اكيد كل واحده مننا ربنا اكرمها بالحمل وقربت تولد بتكون متوتره ومش عارفه تجهز ايه وايه المطلوب وكمان لو اول ولاده وبيبي ليها بتكون برضه مش عارفه تجيب ايه وتسيب ايه وربنا يقوم كل حامل بالف سلامه يارب
باذن الله لو كانت الولاده طبيعي او قيصري بيكون ليكي طلبات ليكي وللبيبي لازم تكون جاهزه معاكي وتشيلي هم ان يكون فيه شئ ناقصك واول شئ انتي الاول لازم تعرفي هتولدي طبيعي ولا قيصري وكمان تعرفي هتقعدي كام يوم في المستشفي واعرفي ده كله طبعا من الدكتوره وحضري شنطتك وشنطه البيبي وتكون حاجات الاول لازم يكون معاكي غيار كامل ليكي ولو محجبه يكون معاكي حجاب زياده ويكون معاكي مناديل لو احتاجتيها ولو هتتاخري في المستشفي مثلا تلت او اربع ايام او اكتر خلي معاكي مشطك الخاص بيكي والشامبو لانك ممكن تقعدي فتره لو مثلا نظام المستشفي كدا
من حيث طلبات البيبي اللي باذن الله ينور حياتك فمطلوب منك انه يجي الدنيا يلاقي كل شئ خاص بيه جاهز يكون معاكي البامبرز الكميه اللي تحتاجيها وغيارين ليه ولازم تكون غيراته قطن علشان جلده بيكون حساس لاي شئ ولو اشتريتي هدوم جديده ياريت تكوني غسلاها الاول قبل ما يلبسها وكمان تكوني محضره شرابات صغيره ليه وايس كاب قطن وكمان الطفل مش بيعرف يرضع من مامته في الاول فبيشرب مشروبات خاصه بيه من الصيدليه زي بيبي كالم وفيه انواع تانيه تجهزي منها للبيبي لما يجوع بعد الولاده يكون رضاعته جاهزه باذن الله والبزازه بتاعته طبعا وشامبو خاص بالاطفال علشان لو هيقعد في المستشفي كذا يوم برضه تحافظي علي نظافته وطبعا الموجودين معاكي اللي هيهتمو بنظافته بسي حاجته تكون جاهزه برضه وممكن غلايه الشاي معاكل لو مكنش فيه في المستشفي علشان تغلي ميه تعمليله الرضعه بتاعته وربنا يقوم كل امم بالف مليون سلامه يارب