المقادير للفخده :فخده ضانى حسب الحجم المناسب ده كانت تقريبا 3 كيلو ومعاها ملح وفلفل وبهارات وزنجبيل وزعتر وكركم وبابريكا و3 مكعبات مرق لحم ونص كوب خل و2 كوب زبادى وحوالى 15 فص حبهان صحيح وبصلايه وطماطمايه وجزرايه كل دي حاجات كتيره بسي هتديها طعم خطير
هنحتاج لفرش الصينيه من بصل وجزر وبطاطس وممكن اى خضار مستحب ده بيدي شكل وطعم برضه
وهنعمل شقوق بالسكينه وندخل الحبهان جوه اللحم كده وطبعا هيدى ريحه حلوه للحمه وطعم كمانوهنتبلها بالملح كويس اووى من كل اتجاه والفلفل بردهوهنحط البصل والجزر والطماطم ومكعبات المرق مع الخل والتوابل ونضربهم فى الكبه علشان يدونا عصير من المكونات دي وهنحط العصير ده علي الفخده كانك بتعملي ليها مساج من كل جانب وخلي العصير ده يوصل للفخده بالكامل وفي الاخر ندهنها بالزبادي كويس
وتسبيها في التلاجه كام ساعه ومن الافضل تسبيها يوم كام وكل ما تقعد وقت اطول في التلاجه هتتبل اكتر وتدي طعم يجنن
واما نيجي نطبخها بقي نقطع البصل والفلفل والجزر والبطاطس وحطتهم تحتها وحطيت حوالى 2 كوب مايه وغلفتها كويس اووووووووووووى بالفويل بحيث مفيش بخار يطلع خالص ودخلتها الفرن حوالى ساعه ونص يكون سخن من قبلها علشان متكشش جامد وبعديها كشفت الفويل وسبيها ييجى ساعه تانيه
وكانت استوت كويس اووى خالص من جوه وبره
وممكن تعملي معاها رز بالمكسرات