بسم الله الرحمن الرحيم

شاهدوا أجمل وأحلى التعليقات الساخرة على مواقع التواصل الأجتماعى الفيسبوك وتويتر على أحتفالات المصريين بالفالنتين بعد الثورة الذى أطلقوا عليه
" فالنتاين الثورة " بما انه اول احتفال بالافلانتين بعد الثورة لانشغال المصريين العام الماضى بتنحى الرئيس السابق محمد حسنى مبارك اللذى اعلن تنحيه يوم 11-2-2012 اى قبل عيد الحب بثلاثه ايام فقط وكان الجميع حزينا على دماء الشهداء اللذين سقطوا أثناء الثورة فلم يحتفل المصريين بهذا اليوم العام الماضى

شاهد التعليقات الساخرة على الفيس بوك وتويتر

- حمزاوي: أطالب بجعل الفالنتاين عطلة رسمية، الكتاتني: لا تزايد يا أخ حمزاوي فأنت لست أكثر منا رومانسية
- الحب ولع في المجمع العلمي يا بت

- لو حببتك اسمها "نزيهة" ...تاكد إن ليها "اخوان" ياكلوا الزلط

- أنا ملتزم بأقصى درجات ضبط النفس رغم كل اللي بتعمليه

- بحبك حب الثوار للميدان .. وحب الإخوان للبرلمان .. وحب المشير لمبارك وسوزان

- الحب الحب...مولوتوف مولوتوف

- الجيش حمــــــــــــى الدباديب

- اقتليني قتلي ما هيعيد علاقتنا تاني بكتب بقلمي ورقة عرفي على حد تاني

- هبنى جدار عازل حوالين حبنا

- دبدوب .. هدية .. ميدالية للعربية

- بعشقك♥ بما لا يخالف شرع الله

- هيجيب دبدوب تدوس فى عينه يغنى ...شهداء 25 يناير ماتوا ف أحداث يناير

- مافيش حاجه اسمها حب . مافيش فالينتين . مافيش هدايا . #العيسوي ستايل

- ان شاء الله حنتجوز و نجيب أحلى ولد و بنت و نسميهم خرطوشة و مطاطي

- يعنى ايه فلانتين يابرادعى؟ يعنى أمك يجيلها ورد أحمر ودبدوب.. أمي أنا! أيووووه أمك انت

- أبو حامد ماسك دبدوبين .. دول إيه دول يا ريس !!

- الشعب المصرى غير مؤهل للفلانتين #عمرسليمان-ستايل

- الدبدوب الي واقف ورا عمر سليمان

- انا و حبيبتي "مصريين أحرار" و بنعمل كل اللي عايزينة ف "النور"

- الحب في زمن الغاز

- بكره اشتغل وأجبلك خيمة فى الميدان بتبص على الصينيه وجنب المترو

- تشربي حاجة يا حبيبتي؟ .. آه ياريت إزازة مولوتوف بس تكون ساقعة

- انا هفضل متمسكة بيك تمسك العسكر بالسلطة... و مش هسيبك إلا على جثتك )

- فاكرة رعشة إيديكى في إيديا .. واحنا بنجري من الشرطة العسكرية

- يا واد يا سينجل

- السينجل اللي على حق يقول للورد و الدبدوب لأ

- هو: بحبك بعدد اللي انتخبوا الحرية والعدالة .. هي: بحبك بعدد اللي قالوا نعم على التعديلات الدستورية

- دبدوب خالد عبدالله (تدوس على بطنه يقول يا واد يا مؤمن)

- بحبك بعدد لجان تقصي الحقائق

- بحبك أكتر من حب الملثم لمواسير الغاز

- هى: فين الهدية؟؟ ...هو: أنا عامل اضراب

- حبنا مفيش لايحة تقدر توصفه

- جايبلك دبدوب هدية بيغني يسقط يسقط حكم العسكر

- ها جبتلي هدية ؟؟ إيه ؟؟ # شفيق ستايل

هههههههههههة.... والله احنا شعب مالوش حل ...وسيظل هكذا الشعب المصرى يصنع من دموعه ترياقا حتى يستطيع ان يعيش وهذا من اسرار عظمته

زنزانة لأجلك كارهة سجانها
دوق زينا حلاوة الزنازين
على برشها بتمدد أطرافك
سجانك المحتار في أوصافك
مهما إجتهد ما هيعرف إنت مين
طوبى لكل المسجونين باطل
في زمن بيخدعنا وبيباطل
يا شموس بتبرق في غرف عتمين
أما إللي خان ناسك وأوطاني
م الهيبه حاطينه في قفص تاني
يصحى وينعس والجميع واقفين
ومصر عارفة وشايفة وبتصبر
لكنها في خطفة زمن تعبر
وتسترد الإسم والعناوين
يا دي الميزان إللي طلعت لفوق
بينزلوك بالعافية أو بالذوق
دول مش بتوع الصدق في الموازين
الثورة نور وإللي طفاها خبيث
يرقص ما بين شهدا وبين محابيس
والدم لسه مغرق الميادين
الحزن طابع في قلوبنا بجد
مافضلش غير الشوك في شجر الورد
غلط الربيع ودخل في أغبى كمين
وفي إنتظار تياس مع الأيام
غيرك في قفصه بيضربوله سلام
وأنت الجزم قبل الكفوف جاهزين
ومصر عارفة وشايفة وبتصبر
لكنها في خطفة زمن تعبر
ومصر عارفة وشايفة وبتصبر
لكنها في خطفة زمن تعبر
وتسترد الإسم والعناوين
ياعم أقعد بس وإشرب شاي
الدنيا ماشية وشعبنا نساي
والبركة في الشاشة وفي الجرانين
وإذا هوهو قوم إعلن الأحكام
وكل بق تلجمه بلجام
ومش هتغلب تطبخ القوانين
يا مصر هدي وإنت بتفوتي
الصوت في صمته أعلى من صوتي
أدي السجين إللي مبتش حزين
وإللي يقف في وش ثوارها
ما هيورث إلا ذلها وعارها
وإللي هيفضل ضحكة المساجين
ومصر عارفة وشايفة وبتصبر
لكنها في خطفة زمن تعبر
ومصر عارفة وشايفة وبتصبر
لكنها في خطفة زمن تعبر
لكنها في خطفة زمن تعبر
_____

حلوين جدا يا شيماء وخرجتينا من جو الكآبة اللى احنا فيه
شكرا حبيبتى

- حمزاوي: أطالب بجعل الفالنتاين عطلة رسمية، الكتاتني: لا تزايد يا أخ حمزاوي فأنت لست أكثر منا رومانسية

تحفة دى

شكرا يا شيماء

ما بقاش لينا نفس نحتفل باي حاجة للاسف
شكرا علي الموضوع
شكرا كتير خالص

Happy valentine

ده اجمل فالنتين فى حياتى

اههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه