كتير اوى مش بنقلب الشاى كويس,

وبنيجى نشربه نلاقيه مش مسكر ومش مظبوط


وبنكسل نجيب سكر تانى ....


فبنضطر نشربه كده.....اللى بيدايقنى بقى اننا


بعد مابنخلص الشاى بنلاقى السكر مركون تحت



يعنى لوقلبت شويه كان زمانك شربت شاى


مظبوط.........

تعالى كده نفصص المشكله دى

اول حاجه المشكله ايه:

(انى ماعرفتش اشرب شاى مظبوط)

طيب وايه السبب؟؟

(1) انى ماقلبتش الشاى كويس وانابعمله

((يعنى استهترت وانا بعمل الحاجه))

(2) انى كسلت اجيب سكر تانى

(( يعنى كسلت عن حل المشكله رغم انها فى ايدى))

طيب والنتيجه ايه؟!!

(( نتيجه المشكله والاسباب اللى أدت ليها))

_ النتيجه انى مااستمتعتش بالشاى.

_ انى ضيعت مجهودى وماوصلتش للنتيجه اللى انا عاوزها.

عارفين ان كلنا بنعمل الحاجه دى بطرق مختلفه!!!!!!!!!

كتيييييييير اوى بنستهتر واحنا بنعمل شغلنا

وكتييييييير اوى بنكسل نحل المشاكل رغم ان

حلها ف ايدينا.... ونرجع نشتكى.....

وبعد ده كله ندم وندور على حلول صعبه ومتعبه رغم ان

الحل أصلا فى ايدينا وجوه الكوبايه

عشان كده علشااااااااااااااااان خاطرى على

نفسك وابقى قلب كويس

قلب كويس واعمل كل حاجه كويس

حتى لو تعبت فى الأول بس صدقنى

النتيجه هتفرق كتيييييييييييييييييييير

ومتنساش قول حبيبك صلى الله عليه وسلم:

(ان الله يحب اذا عمل احدكم عملا ان يتقنه)

صدق رسول الله صلى الله عليه وسلم


حتى ولوكان العمل ده بسيط بس هتفرق اوى

كلام جميل جدا
ودة لازم كل واحد يتقن عمله
علشان البلد تتقدم ويبقى فيها نهضة
وحلو مثال الشاى دة
شكرا على الموضوع

ههههههههههههههههههههههههه
موضوع جميل جدا جدا

وانتى بجد انسانة ذكية ومدرسة ممتازة بأبسط الامثلة اتكلمتى عن مشاكل الاهمال والكسل واللامبالاة

ان شاء الله كلنا نقلب الشاى كويس ونتقن كل حاجة بنعملها عشان نرتاح فى حياتنا وناخد اجر كبير عليها

*معلومة انا مش بشرب شاى ولا قهوة بس احتمال اقلب الرز كويس

تحياتي ليكي يا قمر وربنا يحفظك يارب ويباركلك

حاضر والله هقلب الشاى كويس
بس انا بزود الساى معلقة علشان يظبط نفسة
بس حاضر هقلبة كويس
بس ساعات بتكون الماية مش بيضة علشان كدة مش بيبان طعمة
بس والله هقلبة كويس تسلم ايدك

موضوع جميل يا رانيا ومعلومه مفيده جدا

تسلم ايدك

شكرا ليكي يا ريري علي الموضوع المهم دا
واللي اتقدم باسلوب جميل جدا وبابسط الاساليب
بجد في مننا كتير بيكون عنده اهمال في كل حاجة
مش تحت شرط المشاكل بس
علي الرغم من ان الحل بيكون في ايدينا
يعني لازم كل واحد يعمل اللي عليه
ويتقن في عمله علشان ينجح فيه ويوصل للهدف اللي عاوزة
شكرا ليكي يا ريري علي الموضوع الجميل دا
واللي اتقدم باسلوب روعة جدا
تسلم ايدك بجد

موضوع جمييييييل اوىىى
وبصراحة جه فى وقته بنسبة لى
تسلم ايك يامبدعتنا

تسلم ايدك يا رانيا
علي موضوعك و المثال الجميل اللي بتشبهي بيه
و باذن الله كلامك يتنفذ من الكل
و الكل باذ نالله يتقن عمله
علشان يبقي كويس و تمام

بس انابشرب الشاي بقي اصلا ساده

ده كله بيحصل علشان مش بقلب الشاى كويس
لا حاضر هقلبه كويس

موضوع جميل تسلم ايدك وانت افكارك هايلة
فعلا من جد وجد
تسلم ايدك وتقبلى مرورى

ازيك يامس رانيا .. اشتقنا لمواضيعك
انا عن نفسي بشرب الشاي من غير سكر خالص
تشبيهك للسلبية وحالة الاستسلام اللي جوا معظم الناس دلوقتي بليغ جدا
والحل زي مانتي قولتي لو كنا قلبنا الشاي كويس أو حتى بصينا على قعر الكباية
كنا هنتفادي مشكلة اننا نضطر نشرب الشاي مش على مزاجنا وغصب عننا
ياريت بقى بكرة علطوووول تروحي تطلعي بطاقة انتخابية

كالعادة موضوع مختلف ومتميز بحق
وما يميزه اكتر هذه المرة هوه طريقى توصيل وعرض فكرة الموضوع وهى فى منتهى السهولة والابداع
اما بالنسبة لفكرة الموضوع فهى مهمة جدا
وتندرج تحت مسمى السلبية وعدم الاتقان
جزاك الله خير وشكرا ليكى على الموضوع الهايل وتقبلى مرورى

توبيك هايل

تقبلى مرورى

ميدو سورى هو عندى سؤال رفيع كدة
هى دى صورتك دة جيتارك

كلام مضبوط طبعا واللة وموضوع جميل اوى ياريرى واللة بجد كل مواضيعك جميلة اوى

عندك حق يا ريري فعلا... لازم الإتقان في العمل...

موضوع جميل وفكره أجمل يا ريري والله...

تسلم إيديكي...

موضوع جميل يا اميرة الابداع

الكلام اللي في الموضوع رائع وحقيقي
كثيرا ما يكون لدينا مشكلة صغيرة ننظر اليها بعدم اكتراث
وننظر على انها مشكلة تافهة لاتستخق منا الاهتمام
والتي قد تكون فيما بعد شرارة تشعل في حياتنا الكثير من المشاكل
فكما يقال معظم النار من مستصغر الشرر

والادهي من ذلك قد نترك مشاكلنا الصغيرة
لتتراكم حتى يأتي يوم نجد ان لدينا جبل من المشاكل
ولا نستطيع حلها والقضاء عليها

المدخل للموضوع بمثال الشاي رائع فعلا
ويستحق كل التامل والتفكير
كما انه مثال واضح وبسيط لتوصيل الفكرة الكبرى والهدف للموضوع

شكرا لكي رانيا
وتقبلي خالص تقديري

الأماني بضاعة الضعفاء والعمل بضاعة الأقوياء

والي بيكسل يعمل حاجة بنفسو ميستناش الغير يديه فرصة طالما هو مش مديها لنفسو


وعلشان احنا نبقى قدوة لغيرنا لازم نعطي أفصل نصيحة بأسلوب حياتنا مش بشفاهنا الكل عايز يغير الي حواليه ومش بيسعى لتغيير

نفسو

انتي طرحتي نقطة مهمة لتتفكير بجد وبعمق علشان نتغير ونسعى ونجتهد فالايادي المكبلة لا يمكنها الكتابة او التصفيق ..الخ


تميزتي بطرحك الرائع
تقبلي مروري بود

يا سلام على فلسفه ريري القمر يا سلام

بجد رائع جدا يا قمر

وحلوه البساطه اللي اتكلم بيها الموضوع بجد رائع بحيكي يا جميله انتي

بس تفتكري المشاكل اللي بتيجي لوحدها كده من غير ما بيكون ليكي ذنب فيها دي

زي المشاكل الاجتماعيه من صعوبه العيشه والاسعار الغاليه والناس اللي معندهاش حق تعيش عيشه نظيفه

والنصب والأحتيال وفقدان الضمير

دا برده عشان إحنا اللي معرفناش نقلب الشاي كويس ؟؟؟؟؟؟؟؟؟؟؟

ولا عشان غيرنا معرفش يعمل الشاي أصلا ؟؟؟؟!!!!!!!!!!

تحياتي وتقديري ليكي يا قمر

توبيك بجد جميل اوى ياريرى يا حبى
والمثال جميل جدا
وبيخاطب جميع انواع العقول
تسلم الايادى ياقمر

موووووضوع رائع جداااااا يا رانيا
تصويرك للمشاكل بالاسلوب البسيط ده جميل جدااااا
بجد بحييكى على الموضوع امهم ده
بشكرك بجد لتوصيلك فكرة الموضوع بطريقه
سهل وبسيطه جداااا
تسلم ايدك يا قمر
تقبلى تحياتى ............

موضوع حلو اوى بجد مش عارفه اقولك ايه يا قمرايه مثال بسيط جدا وجميل جدا

شكراااااااااااااااااااااااااااا ليييييييييييييييييييييييييييكى

موضوع جميييييييييييل يا رانيا
وده شعبنا للاسف
واعترف طبعا انى اوقات بعمل كده فى دراستى
بس طبعا ضميرى بيوجعنى بسبب كده
هابقى اقلب الشاى كويس مع انى مش بشرب شاى اصلا
موضوع راااااااااااااااائع
مش جديد عليكى يا قمر
دايما متالقه

الله عليكى كلامك جالى على الجرح

مررررررررررررررررررررررررررررررسي ياريرى

صح ساعات كتير بيبقى الحل قدامنا

واحنا اللي مش بنتعب نفسنا

وساعات كتير ربنا بيعمي عنينا من عليه لحد الوقت المناسب


ربنا ساعات بيبقى عمينا عن الحل وهو بيبقى بسيط لحكمه يعملها هو

لحد ميشوف صبرك وصل لفين يشوفك هتستحمل ولا لا


له في ذلك حكم

بس عندك حق انا كمان لازم اقلب كوبايه الشاي كتيرر

تسلمي للتوبيك

تقبلوا مروري

الاول ازيك بقالك كتير غايبة
ربنا يكرمك فى شغلك يا رب
وبعدين اطمنى انا بقلب الشاى جدا
ههههههههههههه
لا بجد الموضوع بجد له ابعاد كويسة جدا
ومسك الختام فى الحديث يلخص كل اعمالنا
الف شكر ليكى ومتحرمناش من مداخلاتك الجميلة دى
امتى الصيف ييجى بقى عشان نتلم كده تانى

فكرتك هايله يا ريري
وتبسيط المشكله للدرجه دى
فعلا لو كل واحد اتقن عمله هنختلف كتير ع دلوقتى
هنبقي احسن
ولو بدأنا ف حاجه صغيره زى كدا هنستمر ف كدا

uكتير ردو قبلى
بس مش فى حد عرف السر

لا يا هانم السر مش فالكوبايا

السر فالبلالام

وبعدين الكسل زى العسل يعنى اصل السكر
انا مش عارف جايبه الموضيع الهدافه دى ازاى
سيبك انتى والله فعلا لو حلينا المشكلتين دول اكيد مش هنشتكى كتير كدا
الكسل والاستهتار

شكرررررررررررررا موضوع مميز

نايس فكره ياريرىا ياقمر
ونايس بساطه وفكر وكتابه
انا مش عارفه اوصلك اعجابىا بالتوبيك وفكرته
بس انا بدعيلك من كل قلبىا انه يوفقك فىا شغلك يارب
ويبعد عنك الخلابيص الصوغنانيه اللىا بيقولولك ياموزه
لان روان بس هىا اللىا بتقولهالك هههههههههههههههههههههههه
انا فخوره جدا بيكىا وفخوره بنفسىا لانىا اعرف انسانه زيك
تقبلىا فأئق احترامىا وتقديرىا لكىا ..... ثم مرورىا..