المهم الكفته دى بتتعمل مع الارز بالشعريه فاهمين يا حلوين وطبق سلطة مشكل من كل الالوانات اخضر واحمر واصفر وبرتقالى
المقادير نصف كيلو لحم بقرى مقروم جيدا
فلفل وبهارات وكثبرة وملح
بصلتين كبيرة مقرومه ناعم جدااا
معلقتين توم ناعم جدااااااا وممكن معلقة حسب الرغبة
نص فنجان شاى ارز ناعم جداااااااااا
او ممكن بستبدل بفريك برضه ناعم حداا زى البودرة
لعمل الصوص لكفته داود
3 ملاعق صلصة كبيرة
بصلة كبيرة
الطريقة
الموضوع ده ياريت يتم بالليل
حتتقولوا لى اشمعنى بالليل حقول لكم كده علشان اللحم والتوابل والبصل والخلطة والارز تتداخل مع بعض من بالليل للصبح
زى ما قلت فوق تخلطى كل المقادير وتعجينها مع بعض كويس وتسبيها فى التلاجة داخل علبه مغطاة للصبح والصبح تخرجيها من التلاجة وتعمليها كور متوسطة الحجم قد عين الجمل او اقل شويه
تضعيها فى الدقيق زى ما نعمل للسمك فاهمين علشان مش تكش لما نحمرها ده سر مش حطلعه غير لقارئى منتديات نجوم مصريه
ماشى خلصنا التكوير والتدقيق نسخن طاسة الزيت اللى بنحمر فيها البطاطس ونضع فيها مقدار زيت مناسب ونسيبهلغاية ما يقدح ونضع الكفته وبعد كده نخرجها فى طبق
ونبداء فى عمل السوس يوه اقصد الصوص
نفرم البصلة ونحمرها فى حلة منوسطة مع معلقة سمن كبيرة او زيت ذرة نقى حتى تصفر ونضيف الصلص ونضيف اليها التوابل بهارات ثلحم وفلفل وملح حسب التذوق نضيف ربع كوب ماء ونترك الخليط يتسبك والبصلة تستوى ده سر تانى ثم نضيف كوب ونصف مرقة على هذا الخليط ولما يغلى قليلا علشان البصلة المفرومة تستوى ثم نضيف الكفته المحمرة ونتركها تغلى لمدة دقيقة ونرفعهامن على النار هى حتكمل سواها وتنفسها وتتشرب الصلصلة
ونعمل الارز بالشعرية جنبها والصلطة وبالهنا والشفا اه انا لى موضوع عن عمل الارز بالشعريه اعملو بحث وجربوا
يلا بالهنا والشفا معلش النت عندى فى البطائه مش حقدر ارفع صور شوفوها انتن بمعرفتكن وادعوا لى
