بسم الله الرحمن الرحيم
السلام عليكم ورحمة الله وبركاته
اليكم ما تضمنه بيان لجنة الشئون العربية فى مجلس الشعب المصرى بشأن الاعتداءات الاسرائيلية علي قطاع غزة والضفة الغربية حيث طلبت اللجنة بعدة اشياء هامه جدا وقد وافق المجلس بالاغلبية على تطبيقها كما طلب الدكتور محمد سعد الكتاتنى رئيس مجلس الشعب من رئيس اللجنة بعد موافقة البرلمان بالتوثيق مع الحكومة لتنفيذ البيان واهم تا تضمنه البيان بعد دراسته امر الحكومة المصرية بطرد السفير الاسرائيلي من مصر وسحب السفير المصري من تل ابيب وايقاف تصدير الغاز لاسرائيل فورا وتجميد او وقف العمل باتفاقية الكويز بشروطها المجحفة واللتى دمرت الاقتصاد المصرى والصناعة المصرية وتقديم كل الدعم للشعب الفلسطينى بما يمكنه من النهوض والتصدى امام هجمات الصهاينة بكل وسائلها ويجب ان يكون برلمان الثورة المصرية درعا واقيا للشعب الفلسطينى وخاصة قطاع غزة والى حضراتكم جزء من البيان بالفيديو

ايوووووووووووووووه عايزين قرارت زي دي
عشان يعرفو الشعب كله يرفضهم ويرفض اعمالهم

ده إخوان شو ، عايزن افعال مش كلام في الهواء وخلاص

وتتخيلوا انه هيتنفذ ؟؟؟؟؟؟؟؟؟؟؟؟؟؟؟؟؟؟؟؟

اخونا الغالى / ناشر الخبر .. اعتقد ان العنوان غير صحيح .. و يجب ان يكون العنوان الصحيح ....( بيان فى مجلس الشعب يطالب ب .. كذا و كذا و كذا ) .. مش مجلس الشعب ( يقرر ) لان المجلس لم يقرر مش كده و الا ايه .. لذا لزم التنويه للفهم الصحيح للخبر ......

وتتخيلوا انه هيتنفذ ؟؟؟؟؟؟؟؟؟؟؟؟؟؟؟؟؟؟؟؟

طبعا اشك فى ذلك سوبر زيرو
من امتى نفذوا قرار اتخذوه

شكرا مستر

امنيات للشعب المصرى والشعب العربى
ياليتها تتحقق

معاك حق يا زيزو باشا
ده بيان مش قرار
و لا يملك مجلس الشعب ان ينفذ ايا منه
و الايام بيننا و يا ريت هو حد يكره؟
و يا ريت كمان يلغوا معاهده السلام الفاشل
ده لو بايدهم يعملوا كده
و تحيا مصر و ثوره مصر و شعبها العظيم

كلة اشتغالات وبيانات زي احداث بوورسعيد وبيانات ولجان تقصي وراحت-------هييييييييية راحت---دا الي شاطرين فيية كلام وقال اسرائيل--يا رجالة احنا لبسنا القطونيل من زمان وعلي ايدي اخوان الشيطان بتوع المصلحة والندالة--الي ملهمشي ولا سلطة ع حكومة ولا غيرة--بق بس كلام وبس

اخونا الغالى / ناشر الخبر .. اعتقد ان العنوان غير صحيح .. و يجب ان يكون العنوان الصحيح ....( بيان فى مجلس الشعب يطالب ب .. كذا و كذا و كذا ) .. مش مجلس الشعب ( يقرر ) لان المجلس لم يقرر مش كده و الا ايه .. لذا لزم التنويه للفهم الصحيح للخبر ......

كلامك مظبوط , وفعلا الخبر ده كان مجرد بيان وأنا فرحت أوى لما قريت الكلمه دى فى العنوان ( قرر ) لكن للأسف مش مكتوب لنا الفرحة .

الحمد لله اللهم يبارك لهم ويعينهم على رفع شأننا وشأن المحروسه

حتى لو كان اولها كلام بداية ممتازة وكلام من عقود طويلة ما حد تجرا وحاول يحكيه ...تعيش الثورة والكرامة المصرية

دى خطوة كويسة ربنا يوفقهم .

اخونا الغالى / ناشر الخبر .. اعتقد ان العنوان غير صحيح .. و يجب ان يكون العنوان الصحيح ....( بيان فى مجلس الشعب يطالب ب .. كذا و كذا و كذا ) .. مش مجلس الشعب ( يقرر ) لان المجلس لم يقرر مش كده و الا ايه .. لذا لزم التنويه للفهم الصحيح للخبر ......

فى جلسة اول امبارح قام عضو من مجلس الشعب فى قمة الاحترام وقال
ان مجلس الشعب لا يجب ان يقدم مجرد توصيات وانما يقرر وعجبنى اوى كلامه لكن للاسف هو مجرد كلام

دولة الارهاب واللصوص المسماه اسرائيل اصلا منتهية ولا يوجد لها اي تاثير في منطقة الشرق الاوسط لانها لا ولم ولن تحقق اي نوع من استراتيجيتها الحقيرة في احتلال و الاستيلاء على خيرات الوطن العربي الاسلامي وهذا فشل ذريع لهذا الكيان الغدار , احتلال فلسطين كلفها الكثير الكثير من الخسائر وما زالت تخسر الكثير الكثير كل يوم . والدليل على هذا الاضرابات اليومية في مؤسسات الكيان الصهيوني المتاهاوي . وهذا الانتصار الكبير يعود الى تمسك فئة من العرب المسلمين بكتاب الله وسنته

خطوة كويسة والمفروض ان احنا نشجع مجلس الشعب مش نقف ضده لأنه الان بيحاولوا فى الاعلام وفى مواقع كتيرة على النت يقللوا من أهمية البرلمان وليس له دور ومعملش حاجه لغاية دلوقت لن فى ناس من مصلحتها عدم نجاح البرلمان السلطة الوحيدة المنتخبة مننا احنا الشعب المصرى
ودايما يضعوا عراقيل امام البرلمان مثل أحداث بورسعيد
وطبعا اللمجلس جه فى توقيت صعب جدا مطلوبب منه كل شئ والسلطة التنفيذية بتعطل كل شئ لاحراج البرلمان امام الشعب لكن هانت كلها خطوات ويتحقق الحلم بدولة القانون التى نطلبها جميعا
لكن لابد فى الوقت الحالى أن نساند البرلمان مش نضعفه ونخذله