جمعة مباركة على الجميع
يا ترى لية لما حد بيقول على حد حاجة وحشة ومش كويسة كل الناس بتصدق من غير ما تحاول تعرف الحقيقة وممكن كمان ميكنوش يعرفوا الانسان دة بس يصدقوا الكلام اللى تقال ويبقا فنظرهم انسان مش كويس لمجرد كلام اتقال وخلاص
لية مش بنحاول نتأكد الاول من صحة الكلام دة قبل ما نصدر اى رد فعل نحاول نعرف الحقيقة الاول؟؟
(( أذا جاءكم فاسق بنبأ فتبينوا )) لية احنا بقينا بنصدق اى خبر حتى لو غلط
ما بنصدق اى اشاعة مثلا ونعمل منها قصة وحوار
او اى كلام يكون عن اى انسان ونبتدى نتكلم ونجيب فسيرتوا ونعمل مواضيع
ولو مثلا حاول الانسان دة يبرأ نفسوا او مثلا لو فى اشاعة نزلت عن ممثل وحاول يكدبها مش بنهتم خلاص ولا بيهمنا نعرف الحقيقة بنحب نتكلم فالمصايب وبس من غير ما نتأكد من صحتها
لية مش بنسيب حد فحالوا ونحاول نتدخل فحياة دة ودة مع ان كل واحد لية اخطاؤة ولحظات ضعف واحنا مش ملايكة عشان نتبع اخطاء غيرنا ومنبصش لنفسنا واخطائنا
يا ترى دة من الملل والفراغ فمبنصدق اى حاجة نتكلم فيها وخلاص ؟؟؟
ولا احنا العرب طبعنا كدة اصلا بنحب نتكلم ونحكى فكل واى حاجة ؟؟؟
يا ريت مكنش دايقتكم او طولت عليكم بس فعلا دى الحقيقة
وانا عارفة ان مش كل الناس كدة بس الاغلبية يعنى
متزعلوش من كلامى