بسم الله الرحمن الرحيم
السلام عليكم ورحمه الله وبركاته
لكل اخواتى واعزائى اعضاء وزوار المنتدى النهارده ان شاء الله جيبالكم طريقه عمل كفته الارز وتعتبر هذه الطريقه من الاكلات اللذيذه والمفضله والمحبوبه لدى المستهلك واليكم اجمل واسهل طريقه لعمل كفته الارز بخطوات سلسه وبسيطه
المكونات:-
1 كيلو لحمه حمراء +1/2 كيلو أرز( او كيلو ارز بحيث يزيد العدد )+2 بصله كبيره+5 فصوص ثوم
3 قرون شطه+كسبره خضراء (حوالي ربطتين)+ملح+ فلفل + زعتر + شطه+ قرفه +بهار+كمون +كسبره ناشفه
الطريقه:
نغسل الارز كويس وننقعه نصف ساعه ثم نصفيه كويس ونسيبه ينشف تماما ثم نطحنه بالمطحنه لحد ما يكون بودره ونخلط بودره الارز مع اللحمه والبصل والكسبره الخضراء والشطه الخضراء وكل التوابل ونفرمهم بالمفرمه مرتين.وبعد ذلك ندهن ايدينا زيت خفيف ونصبع الكفته ونقلي الكفته في الزيت ونتركها تبرد تماما ثم نضعها في أكياس في الفريزر لحين الاستخدام.
طريقه الصلصه:
نشوح توم مفروم في شويه زيت ومعاهم ورقتين لوري ثم نضع عصير طماطم وملح وفلفل وكمون ولما تتسبك نضيف بطاطس مكعبات ونضيف الكفته ونسيبهم يستوا.وممكن تقدم معاه رز بالشعريه وسلطه خضرا
