السلام عليكم ورحمه الله وبركاته

فى البدايه احب اسلم على كل اللى موجودين فى المنتدي
واريد ان احكى لكم قصتي
فى البدايه اعتذر لانها ستطول القصه
وهي انى تعرف على انسانه قمه في الاخلاق والرقه المهم انى اردت الخير معها وقررت انى اتقدم لخطبتها وفعلا فى رمضان اللى فات خليت خالى يكلم والدها خالى كلمه وعرفه بنفسه وقالو احنا عايزين نيجي نشرب معاك الشاي قاله خير قاله كنا عايزين نيجي نتقدم للانسه قالو الموضوع مرفوض ومتكلمنيش تانى وسلام وكده المهم خالى اتصل بيه تانى مع انى كنت رافض قاله يا استاذ انت بتعاملنى كده ليه عاملنى كأب انا اب زي زيك قاله انا حر خالى قاله اوك شكرا ومع السلامه الكلام ده فى رمضان البنت بقي كلمتني تالت يوم العيد سلمت وكده وقفلت فى نفس اليوم باليل والدها كلمنى

قالى محمد معايا مع انو معرفش اسمي من خالى المهم قلتله ايوه مين معايا قالى انت كان خالك كلمنى فى رمضان قلتله ايوه اهلا وسهلا قالى ايه الحكايه يا محمد قلتله اظن خالى كلمك وقالك بس لو عايزنى اتكلم انا معاك مفيش مشكله قالى انت عرفتها منين يا محمد مع العلم يا جماعه انا من القاهره وهي من اسكندريه المهم قلتله كنت فى مصيف وشفتها وكده قالى ازاى انا بنتى طول الوقت معايا قلتله شوفتها مع مامتها قالى طيب ورقمها جبته منن قلتله انا مش معايا الرقم ودي حقيقه اتاري البنت اتصلت بيه فى العيد من تليفونها قالى ازاى انا جايب رقمك النهارده من على تليفونها قلتله بس انا مش معايا الرقم بعد كده تليفونى انا فصل شحن المهم فتحته وقلتله انو بيفصل قالى خلاص اشحنه وكلمنى كلمته تاني يوم فضل كتير مردش عليا فى الاخر قالى معلش مش هعرف اتكلم معاك لانى معايا ناس قلتله عادي قالى اول ما هخلص هكلمك انا قعد 3 ايام مكلمنيش فكلمته انا قالى بقي انى بنته قالتله على كل حاجه وكده وعرف انى عرفتها من النت وكده وقعد يقولى انى حد كويس وانو ميتمناش لبنتو واحد احسن منى المهم بس قالى اني الوقت مش مناسب والبنت لسه صغيره وكده وقالى انو فصل النت واخد التليفون من البنت ومش بينزلها من البيت وكده قلتله انا مستعد استنى بس ادينى كلمه بس قالى انا مقدرش اوعدك بحاجه وقالى انى بنتى لسه قدمها كتير مش اقل من 8 سنين وحاجات غريبه كده وانا من تالت يوم العيد لغايه دلوقتى يعنى بقالى شهر اهو معرفش عنها اي حاجه وبجد تعبان اوى لدرجه انى دلوقتى مش بنام غير لما احط شماسه على عنيه يا ريت حد يفدني ولكم جزيل الشكر

بص فى اهل كتير مش بيقتنعوا بجواز النت وممكن يكون الاب رفض علشان انت اتعرفت على البنت عن طريق النت
وممكن الاب يكون بيعاقب البنت لما اخذ منها التليفون وعدم نزلها الى الشارع علشان الاهل بيعتبروا ان التعرف على اى شاب عن طريق النت حاجة مش كويسة وعيب كمان
وانت حاول تتكلم مع الاب مرة اخرى وحاول تفهم ايه السبب فى رفضه ليك وبلاش تحاول تتكلم مع البنت علشان متسسببش لها فى مشكلة مع الاب وحاول تقنع الاب انك متمسك بى ابنته والجواز قسمة ونصيب

والله انا فاهم قصدك يا هبه مش الراجل نفسه على فكره مقتنع بيه شخصيا
يعنى هو متقبلنى وكده لكن بيقول انى الوقت مش مناسب وكده بس

بص يا صاحبي الاول انت عندك كام سنة وهي عندها كام سنة

وبعدين فعلا زي ما هبه قالت ان فيه اهل كتير مش بيقطنعوا بحب النت والارتباط من عليه

بص يا اخي اولا المشكله مش السن بس عموما انا 20 وهي 17
بس انا قولت لوالدها انى مستعد استنى كتير جدا عادي بس اهم شىء يدينى كلمه مش اكتر
وهو ساعتها قالى انو ميقدرش يوعدنى بشىء بس لو الامور اتصلحت كمان سنتين مثلا ممكن
واشكرك على ردك ومشاركتك الحوار

مش عارفه اقول ايه زياده عليهم
بس الاهم انك متكلمهاش و تحاول كتير مع والدها
و في الاول و الاخر لو ليك نصيب معاها هتتجوزا حتي لو فين و امتي

متضيعهاش منك


حاول












الشخص الذى يجعلنى ابكى
هو من يجعلنى اقف عن البكاء

صراحة عاوز رايى قبل اى حاجة لازم تتأكد انها بتحبك بجد وعاوزاك وهى اللى ممكن تضغط على باباها عشان يوافق..... وانها ممكن تعمل اى حاجة عشانكم مش كفايه انك اللى تحاول مع باباها بس لازم هى كمان تتكلم معاه وتقنعه بانك اللى هى اختارت تكمل حياتها معاك بحلوها ومرها.... حاول تتكلم معاها تانى وتفهمها كدااااااااااااا..... أدعوا ليكم التوفيق اذا كانت تحبك وتستحققك واتمنالكم حياه سعيده..................

اولا الف شكر يا جماعه على الردود الجميله دي بس هي يا منى الحمد لله بتحبنى جدا وهو ده اللى تاعبنى ومخلينى متمسك بيها وعايز اعمل اي حاجه علشانها وياريت بجد يكون لى نصيب فيها
ومره تانيه بشكر كل اللى رد على الموضوع

السلام عليكم ورحمه الله وبركاته
بعد اذنكو يا جماعه انا اللى شايفه انى كل الناس اللى بيشاركو مش بيقدمو حل لكن بيطرحو سؤال
انا مستغرب من الموضوع ده يا ريت فعلا حد يساعدنى على الحل مش مجرد الاستفسار

الحل النهائى انك تنتظر كام سنة لاانك صغير جدا وكمان هى صغيرةواكيد الاب شايف انك صغير
وكمان البنت اكيد بتدرس والاب مش عايز يشغلها باى شى
اجل الموضوع لمدة سنتين تكون هى كبرة شوية وانت كمان تكون كبرة وبعد ذلك حاول تتقدم لها مرة اخرى
وممكن فى السنتين اشياء كثيرة تحدث ولو مكتوب انك هتجوزها اكيد هتجوزها
اتمنى انك يكون عندك صبر لاان بجد ممكن مشاعرك بعد ذلك تتغير وهى كمان مشاعرها تتغير لاانكم انتم الاثنين صغيرين والاب فاهم كدا كويس ان البنت فى سن مرهقة والبنت فى هذه المرحلة مشاعرها متقلبة ممكن بسهولة تحب وممكن بسهولة تنسى
وفى النهاية اجل الموضوع لفترة واشغل نفسك باى شى

يا اختى انافعلا سني صغير زي ما انتي قولتي وكده بس والله المسؤليه اللى انا
شايلها دلوقتى تقدر تخليني اكون بيت واسره انا دلوقتي شايل مسؤليه ولدتي والبيت بعد
وفاه والدي وهو عارف كده ومش مصتصغرني خالص فى نظره

طب انت ممكن تكلمه تانى تعرف منه اه النظام وطمن عليها برده