استبعد محمد عبيد، الخبير بلوائح الفيفا، توقيع عقوبة الشطب على النادى المصرى بعد مذبحة بورسعيد التى راح على أثرها أكثر من 73 قتيلا ومئات المصابين.
كانت العديد من التكهنات قد أٌثيرت حول العقوبة المٌنتظره على المصرى، وتعالت بعض الأصوات فى الفترة الماضية للمطالبة بشطب النادى بسبب بشاعة الجريمة التى ارتُكبت على أرضه، لكن لوائح "الفيفا" لا تُقر مثل هذه العقوبة.
وفى نفى السياق، توقع عبيد، أن العقوبة المنتظره على المصرى، هى الحرمان من اللعب لنهاية الموسم داخل بورسعيد فى حال استكمال الدورى، وتوقيع غرامة مالية ربما يصل قدرها إلى 300 ألف جنيه،
وأضاف الخبير بلوائح الفيفا، أنه فى حال انسحاب المصرى من المسابقة، يٌستكمل الموسم دون أى أزمة، لكن فى هذه الحالة يهبط المصرى إلى دورى الدرجة الثانية مباشرة.
وحول نتائج الفريق التى حققها من فوزٍ أو هزيمةٍ أو تعادل، قال عبيد إن نقاط الفريق البورسعيدى سوف توزع على باقٍ فرق الدورى العام بالتساوى بمقدار ست نقاط لكل فريق إذ كان قابله المصرى أو لم يكن قد واجهه، وحتى الفرق الذى استطاع المصرى الفوز عليها ستأخذ النقاط كاملة.
أمّا عن أسباب عدم ورود عقوبة الشطب فى لوائح "الفيفا"، حدد الخبير بلوائح الفيفا، سببين من جانب الاتحاد الدولى لتوقيع مثل تلك العقوبة، الأول هو أن قرار الشطب سيعاقب اللاعبين وليس النادى بتسريحهم فى هذا الوقت من الموسم، والثانى أن القرار سوف يتسبب فى الإخلال بالتعاقدات والحقوق المالية للاعبين أيضًا، لذا فإن توقيعه غير وارد بالمرة على المصرى، حتى بعد المذبحة على وقعت ستاد بورسعيد.
المصدر اليوم السابع ولسه نازل حالا
****************************
انا متوقع فعلا ميحصلش شطب للنادي
انا كنت متوقع يتم ايقافة لاخر الموسم مع هبوطة للدرجة التانية
وواضح ان كمان دا مش هيحصل
طب لو حصل الكلام ده
العقوبة المنتظره على المصرى، هى الحرمان من اللعب لنهاية الموسم داخل بورسعيد فى حال استكمال الدورى، وتوقيع غرامة مالية ربما يصل قدرها إلى 300 ألف جنيه،
توقعك لرد الفعل الجماهيري اية ؟؟
ولو المصري انسحب ولوني معتقدش ممكن يكون دا افضلة ؟؟؟
وأضاف الخبير بلوائح الفيفا، أنه فى حال انسحاب المصرى من المسابقة، يٌستكمل الموسم دون أى أزمة، لكن فى هذه الحالة يهبط المصرى إلى دورى الدرجة الثانية مباشرة.
انا بقي مش مقتنع بالكلام ده
وحول نتائج الفريق التى حققها من فوزٍ أو هزيمةٍ أو تعادل، قال عبيد إن نقاط الفريق البورسعيدى سوف توزع على باقٍ فرق الدورى العام بالتساوى بمقدار ست نقاط لكل فريق إذ كان قابله المصرى أو لم يكن قد واجهه، وحتى الفرق الذى استطاع المصرى الفوز عليها ستأخذ النقاط كاملة.
اعتقد الصح بتاعة هوا شطب جميع نتائج النادي
ياريت ايلي فاهم لوائح يفهمنا
************************
للنقاش
1- مين محمد عبيد دا ؟؟؟
2- في حالة توقيع العقوبة المذكورة بالعب خارج بورسعيد والغرامة تتوقع يكون رد الفعل الشعبي اية ؟؟؟
3- توقعك لماتش الاهلي والمصري في الدور التاني ممكن يحصل فيه ايه ؟؟؟
4- هل تتوقع ان المصري ينسحب من الدري لو لم يتم شطبة او ايقافة ؟؟؟
5- هل فعلا بيتم توزيع النقاط ولا بيتم شطب النتائج في حالة انسحاب النادي ؟؟؟
************************
رجاء خاص من الجميع
انا من اشد مهاجمي بورسعيد وجمهور المصري في الفترة الماضية
لكن اتخذت قرار بيني وبين نفسي ما اهاجمهمش تاني مش علشان هم مظلومين لكن علشان هم في الاخر مصرين ومسلمين وموحدين بالله
ومينفعش لا اشتم بورسعيد كلها ولا اسيئ لها
رسالة للبورسعيدي المحترم فقط
اكيد في ناس مظلومة اتاخدت في الرجلين ملهاش علاقة بالكورة ولا ليها فيها وناس بتحب الكورة ومش مع ايلي حصل من مذبحة حتل لو كانوا بيكرهوا الاهلي لكن غضبي وغضب غيري وايلي هيفضل يطلع عليكم لفترة لحد ما كله يهدي شويه
وفي النهايه بورسعيد محافظة مصريه فيها خواتنا المصرين المسلمين مش هتنفصل عنا مهما حدث يعني
وياريت انتوا كمان تستحملونا يعني انتوا هتزعلوا من شوية شتيمة واحنا مش هنزعل من قتل اخواتنا
وربنا يعديكم منها علي خير ان شاء الله
وربنا يسترها علي مصر والبلد كلها تعدي المرحله دي علي خير ان شاء الله
ومتزعلشو مني ولا من غيري في الاخر الغضب ليه يوم وينتهي
تحياتي للمحترمين في بورسعيد فقط
برجاء فليتقي جميعنا الله في كل ما يكتبه فنحن جميعا محاسبون بما نحن كاتبون من ردود
وشكرا للمجميع واتمني النقاش حول الاسئلة فقط
رحم الله من مات من اخوتنا واللهم احمي وطنا من الفتن