نشرت منذ قليل المذيعة الشهيرة سلمي صباحي مقدمة برنامج شبابيك وابنه مرشح الرئاسة السابق المناضل حمدين صباحي علي صفحتها الشخصية على موقع التواصل الاجتماعي " الفيس بوك " مقال بعنوان " السر " بعد الافراج عنها في قضية التسويق الشبكي التي أتهمت فيها بالنصب منذ ايام بعد تقديم 22 بلاغ ضدها
يذكر ان الكثيرين وجهوا اتهامهم لجماعة الاخوان المسلمين في قضية حبس سلمي صباحي ظننا منهم انهم من قاموا بالابلاغ عنها للانتقال من والدها المناضل حمدين صباحا احد أعضاء جبهت الانقاذ واحد اكبر الداعمين لحملة تمرد التي تنادي بأنتهاء حكم الرئيس الحالي الدكتور محمد مرسي وجماعة الاخوان المسلمين في يوم 30 يونيو 2013 واجراء انتخابات رئاسية مبكره بعد ان فشل الرئيس من وجهت نظرهم في حكم البلاد
ولقد أكد محامي سلمي صباحي محمد منيب البرلماني السابق وعضو الفريق القانون للدفاع عن سلمى ان الاتهام الموجه لسلمي صباحي هو محاولة للانتقام من والدها مؤكد ان في تلك القضية القانون يدهس بالاقدام بعد ان تم أختيار سلمي صباحي من ضمن 300 الف عضو في شبكة التسويق الالكترونى وتقديم 22 بلاغ ضدها

نص مقال السر لسلمي صباحي

السر
السر .. اني حسيت ان ربنا بيحبني اوي ابتلاني ونصفني ..

السر .. اني دقت جزء من الظلم اللي داقه ابويا

السر .. اني كنت بشوف صمود امي ايام وشهور لما كانوا بيعتقلوا ابويا

السر .. ان بعد 6 سنين جواز اكتشفت في اشرف حاجات جديده واتأكد شعوري انه هدية ربنا ليا ..

... السر .. ان المحامين العظماء حامد جبر ومحمد منيب "عمامي" اللي اتولدت وسطيهم وكبرت قدامهم دافعوا عني بقلب الاب ولما رجعت البيت اخدوني في حضنهم وبكوا من فرحة رجوعي

السر .. ان كل المحامين الكبار الاعزاء اصدقاء ابويا واللي بيعتبروني زي بنتهم دافعوا عني متطوعين وبقلب صادق جدا

السر.. ان المحامي المحترم خالد ابوبكر ظهر في حياتي فجأه ليلة التحقيق سمع قصتي وطلب مني اعمله توكيل عشان يقف جنبي تطوعا منه وماسابنيش لحظة ..

السر.. ان صحابي الجدعان "بنات ورجاله" كانوا واقفين طول الايام في النيابه وقدام القسم بس عشان يحسسوني انهم جنبي ..

السر .. اني اكتشفت عظمة حب الناس ودعواتهم الصادقه كانت بتوصلني وانا لوحدي في الحجز

السر.. ان ظباط قسم العجوزه كلهم باختلاف الرتب كانو بيتعاملوا معايا "كانسانه"

السر .. ان ملازم اول اصغر مني بكام سنه من القسم قاللي "لما كنت في ثانوي كنت بتابعك في برنامج شبابيك واحس انك اختي انا واثق انك بريئه"

السر .. ان رئيس ووكلاء نيابة العجوزه في منتهى الاحترام

السر .. ان رئيس نيابة العجوزه رجل عنده ضمير مهني حقيقي بعد تحقيقات استمرت 3 ايام وبعد ما كتب مذكره تفيد اني مجني عليا ولست مدانه جه القرار بالحبس قاللي "انا بعتذرلك"

السر .. اني لما رجعت البيت كنت مشتاقه اوي لحضن "حلم" بنتي ولما حضنتها لقيتها اتعلمت جمله جديده "وحشتيني يا ماما"

السر.. اني عرفت قيمة سريري .. واني بعد 5 ايام من غير نوم نمت لمدة 6 ساعات فيهم البركه ولما صحيت لقيت 654 ميسد كول و 76 رساله بيباركولي..

السر.. اني لقيت اسمي "ستاتس" على الفيس بوك واكتر من 30 مقال باقلام كبار الكتاب عني في الجرايد والافات التويتات بتدعمني..

السر.. اني حسيت بوجع المظلومين

السر.. ان اكتشفت ان الظلم بيقوي

السر.. في سبحة "الطاهر" عمر طاهر

السر.. في الايه الكريمه "لا اله الا انت سبحانك اني كنت من الظالمين" اللي كتبتها على جدران الحجز عشان اي حد يدخل الحجز ده يقراها .. سحر ..

السر.. اني لقيت الوقت اللي افتكرت فيه كل حاجه حلوه ربنا اكرمني بيها في حياتي ولقيت نفسي محظوظه جدا بالاهل والاصحاب والاحبه..

السر.. ان لما افتكروني دراع ابويا عشان يلووه .. لاقوني ضهره المستقيم اللي مايتحنيش ..

السر.. اني افتكرت لما كان ابويا بيقعد معايا بليل في البلكونه اغنيله "حببتي من ضفايرها طل القمر" وهو يقرالي شعر من ديوان محمود درويش "لماذا تركت الحصان وحيدا" ودايما كانت تشغلني جمله في القصيده دي عرفت معناها دلوأتي "مثلما كنت تحملني يا أبي"..

ببساطه ..
السر ..

انك تعرف تشوف "المنحه" المستخبيه في قلب "المحنه"..

احمدك يا ربي يا حبيبي يا سندي واشكر كل حد وقف معايا ورد غيبتي ودعالي وساندني ..

سلمى صباحي

السر انك نصابة بنت نصاب

السر ان كل كلب وحرامى ونصاب يشتغل ناشط سياسى وهو يبقى فى الاماااااااان

الف مبرووووك و يارب تكون تجربه علمتك الصديق من الغريب