البطاطس الايام دى موسم وحتى لو مش موسم اغلبنا بيحب البطاطس المحمرة وخصوصا الجدل كان عليها كبير فى انها احدى طرق الرجيم بالرغم منذ جيل سابق كانت من المحظورات للرجيم المهم برضه رجيم مش رجيم بنحبها وبنعملها وبنكلها
المهم بقى تبقى لذيذة وشهية ومقرمشة من بره البطاطس يا بنات انواع هناك نوع للطبيخ صوانى وده بيبقى لونه مصفر شويه يعنى قلب البطاطس لونه كريمى كده زى البطاطا الصفرا وده حلو للصوانى والبوريه اما البطاطس المقليه فهناك نوعان نوع قلبها ابيض ودى حلوة اووى ودى فعلا بطاطس تحمير ونوع اسمه بطاطس حمراء ولكن قلما نجدها لان المصانع الشبسى بتاخدها من المزارع مباشرة وما يتبقى يباع فى محلات الهايبر فى قسم الخضروات باسعار عاليه حبيتين

طيب ما فيش امامنال غير البطاطس البضاء دى اللى حيقوم عليها درسنا النهاردة احنا نحضر الكميه الى عاوزين نحمرها ونغسلها كوبس

وبعدين نقشرها ونقطعها حسب الطلب اصابع كبيرة متوسطة بلاش الصوابع النونو علشان حتنشف منك
وننقع البطاطس المقطعة فى حلة بيها ميه مغليه جداااا ومملحة لمدة خمس دقائقوبعد كده نصفى البطاطس فى مصفى ونبداء فى تحميرها ف زيت مقدوح جدا وبالراحة نضع البطاطس فى حلة الزيت علشان الطرطشهوننتظر خمس او سبع دقائف ونقلب الجزء المخفى حتى يتم النضج ونضع البطاطس فى مصفاة واسعة العيون علشان نصفى الزيت اللى فيها وتقدم ساخنة وبالهنا والشفاء
اه نسيت اقول لكم تابعونى فى طرق كتير لعمل البطاطس حجمعها وكتبها لكم

اول مره اعرف ان البطاطس المقليه ليها نوع معين مش اى بطاطس بتتحمر شكرا على المعلومه

معلومات جديدة .. جزاكى الله خيرا