السلام عليكم ورحمه الله وبركاته
الى كل اخواتى واعزائى اعضاء وزوار منتدى نجوم مصريه والى كل النحيفات اللاتى يعانن من نقص الوزن النهارده جيبالكم نظام السحرى لزيادة الوزن بسرعة مجرب ومضمون واليكم هذا النظام سهل وبسيط وغير مكلف يارب يعجبكم
كلامى خاص لكل نحيفه نفسها تتخن اهديكى هذا النظام الغذائى البسيط والمجرب واللى بيزود الوزن بسرعه والزياده هاتكون من(2---3كيلو)اسبوعيا ان شاء الله تعالى نظام امن جداااا ومفيهوش اى اضرار
اولا:.المفتقة
طريقة استخدامها
تناولى المفتقة على الريق وقبل النوم يوميا طبعا كلى منها على اد ماتقدرى مفعولها سريع وبيبان من اول اسبوع ومفيهاش اى ضرر ومكوناتها(عسل اسود-حلبه-مغات-سمسم)تشتريها من العطار ثمن العلبه ب7 جنيه)
ثانيا:.فاتح الشهية
وده فاتح شهيه (تريزوركس )ومقوى عام ومضمون
(طبعا لو شهيتك مفتوحه مفيش لزوم لفاتح الشهيه اما لو شهيتك ضعيفة تناولى فاتح الشهيه ده وهوه عباره عن شراب وطبعا كلى على اد ماتقدرى كل حاجه فيها سعرات حراريه بتزود الوزن)
ثالثا:.المشروبات
1-حلبه حصى محلاه بعسل النحل ملعقه واحده كبيره عسل وسكر حسب راحتك:.2 كوب كبير يوميا
2-حلبه خلطه محلاه بعسل النحل برضه ملعقه كبيره عسل وسكر:.كوب كبير يوميا
3-مكمل غذائى اسمه (جروث فورميلا)معاه لبن نيدو:.جروث فورميلا فيه منه نوعين للاطفال والكبار طبعا حتشترى اللى للكبار ( وثمن العلبه 28 جنيه) تغلى ميه وتجيبى كوب كبير تحطى فيه معلقه كبيرة من المكمل ده مع معلقه كبيره نيدو وسكر وتضيفى الميه المغليه وتقلبى وتشربى:.برضو كوب كبير او 2 كوب يوميا
4-شاى خفيف محلى بالحلاوه الطحينيه:.كوب كبير يوميا ويفضل مع طعام الافطار
رابعا:.الوجبات الثلاث
(الفطار والغذاء والعشاء:. تاكلى اللى موجود المهم تاكلى على اد ماتقدرى طبعا الحاجات الصحيه مش اى حاجه حناكلها برضو وتختارى الحاجات اللى فيها سعرات حراريه عاليه زى الارز والبطاطس والمكرونة)
خامسا :.مابين الوجبات
2قطعه شيكولاته صباحا بعد الافطار -الفواكه اللى فيها سعرات حراريه عالية زى العنب والتين والمانجو -تناول الحمص والسودانى والمكسرات --2او3 قطعه حلويات يوميا وبلاش نكتر منها عشان السكر
ملحوظه هامه جدا:-
(مش لازم تمشى على النظام ده كله لو التزمتى بالمفتقه على الريق وقبل النوم والحلبه الحصى بعسل النحل من(2-3مرات)يوميا حتشوفى نتيجه هايله من اول اسبوع اما لو التزمتى بالنظام كله يبقى خير وحنكون النتيجه افضل واسرع)