بسم الله الرحمن الرحيم
السلام عليكم ورحمه الله وبركاته
الى كل اخواتى وحبايبى الحلوين اعضاء وزوار منتدى نجوم مصريه والى كل اللى بيحبوا الفراخ النهارده اختكم وحبيبتكم داليا جيبالكم طريقه روعه لعمل صينيه فراخ فى الفرن واليكم هذه الطريقه بخطوات سهله وبسيطه جدا
المكونات:-
2 فرخه وسط ( حسب افراد اسرتك )
مكونات التتبيله
بصلتين وسط +10 فصوص ثوم +1 قرن شطه خضراء حاره+2 فلفل اخضر +كوب زبادي
2طماطم وسط+بهارات ملح و فلفل وكاري وبهارات مشكله وكمون +3ملاعق خل او3 ليمون
طريقه التحضير:-
نغسل الفراخ كويس اوي ونسلخ جلدها ونقطع الفرخه 6قطع ونشرحها كويس بالسكينه عشان التتبيله تدخل جواها وبعدين نفرم المكونات في الخلاط وبعدين نتبل الفراخ فيها ليله كامله بتبقي احلي وبعدين نحضر صينية الفرن ونفرش في الصينيه طبقه بصل طرنشات ونرش عليها ذرة ملح وفلفل اسود وبعدين نرص طرنشات بطاطس وعليها برضه رشة ملح وفلفل وبعدين نرص الفراخ وبعدين ضيفت ملعقتين زيت و2كوب ماء صغير ونغطيها بورق فويل وعلي الفرن علطول لحد لما تغلي شويه وبعدين نهدي النار علي 170 لمده ساعه وربع وبعدين نكشفها ونعلي النار عشان تشرب ميتها وتتحمر وممكن نشغل الشوايه لحد ما تتحمر وبعدين نسخن فخمايه اوي ونحطها في ورقة فويل زي الطبق ونضيف نقطتتين زيت ولما تدخن نغطي الفراخ بالفويل تاني عشان تاخد ريحة الفحم
بالف هنا وشفا