عارفة سيدتى الفاضلة ...انا شاهدتها بأم عيناى بالمملكة العربية السعودية ابان اداء العمرة هناك منذ سنوات قليلة .. و عقب صلاة الظهر بالمسجد النبوى و خروجنا فوجئنا برهط كبير من الناس و يذيع كبيرهم ( الليلة قص ) اى الليلة ستوقع عقوبة القصاص من بعض المجرمين .. و كانت ... بعد صلاة العصر خمسة متهمين مكبلين بالاصفاد الحديدية و سيارتى اسعاف و طقم اطباء من حولهم و حلبة مؤمنه بالطريق امام المسجد من الجهة اليمنى تماما .. و تم المشهد بالاول بقطع يده اليسرى فى اقل من ثانية بسيف بتار و اغمى عليه .. و عالجه احد الاطباء ووضع بسيارة الاسعاف .. و تم ذلك لعدد اربعة افراد منهم يده اليمنى و الاخر اليسرى .. اما الاخير فتم استشارة ولى الدم ( لانه كان قاتلا ) هل يعفو .. فرفض .. و عرض عليه بعدها بدقائق للمرة الثانية فرفض و الثالثة فرفض .. فقطعت رقبة المتهم ايضا بأقل من الثانية ووضعت بحقيبه شبه جريد النخيل او الخوص و ارتعدت الجثة لمده دقيقتين على الارض ثم ما لبثت ان خارت القوى تماما .. ووضع الجميع بسيارتى الاسعاف ,, وحضر عمال النظافة لتطهير الطريق محل التنفيذ من الدماء .. و بالاستعلام تبين ان القاضى الشرعى ( فى حوادث السرقة الاربعة ) توخى الحذر الشديد جدا حتى يتبين اليد الاثمة القائمة بالسرقة .. و ذلك حتى لا تظلم اليد الاخرى .. و مكث باقصر مدة لصحة التيقن كما اخبرنا انذاك احد السادة ضباط الشرطة السعودية انذاك حوالى عشرة اشهر .. مش الحرامى عندنا يسرق و ياخد حبس لو فى مليون جنيه 6 شهور او سنه و يطلع بايديه الاثنين ليسرق ثانية .. ما اجمل حدود الله و اروعها .. جعلنا الله فى مصاف منفذيها لان القصاص الشريف ينقى المجتمع الملوث .. مش كده و الا انا غلطان .. معلش مشاركة ( كيلومترية ) من بتاعة اختنا بديعة .. محدش يزهق ......
منظر شاعرى يا زيزو باشا هههههههههههه
و اللى نفذ فيهم القصاص سعودين و الا اجانب؟ (هنود و غيره)؟
و لما شاب او امير من آل سعود يزنى او يسرق او يعمل فاحشه يا ترى بيقام عليه الحد و الا الحد على الشعب بس؟ طبعا انت عارف قصه الامير السعودى مع هيفاء وهبى اللى رفضوا يعطوه تصريح بالزواج و قالوله دى تصاحبها (يعنى تزنى معاها) لكن لا تتزوجها و هو طبعا ما كدبش خبر و الامير ترك اللى عاث فى الارض فساد و طرد من السعوديه و من السودان و نورنا فى مصر لماذا لم يقام عليه حد الحرابه لانه افسد فى الارض؟ الامثله كتيره على فجور ال سعود داخل و خارج السعوديه و لكن لا يقام عليهم الحد (منزلين) دول بقى مثلنا الاعلى و عايزين نبقى زيهم؟ نقيم الحد على الشعب لكن من يحكمنا سواء اخوان او سلف او مبارك او غيره لا يقام عليهم الحدود؟
فكرتنى بسوزان مبارك اللى ماسكه شرايط جنسيه على الزعماء العرب لو يعرفوا شرع الله تطلع الشرايط و يترجموا كلهم و يتجلدوا علنا
ده اولا
ثانيا السعوديه ما شاء الله معاهم فلوس بلد غنى و لا فى فقر و لا جوع و اللى عايز يتجوز بيتجوز عادى
لما نحب نقيم الحدود فى مصر لازم نسأل اهل العلم مش الوهابين لكن علماء الازهر و حنلاقى ان الحدود لا تطبق فى بلد يغلب عليها الفقر و الجوع و عدم قدره الشباب على الزواج و مع كل ده اكتر شعب متدين بحق و خلوق هو الشعب المصرى و يحكمه واعظ دينى داخلى مبنى جواه
زى ما قلت يقيمو الحد على المخلوع و فلوله علنا اولا ثم ينضفوا البلد من الفساد و يقضوا على الفقر و الجوع و الجهل و بعدين يقيموا الحدود (هو ده شرع الله) و سيدنا عمر رفع حد السرقه فى المجاعه
ثالثا: ايه هو الجرم اللى الحد فيه (قطع الرأس)؟ مش عارفه هم بيحكموا على الساحر و المعتدى و اى جرم تانى على مزاجهم
اللى انا اعرفه يا زيزو باشا لما استراليا انتقدوا مصر علشان بتعامل الخراف الاسترالى معامله وحشه و طريقه الذبح غير آدميه
طلع شيخ الازهر و وضح انه فى الاسلام ذبح البهائم له اصول و لا يجوز ان تذبح البهيمه امام اخوتها من البهائم
يبقى ازاى تقطع راس بنى ادم قدام البنى ادمين و تقول لى ده حد من حدود الرحمن الرحيم و الا هى الرحمه على البهايم بس؟
عايز تقيم حد الاعدام عندك ميت طريقه ارحم من انك تطير راسه بسيف فدام الناس زى المقصله فى ايام اوربا الجاهليه ... عندك الشنق و بالرصاص بلاش تيتجى عند الناس لكن فى مكان عليه شهود و اللى عايز يجى يجى بس مش تروح للناس فى مكان زحمه و تفرض المنظر عليهم يعنى لما اعدموا اللى قتل السادات طيروا رقبته قدام الناس؟ و الا فى اصول؟
الاسلام ليس دين قسوه انه دين الرحمه
و تحيا مصر و ثوره مصر و شعبها العظيم
