عقب الاحداث الاخيرة واحداث العنف والخراب والتدمير التي تشهده مصر والكثير من الاصابات والوفيات - التقت سيدة مصريه بالسيد حمدين صباحي امام مشرحه زينهم ووجهت له اللوم والعتاب انهم سبب المشكله من البدايه لعدم وحدة الصف قبل الانتخابات الرئاسيه وان الشعب والشباب هم من يدفعون الثمن الآن - وانكم لاتجيدون الا الكلام وفقط ومبادرات وفقط

كاميرا قناة الوطن رصدت هذا الحوار :: واليكم نص كلام السيدة بالتفصيل وبالنص الى حمدين صباحي والذي التزم الصمت من الصدمه ومن صدق كلام السيدة وانه وآخرين مجرد طامعين في السلطه ولايهمهم الا مصلحتهم الشخصيه

لو انتخباك وجبناك رئيس جمهوريه
الكرسي هيغيرك وهتعمل فينا زي مابيحصل كدا
ولا هتحكمنا بعدل الله
هتتقي الله في الشباب بتاعنا ولا هتمشي في جوهم
قولولنا الحقيقه قولولنا الحقيقه
احنا مش عارفين نصدق مين فيكم
مش عارفين مين الصح ومين الغلط
احنا اللي نعرفه بس ..
اننا دلوقتي ام خايفه على ابني لو نزل في الشارع هكلفت فيه
عشان يوم مايعتقلوه ابقى عارفه هو فين
يوم مايموت - ساعه مايموت ابقى عارفه هو فين
قولولنا الحقيقه - احنا زهقنا من الكلام زهقنا من كلامكم وزهقنا من تصريحاتكم
اللي بيحب مصر
لو انت بتحب مصر - تخدم مصر دي
ماتجريش ورا انك انت تبقى رئيس جمهوريه وتعمل في الشباب دا كله
اوعد الناس دي كلها ان انت لو في يوم من الايام بقيت على الكرسي ابني مش هيموت
مش هطلع ادفنه من ناس ماتعرفش ربنا
لكن احنا زهقنا منكم وزهقنا من الكلام

احنا مش قلنا لكم قبل كدا قبل ماتحصل الانتخابات لمو بعضكم - مارضيتوش
كل واحد فيكم اتصرف على انه هو اللي عاوز ياخد الكرسي لنفسه
ولما وقعت الكارثه - الشعب وولادنا هما اللي بيدفعوا تمنها
انتو مابتدفعوش تمنها
مابتدفعوش تمن حاجه
ولادنا هما اللي بيدفعوا تمنها
فككو بقى من اللي انت عاملين تقولوه وكل شئ هنعمل ونسوى
الشعب دا بدل مايطلع الاتحاديه
يطلع على المعسكرات بتاعة الامن المركزي
يشوفوا الاطفال اللي بتتعذب
مابتاخدوش موقف من الحاجات دي ليه
كلام كلام كلام ومبادرات مبادرات مبادرات
احنا قاعدين قدام التلفزيون هنتجنن
انا معرفش محمد .. معرفوش
بس لماسمعت ان حصل فيه كدا نزلت من بيتي
نزلت من بيتي
قولولنا الحل - قولولنا الحل
كفاياكم مؤتمرات كفاياكم مؤتمرات ارحمونا
احنا خلاص هنتتجنن
احنا هنتجنن
اللي قاعدين في البيت بتقولوا عليهم حزب الكنبه
احنا هنتجنن


واليكم فيديو اللقاء ::

شكرا لك ايتها السيدة
قلتي اللي نفسنا كلنا نقوله وجه لوجه لهؤلاء المتحذلقين

تسلمي ايتها الام العظيمه
والله والله والله والله والله والله عبرتي عن كل امهات مصر الشرفاء المحترمين
ايوة احنا حزب الكنبه
لكن شرفاء ولسنا اعداء الوطن

ايه يا ست انتي والله خلتيني ادمع مش كده الله

والله لو قولتي الكلام ده من هنا لبكرا مش هيحسوا بحاجه ....

ولااااااااا اي اندهاشه !

والله معاكي حق يانورا

ولاااااااا اي اندهاشه

والله بجد كنا مستنيين من حمدين وابو الفتوح يضموا صوتهم لبعض
الاتنين جابو اكتر من 7 مليون صوت
يعني كان اكتساح

لكن الحمدلله ان ربنا كشف حمدين وطمعه للسلطه
وكدا كدا احنا عارفين الحرامي السيد البدوي
وعارفين الفل عمرو موسى
وكنا شاكين في البرادعي بس بان انه مجرد منتقد كبير ولايصلح لاي شئ غير الانتقاد

الله المستعان ده صوت كل أم مصرية دلوقتي خايفة على ابنها على ولاد البلد دي
ربنا يرحم مصر من كل واحد مش فارق معاه غير مصلحته سواء اخوان ولا حمدين ولا غيرهم

الله المستعان ده صوت كل أم مصرية دلوقتي خايفة على ابنها على ولاد البلد دي
ربنا يرحم مصر من كل واحد مش فارق معاه غير مصلحته سواء اخوان ولا حمدين ولا غيرهم

اي ام مصريه اصيله الآن .. لاتترك ابنها وسط هذا المجهول والظلام
وانا شايف اللي بينزلوا حاليا بيتسعبطوا بصراحة

كفاياكم مؤتمرات كفاياكم مؤتمرات ارحمونا
احنا خلاص هنتتجنن
احنا هنتجنن
اللي قاعدين في البيت بتقولوا عليهم حزب الكنبه
احنا هنتجنن

ياترى انت فيييييين ياحمدين ؟؟؟؟

حسبي الله ونعم الوكيل

حمدين والسيسي ؟!!!!!!!!!!!!!