معلش يا هارون
اسمحى لى انتى كده عملتى خلط جامد للأمور
بمعنى أن لو فيه مستندات و ادلة تدين أى شخص فى مصر سواء فلول و لا ثورجى و سواء مترشح أو مش مترشح يبقى لازم الأدلة والمستندات دى تتقدم للقضاء ليحاسب المخطىء
و لو فيه فلوس منهوبة و متهربة بره أو جوه يبقى الحكومة (مسئولة و مجبرة) انها تقدم أقصى ما فى وسعها لاستعادتها

انما ما علاقة كل ذلك بسن قانون يحرم 100 شخص من الترشح علشان فيهم 10-15 فاسد, مع اعتبارهم الشعب مجرد (قرطاس لب) مش فاهم حاجة و ممكن يضر نفسه

ملحوظة: أنا ضد أحمد شفيق و الفلول على طول الخط, ولكن (الغاية لا تبرر الوسيلة) و الحق أحق أن يتبع, و لو (لا قدر الله) اختار الشعب (أحمد شفيق) سيكون أحمد شفيق (رئيس شرعى) لكل المصريين وعلينا تقبل ذلك و الا سنكون أكبر ديكتاتوريين ولا نستحق الحرية و الديموقراطية
ومرة أخرى لا للحجر على صوت وارادة الشعب

تعرف يا اسلام مشكلتك انك محترم وفاكر انك بتتعامل مع ناس محترمة في دولة لها سيادة وقانون

انما واقع الاحداث بيقول غير كدة ... بيقول ان بلدنا بلد كوسة بتتحكم بالاهواء الشخصية .. فاكر مشكلة قضية التمويل الاجنبي وازاى الاجانب خرجو من مصر ورغما عن القضاء ...شايف احمد شفيق دخل الانتخابات ازاى بالرغم من مخالفة اللجنة الصارخ لقانون العزل ...

يا عزيزى في اى ثورة حصلت في العالم هتلاقي .. ان اى ثورة حصل فيها تطهير ومصادرة لاموال الا في مصر

وبالتالى انت بتتعامل مع مجرمين وفاسدين .. معاملة المحترم الذى يرغب في اعطائهم فرصة عادلة للترشح .. ازاى وساحتهم غير نظيفة ؟!!! ازاى وتاريخهم الاسود بيقول انهم هيبهدلو البلد وانهم هيلجاو لكل الحيل من تزوير ورشوه للوصول الى الكرسي مستغلين فقر الناس وحاجاتهم وجهلهم

انت بكلامك دا بتشجع المجرمين ان يدخلو راكبين سلم الديموقراطية اللى حرمو الشعب منها ..وعندما يصلو اليها .. ستحرم انت وانا منها

اعمل عقلك يا اسلام وبلاش المثالية المبالغ بيها ..لان اعداءك مش بيلعبو بنفس قوانين اللعبة اللى انت راسمها في مخيلتك

شفيق دخل الانتخابات دخول غير شرعى .. فيجب استبعادة

شفيق متورط في قضايا فساد .. فيجب النظر فيها اولا وتبرئه ساحتة حتى يتسنى له دخول الانتخابات بعدذلك وخصوصا ان اوراق ومستندات التى تدينة اتنشرت في اجهزة الاعلام وهى اوراق رسمية لا تحتمل الطعن فيها كما ان شفيق لم ينكرها وانما حاول التبرير

وما تقوليش الحكومة من واجبها انها تدم المستندات والقضاء يحاكم ... الحكومة لن تدين شفيق ولن تقدم اى دليل ادانة لانها متواطئة والمجلس العسكرى اللى معينة مبارك وكان بيدفعلة شيكات ولاء .. متواطئ والمحامى العام اللى معينة مبارك متواطئ .وهيركن الاوراق والمستندات في الادراج ..وقضاة فاسدون ومشاركون في التزوير الانتخابات سابقا وحاليا ايضا .. تذكر نحن لسنا دولة قانون وراجع الاحداث وانت تفهم

الانتخابات شابهها الشك في نزاهتها

اولا عدم تطبيق قانون العزل

ثانيا رفض اللجنة انها تعطى الداتا الخاصة باسماء الناخبين الى المرشحين

ثالثا وجود اسماء لمجندين في الجيش وتم نشر اسمائهم وارقام بطاقتهم على الانترنت واماكن لجانهم الانتخابيه .. تقدرتعمل بحث في جوجل وتتاكد +++ دا يؤكد الاتهام بان فيه 2 مليون مجند زورت لهم بطاقات مدينة للانتخاب .. بالاضافة لوجود اسماء للمتوفين والمعاقين زهنيا

رابعا لجوء امن الدولة والفلول ورجال الاعمال الفاسدين الى الحيل القذرة من رشاوى وانا شوفتها بعينى لدرجة انهم كانو بيعطو 150 جنية للصوت الواحد اللى يرشح شفيق.. تفتكر الناس الغلابة تعمل اية في موقف زى دا ؟؟تفتكر هيرفضو ياخدو المبلغ؟ دا فية نا س يا راجل عمرهم ما داقو طعم اللحمة يادوب يعرفو شكلها ...

... بالاضافة الى بعض الاعمال الاخرى .. زى العثور على اوراق ترشيح لحمدين صباحى مرمية في الغيطان واختفاء افراد حملة عمرو موسي .. وغيرة من الالعيب الخفية

مع وجود كل هذا العوار في الاجراءات الانتخابية مازلت مصرا على ان تتعامل باحترام مع اناس لا تحترمك ولا تحترم القانون

اركن الاحترام على جنب وتعامل بالحق والعدل .. فمن ظلم الناس لا يعطى فرصة ثانية لاستكمال مسلسل الفساد ... والا ستجنى نتيجة عدم قراءتك للامور قراءة صحيحة وعدم اتخاذك لقرار سليم يناى بك عن الدخول الى فم الاسد... وللاسف ساعتها مش هتقدر تتراجع وهتقول يا ريتنى

على فكرة مراة احمد عز نازلة على اخرها .بتدعم شفيق وحملتة .. راحت المنوفية وجرت على رجال الاعمال وقالتلهم دى اخر فرصة لينا .. اتحركو ..

شوف هنا

.اديهم الفرصة يا اسلام وقول ديموقراطية .. وهى مش اكتر من طبخة وتزوير واحتيال واستغلال لحاجة الناس

هههههههههههههههه معلشي نادينى باى حاجة موقتا لحد ما اتراسل مع حد من المشرفين يغير اسمى ... بس عاوزة اقولك حاجة

ههههههههههههههههههههههههههههه على راي ديانا حداد غلطة الشاطر بألف يا هارون .
اسلام مصحصح اوي

انما ما علاقة كل ذلك بسن قانون يحرم 100 شخص من الترشح علشان فيهم 10-15 فاسد, مع اعتبارهم الشعب مجرد (قرطاس لب) مش فاهم حاجة و ممكن يضر نفسه

والله يا اخي اسلام لو النسبه اللي حضرتك ذكرتها صحيحه يبقى الشعب ظلم مبارك بهذه الثورة وهذا الخروج لانني لا اعتقد بوجود دوله توجد بها نسبة فساد اقل من الـ 10% اللي حضرتك ذكرتها !!!!!!!!!
يا عم اسلام انت بتقول ايه بس !!!!!!!!!

والله يا اخي اسلام لو النسبه اللي حضرتك ذكرتها صحيحه يبقى الشعب ظلم مبارك بهذه الثورة وهذا الخروج لانني لا اعتقد بوجود دوله توجد بها نسبة فساد اقل من الـ 10% اللي حضرتك ذكرتها !!!!!!!!!
يا عم اسلام انت بتقول ايه بس !!!!!!!!!

يا عبدالرحمن
سيبك من الأرقام اللى ممكن تكون 10% و ممكن تكون 100% الله اعلم
و لكن خلينا فى المبدأ
احنا مع الأسف من بعد الثورة
عايزين نمشى الدنيا كلها على مزاجنا
و كل واحد مننا فاكر انه الوحيد اللى فى البلد اللى واعى وفاهم و بقية الناس لأما جهلة لأما أغبياء لأما فاسدين
و الأغرب من كده اننا عايزين فى نفس الوقت نمشى كل اللى فى مزاجنا حتى لو غلط بس (بتغليف قانونى شيك علشان يبقى شكلنا حلو و محترم)
يعنى مثلا نقدم مبارك و كام واحد من رجالته للمحاكمات (لزوم الشكل الحضارى و سيادة القانون و الحاجات الحلوة دى) بس كل واحد مننا (حالف ميت يمين) انه لازم القاضى يحكم عليهم بالاعدام لأما يبقى قاضى مرتشى فاسد (مع ان فى الحقيقة أنا مش عارف القاضى حكم عليهم بالمؤبد ازاى بدون اى دليل قدامه ضدهم)
و برضه نعمل انتخابات (حرة نزيهة احتراما لارادة الشعب و كلمته الفاصلة) بس لو المرشح بتاعنا سقط يبقى (الميدان واسع و فارس لفارس و ملعون أبو كلمة الشعب الجاهل اللى مش عارف مصلحته فين و الثورة مستمرة)
و برضه (نفصل قانون علشان فيه ناس شكيين فى نواياهم و نزاهتهم و عايزين نحرمهم من الانتخابات), يعنى مش مهم انهم ميتحاسبوش على جرائمهم و يعيشوا حياتهم انما (على جثتنا انهم يدخوا الانتخابات علشان دى مسألة كرامة) و الأغرب ان اللى اتفصل القانون ده علشانه بيستعد لجولة الاعادة (بأصوات حقيقية من الشعب على فكرة و أنا أعرف عدد كبير من الاصدقاء والمعارف أعطوا اصواتهم لشفيق عن كامل اقتناع وليسوا قابضين ولا غيره)


يا جماعة عايزين نهدى شوية
و كل واحد يقول رأيه بكل حرية
بس يسمع برضه أراء غيره
و الحكم فى الأخر للقانون و لأغلبية الشعب
يعنى لو اختاروا الصالح يبقى خير وبركة على الكل
و لو اختاروا الفاسد يبقى مينفعهمش غير الفاسد لأن وقتها يبقى الفساد تمكن من المجتمع كله و حتى لو جاءهم نبى مرسل أو ملك منزل فلن ينصلح حالهم

بص يا اسلام انا مش معاك في حجات كتير
اولا : حكم المؤبد على المخلوع كان مرضي للشعب وكان واضح خارج القاعه وداخل القاعه كان هناك تهليل الله اكبر الله اكبر صح ولا انا غلطان انما بعد ما بداء القاضي في البراءة للجميع بداء السخط والاعتراض على القاضي . والشعب حس انها تمثيليه لارضائه وبعد كده تهداء الامور والمخلوع براءة في النقض .
الناس مش مشكلهتا القاضي يا اسلام ودا واضح في الشارع الناس مشكلتها الحكومه والمجلس العسكري اللي مش قادر يقدم اي ادله او مش عايز يقدم ادله وكل واحد له ابن استشهد او اخ استشهد لازم نعذره لان مش معقول كل الناس دي ماتت بالسكته او نزل عليهم طير ابابيل والفيديوهات موجوده وبرضو مش عارفيين مين الاشخاص. كأننا في جيبوتي او الصومال ؟؟؟؟
بالنسبه لقانون العزل السياسي اعتقد انه من مطالب الثورة والثوار الاحرار من بعد الثورة مباشره ( في المليونيات اللي كانو الاخوان بيرفضو نزلو فيها ) لكن الموضوع نام والناس سكتت وبداء الكلام عنه مره اخرى بعد ترشح سليمان وشفيق وبرضو ما حدش اهتم اوي بعد ما تشريع القانون من مجلس الشعب وصدق عليه المجلس العسكري واللجنه ضربت به عرض الحائط الا بعد وصول شفيق للاعاده وهنا انا معاك الناس دي كانت فين قبل وصول شفيق للاعاده وكانو ساكتين ليه ؟؟؟؟؟؟؟؟؟ لان كل واحد بيدور مصلحته وكل واحد كان فاكر نفسه هو اللي هيوصل للاعاده .
بس دا ما يمنعش ان شفيق عليه كام بلاغ للنائب العام ؟؟؟؟ وليه ما فيش تحقيق في اي بلاغ ؟؟؟ وازاي يوصل للرئاسه وهو عليه بلاغات وامتى هيتحقق معاه وازاي يتحقق معاه وهو رئيس للجمهوريه ؟؟؟؟؟ مش كل دي اساله برضو .

على فكره يا اسلام انا حاسس انك متمسك شويه بشفيق لانك معتقد انه المرشح الاضعف مقابل الاخوان . وياريت اكون مخطاء
همسه . انا في بيتنا 3 هينتخبو شفيق ههههههههههه مش عشان عيون شفيق لكن كرها في الاخوان ومعرفش ليه

بص يا اسلام انا مش معاك في حجات كتير
اولا : حكم المؤبد على المخلوع كان مرضي للشعب وكان واضح خارج القاعه وداخل القاعه كان هناك تهليل الله اكبر الله اكبر صح ولا انا غلطان انما بعد ما بداء القاضي في البراءة للجميع بداء السخط والاعتراض على القاضي . والشعب حس انها تمثيليه لارضائه وبعد كده تهداء الامور والمخلوع براءة في النقض .
الناس مش مشكلهتا القاضي يا اسلام ودا واضح في الشارع الناس مشكلتها الحكومه والمجلس العسكري اللي مش قادر يقدم اي ادله او مش عايز يقدم ادله وكل واحد له ابن استشهد او اخ استشهد لازم نعذره لان مش معقول كل الناس دي ماتت بالسكته او نزل عليهم طير ابابيل والفيديوهات موجوده وبرضو مش عارفيين مين الاشخاص. كأننا في جيبوتي او الصومال ؟؟؟؟
بالنسبه لقانون العزل السياسي اعتقد انه من مطالب الثورة والثوار الاحرار من بعد الثورة مباشره ( في المليونيات اللي كانو الاخوان بيرفضو نزلو فيها ) لكن الموضوع نام والناس سكتت وبداء الكلام عنه مره اخرى بعد ترشح سليمان وشفيق وبرضو ما حدش اهتم اوي بعد ما تشريع القانون من مجلس الشعب وصدق عليه المجلس العسكري واللجنه ضربت به عرض الحائط الا بعد وصول شفيق للاعاده وهنا انا معاك الناس دي كانت فين قبل وصول شفيق للاعاده وكانو ساكتين ليه ؟؟؟؟؟؟؟؟؟ لان كل واحد بيدور مصلحته وكل واحد كان فاكر نفسه هو اللي هيوصل للاعاده .
بس دا ما يمنعش ان شفيق عليه كام بلاغ للنائب العام ؟؟؟؟ وليه ما فيش تحقيق في اي بلاغ ؟؟؟ وازاي يوصل للرئاسه وهو عليه بلاغات وامتى هيتحقق معاه وازاي يتحقق معاه وهو رئيس للجمهوريه ؟؟؟؟؟ مش كل دي اساله برضو .

على فكره يا اسلام انا حاسس انك متمسك شويه بشفيق لانك معتقد انه المرشح الاضعف مقابل الاخوان . وياريت اكون مخطاء
همسه . انا في بيتنا 3 هيرشحو شفيق ههههههههههه مش عشان عيون شفيق لكن كرها في الاخوان ومعرفش ليه

ههههههههههه
واضح ان (قناة الفراعين) ماشاء الله مبتقطعش عندكم فى البيت أبدا!!!!!!!!

أما بالنسبة لتوقعك بأنى متمسك بشفيق لأنه المنافس الأضعف أمام مرسى (وبعدين اضعف ايه بقى, وأصوات البيت عندك بس كفيلة انها تنجحه باكتساح ههههههههه)
فصدقنى يا عبدالرحمن أنا عندما أتكلم فى أى موضوع أتكلم بما يراه (عقلى أولا) بعيدا عن أى أهواء او عاطفة أو انتماء, فأنا من أنصار الشيخ حازم و من أنصار الاخوان المسلمين و من أنصار أى أحد (أجد فيه المصداقية) وهو يدعو الى تطبيق شرع الله
و لكنى كثيرا ما انتقدت مجلس الشعب (ذو الأغلبية الاسلامية) فى بعض مواقفه (و موضوع قانون العزل الذى نتحدث فيه يشهد على ذلك)
و بالعكس فقد سبق أن أن أعلنت فى بداية فترة احتجاج حمدين على نتيجة الجولة الاولى حول حقه فى الدخول للاعادة بدلا من شفيق وقلت (نتمناها بين مرسى و حمدين)
و لكن بعد ذلك خاب ظنى فيه وفى أبو الفتوح بمواقفهم الشخصية البعيدة كل البعد عن صالح البلاد و العباد كما كانوا يدعون
و كما قلت أنا أقول رأيى و لكن يجب أن احترم قرار غالبية الشعب مهما كان

و لكن بعد ذلك خاب ظنى فيه وفى أبو الفتوح بمواقفهم الشخصية البعيدة كل البعد عن صالح البلاد و العباد كما كانوا يدعون

صـح انا معاك في النقطه دي 100%

والناس مش قادرة تعزل شفيق من خلال الصناديق؟! شيء عجيب أوي!!

لو القضاء ملخبط ومدهول ومش شايف شغله كويس ممكن الناس يشوفو شغلهم ويروحو صناديق الانتخاب وينتخبو المنافس لشفيق، ويريحو نفسهم من وجع الدماغ.

والناس مش قادرة تعزل شفيق من خلال الصناديق؟! شيء عجيب أوي!!

لو القضاء ملخبط ومدهول ومش شايف شغله كويس ممكن الناس يشوفو شغلهم ويروحو صناديق الانتخاب وينتخبو المنافس لشفيق، ويريحو نفسهم من وجع الدماغ.

أهو انت كده جبت أساس المشكلة يا سهم
انما احنا دايما نحب (نقطع الشجرة من وسطها)!!!!!!!

طب واللي مش راضي عن شفيق وعن مرسي يعمل ايه ههههههههه اكيد يخبط دماغه في الحيط
طيب واللي راضي بمرسي على اساس انه احسن الوحشين بس خايف من التزوير يعمل ايه وخصوصا بعد البهوات المرشحين الخاسرين ما شككو في نزاهه الجوله الاولى للانتخابات ؟؟؟؟

طب واللي مش راضي عن شفيق وعن مرسي يعمل ايه ههههههههه اكيد يخبط دماغه في الحيط
طيب واللي راضي بمرسي على اساس انه احسن الوحشين بس خايف من التزوير يعمل ايه وخصوصا بعد البهوات المرشحين الخاسرين ما شككو في نزاهه الجوله الاولى للانتخابات ؟؟؟؟

هى دى قواعد الانتخابات و الديموقراطية
ان مفيش حد بيختار مرشح كده فى المطلق
لأ بيختار بين (عدد محدد) من المرشحين
و الا فأين هم أنصار الشيخ حازم أبو اسماعيل و ايمن نور و محمد البرادعى و غيرهم
فهل يقاطع كل هؤلاء لأن مرشحهم غير موجود؟؟؟؟؟؟؟

علينا الأخذ بالأسباب و اختيار الأحسن وسط مجموعة المرشحين المتواجدين
ولنترك فى النهاية النتيجة على الله

ولنترك فى النهاية النتيجة على الله

تصدق عندما تذهب الي نومك وترفع عيناك الي السماء وتتذكر ان الله قدر مقادير الخلق قبل ان يخلق السماء والارض وان رئيس مصر مقدر من الله سبحانه وان الله مطلع على كل الاحداث التي مرت بنا وانه يعلم سبحانه كل ظالم وكل مظلوم وكل خائن وكل وطني وكل يد اثمه ضغطت على ذناد مسدس وقتلت نفس بريئة وكل قدم ضغطت على بنذين مدرعه لتدهس متظاهر وانه سيحكم بينهم بالعدل لا محاله . تجد نفسك مرتاح البال

هي دي الرجالة بتوع الثورة


هي دي الحرية ؟؟؟
للاسف حتي الكلمتين اللي كاتبهم
مش فاهم معناهم
خلينا جاهلين احسن من حريتكم بتاعة مصادرة الاراء
هوا كدة مين الفلول ؟؟؟؟؟
و مين اللي عايز يرجعنا تاني لايام كبت الحريات

حسبنا الله و نعم الوكيل في كل من يريد السوء بمصر