوقفه عن العمل ثم تم فضله بسبب الغياب المرضي دون اخطار اي انه لم يصبح ضابط فمن حقه ان يعمل ما يشاء

هذه القناه صنيعة امن الدوله من قادة الثوره المضاده فهم كثير علشان لانظلمهم بس علي مين لن ينطلى على احد لعبة العسكر والحراميه دى

لا اله الا الله ما المراسل بتاع CBC فى ميدان التحرير شيخ و الا نسيتم ام ب تتناسوا

ده ضابط سابق محترم ومذيع محترم وقدم الحقبقة اللى البلطجية واعوانهم مش عاوزين يشفوها حسبى الله ونعم الوكيل

قناة محترمة و ضابط محترم و تغطية حية محترمة ، و كل هذا الهجوم لأنه يقول الحق و على الهواء حيث نشاهد ما يحدث بصورة حالة حصريا. يقول الفاروق عمر بن الخطاب (إيه يا حق .. ما تركت لي صاحبا) فاللهم إكشف ستر الكاذبين و المضللين و المنافقين و المتاجرين ببلادهم، و إلى الأمام أيتها القناة الشابة الصادقة المحترمة. شكرا