بسم الله الرحمن الرحيم
نقدم لكم اليوم وصفه جديده و رائعه و سهله
و زي ما انتوا عارفين اني دايما بحب اقدم وصفات سهله للرجاله عشان تعملها بعيدا عن افتراء الزوجات
بس يلا مش مشكله المره دي
الوصفه دي للزوج و الزوجه معا
و يا سلام لو مراتك قاعده جنبك دلوقتي كده ، قولها لو بتحبيني اعملي وصفه عمو الدكتور محمود
--------------------
الوصفه بتاعه النهارده هي عباره عن بطاطس كروكيه
يعني من الاخر بطاطس مهروسه و ملفوفه و متحمره ^_^ - هوريكوا صورتها و الله ^_^
--------------------
الطريقه :
1- بطاطس زي ما تحب و اغسلها كويس جدا جدا و قطعوها قطع كبيره و روحوا حطينها في مايه واسلقوها جامد عشان هنهرسها دلوقتي .

2- اكيد بعد لما تطلع البطاطس هنحطها في مايه ساقعه بقي و نبتدي نقشرها و نهرسها .

3- نهرس البطاطس هرسا قويا حتي تستغيث ههههههههههه

4- هنحط عليها معلقه زبده مليانه -معلقتين لبن-ملح وفلفل

5- عد كده تروح حاططها شويه في الفريز

6- تخرجها و تعملها صوابع زي الى في كده

7- ترجع تحطها شويه في الفرايز تاني

8- لدقيق والبيض والبقسماط و تروح زي الشاطر محمرها بقي في زيت بس خلي الزيت يسخن اوي الاول

9- بالهنا و الشفا يا ريس

--------------------

ملحوظه :
لو مراتك معملتكش الاكله دي اعرف انها مش بتحبك هههههههههه
انا بهدي النفوس بس ههههههههههه

----------------

ملحوظه 2 :
لو انت سنجل بقي و مش متجوز ... حاول تعملها لنفسك بقي وا مرك الي الله