المقادير كوب عدس بجبه كوب ارز صلصة بصل دقيق
مكرونة صغيره
الطريقة اغسلي العدس بجبه كويس وحطيه في حله فيها كوب ونص ماء وملح وزيت وسيبيه يغلي ولما يتشرب وطي النار عليه واتركيه يستوي
الارز اغسليه واعمليه بالطريقة التقليديه بتاعتنا
اسلقي المكرونة واشطفيها من الماء السخن وصفيها
جهزي الصلصة بفص ثوم علي النار وعليها الملح والفلفل الاسمر
قطعي البصلة شرائح وقلبيها في ملعقه دقيق وبعدين ضيفيها في زيت ساخن علي النار وشوحيها لحد ما لونها يبقي بني غامق
طريقة تحضير الطبق
اغرفي الارز وحطي فوقيه العدس وبعدين ضيفي المكرونه والصلصة فوق الوش وفي الاخر ضيفي البصل المتحمر وممكن تقدمي معاه الشطة والدقة بالتوم