اللى يلوم الامن يلومه .. التعليمات المستديمة للامن ( بعد فتح باب الترشيح ) مش قبله .. يعنى لما البهوات ( المحتملين دول ) يبقوا يقدموا ارواق ترشيحهم و تقبل و تنتهى اجراءاتهم القانونية بهذا الخصوص ........... بيتقدموا للامن ساعتها فقط و ذلك بخطة الاماكن اللى حايعملوا بها مؤتمرات للحراسة انذاك بجميع المحافظات .. يبقى منقولش اى كلام و خلاص .. الامن الامن الامن ؟؟؟؟؟؟؟
و خير الختام ذكر النبى عليه الصلاة و السلام *****
يعنى يا زيزو باشا لو ماكانوش مرشحين رئاسه لو كانوا ناس عاديين و فى فرح و طلعوا عليهم حراميه و بلطجيه و كرسى فى الكلوب و الامن ما عملش حاجه لا قبلها و لا بعدها يبقى ما نلومش الامن؟ نلوم مين؟
نلوم مين على تسريح البلطجيه و الحراميه و تجار المخدرات و الاسلحه؟
الامن عمل ايه فى مدبحه بورسعيد ما كان موجود فيها بس عمل ايه؟
ده يا اخى فى افلامنا كانوا مفهميننا ان البوليس (الحكومه) عارفه الجريمه قبل ما تحصل و عارفين كل اللى بيحصل فى البلد و لكل مواطن ملف .. نقوم بعد الثوره يعملوا مش عارفين حاجه و الشعب هو المسئول؟
علشان تكره الشعب فى الثوره .. شوه صوره الثوار بشتى الطرق و دس بينهم بلطجيه و مخدرات و فساد و قول عليهم بلطجيه و حراميه و ملحدين و كفره و لا يمثلوا شعب مصر العظيم .. و ساند عكاشه و اسفين يا ريس و العباسيه و طلع قصادهم ناس تعاديهم و قول عليهم عايزين يهدوا مصر و جيش مصر و يخربوا البلد .. و اعتقل فيهم و حاكمهم عسكرى و دبحهم قد ما تقدر على نار هاديه واحد واحد ... هات مداك بس خلى الشعب يكرههم بايد و بايدك التانيه اضرب سلام عسكرى لثوره مصر المجيده و شهداؤها الابرار (كده عزلت الشعب عن ثورته)
علشان تكره الثوار فى الشعب .. سيب البلطجيه فى البلد على الشعب و على الثوار و فهم الثوار ان الشعب ده ما يستحقش تخسر روحك علشانه لانهم كلهم سلبين و حراميه و بلطجيه و جهله و متعصبين و بيبيعوا اصواتهم و بلدهم و كلهم أيدوا الارهابين و لم يؤيدوا الثوره يبقى تضحوا علشانهم ليه؟ ارجعوا بيوتكم احسن .. ده شعب ما يستاهلش يرفع راسه .. احمد حراره فقد عينه ليه و الشيخ عماد مات ليه؟ علشان شعب ما يستاهلش التضحيه؟
هى دى اللعبه و اللى ما يشوفهاش يبقى مش شايف
و السؤال اللى لازم كلنا نسأله لنفسنا
البلطجيه و الحراميه و تجار المخدرات و تجار السلاح الغير شرعى و الارهابين .. تبع مين؟ لو ما كانوش تبع الداخليه و امن الدوله و الحزب الوطنى يبقوا تبع مين؟ ... دول ما بيشتغلوش لله و الوطن .. مين بيدفع لهم و مين اللى بيحركهم؟
كلاب مين اللى سايبين علينا دلوقتى علشان يوقعوا الشعب فى بعضه؟
لو الامن عايز يجيبهم حيجيبهم انا متأكده من كده لان امننا مش سهل بيطلع الجواسيس بالملقاط من وسط ملايين و بيطلع اللى بيعتدوا على مسئول كبير (يكون على هواهم) ا و يخطفوا ولاده فى يوم حتى لو كان مجهول و لا فى فيديوا صوره ولا دليل عليه .. بيطلعوا الجانى من اول خيط و اللى متصورين فى الفيديوهات بوشوشهم و معروفين مش بيطلعوهم .. يبقى اكيد حيطلوا اللى كشف باساميهم عندهم؟ و حيطلعوا اللى بيدفع لهم (لو عايزين)
و تحيا مصر و ثوره مصر و شعبها العظيم
