طبعا كلنا سمعنا ان مزيلات العرق الموجودة فى الاسواق ممكن تسبب سرطان فى الجلد
طيب نعمل ايــــــــــــــــــــــــــــه ؟؟؟؟؟
بسيطة خالص
عارفين الترمس المر؟؟
وحجر شبه ب2 جنيه من العطار ؟ودلوقتى كمان بيبيع الشبة مطحونة
والمسك السايل او حتى الحجر؟؟؟؟
وبودرة التلك والنشا؟؟
هانعمل ايه بقى؟؟
هانشترى تمن كيلو ترمس من العطار بجنيه وربع
وحجر مسك او سايل ب2 جنيه
وحبة نشا من التلاجة عندك وبودرة تلك ونص لمونة
اول حاجة نغلى معلقتين ترمس مطحون فى كوبايتين ماء
لما يبرد ناخد مقدار فنجان قهوة
نضيف عليه معلقة شبة ومعلقة نشا ومعلقة بودرة تلك وحبة صغننين مسك مطحون او سايل
ونقلب كويس اويــــــــــ
ونجيب زجاجة مزيل عرق قديمة ونشيل البليه ونحط الخلطة السحرية بتاعتنا
ونقفلهاتانى بالبلية او تحطيه فى برطمان وتاخدى بايدك
...............
ملحوظة
ممكن النشا تحطيها بدل البودرة او العكس
ممكن تستغنى عن الليمون لو عندك حساسية منه
يفضل تكونى شايلة الشعر الزايد ومنشفة المنطقة
هيتبقى ماء ترمس ممكن تصفيها وتستعمليها كغسول للبشرة
ممكن تضيفي نقطتين من اى زيت عطرى تفضليه
لو عندك جلسرين ضيفي نقطة عشان تثبت الريحة الحلوة وتنعم المكان
---------------
على فكرة بيبيض ويقلل نمو الشعر