وانتى تقدرى تنوعى فى طبخة
الى جوار انه يحتوى على البروتن الطازج النقى
يعنى لاهرمون ولا كريسترول بالعكس املاح ومعادن
علشان كده ياريت لو وجبتين سمك فى الاسبوع يبقى تمام
سمك دنيس او مكاريل بالفرن
اولا طبعا بننضف السمك ونغسله كويس وننضف بطنه
ونشقه من ضهره 3 شقوق لان السمك ضهره عالي وسمين ماشاء الله
ونجهز التتبيله دي
ليمونة مقشرة +8 فصوص ثوم+قرن فلفل+فنجان خل+2 م زيت+م ص كمون+ ملح .. في الخلاط
وده لكل كيلو تقريبا حسب الكمية اللي عندك بقى
وتتبليه من قبلها بيوم في الثلاجة
بعد كده نقطع
طماطم +بصل+ثوم+ فلفل أخضر+فلفل ألوان+ ليمون+جزر مبشور
ونضع عليهم زيت +ليمون معصور وفلفل اسود
بالشكل ده
ونحطهم تحت وفوق السمك في الورق الفويل
ونكب عليه زيت
ونغطيه بالفويل من فوق كمان كويس
يدخل الفرن على حرارة متوسطة تقريبا ساعه وبعد كده نشيل الورق الفويل من فوق ونشغل الشواية دقايق
نيجى للسمك المقلى
ارخص نوع هو البلطى وفى بقى انواع تانى حسب الماديات ولكن عن نفسى بفضل فشر البياض وبخلى الراجل يقطعه فيله واشتغل انا على تتبيله وقليه
بالخلطة دى
فلفل اخضر مفروم...ثوم مفروم ....ملح...كمون...شطة...عصير ليمون
ولو تحبى ممكن تضيفى معلقة خلطة سمك وبعد ما بتبله بسيبه شوية يتشرب التتبيلة
نجيب الدقيق علشان نتبل السمك به شوفوه بقا بعمل اية
بحط على الدقيق معلقة صغيرة كارى وزيها كركوم وزيهم شطة واقلبهم مع الدقيق كويس جدا زى كدة الحاجات
تضعى سفن اب مع الدقيق وكمان بعد ما تحطى السمك فى الدقيق بلى ايديكى بشوية ماء خافيفه اوى وبعدين تنفضى السمك عشان الدقيق مايقعش فى الزيت ويبهدل الدنيا وكلى واديعلنا وبألف هنا وشفا