|
السلام عليكم
فتاة الاتوستوب دي قصة كتبتها وانا عندي 16 سنة 
رقيقة جميلة لكناها فتاة الاتستوب لعل ولادتها كانت في يوم ماطر وزواج والديها كان رعدا وبرقا فكانت هي تلك القطرة التي نبتت اتمنى انها تعجبكم دة بس اعلان للقصة :d ان شاء الله هكملها كلها استنووووووووووووني :d |
|
مستنينها يا قمر
واكيد هتبقى حلوة يسلمووووووووو |
|
العفو يا جميلة ويارب تعجبكم بجد
|
|
انا جيييييت
 قصتي عن فتاة الاتستوب الفتاة الي ممكن كلنا بنشوف زيها كل يوم وبنسمع قصصهم كمان كل يوم منار واحدة منهم وهي جميلة ذات بشرة خمرية وشعر اسود طول لنص الظهر وعيون عسلية جميلة  كانت بتدرس تجارة انجلش وبتهوى رقص الباليه ، والدها كان متزوج 3 زوجات ، ام احمد وهي الزوجة الاولى ، وام منار الي اتوفت وسابت منار عندها 6 سنين ، وام رضى وهي الزوجة التالتة والي كانت منار عايشة معاها ، بس الحقيقة انها كانت في كل بيت ليها غرفة خاصة بيها وتامر وتنهي زي ما هي عازة لانها كانت البنت الوحيدة لابوها ودللها كتير . ام احمد كانت معاها طيبة ست اصيلة بتحن عليها وبتعاملها بحسن ، اما ام رضى كانت ست غيورة بتكرها كره اعمى بس كانو ليها ولدين رضى ويوسف بتموت فيهم منار لانهم كانو صغار وعسل قوي . كانت لمنار صديقة انتيم بتحبها قوي وسمر بردو بتحبها ، ايوة اسمها سمر جميلة بردو بس منار كانت اجمل منها بكتير وسمر بردو من اسرة غنية ومدللة جداااااااا منار وسمر كانو متدلعين لدرجة انهم مش بيدخلو للبيت غير بعد نص اليل لان محدش بيسالهم كنتو فين ؟ الصبح بيروحو الجامعة وبعدها منار على درس الباليه وباليل سهر وخروجات وشوبنج كانت ليهم هواية تانية جمب رقص الباليه ، هواية تعليق الشباب. سعات كانو بيخرجو خصوصا علشان الهواية دي ، يشرفو شاب يقبل عليهم يتعرف عليهم ياخدو رقمو وياخدو رقهم ويمشو وبياليل هاتك يا حواديت ومسجات على الفون لحد الشاب ما يوقع ويمسحو الرقم من عندهم ، بس في الهواية دي كان في خط احمر بيوقفو عندو وهو ان لا منار ولا سمر بيقابلوهم بعد المرة الاولانية برة يغني كلو بعدو فون ، وبعد ما يزهقو يمسحو الرقم ولا كانهم عرفوهم . منار في مرة اتعرفت على شاب اخد رقمها واخدت رقمو وعملت معاه زي ما بتعمل مع غيرو فون ومسجات وفي الاخر باي بس دة كان غير الباقي حبها قوووووووووووي ومرضاش بعد ما عرف الي عملتو فيه انو يستسلم بالسهولة ، وفي يوم وهي راجعة للبيت بعد نص اليل بالعربية اتعرضلها في السكة ، منار خافت قوي بس غرورها خلاها تكره انها تضعف وتظهرو واتحدت الشاب اكتر واكتر ، نزلها من العربية وسمعها كلام جارح قوي ، غضبت منار من كلامو ليها وطريقتو وازاي انو يتجرا ويعمل معاها كدة ، سمعتو كلام مش اقل من الي قالو ، شافت في عيونو غضب اول مرة تشوفو خافت قوووي بس بردو مش لازم تضعف ، طلب منها طلب انها تعتذر على الي عملتو معاه ، وطبعا ازاي منار تعملها وهي مش بتعتذر حتى لوالدها ، مين دة الي هيخليها تتزل بالطريقة دي ؟ ورفضت واضرت على موقفها واضر هو اكتر منها ، وبعد جدال منهم سابها تمشي بعدما كسر كل زجاج العربية وقالها مش هسيبها في حالها ، وهيجي يوووووم وهينتقم منها اشد انتقام .. استهزئت من كلامو وصغرتو قوي ، ومشيت وسابتو . وبعد ايام قليلة جدااااااا رجعت ريما لعادتها القديمة .... ورجعت منار وسمر للعبتهم بتاعت كل يوم ، تعليق الشباب ، ويوم بعد يوم والضحايا بيكثرو ، وقلب جديد بيتجرح ، ومنار مغرورة بجمالها وسمر وراها في كلامها وممنوع واحدة منهم تقع في الحب ، لانهم بتالنسبة ليهم الحب ضعف وقلة قيمة ومفيش من الشباب حد يستاهل قلبهم يبقى في ملكه. وهكذا دواليك .........ومرت الايام ........... والشهور ............... منار وسمر خرجو في اليوم دة زي كل يوم مبسوطين وناويين يعنملو شوبينج واتجهو للمول التجاري ، وطول السكة بيمارسو هوايتهم المفضلة ، ارقام الشباب وفوناتهم ، وكل واحد بتنافس التانية كم رقم معاها . دخلو المول واخدو كل الي عايزينو وهما خارجين متجهين لمكان العربيات شافت منار منظرخلى دمها يتحرق والغضب يتملها وراحت جري على عربيتها ، وهي بتزعق مين دة الي اتجرا ووقف عربيتو جمب عربيتها بالشكل دة ، ومنع ان الباب يتفتح حتى ، ازاي مش متوقعة حد بالجراة دي محدش عملها معاها ، ولما لمحت ان في ناس جوة العربية الي عملو معاها اصحابها كدة مع ان النوافذ كانت سودة ، قعدت تخبط عليها بكل غرور وبالفاظ غريبة ، ومحدش بيرد عليها ، وهي بتخبط وبتزعق وبردو محدش يرد عليها . فجاة ..... النافذة ابتدت تنزل وتتفتح ، وبدلل ما منار تزعق زي ما كانت ناوية تعمل ، وقفت متجمدة في مكانها  ومش مصدقة نفسها من الي شافتو .......عايزين تعرفو شافت منار ايه ؟ استنوني في الجزء الي بعدو يتبع................ |
|
يارخمة عاوزة اعرف مين الى فى العربية
لازم تحنسينا كدة وتسيبينا يالة نزلى الى بعدة القصة حلوة ياحنون اوى |
|
انا غلسة ورخمة وتنحة كماان ومش هنزلو النهاردة
بكرة يا جمييييل |
|
كده بتعلقينا
القصة شكلها حلوة جدا مستنية الحلقة الجاية تسلم ايديك يا قمر |
|
انا جييييييييييييييت
طيب انا هكملها اهوووووووووووو كنا فييين ؟ اه كنا لما منار وقفت قدام العربية وهي متجمدة مش عارفة لتكلم ولا تزعق زي ماكانت عايزة ايه دة ؟ مش مصدقة ان في حد كدة مستحيل يكون بشر اكيد دة ملاك مش انسان عادي اكيد انا بحلم مش حقيقة دة الكلام الي قالتو منار في نفسها وهي مصدومة مخروصة مش قادرة تكلم .... فجاة صحيت من حلمها على كلام الشاب الوسيم ابو عضلات مفتولة الش شكلو يجمع بين الجمال العربي والجمال الاجنبي كان فعلا شاب سبحان الي خلقو كامل الملامح والكمال لله .. وكانت منار اول مرة تشوف حد بالشكل دة وتنبهر للجمال دة سبحان الي خلقو ، سمعت كلامو الي بيستصغرها فيه احتقرها جامد، بصلها بصة اشمئزاز واتريق على لبسها مع انها كانت قمة في الاناقة ، غضبت منار جامد على جراتو ليها واول مرة حد يعاملها بالطريقة دي ، هو فاكر نفسو مين اصلا ، واتنرفزت وزعقت في وشو وردت على كلامو وطريقتو قام الشبا بصق في وشها وكمل احتقارو ليه ومنار واقفة مش قادرة ترد برد يساوي ردو بتكتفي بالكلام الي لا بيقدم ولا بياخر بصراحة هي مقدرتش تقاوم شكلو ... ودي اول مرة بتحصل..... استمر الشاب في تصرفاتو معاها ووصلت بيه انو يدلق عليها في وشها اقهوة الي كانت في ايدو وقدام الناس في الشارع ودة الي خلى منار تثور اكتر لكن ردة الشاب كانت غير متوقعة انو سابها بتكلم وراح بعربيتو كانها مش موجودة .. اتحبست الدموع في عيون منار ودخلت عربيتها ومش قادرة تنطق ولا تبص حتى على سمر الي كانت واقفة مندهشة من الموقف الي حصل ومقدرتش تكلمها او تسالها عن حاجة وفضلو طول السكة كدة لحد ما وصلت منار لبيتهم واخدت تعيط بحرقة في غرفتها لكن كان همها ساعتها انها تردلو الضربة وقدام الناس بردو .... فاتصلت بنادر صديق ليها زي اخوها الي كان بدوره حاطط عينو على سمر الي منفضالو فكان هو الوسيلة الوحيدة الي ممكن تستغلها منار وتعرف مين الشاب دة وتنتقم منو على الي عملو ... اتصلت بيه بعدما هديت وتمالكت اعصابها واستدرجت نادر واغريتو انها هتلين دماغ سمر وتخليها توافق عليه بس في المقابل انو يعرفلها صاحب العربية مين (يعني الشاب الي عمل فيها كدة ) .. اداتو موافات العربية الي كان لونها احمر وموديلها سبور وكل التفاصيل مع الرقم الي كانت سجلتو ووعدها انه يكون عندها كل التفاصيل بكرة في نفس المعاد ... ومن ساعتها ومنار مستنية الوقت على احر من الجمر ومتلخبطة ياترى هي عايزة تنتقم بجد ولا عايزة تعرف لشاب الي خلاها مبهورة بيه دة يبقى مين لكن فكرة الانتقام كانت اشد وقتها طبعا لا يمكن انها ترضخ للمشاعر الي جواها غرور الانثى بقى ومش اي غرور، غرور منار كان مختلف تماما .... الهاتف رن ردت منار وفرحت لما لقيتو الاتصال من نادر وفرحت اكتر واكتر لما لقيت معاه كل المعلومات عنو ، اسمو عماد طارق ابوه غني جدا رجل اعمال مشهور وامو من اصل اجنبي وهو وليه اخت وحيدة اسمها مي وهو الكبير وليه بيت تاني غير بيتو مع اهلو بيتجمع فيه مع اصحابو الي بيلعبو معاه رياضة وبيسهرو على سباق السيارات لان البيت كان عبارة عن فيلا وساحة كبييييييرة للممارسة هوايتهم المفضلة ومن الصدف ان نادر كان معزوم مرة هناك فسهل عليه انو يعرف مين صاحب السيارة ومعلومات عنو وبيقعد فين بردو ...... قفلت الخط معاه واتصلت بسمر بتستعجلها تحضر نفسها هتمر عليها علشان وراهم مشوار ، لبست بسرعة ونزلت وسمر مش فاهمة منار مخكططة لايه سالتها وهي في السكة ورد منها كان استني وهتعرفي ، وقفت بالسيارة قدام كافي شبابي مودرن كبير نزلت ونزلت سمر وراحت جري على جوة اول ما دخلت لمحتو مع صحابو وطبعا الكل اول ما دخلت منار انبهر بيها زي العادة لانها كانت جميلة جداااااااا طلبت من النادل طورطة عيد ميلاد كبيرة بمقاس معين وبسرعة وفي دقايق جابهالها النادل ، سالتها سمر عايزة تعملي بيها ايه بصتلها بصة كلها ثقة قالتلها صوري المشهد دة لانو هيبقى ذكرى ، ومشيت باتجاه عماد (الشاب الي احتقرها في الشارع) تتخيلو عملت بالطورطة الي في ايدها ايه ؟؟؟؟؟؟؟؟ استنوووني في الجزء الي بعدو يتبع ............. |
|
انا متوقعخ اصلا من اقبل ما اقرها انها جاااااامددددده
|
|
حلوة ياحنون
ممكن هترميها فى وشة بس اما تشوفة مش هتقدر تعمل كدة ممكن |
|
ايش عرفني انا يا هبة استني انتي هتحرقي بقية القصة
ههههههههههههههههههههههههههههههههههههههههههه ميرسي يا سوووولي |
|
مااااااااااشى هستنى
بس فى الاخر هقول جاااااااااااااامده ههههههههههههه |
|
مااااشي يا ستي
بس مرووووورك اجمممممممد |
|
احم احم
انا جيييييييييييييييت وهكملكم القصة وصلنا فين ؟ وصلنا فين؟ اه افتكرت قلنا ان منار دخلت الكافي دة وطلبت جاتوه وراحت متجهة ناحية عماد الي كان قاعد مع صحابو وسمر بتسالها هتعملي ايه ردت عليها منار بكل ثقة صوري المشهد دة لانو هيبقى تاريخي وضحكت ، ومشيت باتحاه عماد وقفت قدامهم وهما كانو بيكلمو الكل سكت وبصت لعماد بصة غرور وسخرية وهوباااا والجاتوه الي في ايدها جيه على وشو ، اه ضربتو بالجاتوه على وشو وقالتلو دة جاتوه القهوة بتاع المرة الي فاتت الي شربتها وضحكت ومشيت ، الكل اندهش منها والاغلبية كانو يعرفوها لانها كانت مشهورة جدا طبعا بين الشباب ومحدش قدر يكسر غرورها حتى عماد ردلتو الضربة اقوى ومسحت بكرامتو الارض ، ساعتها ارتاحت منار وافتكرت ان كدة خلصت بس من جواها اتمنت ان الحكاية مخلصتش وعماد يا عيني فل مدهوش ومردش باي تصرف بس ضححك ضحكة محدش عرف سرها والاغلبية افتكروها سخرية وانو بكدة مش هتخلص وهي الي جابتو لنفسها ، بس عماد اعجب باصرارها وشخصيتها الغريبة .... راحت منار هي وسمر وهما هيموتو من الضحك من الي حصل ...بعدما قعدت منار في غرفتها بصت للمراية لقيت نفسها بتشوف صورتو وسرحانة فيه ، مش قادرة تمنع نفسها من التفكير فيه ، ازاي دة ممكن تكون وقعت لالالا مستحيل مش هي الي يقدر حد يمتلك قلبها بالسرعة دي ، بس قلبها كان بيدق كل ما تفتكر اسمو والي حصل ونظراتو كل حاجة كانت مسيطرة على تفكيرها بالكامل ، بس حاولت انها تنام ومتفكرش في حاجة خااااالص وفعلا نامت نومة مرتاحة ومبسوطة لانها رجعت كرامتها الي انداست، لكن معرفتش ايه الي هيحصل بعد كل دة .... استنوني علشان تعرفو ايه الي حصل بعدين يتبع ........ |
|
جميله جدا وبجد متشوقه جدا اكملها شدى حيللك
|
|
التشويق ابتدى نااااااااو فعلا لان الاحداث الي بعدها
جااااااااااااااااامدة ان شاء الله هتعجبكم |
|
قصة جميلة جدا يا كروانة
تسلم ايديك يا قمر فى انتظار باقى الحلقات |
|
ان شاء الله يا قمري
ويارب تعجبك في الاخر |
|
يلا كروانه بقى عاوزين بقيتها
|
|
مش دلوقتي باليل يا قمر
|
|
كده
انا ممكن مكنش هنا بليل |
|
اقريها بكرة الصبح هههههههههههههههههههههههههه
معلش والله اصل ورايا شغل بدخل اشقر عليكم بالعافية |
|
اوك يا قمر
|
|
كملى بقى يارزالة
عاوزة اعرف هتعمل اية |
|
بطلي رخامة باليييل قلت
هااااااااا |
|
القصة شكلها جامدة
بس انتى رخمة على فكرة عشان انا مش بحب حد يعلقنى كدة اخلصى بئا وخلصيها |
|
كده يا كروانه متكمليش القصه بليل جه ومشى اهو
|
|
هههههههههههههههههههههههههههه
خلاص يا جماعة حقكم عليا انا هملها النهاردة اصل امبارح كان عندي ظرف طارق هههههههههههههههههههههههه مكنتش في وعيي |
|
كروانه بليز كملى القصه
|
|
فين حلقة النهاردة يا كروانة
|
