|
ايه رايكم لو كلنا كدا نجتمع ونخلي البوتوجاز بتاعنا بيبرق واقولكم طريقه سريعه نحافظ بيها علي نظافته كمان علي طول كدا ويكون بيبرق طبعا احنا اللي بتحافظ علي نظافه مطبخها ممكن تحافظ بسي يوميا ان شكل البوتوجاز من فوق بسي هوه اللي يكون بيلمع انما من الجوانب بيكون مزيت خالص وعلشان تنظفيه فيه انواع منظفات زيوت كتيره بسي انا اللي مجرباه في البقع الصعبه هي ميه النار المخففه دي لا منظف ولا غيره دي بتكون نتيجتها تحفه علي اي بقعه عموما واول حاجه تعمليها اغسلي البوتوجاز من فوق كالمعتاد وتيجي بقي من الجوانب ترشي المنظف اللي انتي واثقه فيه او ميه النار ودي اضمن واسرع نتيجه من تجربتي انا في كذا شئ وترشي علي جواني البوتوجاز وبالفرشه او سلك مواعين وصابون واغسلي بقوه جوانب البوتوجاز وبعدين اشطفيها بالميه اما بقي البوتوجاز من جوه برضه نفس الخطواط بسي تشيلي ارفف البوتوجاز اللي جوه وتغعسليها جامد علي الحوض وتركنيها علي جنب تنشف اما بقي الاهم من ده كله اللي تحت البوتوجاز بيكون مفاجئ الزيت مكوم والتراب تزقي البوتوجاز شويه لبره وتخلي بالك وانتي بتشديه من خرطوم الانبوبه احسن يكون قصير وتشدي جامد وده غلط فشدي بالراحه واغسلي تحت البوتوجاز بالصابون والفرشه بقي جااااااامد لحد ما يلمع زي البوتوجاز وبكدا يكون البوتوجاز من جوه وبره قشطه
|