|
المستشار أحمد مكي، وزير العدل فى حوار اجراه مع الإعلامي شريف عامر، في برنامج "الحياة اليوم" على قناة الحياة يتحدث عن انه هناك بعض الاشخاص يتعمدون الهجوم عليه دون مبرر وتلفيق التهم لشخصه بهدف اخراجه من حكومة قنديل واضاف المستشار احمد مكى انه يعتبر الحكومة الحالية مظلومة لان الحكومة هى الاخرى تتعرض لاتهامات ظالمة وهناك اصرار من بعض الاشخاص على تلفيق التهم بهذه الحكومة وانكار انجازاتها ومحاولة هدمها واكد مكى ان الله ليس بظلام للعبيد وانه احيانا يكون المحكومين هم السبب فى فشل حكامهم اى ان الشعب هو السبب فى فشل الحكومة وهنا يحدث مشاده بين وزير العدل المستشار احمد مكى وشريف مذيع قناة الحياة لرفضه هذا الكلام من ان الشععب هو سبب فشل الحكومة ويؤكد له مذيع قناة الحياة ان هذا الكلام غير مقبول وانه لا يجب تحميل الشعب المصرى مسئولية فشل الحكومة واستنكر مذيع قناة الحياة الاسلوب الذى يتحدث به وزير العدل وقال له ليه حضرتك بتتكلم بمبدا انا مش هاممنى حاجة واتهم وزير العدل بانه يدلى بتصريحات غريبة وكانه لا يعبا باحد والى يحصل يحصل وكان واضح على وزير العدل ارتباكه فى الكلام وعدم استطاعته الرد على مذيع قناة الحياة ..الجدير بالذكر ان المستشار احمد مكى كان قد اثار الجدل قبل ذلك بتصريحاته عن الشهيد الجندى الذى قيل قيل انه قتل بسبب تعذيب الشرطة له وجاء المستشار مكى ليؤكد ان تقرير الطب الشرعى نفى هذا الكلام وانه توفى حادث سيارة
|
|
أنا اؤيد كلام وزير العدل ... الشعب سبب فشل النظام والحكومة
خطة الـ100 يوم الله يرحمها بأه كانت لازم تفشل ملف الأمن مش الحكومة ولا الريس اللى هزأوا الشرطة وخلوهم يبعدوا عن كل منطقة فيها اشتباكات او بلطجية من غير ما نحترمهم ولا نساعدهم حتى ومش هما كمان اللى سمحوا لأطفال الشوارع والبلطجية المأجورين بالاختباء وسط المعتصمين من غير ما حد يفتح باه ولا يقول حقيقتهم بالظبط واهم موقفين حالنا ومكسرين بيوتنا وعربياتنا ملف المرور بعترف ان من ساعة الثورة مافيش نقرة ولا مطب مؤذى الا كانوا بيحاولوا يصلحوه بال3 وال4 مرات قبل كده كان ماحدش سائل فينا - وكل واحد كاتم فى نفسه كمدا على عربيته اللى بتتكسر كل يوم وماحدش سائل فى حد وكله عامل عبيط بس مش الحكومة اللى بتوقف الشوارع وتقفلها فى اعتصامات وبلطجية دا كوم وبلطجة الاشخاص نفسهم حاجة تانية، مش هما اللى بيزنقوا على خلق الله فى كل مطلع كوبرى عشان يطلع قبل غيره زى ما يكون اللى واقف فى الصف ورا ده عبيط ولازم طبعا يوسع والا اللى واخدها بلطجة يخبطه يبقى وقف فى الصف واتعطل واتخبط ولا عزاء للعبط ... رغم ان لو كلنا وقفنا صف زى الناس المحترمة كلنا حنعدى أسرع... وبناء عليه مش متوقع ان المرور يتحسن لان سلوك الناس نفسها محتاج ينضف كتير العيش مش الحكومة اللى بتسكت على اصحاب المخابز اللى بتتاجر فى حصة الدقيق المدعم - الناس بتسكت وكله ونا مالى ... لا دا مالك ودا عيشك اللى الحكومة اللى مش عجباك بتدعمه من جيبك الوقود مش الحكومة اللى بتسكت وفى ناس لسه بتتاجر فى السولار متهيألى عشان كل حاجة تتغير احنا محتاجين نتغير - إن الله لا يغير ما بقوم حتى يغيروا ما بأنفسهم - |