السلام عليكم

انا جيت بعد غياب طويل بقالي كتير مش بكتب توبيك

يلا بقي مش مهم

المهم اني جيت بس جاي ومش بايدي فاضية يعني

موضوع مهم شوية

الشحاتين

ههههههههههههههههههههه

الشحاتين دول انواع

منهم الكبير في السن العجوز يعني

ومنهم العاجز والمريض و........... إلخ

لو دورت هتلاقي كتير بصراحة

بس في كام نوع كدة ضايقوني جدا

يعني واحد شاب كمان وبيشحت

طيب ما تروح تشتغل

وممكن يقطعلك ايده بقي بطريقته مش بجد يعني ليه هو اهبل

ويقولك هات

دلوقتي انت بتمد ايدك في جيبك علشان تديله

بكرة هو اللي هيمد ايده في جيبك علشان ياخد بالعافية

يعني من الاخر كدة الموضوع دا لو زاد عن حده يعني هيتطور هيبقي بلطجة يعني

انا بسال نفسي سؤال واحد يعني

هو ليه الشباب اللي زى دي بتعمل كدة علي الرغم من انهم لو دوروا هيلاقوا شغل

وهيكسبوا بمجهودهم مش من مجهود غيرهم

ولحد دلوقتي برضو لسه بسال نفسي وبسالكم معايا يعني ممكن حد يجاوب معايا

وكمان في نوع تاني مستفز شوية

واحدة كدة تيجي ست مش كبيرة يعني حوالي 30 ، 35 سنة بالكتير كمان

وتيجي تشحت برضو

ايه دا البلد كلها بتشحت يعني ولا ايه

لا وكمان معاها ابنها الصغير اللي بيرضع

طبعا دا غير اللي بيضرب شهادة مرضي علشان يشحت بيها

وغيره وغيره

والله بتنرفز جدا

لا وبيجوا في وقتهم بصراحة يعني الواحد بيبقي بيعمل حاجة كدة وتلاقيهم علي طول قدامك

يعني قدام البنك تلاقيهم

قدام المدرسة وانت طالع تلاقيهم

قدام الجامعة برضو تنلاقيهم

والمشكله انهم بيبقوا سنهم صغير

انا مش معني كلامي دا اني بحرضكم علي معصية الله والابتعاد عن الصدقة يعني

لا طبعا بس بيبقي للمحتاج مش للناس اللي بتبقي قادرة علي العمل وبتشحت

بالذمة دا يبقي ايه بقي

اه صح كلامك صح مية فى المية
بس اللى انت ماتعرفوش انهم مش بيطلعولك كدا مرة واحدة وانت مثلا فى البنك او المدرسة
لا دلوقتى فعلا اتطوروا خالص دول بيجوا لغايت الشقة
يعنى كذا مرة نكون قعدين نلاقيهم بيرنوا ويقولوا حاجة لله
وممكن تكون والاغلبية يعنى يكونوا اطفال
يعنى هما فعلا اتطوروا
يلا ربنا يصلح الحال
شكرا على التوبيك يا سكوربيون

تصدق قفشتنى منهم اوى بكلامك دة كنا لسة فاتحين الموضوع دة النهاردة على فكرة انا والمستر
يعنى المستر دة من بلد تانية بيقول ان واحد بيجى يسمع قصة كدة كل يوم وهو بيشحت ولقيت صاحباتى اللى من بلده
قالولى نفس الكلام
حاجة بقت تنرفز بجد يعنى كمان حاجة مش مستحبة اصلا بس للاسف بقة دى بقت ظاهرة بطريقة كبيرة اوى
ميرسى على التوبيك الجميل يا ابو حميد بجد فتحت موضوع جميل للنقاش ويستاهل فعلا

اه صح كلامك صح مية فى المية
بس اللى انت ماتعرفوش انهم مش بيطلعولك كدا مرة واحدة وانت مثلا فى البنك او المدرسة
لا دلوقتى فعلا اتطوروا خالص دول بيجوا لغايت الشقة
يعنى كذا مرة نكون قعدين نلاقيهم بيرنوا ويقولوا حاجة لله
وممكن تكون والاغلبية يعنى يكونوا اطفال
يعنى هما فعلا اتطوروا
يلا ربنا يصلح الحال
شكرا على التوبيك يا سكوربيون

اه والله فعلا
انا نسيت النقطة دي
بشوف بنفسي والله
وبيجيوا كمان عندنا
واااااااامين
ربنا يصلح الحال ويهديهم يارب
وشكرا لمرورك ونورتي التوبيك

تصدق قفشتنى منهم اوى بكلامك دة كنا لسة فاتحين الموضوع دة النهاردة على فكرة انا والمستر
يعنى المستر دة من بلد تانية بيقول ان واحد بيجى يسمع قصة كدة كل يوم وهو بيشحت ولقيت صاحباتى اللى من بلده
قالولى نفس الكلام
حاجة بقت تنرفز بجد يعنى كمان حاجة مش مستحبة اصلا بس للاسف بقة دى بقت ظاهرة بطريقة كبيرة اوى
ميرسى على التوبيك الجميل يا ابو حميد بجد فتحت موضوع جميل للنقاش ويستاهل فعلا

اهلا اهلا مين دي اللي بترد
اه لولو
فعلا والله حاجة تنرفز وتغيظ يعني في نفس الوقت
طيب لما انتوا ممكن تشتغلوا بتشحتوا ليييييييييه
والله هتجنن عاوز اعرف السبب
ومش لاقي برضو

شكرا لمرورك يا لولو
ونورتيني بجد

طبعا موضوع بلا شك فوق الرائع يااحمد
انا هقولك علىا موقف حصلىا وربىا زىا ما بقولك كده يااحمد كنت ماشيه مره
ورايحه اقعد علىا الكورنيش وتحت الكبرىا بالظبط لقيت واحده بعبايه شيك جدا بس كان سنها كبير
قول اربعين او فوق الاربعين وحصل كالأتىا : جت قربت منىا وقالتىا ياحبيبه قلبلىا الكيس بتاعىا وقع منىا ممكن بس جنيه علشان اروح قولتلها طبعا ياامىا وادتلها اللىا فيه النصيب ومشيت ومحطتش فىا بالىا
ومفيش خطوتين قلت ابص ورياا اشوفها هتعمل ايه اقسم بالله ده اللىا حصل وقفت واحد تانىا وخدت منه
انا استغربت فعلا وقلت يمكن الفلوس اللىا انا ادتهالها قليله علىا المشوار اللىا هىا هتوصل ليه
وبعدين لقيتها وقفت واحد تانىا وخدت منه وبعدها واحده انا وقفت استغربت جدا فوق ما تتصور
وكنت هروح اهزئها بجد واقولها مش كفايه الفلوس الىا انتىا تيها منهم كلهم تقريبا دىا تكفىا اوىا
دنتىا لو هتسافرىا مش هتحتاجىا الفلوس دىا كلها طبعا اللىا بيديها مش بيديها جنيه زىا ما بتطلب
لان الناس بتراعىا ظروفها يمكن هتحتاج اكتر من كده بس للأسف مكنش عندىا الشجاعه انىا
اروح واقولها كده ومشيت وكملت قعت طول اليوم مسهمه ومضايقه بجد ولما رجعت البيت
قولت لبابا علىا اللىا حصل قالىا اتعودىا ياروان انك تدىا وبس يعنىا متنتظريش انك تدىا علشان تاخدىا
انتىا فعلا هتاخدىا بس من ربىا وربك ورب العرش العظيم..................



اسفه انىا طولت عليك يااحمد بس كنت عايزه افهمك هما بيعملوا ايه
وبعدين عايزه افهمك برده لانك بتقول يروحوا يشتغلوا بالعكس
هما كده بيكون احسلهم واريحلهم لما فىا ربع ساعه لمت اكتر من خمسه جنيه من كل شخص
وقول كده فىا النص ساعه دىا عشر اشخاص تفتكر هتلم فىا اليوم اد ايه
وانت عارف طبعا الشغل دلوقتىا اصحابه بيدفعه بالقطاره يابنىا
وهما بستسهلوا ومش عارفين اخرتهم هتبقه ايه لما بيمدوا ايدهم فىا جيبك وجيبىا
وجيب كل انسان محتاج فعلا اكتر منهم


فىا النهايه اشكرك يااحمد علىا التوبيك الاكثر من الرائع وفعلا
يستحق النقاش وتخيرا وليس اخرا ادعوا لهم بالمغفره والرحمه
ربىا ارحم واغفر لهم وسامحهم علىا ما فعلوااا فىا دنيتهم وتقبل دعوتهم فىا اخرتهم
امــــًٍَُِيـــًٍِن ...يـــًٍَُِاربــًٍُ .... الــــًٍَُِعـــًٍَِالــًًٍَُِمـــًٍَِيـــًٍُِن


تقبل تحياتىا ثم مرورىا.....

بجد عندك حق ياروان وفعلا
هيشتغلوا ليه
لانهم اكيد بيستسهلوا
يعني بيلاقوا اللي بيدلهم يعني هيتعبوا نفسهم ويشتغلوا
لا طبعا ازاى
طالما في ناس بتدفع يبقي يلموا من الناس احسن
اقل مجهود يعني
وعلي فكرة مش دا موقف واحد يعني
بالعكس في اكتر من موقف
انا حصلي تقريبا نفس الموقف
من واحد ولله كان بيقولي انا مش من هنا
والفلوس بتاعتي كلها اتسرقت
وعاوز ارجع البلد بتاعتي
اخد اللي اخده ونفس الكلام برضو والله واخد من ناس تانية قولت عادي وبعدها بكام يوم
والله والله لقيته بس في مكان تاني خالص وبرضو بياخد منهم بس الغريب انه كان راجل تحسوه محترم كدة
وابن ناس ولقيته كمان مغير كمان يعني كان لابس حاجة تانية غير اللي قابلني بيها
انا وقفت بصتله باستغراب بقول ممكن يكون مش هو
بس اتضحلي ان هو لانه كمان بصلي وودي وشه بعيد علي طول
يلا ربنا يهدي الجميع
وشكرا لمرورك يا روان
والله نورتي التوبيك بردك الجميل دا

فعلا الحكايه دى كتيرة اوى
وللاسف الناس مبقتش بتعمل خير فى البلد دى بسبب كده
انا بعد كل اللى كنت بسمعه عنهم
مابقتش اطلع اى حاجه لحد
لان الكدب دلوقتى بقى حاجه سهله اوى لانه بيكسبهم للاسف
ليه يعنى يتعبوا ويشقوا عشان يجيبوا فلوس
والحجه بالنسبه ليهم مفيش شغل
دورنا ومالقيناش
بس مش معنى كده يا ابن الناس انك تشحت مش ده الحل يعنى
موضوع فعلا مهم ويستحق النقاش
مش جديد على مواضيعك

شكرا لمرورك اولا
وثانيا الظاهرة دي بجد تجنن فعلا يعني
الواحد دلوقتي مبقاش عارف مين اللي فعلا محتاج او مين اللي بيكذب عليه
معظم الناس دلوقتي بتكذب علي فكرة
يعني زى ما قولت قبل كدة انهم بيستسهلوا الوضع دا
والحجة دي طبعا منتشرة كمان
يعني لو سالتوا حد فعلا والله هيجاوب الاجابة دي
مفيش شغل
طيب ما تدور كويس
يقولك دورت وتعبت ومش عارف اعمل ايه
ويعيطلك شوية
والله انا خايف الاقي البلد كلها بتشحت
ربنا يستر
وشكرا لمرورك ونورتي التوبيك

والله انا كنت لسة قريب بفكر فى الموضوع ده
كنت بقول ليه الناس بتبقى سنها صغير وبتشحت
هواية عندهم مثلا يعنى والا واخدينها وراثة انا مش فاهمة
لا وفعلا كمان وصلوا للبيوت
انامش عارفة بصراحة ايه اللى بيحصل ده
المفروض يكون فى واقفه قدام اللى بيحصل ده
يعنى لما واحد شاب صغير ماكملش ال 20 والا ال30 سنة وبيشحت امال العواجيز يعملوا ايه
لا وبيبقوا عايزين كمان الباد دى تتقدم هتتقدم ازاى واذا مان شبابها بيشحتوا من اولها
ده حتى الاطفال كمان بيعلموهم من دؤقتى
ربنا يهديهم ويصلح الحال يارب

شكرا لمرورك يا مانجة
وفعلا والله ازاى هنتقدم والكل بيشحت
والاطفال كمان بتشحت من دلوقتي
انا شوفت كدة برضو طفل صغير يعني عنده حوالي 10 سنين وبيشحت والله
طيب ليه كدة مش عارف
انت مش لاقي شغل طيب وذنب الاطفال دي ايه معاك
ربنا يهدي الجميع
وشكرا لمرورك يا مانجة
ونورتي التوبيك

تسلم يا معلم على التوبيك الهايل ده
ودلوقتى الجديد انك تلاقى واحده واقفه وشايله عيل صغير على كتفها وتقولك شويك كلام ما تفهمش منه حاجه
انا بقى حصل معايا موقف

ف يوم واحد وقفنى وقالى لو سمحت انا المحفظه وقعت منى والفلوس كانت فيها ومش معايا فلوس اروح بيها
انا فهمت علطول انه شحات وبيستعبط

قولتله انت بلدك فين قالى كذا قولتله تعالى
خدته ورحت لحد الموقف وقولتله تعالى انا هركبك واحاسبلك
وقبل ما نوصل بشويه قالى طب ثوانى بس هاروح اشوف حاجه مش عارف فين واجى

انا سبته ومشيت عشان عارف انه هيروووووح ومش هيجيى

تسلم يا معلم على التوبيك الهايل ده
ودلوقتى الجديد انك تلاقى واحده واقفه وشايله عيل صغير على كتفها وتقولك شويك كلام ما تفهمش منه حاجه
انا بقى حصل معايا موقف

ف يوم واحد وقفنى وقالى لو سمحت انا المحفظه وقعت منى والفلوس كانت فيها ومش معايا فلوس اروح بيها
انا فهمت علطول انه شحات وبيستعبط

قولتله انت بلدك فين قالى كذا قولتله تعالى
خدته ورحت لحد الموقف وقولتله تعالى انا هركبك واحاسبلك
وقبل ما نوصل بشويه قالى طب ثوانى بس هاروح اشوف حاجه مش عارف فين واجى

انا سبته ومشيت عشان عارف انه هيروووووح ومش هيجيى

هههههههههههههه
شئ طبيعي انه ميجيش تاني
لانه بيكذب
ودي تعتبر من عمليات النصب علي فكرة
بيستهبلوا كتير وبيستخدموا طيبة الناس وبياخدوا منهم
يلا بقي ربنا يهديهم
وشكرا علي مرورك
ونورتني

بجد موضوع رائع وبيحصل لينا كلنا
والحكاية دى منتشرة جدااا
انا حصل لى نفس الموقف بتاع روان مرة برضه
واحدة وقفتنى وقالتلى عايزة فلوس علشان تركب بيها واديتها اللى فيه النصيب
وبعدين ببص ورايا وبصتلها ولقيتها بتعمل نفس الحكاية مع كله وشافتنى وانا ببصلها
وعادى خالص وكأن اللى بتعمله ده صح ولا فارقة معاها
وساعات بيقوموا يزقوا الاطفال علينا ويخليهم يلزقوا فى الناس وخاصة البنات علشان يحرجوهم
ومش بنعرف نسلك منهم خالص المشكلة مش احنا نديهم المشكلة انهم مش بيستاهلوا
بيبقى فيه ناس محتاجة اكتر منهم بكتير وكرامتهم منعاهم انهم يمدوا ايديهم
يلا ربنا يهديهم يارب
ميررررسى ع التوبيك واسفة ع الاطالة

فعلا المشكلة انهم مش يستاهلوا اساسا
يعني ايه الحل معاهم بس
الواحد بيشوف الحاجات دي بيتنرفز فعلا
لان كلهم كدة حاليا بيدخلوا باسلوب
وكل يوم اسلوب جديد
ومش هنعرف نخلص منهم
يعني انهاردة يعملوا كدة ويقولوا الفلوس اتسرقت وقعت مني اي حاجة يعني
بكرة يضربوا شهادة مرضي ويقولوا انه تعبان وبيموت ولسة حالا خارج من المستشفي
طيب لما انت خارج من المستشفي خارج تشحت وواقف علي رجليك ازاى
حاجة تضايق فعلا
وشكرا علي المرور
وعادي خالص يعني لا اسف ولا حاجة
الواحد لو كتب علي الناس دي 10 صفحات برضو الكلام عنهم مش هيخلص
وشكرا ليكي كمان مرة
ونورتي التوبيك

انا بالنسبالى الموضوع ده كان هيجننى خصوصا اول ما دخلت الجامعة
حسيت ان البلد كلها بتشحت هههههههههههههههه
بس بعد فترة بقيت اعرف اللى يستاهل واللى مش يستاهل
يعنى فى ناس تلاقيهم ماشين جامبك فى الشارع من غير ما يتكلموا انت بتحس بيهم
بطريقة كويسة ولطيفة وابتسامة كدة متحرجهمش بتدلهم اى حاجة وبتمشى
لكن بقى النوع التانى ده انا اصلا حفظتهم وحفظت شكلهم
فى الاول كنت مش بحرج نفسى وادلهم على الرغم من انى واثقة انهم مش يستاهلوا
بس بعد كدة قلت وانا احرج نفسى ليه انا احرجهم هما احسن
وبطريقة كوميدية كدة انا وصحابى بنحسسهم بايه اللى انتم بتعملوا ده
يعنى اقولك موقف كنا فى الموقف وفى واحدة ديما بتيجى وتقولك ابنى تعبان وعايزة اعمله عمليه وتخترع تقريبا كل يوم ومش يتمشى الا بعد ساعة تحايل حتى لو مديها امبارح معندهاش دم
فى ناس مش بتسبها تكمل يا بيدوها يا يبيسبوها ويمشوا بعيد انا مرة سمعتلها كلامها
بعدها بفترة مش كبيرة جت وبتقولى ابنى عايز عمليه فى رجليه والحبتين بتوعها
قلت لها اه وايه اخبار عملية القلب نجحت ولا لسه ههههههههههههههههههههه
كل الناس ضحكت وهى اتكسفت ومشيت
ويااااااااااااااه ومن ده كتير بس انا مش عايزة اطول عليكم
انا سالت فى الموضوع ده واحد قالى هو حط نفسة فى وضع شحات
وانتى مفروض عليكى تساعدى المحتاج انتى اديلوا اللى فى النصيب
وهو هيتحاسب عند ربنا بس انا ساعتها قولتله انت مش بتخرج ومش بتشوف
هما عملين ايه دلوقتى بصلى وضحك ومردش عليا

اللى فعلا محتاج عمره ما يطلب من حد لانه عنده عفة وكرامة
وطبعا كلا عارفين الاية الكريمة )لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْباً فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلونَ النَّاسَ إِلْحَافاً وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ) (البقرة:273) فاذن المحتاج حقا لا يطلب ولا يلح فى الطلب لانه ليه عفة نفس
وشكرا اوى يا احمد على الموضوع المتميز واللى فعلا ناس كتير بيشغلهم الموضوع ده وبيحسوا بتقصير انهم مش بيعطوا كل واحد محتاج

اللى فعلا محتاج عمره ما يطلب من حد لانه عنده عفة وكرامة
وطبعا كلا عارفين الاية الكريمة )لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْباً فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلونَ النَّاسَ إِلْحَافاً وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ) (البقرة:273) فاذن المحتاج حقا لا يطلب ولا يلح فى الطلب لانه ليه عفة نفس
وشكرا اوى يا احمد على الموضوع المتميز واللى فعلا ناس كتير بيشغلهم الموضوع ده وبيحسوا بتقصير انهم مش بيعطوا كل واحد محتاج

اللي تجوز لهم الصدقه الفقراء والمساكين واهل السبيل


والناس دي عندهم كرامه وعزة مبيروحوش يطلبوا


قال تعالى : " وتحسبهم اغنياء من التعفف " صدق الله العظيم

والصدقه مش شرط انك تطلعها في الشارع على اللي بيتسولوا

انت ممكن توديها المسجد او الجمعيات المسئوله هم عارفين مين اللي يستحق

انت مش بتحرض على معصيه بس لازم نعرف ان كل شئ ليه نظام

ومن الافضل انك تضع الصدقه في المسجد لانها رايحه لناس تستحقها

يا " اطفال ايتام - ارمله - مطلقه - عجوز - فقراء - مرضى - الي اخره "

ده راي


تقبل مروري

موضوع غايه فى الاهميه
والله معك حق

ولزم الحكوميه تعمل حاااجه شويه فى الموضوع دا

مش سالتين ايديهم كد
تقبل مرورى

أولا توبيك جميل جدا اسكوربين

وع فكره الشحاتين دول بيكسبوا جامد جدا ومن حيث الشباب مفيش شغل انا شوفت واحد خريج صيدله والله بيبيع مناديل تخيل مش قادره انسى الموقف دا كل الشغل بقى بالواسطه يعنى مفيش قدامهم غير اى حاجه يشتغلوا فيها وطبعا مفيش شغل اسهل من انه يشحت


وبرده الشحاته حاجه تضايق وانا بتنرفز جدا بيجى لنا البيت واحده شحاته بتعدى ع البيوت بتتشرط هيا عاوزه ايه تخيل دى وبتحط صابعها ع الجرس مش بتفصل بتخليك غصب عنك تعطيى لها لان مفيش حل تانى


وع فكره كل اللى بيشحتوا دول مش محتاجين اللى بيبقوا محتاجين بجد بيتحرجوا يطلبوا لكن اللى بيطلب دا صراحه مش عنده دم مش سهله مده الايد دى وكلهم بقوا شحاتين مودرن خالص سواء فى اللبس او فى التعامل



توبيك جامد بجد ودائما المزيد
تقبل مرورى

انا بالنسبالى الموضوع ده كان هيجننى خصوصا اول ما دخلت الجامعة
حسيت ان البلد كلها بتشحت هههههههههههههههه
بس بعد فترة بقيت اعرف اللى يستاهل واللى مش يستاهل
يعنى فى ناس تلاقيهم ماشين جامبك فى الشارع من غير ما يتكلموا انت بتحس بيهم
بطريقة كويسة ولطيفة وابتسامة كدة متحرجهمش بتدلهم اى حاجة وبتمشى
لكن بقى النوع التانى ده انا اصلا حفظتهم وحفظت شكلهم
فى الاول كنت مش بحرج نفسى وادلهم على الرغم من انى واثقة انهم مش يستاهلوا
بس بعد كدة قلت وانا احرج نفسى ليه انا احرجهم هما احسن
وبطريقة كوميدية كدة انا وصحابى بنحسسهم بايه اللى انتم بتعملوا ده
يعنى اقولك موقف كنا فى الموقف وفى واحدة ديما بتيجى وتقولك ابنى تعبان وعايزة اعمله عمليه وتخترع تقريبا كل يوم ومش يتمشى الا بعد ساعة تحايل حتى لو مديها امبارح معندهاش دم
فى ناس مش بتسبها تكمل يا بيدوها يا يبيسبوها ويمشوا بعيد انا مرة سمعتلها كلامها
بعدها بفترة مش كبيرة جت وبتقولى ابنى عايز عمليه فى رجليه والحبتين بتوعها
قلت لها اه وايه اخبار عملية القلب نجحت ولا لسه ههههههههههههههههههههه
كل الناس ضحكت وهى اتكسفت ومشيت
ويااااااااااااااه ومن ده كتير بس انا مش عايزة اطول عليكم
انا سالت فى الموضوع ده واحد قالى هو حط نفسة فى وضع شحات
وانتى مفروض عليكى تساعدى المحتاج انتى اديلوا اللى فى النصيب
وهو هيتحاسب عند ربنا بس انا ساعتها قولتله انت مش بتخرج ومش بتشوف
هما عملين ايه دلوقتى بصلى وضحك ومردش عليا

هههههههههههههههههههههههه
حلو الموقف دا
بس فعلا هما في ناس وناس يعني تلاقي ناس كدة محتاجين
الواحد بيدلهم من غير تردد يعني
لكن في ناس بعد ما شافت الوضع بقي عامل ازاى والكل بيدي من غير كلام
فقالوا احنا نتعب ليه ونشتغل
يلا اهو كله شغل هو حد لاقي
وبداوا في المشوار دا
والكل طبعا بيدلهم من غير تفكير
بس الموضوع دا بيزيد كل شوية
دا حتي الاطفال اللي عندهم 8 ، 9 سنين كمان بيشحتوا
واللي يدور علي اهلهم تلاقيهم هما اللي بيقولوا كدة
دي علي فكرة اسمها نصب علني يعني
يلا ربنا يهدي الجميع
ونورتي يا حنون

اللى فعلا محتاج عمره ما يطلب من حد لانه عنده عفة وكرامة
وطبعا كلا عارفين الاية الكريمة )لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْباً فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلونَ النَّاسَ إِلْحَافاً وَمَا تُنْفِقُوا مِنْ خَيْرٍ فَإِنَّ اللَّهَ بِهِ عَلِيمٌ) (البقرة:273) فاذن المحتاج حقا لا يطلب ولا يلح فى الطلب لانه ليه عفة نفس
وشكرا اوى يا احمد على الموضوع المتميز واللى فعلا ناس كتير بيشغلهم الموضوع ده وبيحسوا بتقصير انهم مش بيعطوا كل واحد محتاج

شكرا ليك انت يا محمد علي المرور الجميل دا
وطبعا عندك حق
بس الناس دي بيكتروا كل شوية
والقصص بتاعتهم دي بتبقي قصص من عندهم وكل يوم بقصة
كدة بقي بجد بقيت مش هتنفع
بس طبعا بيبقي في تمييز ما بين المحتاج قوى او اللي بينصب عليك
وشكرا ليك يا محمد نورتني

اللي تجوز لهم الصدقه الفقراء والمساكين واهل السبيل


والناس دي عندهم كرامه وعزة مبيروحوش يطلبوا


قال تعالى : " وتحسبهم اغنياء من التعفف " صدق الله العظيم

والصدقه مش شرط انك تطلعها في الشارع على اللي بيتسولوا

انت ممكن توديها المسجد او الجمعيات المسئوله هم عارفين مين اللي يستحق

انت مش بتحرض على معصيه بس لازم نعرف ان كل شئ ليه نظام

ومن الافضل انك تضع الصدقه في المسجد لانها رايحه لناس تستحقها

يا " اطفال ايتام - ارمله - مطلقه - عجوز - فقراء - مرضى - الي اخره "

ده راي


تقبل مروري

طبعا ومن غير كلام يعني نورتني يا هشام والله
وبعدين انا معاك في الرأي دا طبعا
بس في ناس هما اللي بيجوا يطلبوا منك
وبيحرجوك فاب بضطر انك تديلهم حاجة يعني
لا ومش بس كدة تلاقيهم في سن الشباب
لا حول ولا قوة الا بالله
يعني اكيد كل حاجة وليها نظام بس الناس دي بجد
انتشرت بطريقة غريبة وهتلاقيهم في كل مكان
وشكرا ليك يا اتش ونورتني

موضوع غايه فى الاهميه
والله معك حق

ولزم الحكوميه تعمل حاااجه شويه فى الموضوع دا

مش سالتين ايديهم كد
تقبل مرورى

شكرا
بس حكومة مين دلوقتي
لا بصراحة الجماعة دول مشغولين جدا
ربنا معاهم
ولا هيعملوا حاجة اساسا
طلعوا قانون للمتسولين
ولا عملوا بيه حاجة غير شهر او اتنين
طيب ما تكملوا
ولا عملوا اي حاجة
شكرا لمرورك ونورتي

أولا توبيك جميل جدا اسكوربين

وع فكره الشحاتين دول بيكسبوا جامد جدا ومن حيث الشباب مفيش شغل انا شوفت واحد خريج صيدله والله بيبيع مناديل تخيل مش قادره انسى الموقف دا كل الشغل بقى بالواسطه يعنى مفيش قدامهم غير اى حاجه يشتغلوا فيها وطبعا مفيش شغل اسهل من انه يشحت


وبرده الشحاته حاجه تضايق وانا بتنرفز جدا بيجى لنا البيت واحده شحاته بتعدى ع البيوت بتتشرط هيا عاوزه ايه تخيل دى وبتحط صابعها ع الجرس مش بتفصل بتخليك غصب عنك تعطيى لها لان مفيش حل تانى


وع فكره كل اللى بيشحتوا دول مش محتاجين اللى بيبقوا محتاجين بجد بيتحرجوا يطلبوا لكن اللى بيطلب دا صراحه مش عنده دم مش سهله مده الايد دى وكلهم بقوا شحاتين مودرن خالص سواء فى اللبس او فى التعامل



توبيك جامد بجد ودائما المزيد
تقبل مرورى

اولا شكرا لمرورك
ثانيا
الناس دي بجد بقيت تعصب الواحد وتجننه
انا عن نفسي قربت اشد في شعري منهم يعني
الناس دلوقتي بقيت بتستسهل الشحاته يعني
والشغل عمره ما كان عيب ولا حرام
بس هما اللي شايفين من وجهة نظرهم يعني ان الشحاتة حلال
وواجبة ومطلوبة
يلا ربنا يهديهم
وشكرا علي المرور ونورتي التوبيك

الناس مبقيتش عايزه تتعب وتشتغل
بقو يستسهلوا الشحاته ويلفوا على البيوت
والغريب انك زمان كنت تدي الشحات جنيه يدعيلك

دلوقتي لو اديته جنيه يشتمك ويقولك هو بيجيب ايه دلوقتي
ربنا يستر علينا ويحمينا منهم دول بقوا كتير اوي

موضوع جميل كالعاده
تقبل مروري

موضوع مهم فعلا

واللي حصل معايا ان واحد يوقفني ويقولي

(معلش ممكن جنيه اركب بيه عشان معيش فلوس)

او واحدة تركب المترو ومنقبة(طبعا واخدين النقاب شكل بس عشان يستخبوا ومحدش يشوفهم)

واكيد دول بيبقوا عار علي الاسلام وعلي الدين

ر بنا يهدي ولو كل واحد مننا حط حد للي بيحصل ده
هيختفوا لان صدقوني احنا اللي بنخليهم يزدادوا

كمان المفروض نبلغ عن اي حد مقيم في الشارع بالمنظر المخزي ده
ولو اني عارفة ان محدش هيسأل فيا

تقبل مروري

الناس مبقيتش عايزه تتعب وتشتغل
بقو يستسهلوا الشحاته ويلفوا على البيوت
والغريب انك زمان كنت تدي الشحات جنيه يدعيلك

دلوقتي لو اديته جنيه يشتمك ويقولك هو بيجيب ايه دلوقتي
ربنا يستر علينا ويحمينا منهم دول بقوا كتير اوي

موضوع جميل كالعاده
تقبل مروري

اكيد
بس دلوقتي فعلا لو ادتيلهم جنية
تلاقيه مش بيدعيلك بيدعي عليك
ويقولك هو دا اللي ربنا قدرك عليه
طيب خليهم اتنين
بيتشرط حضرته
ربنا يهدي الجميع
وشكرا لمرور حضرتك
ونورتي التوبيك